Habii的个人专页

講真，呢間啲牛腩真係幾好食，每次都有好多舊而且好入味，但好想講嘅係個啲呀姐嘅態度愈嚟愈差。呢段時間已經靜雞雞1蚊1蚊咁加都算。仲要加價兼受你地啲呀姐氣，真係幾好食都唔會再幫襯囉。😡每次買碗麵都要窒下人串下人，唔係貪方便同埋間鋪收得夜真係唔買。😡第一次買外賣想佢分湯，點知個短髮呀姐就話「本身會分架啦，問嚟做乜」呀姐... 知就唔會問啦。唔通專登問嚟比你串咩... 之後見佢比個啲辣椒油得好少咪問佢比多少少，就不斷窒頭窒勢話要加$3。我話比多少少都要，咁堂食點計... 佢話總之外賣就要，心諗你又冇寫明，明屈。然後好耐都唔係呢間賣外賣，寧願食另一間。到左早幾日係隔離鋪買茶飲時，咪順便買個麵食。入到去得3個員工。個長髮呀姐就慢慢包外賣兼吹水，個短髮呀姐就執枱中，得煮嘢個呀叔望住我，有禮貌問我食乜。咁我講完都加句走青就諗住比錢，點知2位呀姐態度超差不斷話「叫外賣叫完就行返出去啦，咪企係度」長髮呀姐直頭搵個身頂我出去咁滯... 我都著著地問係咪唔洗收錢，個短髮呀姐先埋嚟收錢。咁整好碗麵，我見個呀姐係度搞啲蔥我咪講多次話走青，佢就話「我知我聽到你講左一次就得啦，唔洗專登再講架，聽到架啦」呀姐... 就係見你係咁搞驚你無啦啦加落去，之後又串我咩🙄。之後佢包好晒，我又唔見佢比放醋嘅兜仔啦，咪話想要醋。😡之後就不斷講「我地唔比醋架，就咁淋上去架咋，要就比錢時出聲啦，宜家少人咋，人多唔會理你囉，你地應該早啲講啦，成日包好先講.........」然後佢落左好多好多好多醋。我心諗好彩我食，唔係我會叫佢換一碗。利申：我間中堂食，平時都係屋企人買外賣時幫我買埋。但呢2次外賣經歷，我會叫屋企人少啲買或者唔好再幫襯。因為唔想佢地買外賣時都受呢位短髮呀姐嘅氣。（聽聞係老闆娘）😡就算幾好食唔代表要受人氣。 奉勸呢位阿姐一句，唔想咁快執笠就唔該態度好啲啦。…查看更多

當晚卜左位, 去到已經坐滿人。服務員隨即比左個鍋同蟹&花甲先。隻蟹都幾大隻, 有手掌咁大, 重身。真心覺得隻蟹好食, 又有好多膏, 肉又鮮甜。花甲都洗得乾淨冇乜沙, 亦都係新鮮唔腥嘅。自選海鮮其中3樣, 除咗話好鮮甜之外, 就係好爽口。自選海鮮第4樣, 新鮮。自選海鮮第5樣, 啲蝦超生猛係咁跳, 啲肉好爽唔係"梅"。5款海鮮都真係好新鮮, 好好食。而其他自選配料都唔錯, 總之食得好飽好飽。到最後煲粥喇, 真心覺得好甜好味, 南瓜加粟米配搭完全係一流。不過有啲小風波, 食粥時要留意下有冇一點點黑色。扣分嘅原因係, 係粥到搵到芝麻咁大粒嘅昆蟲, 可惜太細粒影相都對唔到焦。而且又食到最後, 冇可能換湯底啦～所以衛生會扣分。而且服務員太忙, 嗌左4,5次先聽到。但呢個價錢物有所值嘅。…查看更多

早幾日即興想食火鍋, 平時見呢間好難有位, 試下即卜睇下有冇位啦～又有喎~咪試下囉。見到龍蝦花甲香辣鍋做promotion, 又中意食辣嘅我地就即時點呢個鍋。龍蝦生猛仲會郁嘅, 啖啖肉又有膏, 呢個真心有驚喜。花甲都唔錯, 份量好多好多, 但略為細粒, 不過都知道呢個季節同天氣唔會太大粒, 所以都接受到。要扣分一定係"湯底", 完全聞唔到香味, 食唔到辣味。同"香辣"兩字拉唔上關係。雖然見到有足夠香料但都食唔出任何味。因為個湯底咁, 之後食乜都扣左好多分。諗住響鈴包紫菜幾特別就試試。但係好失望, 連反炸都唔覺有, 好淋又油。浸落湯後好咸, 又唔脆。唔好有少少索索聲聖子王, 冇特別。值得一讚係冇沙👍, 洗得乾淨食得安心。大份安格斯牛, 肉質唔錯, 不過淥個落湯底就我覺得浪費咗少少。太耐冇食過鵝腸, 夠肥美係幾開心, 但唔知係咪發脹發得太勁, 有啲怪怪地。論驚喜, 半份和牛芝士丸算係最好食值得推介。因為就算清水淥都好, 都已經有味。而且呢個係我食得最開心嘅一款食物。另外餐廳都貼心, 櫈下有籃可放嘢。服務都幾好, 不過就係冷氣機啲風口位會滴水, 都唔知有冇滴左落個鍋就真。整體某啲食材都尚可接受, 但以呢個價錢, 其他同價店會較出色。本身好期待個湯底, 但就因為湯底, 我未必會再食lu...…查看更多

當一品開業冇耐就成日幫襯,開頭都覺得好食, 終於搵到一間食到雲南米線嘅精髓嘅店。尤其麻辣、酸辣湯底, 比起其他店舖, 值得一讚。湯底足料, "麻辣湯底"未食都聞到麻嘅香味, 食個陣唔會覺得只得辣而冇麻嘅感覺。"酸辣湯底"值得一讚係啲酸菜, 唔係間間店舖都會有酸菜。有個鍾情酸辣湯底嘅朋友完全讚不絕口。👍👍 所以成日都約埋朋友一齊嚟食。豬腸麻辣米線。呢間米線鋪, 我食過至少20次甚至double, 堂食外賣樣樣有, 高峰期試過連續幾日都食。所以一定係super fans! 原先打算寫食評大大推薦讚揚呢間小店。不過直到新年後, 店舖質素大大失準。失準到我明明想比好評, 最後首先講返讚不絕口嘅湯底。任何湯底, 雖然仲有麻辣味同酸辣味, 但係多咗一份超濃郁嘅"味精"同"咸"味。咸到食完後大半日都好口渴, 仲會keep住條脷好咸, 飲好多水都沖唔走啲"咸"。就算保持返足夠嘅配料、原有風味都令我不得不卻步。其次係餸嘅份量偏少, 分分鐘車仔麵店嘅份量仲多過佢。 以下係我食過咁多次嘅分享成果1. 丸: 印象中得2、3粒。由於食過蟹子丸同墨魚丸1次覺得頗差, 所以新年前一早已經black list。2. 雞翼: 2隻。大大隻, 好香鹵水味又入味, 唔會咬落好硬。 6蚊2隻都可接受。3. 豬耳: 體積時大時細, 份量還可以, 都算入味。可能叫2份先會覺得夠。4. 蘿蔔: 大大件, 推薦食酸辣湯底時點, 保證入味。5. 豬腸: 食麻辣湯底好食, 可惜份量一時時, 有時嗌2份都會覺得同平時1份差唔多件數。6. 雞絲: 真心最難食係呢個。個啲雪藏味真係酸辣麻辣都掩蓋唔到, 仲要啲肉好"孩"。原因係食幾次都見佢啲員工係個盒到拎啲早就烚好而再雪返凍嘅雞胸肉出嚟手撕。冇理由未熟都撕到啲雞絲啩。 呢個真心差。7. 肥牛: 件數認真少得可憐。將塊肥牛一開二都算, 分分鐘仲細粒過隻手指公, 仲要一份數量都唔同, 頂多比到盡得"8粒"左右, 但肥牛係要+$8。 有啲離譜囉。8. 墨魚頭: 不錯之選。7. 竹笙: 夠爽, 唔會淋晒, 啱啱好。另外, 小食份量少, 唔值呢個價錢, 偏貴。尤其麻辣小食, 原本以為好似出面啲店舖咁撈埋一碟, 但佢地係分開上。小食上淋豉油, 麻辣醬放旁邊。之前叫過麻辣豬耳、腎片, 本身已經係鹵水, 仲要淋豉油, 點知啲麻辣醬又係偏咸。即係咸上咸再咸。呢啲小食真係好失望。最後想講嘅係, 有時想走某啲配料同飲品少冰少甜, 係呢間店係好難做到。我都明會失手, 但係次次大大隻字寫明走芫茜同蔥, 張單寫咗都好, 廚房都係照比你。明明寫少冰, 都會比半杯冰。落車嘅好多時都唔理需求, 唔會幫你寫個米線走乜走乜, 飲品少乜少乜。雖然新年後都有好轉, 都會落返足少少, 但廚房個邊仲係繼續唔理。仲記得我地圈晒要點嘅嘢之後, 同職員講麻煩落返走青, 因為已經好多次寫住走芫茜同蔥都冇走到。點知個女職員答咗我一句"你同我講冇用架, 又唔係我幫你入機落單... 有時落單冇落到都係咁架啦" 嘩! 咁不如你比部pad我地自己落單又或者好似大家樂排隊買飛, 咁就唔洗麻煩你地專登過嚟寫枱號拎個餐牌比收銀同事入機。整體上愈來愈失準, 但係始終當初開業時, 的確好食, 如今的確令人失望。就連身邊嘅朋友都愈來愈少去食。…查看更多

每次經過也想試, 但也等候很久而放棄。當天下班後打算跟朋友吃三哥, 但看到餐廳沒有人排隊, 所以終於有機會試一下了。加上朋友說很抵食很好味, 所以我二話不說就拍板入餐廳。之後我們二人就點了二人餐, 其份量足足可以三個人一起吃。忌廉湯, 很香很滑。有種想繼續翻喝的感覺。炸蝦沙律, 炸蝦不油膩。我個人比較愛吃這種罐頭雜果較多, 簡單清新好吃。Pizza超足料, 可以拉芝啊～不會太咸, 所以吃多幾片也不覺得重味精。魚柳焗飯, 其實這個飯真的很好吃, 可惜太多飯, 至少4至5碗飯左右。肉眼扒。一個字"掂", 叫7成就是7成, 剛剛好, 份量也是大的, 肥膏不會太多。沒有鬆肉口感。試過就好知道甚麼是高質牛扒。事實上並沒有想過粉嶺有一間隱世平民化又高享受的西餐廳。服務不過不失, 但的確食物質素很好。唯一的缺點是風口位太多, 吹到頭暈又凍凍的。希望可以改善一下。…查看更多

看標題的話, 應該會覺得是負評。實際上, 我是覺得還可以的。首先是因為香港實在很少有live band或是音樂餐廳, 其次是食物方面選擇多, 而且亦很新鮮。 兩個人吃, 第一時間拍一張食物大合照。單單看牛肉就已經覺得不錯, 鵝腸呢… 比較似鴨腸多, 但勝在不酥夠肥美。整體上, 款式多, 真的不錯。不過免費送的刺身就…… 算了。我覺得不吃比較好。到湯底了, 滿心歡喜點一邊是麻辣大辣, 以為會很辣, 可惜令人失望。雖然眼見很紅很紅的, 可惜那些乾辣椒一點也不辣。不辣也會有麻味嗎? 對不起, 令愛吃麻辣的人失望了, 因為一點兒麻味也沒有。我們唯有問職員可否加麻加辣, 職員其後給了我們一大碗, 我們也將整碗倒入鍋內, 可惜… 也是不麻又不辣。苦惱之際, 我走到醬料處拿一些新鮮辣椒放入鍋內才開始有辣的感覺。 而另一邊湯底是清湯, 沒甚麼特別。點料紙有蒸鍋, 就是鍋的中間再放一個蒸鍋。這個就不建議吃了, 我也點了一次就放棄了。加上放上這個蒸鍋後, 比較麻煩。題外話: 所有職員也很盡心盡力服務所有顧客, 值得一讚。但是, 音樂方面, 的而且確像其他評語一樣, 有點不堪入耳。環境很好但很嘈, 就算跟身邊的人說話也要大大聲。因此會否再去, 真的要考慮清楚。…查看更多

早前跟 brother 去大埔逛街, 之後找了好幾間餐廳也沒有心水, 看到這間拉麵店在大埔超級城有2間分店, 其中1間排長龍, 而這間不用等位所以決定試一下。我們點了2款拉麵: 黑豚角, 白叉燒黑豚角一大半是肥豬肉, 其實有點兒難入口。有些蒜香味但很淡, 而黑蒜湯底是只有油味及濃濃的味精存在。 拉麵少得可憐, 而且真的很油。白叉燒薄薄的2片叉燒, 也是濃郁的味精, 很咸。湯底比黑蒜好一點。但也是很淡淡淡的。假如鼻塞的話, 應該只會覺得很咸罷了。吃過後, brother說不會再幫襯了。正所謂"一分錢一分貨", 這個價錢我已經吃到數碗譚仔了。而且, 我們離開後也各自買飲品止咸止渴。…查看更多

睇開飯喇見到評語唔差又咁啱經過, 入去試下。服務就集團式服務, 算啦！價錢呢… 有啲好貴但有部份又幾抵, 見仁見智啦。由於我已經忘記咗實際價錢。1件叫-頗貴, 但勝在新鮮, 海膽唔腥。魚生飯嘅價錢同其他餐廳差唔多。刺身都新鮮, 但唯獨三文魚唔係咁好食。唔抵食。因為明明餐牌張相唔似肥牛, 點知嚟到係肥牛即刻冇晒興趣, 蕃茄湯底唔好食。火炙咖喱三文魚, 可以試下, 好香咖喱味。芝士厚玉子, 其實算抵食, 但唔熱。上枱時已經凍凍地。抵食之選👍 炸得唔錯, 唔選好油膩。食落唔會啖啖油。貴貴貴真心唔好食。完全覺得個蠔殼係重用! 而粒蠔係急凍嘅。食時蠔同殼自動分開, 有一舊肉係痴住個殼。唔新鮮又腥, 完全似食緊超市嘅急凍蠔。呢個有驚喜, 中意食鵝肝嘅朋友可以試下, 原本以為只有一塊鵝肝點知原來有兩塊。都幾厚肉。左口魚好食但帶子冇驚喜。壽司略為貴啲, 但勝在多款式。其實餐牌有好多選擇, 所以唔一定會食得好貴。某啲食物其實都有驚喜, 不過可能我揀得唔好, 所以今次覺得有啲失望。不過都會再去多次嘅。…查看更多

由於想食西班牙海鮮飯, 又見到呢間餐廳好評多多, 所以就係openrice訂枱。 原本以為職員會打電話嚟確認訂枱, 點知係冇嘅。本身見到有$198嘅set dinner 但職員話要提早一日訂, 所以就叫咗個$468二人餐。前菜-24個月火腿冇乜特別, 食落似一田出品。白酒、蒜粒、牛油、蜆味道如上, 啲蜆煮得啱啱好。只係啲汁攪唔混, 有啲只有白酒味、蒜頭味。主菜1 - pizza只有一個pizza揀, 其他係飯同意粉。餅底薄而脆, 芝士可以拉到好長好香, 但頗咸。入面有辣肉腸但食唔出。主菜2-肉眼扒都幾大塊, 由於本身用鹽醃咗, 我建議唔點醬料會好食啲。叫咗5成熟, 唔錯唔錯。之後飲品2杯, 咖啡有多款選擇。仲有檸茶檸水等等, 冇乜特別。不過有果汁飲。由於唔夠飽又想試下西班牙海鮮飯, 單點一個細份。$162呢個真心好睇唔好食, 好咸好重味精。由於放咗三文魚, 食到有啲腥味。最後叫咗甜品 $58。除咗個海鮮飯有啲失水準, 其他嘢食都唔錯, 以呢個價錢食到呢個水準都唔話得。不過服務方面就一般, 因為上菜速度快, 有個職員好似厭我食得慢咁。另外餐廳屬於商場內嘅開放式, 人流唔多。不過今日可能太早去到, 唔算太多人而且有訂枱, 所以坐得幾舒服。…查看更多

經過過無數次想食，終於同男友一齊去試下。因為有崩沙腩同唔同腩位，所以都幾期待。點知服務一般，落單時唔耐煩。最中伏嘅係個兩碗清湯腩……我叫左個牛坑清湯腩粗麵，男友叫左個崩沙清湯腩飯。一上菜，個碗好大，好多湯。牛腩呢？4粒仔…… 嘩~ ＄7x仲未加一嘅一個崩沙腩飯真係少到眼都凸。仲要冇肉嘅…… 到牛坑腩麵，都係多湯，牛腩係碎嘅4粒仔。最過份係，一碗兩大舊蘿蔔放底，另一碗得一舊。＄40嘅雞翼都係伏，得4隻……味道非常一般，根本同好食拉唔上關係。啲湯好油，牛腩冇味，就連辣椒油都唔辣。水又冇杯…… 焗人叫嘢飲。雞翼就冇特別，但一定唔係自家制，只係有泰式辣醬點下嚟食。兩個字：唔掂連外面＄30一碗嘅都好食過呢間。…查看更多

其實幫襯過無數次，服務質素要有禮貌已經好好唔強求。但今次飲完之後，應該長時間會唔買住。近日經過時，就買杯抹茶奶蓋飲啦。眼見我個no.前嘅人全部拎晒啲飲品，我就見沖緊我本嘢嘅女職員，邊沖邊停邊擰轉頭講嘢，持續咗幾分鐘，最後今次打算唔講“少冰”但啲冰有4分3咁多嘅情況下，我終於拎到我杯嘢。正當我走左冇耐，搖搖下我杯嘢時，發現入面有條長頭髮。之後再搖多幾下，發現入面係有數條頭髮。超噁心。所以返去左同啲職員講，點知收銀果個笑笑口拋句對唔住，就走去後面叫人整過杯，我就話要少冰。佢都冇回應，我前後講左3次，佢就唔份氣話“我已經講左”我就叫佢擰轉面睇清楚先同我講……搞左好耐先同我搞掂杯嘢。真係有少少嬲。 附送影到嘅一條頭髮嘅飲品…查看更多

有人推介話幾抵食，今日5人行去食。開頭都覺得幾開心，有火鍋燒烤同蒸。點知7點幾已經好少食物供應，牛柏葉、蓮藕、豬皮已經冇晒。 9點左右連粟米、生菜、油麥菜等都冇再提供。啲湯愈黎愈咸，麻辣名符其實唔麻唔辣只有超級超級咸。問晒其他人，1個不予置評中既負評，4個負評。其實冇服務態度可言但要加1，不過加唔加1都好，今次食過唔會再食。…查看更多