紫揚晴海的個人專頁

一直都知呢間cafe存在，亦知道大概位置。早幾日趁睇show前幫襯，結果大失所望。呢個食評唔太多相，純粹抒發感受。環境：地舖來說，應該比附近其他cafe就腳。可惜，餐廳對西斜時間的陽光處理幾乎是零。冇簾遮住，食客要晒住食。裝修：開始有點殘舊，似乎冇乜裝飾。食物選擇：當日下午五點多到達，有一張tea menu在cashier側邊，順理成章以為係tea set，原來冇set的。tea menu係tea time供應的食物，有cake有輕食同pasta，飲品另計，所以價錢少貴。食物質素：撇除價錢定價，食物質素普通，明太子雞翼（$88/3隻）係氣炸鍋食物，冇乜明太子口感。蜆肉pasta （$148）入口微辣，味道合格但感覺偏油。服務態度：重點來了，兩位店員（1男1女）面口都好黑，女的黑口黑面咁送咖啡到我地面前；到我地食到差不多尾聲時，男的過來收碟，整跌了餐具在我地面前，完全冇反應，sorry or 唔好意思都冇！唉，明星效應並不是永恆的……查看更多

第一次來到綠茶餐廳，之前經過其他分店，見到餐廳門口會有人彈奏中樂，好有特色。是晚適逢去了奧海城附近，就一於搵食搵到去大角咀。先來一個開胃的涼麵： 三色雞絲涼麵（$48）賣相好得，價錢合理，味道帶點酸辣，好開胃的。再加一個土豆芝士塔（$22）： 感覺似葡撻的鹹味版本，細細地一個可以過下口癮。香鍋花菜（$68）：平常港式餐廳比較少見的煮法，好惹味的炒椰菜花，送飯一流！龍井烤雞（$138）：店家先比我地影相，然後幫我地剪開雞件。好香茶薰味，入口就肉嫩多汁，推介必點。雞汁黃魚（$158）：黃魚非常嫩滑，特意揀了不辣版本食個原汁原味，但其實都仲有好多口味，下次再食！…查看更多

位置方便的啟德站Airside商場，自開幕以嚟都成日會過來，除了買日常生活用品同入戲院之外，都會喺呢度搵埋嘢食。B1層嘅chatterbox，係我每次想食海南雞飯嘅回頭餐廳之一。文華海南雞飯（$138）配上秘制醬汁同油飯，一個人每次都不經不覺食晒成碗飯。鹹蛋雞翼（$72）一份有四隻鹹蛋雞翼，每一隻雞翼都沾滿鹹蛋醬汁，非常惹味同香口。黑醬油炒鮮蝦蘿蔔糕（$96）充滿新加坡特色嘅炒蘿蔔糕，配上香甜嘅黑醬油，味道鹹鹹甜甜，個人意見如果蘿蔔糕大粒啲就冇咁容易散開，口感會更好。總結來說，chatterbox係我嚟親呢度呢個商場一定會回頭encore嘅餐廳。呢度仲係pet friendly架，帶狗狗可坐門口位置。…查看更多

未走進sooo oyster餐廳之前，我一直以為呢度只係主打生蠔，其餘食物只係配角。但前幾日食左一餐晚飯後，我完全改觀了。餐廳不但有每日精選生蠔，仲有其他美食，例如前菜、小食、pasta、主菜、甜品等等。是日生蠔有6款，聽從店長推介，order了其中4款，價錢都係$50-60左右。無論係來自韓國的Korean blue ，或者係法國蠔例如castle black ，入口都好鮮味，視乎個人鍾意重海水味定爽口度多d。原來餐廳有添置一個專屬雪櫃雪生蠔，溫度夠低之餘，亦係即叫即開，確保可以保存到生蠔的鮮味。當然仲有個人最愛的經典龍蝦湯（$138），雖然我冇問到餐廳的廚師係咪來自酒店大廚級人馬，但簡單如一味龍蝦湯都可以見到廚師的功架。味道濃厚而不過膩，龍蝦肉份量下得剛剛好。最後仲想加個主食增加飽肚感，見到有款bucatini，中文名叫意式吸管麵（$178），形狀名付其實好似一條條細飲管，配上牛肩肉同番茄醬汁，醬汁沾滿每條「飲管」，好開胃呢。下次一定要去二訪，食埋其餘款式的pasta同前菜，當然唔少得是日精選生蠔啦。…查看更多

來到棋子燒鵝食飯，必點燒鵝是常識吧！個人推介原隻燒鵝脾免切！配飯或瀨粉都好食！$123買來一股霸氣，一口口啖啖肉，肉汁得以保存，已經顧不得什麼是儀態了。店外掛爐燒鵝燒味都非常吸引，油亮油亮的令人食指大開！貪心d可以叫燒鵝五寶飯（$83），雞脾位加$12，五寶有燒鵝、叉燒、油雞、紅腸同鹹蛋。叉燒選用腩叉位，半肥瘦的！正！為了令自己營養均衡d，另加油菜一碟。店內另有一人/二人套餐，其實價錢更抵，但我為了食免切燒鵝脾就散叫了。…查看更多

樂富alfafaCP值好高的cafe！dinner set由$78起，大部分都係$100內。大西洋鱈魚柳照燒汁炒意粉（$92）味道似日式西餐，偏甜。焗非洲春雞半隻配薯蓉（$138）春雞肉尚算嫩滑，醬汁非常濃厚，搭配下層的薯蓉就好夾了。套餐可以加配餐湯或alfafa招牌沙律（$12）亦可加配不同小食等。例如呢個香烤雞翼配燒烤醬（$36）飲品之中的熱蘋果有機茶幾香，重點係不用加錢呢！平日晚上幾好坐、幾舒服😌…查看更多

位於觀塘海濱道的MG cafe ，入夜後變了一個chill的用餐環境，兩口子安靜地enjoy一個6-course晚餐，坐得舒服又好味。dinner menu (有6 course 同8 course)第一味係法式餐前小點，分別係青椒皮蛋同螢光魷魚撻，帶點fusion feel，幾特別。餐飲係lemon lime，酸酸甜甜，好開胃。呢一份係前菜…要比d想像…上面白色係蘋果泡沫，下面有帶子刺身、海膽、三文魚子，口味酸甜好開胃。另一味前菜係較為重味嘅黑胡椒法式焗藍蟹肉，啖啖肉好滋味。pasta同主菜前，先來一個榛子烤椰菜花濃湯，口感creamy好夠rich意粉時間，分別係蜆肉車厘茄珍珠麵，以及豬肉醬手造gnocchetti…外面比較少食到咁有特色的pasta呢！主菜亦有心思，包括招牌三黃雞，三文魚子海鱸魚帶子mousse卷每樣份量都剛剛好，主菜兩款都有特色，亦巧見廚師的功力！最後以朱古力蛋糕作結，食得開心又滿足！…查看更多

啟德新商場Airside自開幕後都人來人往，商場B1層直達港鐵站，嗰度有間過江龍海南雞飯餐廳：Chatterbox cafe。店內必吃美食首兩位係海南雞飯同喇沙。文華海南雞飯（$138）作為新加坡國菜，Chatterbox cafe的文華海南雞飯係店內人氣菜式，呢度嘅海南雞飯嫩滑可口，雞皮爽滑，隨飯一齊上菜嘅醬汁共有三款：黑醬汁、薑蓉及辣椒醬。油飯香而不膩。招牌大蝦喇沙（$178）喇沙的靈魂在於香濃湯底，蝦味、咖哩味及椰香要取得平衡，濃厚又不可過膩，chatterbox cafe喇沙的配料如大蝦夠新鮮彈牙，麵條亦掛湯。…查看更多

佐敦恆豐中心後面的mizu，係一間好chill好有feel的日式串燒店。餐牌上大部分都係串燒，不過都有沙律、前菜、燒物等等…串燒怎可能唔配啤酒呢？牛油果沙律（$78）原隻牛油果加芝麻醬及沙律菜，開胃解膩。唐揚甜蝦（$68）香脆送酒小食！串燒即叫即燒，以下幾款都好推介：明太子長芋燒（$38）牛舌（$48）大大大推嘅日本手羽先（$38）秘制雞肉棒棒配蘭王月見（$48）考驗師傅功夫的鵪鶉蛋（$28）純豚五花腩（$48）燒明太子飯糰（$48）配高湯，可以一菜兩食結尾仲有非常滑嫩嘅茶碗蒸…查看更多

大角咀中匯街一帶小區食店林立，其中越旺美食店面大，而且選擇多，最特別係有海鮮供應。有別於傳統越南菜館，menu上有好多海鮮選擇，例如炒蜆、蟹，以及我地揀嘅油鹽水煮蜆（$78）。價錢定價合理，而且海鮮一直座熱住，可以保持溫度。亮點係索滿湯汁嘅粉絲，非常入味！越南蒸粉卷（$51）餡料非常多，好足料亦夠飽肚！雞絲扎肉金邊粉（$68）扎肉質素唔錯，清清地嘅好選擇！越式牛柳粒（$94）汁多版本的炒牛柳粒，一樣好飽肚。…查看更多

Bingo & Cook 銅鑼灣上樓韓式料理餐廳，大大份好適合三五知己一齊食！靠牆的座位好似課室書檯咁樣，好得意。解渴的飲品是必需的，Tangerine Ade ($56) 呢杯冇酒精，同時都有含酒精版本。另外一杯吸睛飲品係藍色的Blue Lemon Ade ($68)!Half sweet chicken ($140)，半份都好大份！炸雞沾上甜甜辣辣的醬汁，非常惹味。仲有炸年糕同腸仔，飽肚感十足。Korean seafood pancake ($148)呢味海鮮蔥餅好好味，好多海鮮配料，餅底厚薄適中，同樣大大份，足夠3-4人分享。Stir-fried small octopus ($220) 韓式炸八爪魚原來係辣味菜式，果種辣味係有後勁，嗜辣者必點！麵線配辣味八爪魚可以起一個平衡作用。Abalone & seafood Stew ($308) 最後仲order左一個豐盛的鮑魚海鮮鍋，海鮮絕不欺場，鮑魚、帶子、大蝦、青口等等，仲有可以索滿湯汁的韓式粉絲，簡直係全鍋的精華所在！份量大，味道優，絕對推薦3-4人分享！…查看更多

荔枝角D2 Place，一直以為主要係cafe小店居多，估唔到呢度有間優質燒肉店，仲坐得幾舒適添！座位闊落有空間感。鹿兒島縣和牛炎藏和牛「極緻」4點拼盤（$398）有4款精選和牛，油花油脂都好適中，再加上厚切上等牛舌芯（$138），份量都足夠2個人食。除左和牛，仲加配蔬菜拼盤（$68）及石鍋拌飯（$88）。熱辣辣韓式拌飯好惹味。之後再追加和牛燒肉兩款，分別係龜之甲（$168）及肋肉（$148），前者充滿雪花，質素頗高。…查看更多

颱風前夕的晚上，市面比平日平靜，而我就選擇左今晚去沙田麗豪酒店食越南菜。其實餐廳同時有泰菜同越南菜供應，環境都幾闊落。小食類別我地order了兩款，分別係泰式醬油燒鱔（$138），以及越式蒜蓉牛油雞翼（$108）。燒鱔香脆肉厚，充滿肉汁，佐酒一流！牛油雞翼香口蒜蓉味濃，教人一口接一口咁食。主食方面就有海南雞飯（$148）及泰式鮮蝦金邊粉（$148）。兩者份量都頗足，炒金邊粉味道甜甜地；海南雞飯就必定要配油飯至夠風味！…查看更多

旺角通菜街Foodo小店，店面小小，食物款式唔多但精緻，必食自家手作意粉同pizza。忌廉汁日本魷魚、菠菜葉配手作意粉（$126）意粉屬於自家制好有口感，蛋味亦十足。忌廉汁濃厚而不膩，魷魚亦夠彈牙。手作pizza：醃肉、番茄片、車打芝士、乾辣椒碎（$101）pizza厚薄適中，配料唔多但互相配搭到，辣椒碎令pizza帶微辣，好開胃。套餐跟凍水果茶及冷泡玄米茶，無冰一樣夠冰凍，cool。套餐另加薯仔沙律（$13）小巧精緻仲有甜品都係自家制，可惜當日焦糖脆脆蛋糕已經賣完，改叫日系風味十足嘅蕨餅配抹茶粉及黑蜜（$52）一樣有驚喜，味道甜甜地加抹茶味的微甘，為呢一餐晚飯劃上完美句號。…查看更多

德福廣場5樓的濟州燒肉食堂，餐廳有部分位置係open area，幾通風，張半圓檯亦夠大張。作為食肉獸，韓燒一定要有牛肉，估唔到呢度的韓國鰻魚同豬拼盤都好好食，重點係店員會幫手燒鰻魚同厚豬扒，不用自己動手，食物燒得剛剛好，鰻魚十分脆口，豬扒厚切啖啖肉！大牛骨（$360）輕輕燒一燒，牛肉十分嫩，亦好有牛味。韓國鰻魚（$115）半份濟州特上豬拼盤（$328）除了厚豬扒，仲有豬頸肉、豬腩肉同豬皮。燒豬皮原來好好食。豬腩肉燒好後夾上生菜同蒜頭，非常match。入味好吃的蘋果梨汁雞肉（$88）牛燒肉飯（$88）牛小排（$178）愛牛者必點！可refill的泡菜，開胃好食。燒雞蛋都係免費refill，記得唔好燒到過熟哦。甜品有朱古力棉花糖（$55），以為冇乜特別？燒完棉花糖，朱古力消化餅夾微脆外皮的棉花糖係好滋味的。食肉者天堂的世界…查看更多