MimiLiu6125的个人专页

唔會推介呢間野比任何人 。其實我只係預早咗一日book枱，之後佢要我比deposit留枱，ok冇問題 。點知屋企人突然於當日過身，我即時通知餐廳我未能出席，其實我係相當明白餐廳唔會安排refund deposit比我，我解釋咗屋企人過咗身，只係要求佢extend比我一個月內再book返去食，但係餐廳都唔願意 。餐廳話我一定要一星期內去食 。最後我當然冇心情出席，好彩有朋友願意代我去，佢地食飯當日間餐廳都係得小貓三四隻，食物味道係可以，但係完全overpriced，唔值得呢個價錢 。另外，如果真係想試嘅，建議唔需要比deposit book枱，相信walk in都有好多位 。我諗一間餐廳嘅rating除咗食物之外，成個experience都好重要 ，所以我一定唔會再去 。…查看更多

佢個甜品真係好難食，難食到我完全食唔到落去。個芒果芋香波波仙草完全冇味咁，啲仙草食落有少少鹹，加咗兩粒湯圓入面啲餡係硬嘅。另外有一個芝麻糊燉蛋白加芝麻湯圓，就算啲湯圓係現成嘅都冇理由難食都咁樣 。雖然我哋係叫外賣，但係應該本身都已經係超級難食。老實講已經好耐冇食過咁難食嘅甜品，我係完全唔能夠夾硬食晒成碗，所以唯有只可以丟掉。建議大家唔好浪費金錢嘗試呢間舖頭，除非你想試下難食甜品嘅極致 。I would say that this tasted super awful. Do not recommend to any human being with a normal taste, but even if you are hungry or craving for dessert. This was most very likely the worst dessert I have ever had.…查看更多

朋友相約慶祝生日，揀左大坑呢一間小店居酒屋食物相當高水準，幾乎每一樣都好味！我地聽左店員推介叫左清酒煮白刀貝，白刀貝好鮮甜！！好食！！另外值得一提嘅係燒茄子平時我係一個唔食茄子嘅人，但係呢到嘅燒茄子好好味！但係我最鍾意嘅都係雞皮餃子！外層的雞皮燒到脆脆，內面嘅餃子多汁好味不過食嘅時候要小心，因為真係好熱😹但係最最最鍾意嘅都係燒雞皮！！燒雞皮真係世界第一美食！！配上清酒或者啤酒都係一流之選！！除左野食好味之外 呢間居酒屋仲好有人情味唔知係咪因為咁 都會吸引到好多熱情嘅客人成間鋪頭係打成一片 氣氛勁好絕對會帶多啲朋友黎encore之選！…查看更多