Manes的个人专页

尖沙咀商場，地點方便，環境舒適，午市套餐，算非常抵食，不用加一，試了 忠孝牛肉湯麵，麻辣湯鹵豆腐，紅燒半筋半肉湯麵，涼拌酸辣貓耳朵（即雲耳），牛肉份量足，味道不錯，凍台式咖啡，啡味濃，凍飲都不用加錢，讚👍🏻讚。…查看更多

👍🏻👍🏻🙂 上環好食又抵食的下午茶，喇沙湯底濃郁，有層次，餸料蝦，魚蛋好味道，唯（我個人覺得）魚蛋差一點，如能用白魚蛋就更佳，但只係要我食湯底淨麵已經絕對會，真係好味。海南雞飯 ，雞肉軟滑處理非常好，熱辣油飯非常香，但又不太油膩，冬瓜雞湯亦什好味道，下午茶配對嘅飲品先至有驚喜，居然有啤酒，荔枝青檸的特飲，正常飲枝啤酒都收你30-40元啦，居然下午茶附送，不需要另外加錢，👍🏻👍🏻👍🏻👍🏻💖無敵，室內環境舒適，乾淨，推薦。下午茶時間，星期一至五，2點至6點，最佳是星期六，日都有，3點至6點。馬來西亞/星加坡知名料理「叻沙/喇沙」，喇沙麵食曾經被CNN旗下的旅遊網站選為全球50大美食中的第7名，有美國的網路媒體將它列入死前必嘗的世界十大美食之一 😬😬😬。…查看更多

位於觀塘往北角渡海碼頭旁，熟食中心內，電視採訪，特色星馬食品，星期六，日及公眾假期都休息，星期一至五，只做中午（11：30 - 15：15），沒有早，晚市，（老闆真有生活😬😬），食物味道不錯，比較重口味，推薦 黑豉油撈粗，配 大細腳（豬腳，雞腳），或豬扒，雞扒，新鮮豬皮（第一次試到，非常特別，未發現有其他店舖供應），冰白咖啡（合我口味），但肉骨茶，及薑汁咖啡（個人不太喜歡）。總括非常多客，外賣，堂食，要有心理準備。。排隊，最好12點前光顧，就多不用等位，還有 這熟食中心，清潔，進食環境，仍停留在40年前，如果你對環境有要求，可能嚇親妳。。。🙄🙄…查看更多

確實好食的 意大利薄餅 pizza ，初看價錢稍貴，但以制作方法及品質計，食後覺得合理，Pizza的種類，有很多材料款式選擇，餅底尺寸分別有13” 和 18” 的選擇，我們 2人 選了一個 13 吋 ，Canadian 和 Crazy Cheese 配料，（可選揀一半一半味道），好彩沒有叫其他意粉，沙律，感覺真的非常飽，否則必然要拿回家。(餐廳內燈光暗黑，相片拍攝比較差。) 睇介紹 主要材料都是來自意大利，餅底更使用了意大利拿玻里師父百年御用教父級的 Caputo 的 00 麵粉，每一個麵糰都需要經過48小時的發酵，而且100% 全人手製作，所以每一個pizza都是心機之作。然後放進華氐800°F的高溫烤爐，約90秒再取出，烤出拿坡里 Pizza 的獨特豹紋，整個pizza中心濕潤外皮薄脆。沒有訂座服務，必須排隊等候，要有心理準備。…查看更多

假期日都有下午茶餐，店舖離長沙灣港鐵站都有少許步程，需步行10分鐘內左右，裝修雅緻，算舒適，見有下午茶，用 手機落單，即試 海南雞飯 $58 改加 $10.- 就有肉骨茶湯，份量剛好，雞肉合格，但不可以話好好食，但絕不差，配凍飲都係 加$3.- 飲品亦有多款選擇。。。星洲叻沙摻摻 $55，辣味剛好，料足比想像中好，蝦都有2隻，青口，魚蛋，油麵，米粉，魚條樣樣齊。。。好過好多店，食後評論，會推薦朋友嚟試（20211014）…查看更多

第一次試這店，行經銅鑼灣，見到裝修非常有泰式風味，又舒適，人唔多，下午茶到6點（星期一至五先有），問店員（可能係店主）下午茶船麵會唔會細碗些，話會一樣大細，絕對唔會細咗，下午茶配搭，湯有三種 船湯 ，冬蔭公，清湯底，肉，有 牛肉，豬肉，雞肉，麵有 河粉，薯粉，油麵，等等，自由加飲品，加小食，非常靈活，我們柯打了 牛肉船麵配薯粉，（船麵湯底比較甜口，與在泰國食非常近似，夠地道）冬蔭公雞肉河粉，（冬蔭公湯底，有誠意，湯底材料新鮮，辛辣味足）青檸梳打，泰式鳳爪，4款都好好味，無負評，總共 $138.- ，唔錯。。。…查看更多

經過銅鑼灣，要食午餐，突然諗起 利舞臺18樓，韓國菜 新XX 餐廳（同一層新XX，食過幾次都好好食），升降機到埗，步行前往時，見到 這間 Dodam Chicken ，門口個餐牌實在太吸引，價錢合理，其實係好抵，食韓國烤雞，不用過百元，七十幾元就有交易，即時變心，確實抵，食後評論，美味，雞上枱好大碟，超值，無將貨就價，絕對夠飽。餐廳舒服，寬敞。午餐餐牌除烤炸雞外，還有很多韓國菜選擇。（要說明😬😬不是廣告試食，沒有受款待。。）香蒜蜜糖烤雞 （$72.-），蜜糖汁烤雞剛剛好，不太甜又夠熱，黃金鹹蛋脆雞（$78.-），好邪惡但又實在 好脆好好好味。。。😁❤️，很耐先食一次，唔會死嘅。。兩款烤/炸雞都非常美味，包 每人一罐 韓式飲品，或柚子茶，（有一個雪櫃自取），另外自助形式（銀盤放置在一餐枱上，自取）任食的 韓式炒粉絲，韓國泡菜Kimchi（😅😅現在係咪要叫 辛奇。）。…查看更多

第一次光顧這裡，很久以前在報章知道這是社企項目，上海街非常近旺角港鐵站，食後評價。。。食物 試了 蝦叻沙，新加坡炒蘿蔔糕，兩樣味道唔錯，南洋咖啡（熱）沖時已經落奶，糖，所以如果想少甜，落單嗰時講清楚，價錢不算平宜，服務因工作人員背景，不能苛刻。㕑尊為各類殘疾人士創造就業機會，包括精神病、肢體殘疾、 智力障礙等等。確實心存感恩，香港需要更多這些良心社企，非常值得支持，下午茶時分，客人不多，有冷氣高樓底舒適環境（當然沒有豪華裝修），坐幾耐都得，傾計聚會好地方。香港㕑尊用新加坡普及的大牌檔模式，有七個檔口， 全售新加坡著名美食，包括叻沙、海南雞飯、咖央多士，肉骨茶，新加坡海南雞飯，香菇肉碎麵，炒貴刁，多士，糕點，馬來西亞咖哩椰漿飯 等， 每檔有其專屬㕑師。殘疾人士受訓六至八星期後， 按其長處安排工作崗位。. …查看更多

家人中秋節約食飯，諗下去邊度食好，最後去咗黃金海岸，遊艇會旁，散步遊覽後再食飯就最啱，中秋節佈置如果駕車就最方便，有停車場，消費滿$300元，有2小時免費，家人做節，選了這間 中菜，（晚上沒有點心供應，做小菜）金功夫點心小廚，上菜後，相當有鑊氣，估唔到樣樣都似樣，沒有一樣劣評，乳鴿最驚喜，40元隻，大隻肉又幼嫩，（好快賣晒），原裝美國桶蠔 $178 ，黃金百味豆腐 $42 ，大龍躉兩味 $298， 蜜桃咕嚕肉 $78 ，瑤柱蛋白炒飯 $98 ，豉油王銀芽炒麵 $88 ，紅燒乳鴿王 5 隻 $40.-隻 $200 ，魚露乾煎虎蝦 $78 （這是特價菜，有幾款選擇，6人以上可選用2款），餐前花生小食 $30.- ，茶芥 $10 位 。人頭平均，每人不用$200，晚飯計，算可以。。…查看更多

失望，失望，失望，一心來試北京填鴨，餐牌標價 $568 一隻，半隻都要$298，坐低柯打後，（在你面前切，原來真係唔好諗。。）但最最基本的食物要求，居然 北京填鴨 是不夠熱，肯定切定幾碟，放涼了，包鴨皮上枱又唔熱，柯打半隻，上枱得幾塊皮，肉得幾舊，另外加錢，炒义子鴨肉，完全不熱，一早炒定，就上枱，評論。。。差。。差。。差，千萬別做傻仔，做生意做成咁，之前食 星x行 北x樓 北京填鴨 好味好多，及高十班。。簡直天與地 。…查看更多

在尖沙咀，沒有時間食午飯，要四處搵食，這店下午茶時段（1430-1730），要介紹一下呢間，是我意料之外，有驚喜，價錢合理，環境舒適，食物大件夾好食，在K11商場內，算數一數二合理，叫了三個餐，三杯飲品，都非常佳，超大 原隻鹽酥雞翼 三大隻（$48）加小碗滷肉飯（$18.-）配濃香冰咖啡（咖啡味濃）不用加錢，超級推薦👍🏻👍🏻，（淨食三隻雞翼加飲品，連加一只係要50零元，最抵食）稻埕牛肉麵（$68.-）配凍柚子梳打，牛三寶牛肉麵（牛腱，牛肚，牛筋）$65.- ，香辣牛肚絲，黑麻油雞翼（兩樣 $44.-）加 黑糖珍珠奶蓋 （餐飲改加$8.-），小食 及飲品是自由選擇及配搭，不是硬性指定，讚，夠靈活。。我下次嚟要試這裡的甜品。凍柚子梳打， 黑糖珍珠奶蓋 （餐飲改加$8.-）濃香冰咖啡（咖啡味濃）不用加錢，超級推薦👍🏻👍🏻稻埕牛肉麵（$68.-）牛三寶（牛腱，牛肚，牛筋）$65.-超大 原隻鹽酥雞翼 三大隻（$48）超大 原隻鹽酥雞翼 三大隻（$48）加小碗滷肉飯（$18.-）配濃香冰咖啡（咖啡味濃）不用加錢香辣牛肚絲，黑麻油雞翼（下午茶加配兩樣 $44.-），只係要一款 $24.-…查看更多

旺角市中心位置，（比較近油麻地港鐵站），樓上店鋪勝在室內裝修環境舒適，選了特價時段，有七折優惠（訂座優惠），藍莓乳酪沙冰（$58.-），好味道，韓式煎蔥餅（$108.-），亦相當好味，厚度適中，配上醬汁，半半炸雞 （$178.-）（可以選兩款味道），韓國炸雞（有骨炸雞，以雞髀一分為二製作，非全雞型式）喜歡食雞髀朋友啱晒，店舖亦提供，可選有骨，無骨，夠晒靈活，上枱所有食物都熱辣辣，味道不錯，值得一試，價錢算合理。…查看更多

看到報導介紹這間豬扒店，（暫時有 中環，銅鑼灣，長沙灣 三間店），一直都好想去試，今天專登來，現在改了星期日都開門，下午4點零到，所以冇咩人排隊，之前晚飯時間常常見到有人龍出現，一坐低我已經知道自己想食咩! 必點 (蔥油炸豬扒飯)，改撈粗麵，另外點了 (秘製炸豬扒肉燥汁 幼麵) 食物來到，好大份炸豬扒! 麵及豬扒都份量十足，同埋 真係有好多好多蔥呀! 本人非常愛食蔥油的! 價錢算平宜。。 由荔枝角及長沙灣港鐵站步行約8分鐘。…查看更多

餐廳在大型商場內，元朗港鐵站前來，全天候冷氣通道，8號風球都唔怕，座位環境舒適，燒爐抽煙良好，計嚟計去，入座前要先選定那一款，入座計一百分鐘，用手機落單，今次選擇了 C 餐，加 早鳥優惠，無論選什麼餐，入座就會上一個併盤，比你試食，樣樣有些，包括貴價肉，👍🏻 美國牛肉，封門柳，肉質以價錢計，海鮮類，絕對翻本，（睇下超市賣幾錢就知），沙律，湯，小食，熟食唔多（要試炸雞👍🏻👍🏻），有飯，麵，魚生刺身都可以，自助飲品機，罐裝飲品，雪條食了很多條。。（加用埋迎新優惠），$540.- 兩個人，抵👍🏻👍🏻滿足的一餐😍…查看更多

試了午餐抵食，午市套餐星期一至日都有，牛扒，薄餅都推薦，澳洲肉眼扒， 雖然是澳洲牛 14 安士，無筋靚牛，肉味香濃，絕對夠大件，但提議要5成，始終控制差些，嚟到變成 7成熟。。今次都無例外。。薄餅自家手打製，芝士夠重手，好味加夠晒大份量，一個人真係食唔晒，凍焦糖咖啡，椰菜花湯，各款都 👍🏻👍🏻👍🏻之前曾經食過晚餐，貴很多，餐廳環境舒適，服務都可以，晚飯。。西班牙餐廳，平宜就一定不是，耐唔耐嘆下，約朋友傾偈好去處，氣氛一流。…查看更多