alling的個人專頁

平時食開街市30蚊燒味飯，次次啲叉燒都係乾瘦硬，後來都盡量唔揀叉燒食。今日黎紅磡針灸，路過一間燒味餐廳，門口放咗一盆靚叉燒，肥瘦適中，小小long邊，真係好耐冇食過叉燒，入去坐低嗌咗個叉燒燒鵝飯，65蚊，有湯有凍飲，份量係平時嘅1.5倍,抵食！叉燒好淋好好味！最後斬多半斤叉燒聽日食！老細見我影相好配合咁hold住盒叉燒俾我影哈哈，舖頭細細，所有員工都好nice，好有香港人情味！下次再黎食會記得嗌少飯啦…查看更多

荃灣真係美食天堂，因為今日趕時間所以求其搵咗間就近嘅餐廳，估唔到竟然都好好食！嗌咗佢推薦嘅二人餐，非常之抵食，有兩碗鵝油撈麵，半隻手撕雞，四舊豬手，木耳同埋雞腎小食，生菜一碟，湯兩碗，野飲兩杯，最後食唔晒要打包。鵝油撈麵可以話呢間餐廳嘅招牌菜，因為好少餐廳有而佢亦都做得好好，冇鹼水味，好香鵝油味，呢個一定要一上枱熱辣辣即刻食，攤凍咗面就會變硬！手撕雞好滑好香雞味，睇佢牆上介紹原來佢用嘅係三黃雞，難怪咁好食！豬手炆到好林冇牙婆都食到，味道啱啱好濃味得來不會太鹹，冬菇雖然細細粒但係好滑好入味！而最令我鍾意嘅係雞腎，淋得來帶少少爽，食得出唔係雪藏貨，我會為咗呢個雞腎返兜！木耳亦都唔差非常之爽脆好濃嘅蒜味！…查看更多

我哋兩個人嗌咗午市最平個餐食60分鐘,埋單先知原來有八折優惠，最後一個人三舊水有找。非常之抵食！！！首先，個環境非常之靚，日系和室裝修，望落去非常之舒服乾淨👍🏼我哋兩個人坐嗰張枱非常之大，放題枱嘅三倍😂。午市時間冇乜人，店員將所有枱安排最接近攞嘢食個位👍🏼然後我哋本身就係為咗活海鮮而去，去到果然冇失望，大大隻賴尿蝦，九節蝦任食，花螺同鮑魚我就麻麻哋，冇食到，藍花蟹細細隻但都好多肉。最後我哋食咗14隻賴尿蝦，6隻九節蝦，2隻蟹，仲飲咗三杯生啤，非常滿足！佢有成五款生啤任飲，都唔係大路牌子！👍🏼另外佢嗰度啲豬肉同牛肉都唔差，好食過同價位嘅但馬屋啲肉👍🏼值得一提嘅係，係我搣賴尿蝦呢度好那西嘅時候，有個職員主動出嚟教我拆賴尿蝦肉🥹令到我之後可以好快刷到完整嘅賴尿蝦肉👍🏼👍🏼👍🏼最後，我覺得都唔係好趕嘅，主要係學識左拆賴尿蝦，攞嘢食又好近，下次都會揀返60分鐘嘅餐…查看更多

呢間位於vcity附近嘅小店，平日4點黎都好full~坐位環境好乾淨，3位樓面姐姐好好人，斯文有禮！今日嗌咗豬紅豬皮牛栢葉兩份豬腸米粉。咖喱汁清得黎好濃郁，有啲辣，有譚仔4小辣咁上下嘅辣度，食到一半要加番汽水先食得落！豬紅入味好滑牛栢葉啱啱好熟，不會韌！豬皮吸晒啲汁超正，冇油溢味！最後豬腸係我鐘意嘅蘿蔔豬腸嗰隻豬腸，入味有咬口，好味到嗌咗兩份！揀咗四個餸都超好味唔伏，但米粉就有啲碎，底嗰啲要用湯羹筆…查看更多

黎流浮山辦年貨，順便試下網友推薦嘅后海灣小廚~今日係平日嘅1點鐘，其他海鮮酒家拍烏蠅，呢間餐廳係滿座狀態，需要等枱，非常巴閉。我哋兩個人，嗌咗三樣嘢食，分別係蒸蠔餅，蒸魚，海鮮泡飯。三個餐都係跟飯跟熱飲。蒸蠔餅$68切開嘅流浮山蠔加葱加蛋汁落去蒸,超濃郁嘅薑蔥味，蠔好鮮甜，一啲都唔腥，蛋好少，滿滿的流浮山蠔，送飯一流！蒸魚$48見平平地，嗌條蒸魚加餸，是日蒸魚有:䱽魚，三刀，細鱗我哋揀咗三刀，冇乜味，魚肉小霉，可能呢種魚本身質地係咁，下次會揀返其他魚海鮮泡飯入面有切開嘅流浮山蠔，蝦，花甲，蟹，炸魚全部都係新鮮嘅，尤其花甲好鮮甜。呢個泡飯係全場相對多人食嘅，可能係因為一次可以食咁多種海鮮。有下次:蒸蠔餅飯！！(好似話冬天先有，唔好錯過呀)下次都會想試吓網上好多人推薦嘅鼓汁蒸鱔飯…查看更多

下晝兩點經過見到有人排隊，咁啱想食車仔麵就入去試吓啦~自助付款買飛再去點餐，錢同食物唔會接觸到，呢個值得一讚。嗌咗四餸撈粗:冬菇豬腸牛腩豬爽肉冬菇炆得好諗滑入味，豬腸無異味又肥又諗(大部份)，啱曬鐘意食肥豬肉嘅我，牛腩口感幾好，唔韌但太咸，要放撈麵湯洗下先食到，豬爽肉爽口彈牙，味道啱啱好。蝦子撈粗無乜蝦子味，麵面頭有少許調味粉，食落似公仔麵調味粉，唔知想點，呢個面整體一般般🤓有下次:冬菇豬腸豬爽肉…查看更多