vampirecat的个人专页

其實都未食，個 booking 有啲嘢想更正，但打極電話都冇人聽，一唔係就嚮一下就畀人 cut 左線，咁請問係唔係一定要親身去舖頭兜口兜面先有人幫到我呢？我知你地好好生意，訂位都已經係全自助電腦系統做，點解唔可以畀個位我做 remark 呢？咁我咪唔使係咁打電話補飛囉～…查看更多

14：28分落order14：41分出左杯熱抹茶鮮奶14：44分出埋份芝士牛角包窩夫拎餐後份窩夫好香，味道係好食嘅，但配菜沙律菜唔太新鮮，有好多都‘’啡邊”。因為份窩夫未出就沖左係度，送上枱嘅時候已經唔熱，鮮奶味重過抹茶味，有種茶粉還茶粉、奶還奶嘅感覺。總括嚟講：打咭ok，90蚊呢個價食呢啲嘢……應該唔會有下次喇。…查看更多

朋友係潮州人，超鍾意食潮州嘢，某日行過見到呢間舖門口聚左一班人係度，上網 search 先知原來呢間舖都有啲歷史，於是嚟試下。薄殼： 好重九層塔同辣味，食食下（暈暈地）先知有紹興酒 😆 未係合時所以肉粒未夠飽滿，但都係潮州菜經典嘅味道鹵水鵝：鵝肉有肉味，鹵水味好香但偏淡嘅，碟底有豆腐同花生墊底，舊豆腐夠入味，花生夠冧。韭菜豬紅：正常味道，夠實唔硬。冰鎮墨魚片：片得夠簿，唔奀，有酸菜墊底，好食煎蠔餅：蠔仔肉夠飽滿，粉漿唔厚。總括黎講佢係傳統潮州菜嘅味道，未必個個接受。而且碟頭唔大，性價比唔算高，老字號試過就算。…查看更多

屯門開新分店！先旨聲明，我唔係佢fans，因為新開所以貪得意去試下，因為夜晚相對多人，所以今次我朝早十點幾走去食左個 brunch。 叫左個素食早午餐 $108 + 冰伯爵茶咖啡 $68唔好以為好小嘢，食落其實都好鬼飽，入面有熱辣辣嘅薯角、蕃茄、黑松露醬炒蛋、意大利飽、白菌、沙律菜 、鮮果椰奶亞奇籽布甸，沙律菜新鮮，個蛋都炒得幾滑，意大利飽煙煙靭靭幾好食。而杯咖啡無論係茶味或者咖啡都好淡味，冇搶味，如果飲開 espresso 之類嘅人，呢款未必啱你。食個 brunch 要差唔多兩舊水，對好多人黎講係好奢侈嘅一件事…最後，佢有個 Gimmick 係你可以付費買張 postcard，最多$60 佢哋就會安排5年後寄番畀你指定嘅地址，都幾得意嘅……查看更多

食到唔知食乜好，今日終於走去試呢間“素食餐館”。本身佢個 menu 都幾多元化，有焗飯又有鐵板燒又有 set 餐，睇黎睇去最終叫左呢個：一口蜜菠蘿豬柳焗意粉+熱檸茶佢出面有個 mini salad bar 同埋自助斟水潷湯區，今日個湯係紅青蘿蔔粟米湯，清清地冇味精都幾好飲。沙律有個拍青瓜辣辣地幾開胃，其他粟米粒、蕃茄、沙律菜 etc 就係啲大路嘢囉。講番呢個餐，面頭塊“豬扒”做得幾似漢堡扒嘅，但係條粟米仔都唔多掂，食落有陣普遍草菇類有嘅“up"味，係底果個意粉份量其實都幾多，個茄汁底酸甜度啱啱好，唔錯。檸檬茶正常嘢唔使講啦。…查看更多

呢間嘢我好耐之前去食過 lunch, 當時嘅服務令我講過唔再幫襯，事隔N年因為諗唔倒食咩我用冇要求嘅心態再幫襯一次。入到門口企左一分鐘先有人走埋黎問我幾多位，答左一位佢就安排我坐 sushi bar 枱（因為一條友都預左係畀呢啲位架喇），坐低又等一分鐘先有人放低個餐牌，好喇，叫左嘢食就梗係玩住電話等食啦。唔知又過左幾耐，終於都有得食喇！厚切豆腐：有少少乾，係底個汁偏鹹。$58まあじ一尾 （池魚）： 呢個新鮮又好味，$300一條抵唔抵食就見人見志喇。魚頭下面果舊係金目鯛$60黎，冇比較都好味，有比較就覺得池魚好食啲。食完晒以上2款已經係落單時間嘅半小時後喇，𠲖~ 點解個飯未見影嘅？好，諗住佢要煲可能再等一等啦，等到落單後45分鐘個飯終於都出現喇！鵜舞斧飯（三文魚、帶子、海膽、三文魚子）$248：一上枱開蓋就聞到好香嘅海鮮+淡淡嘅醬油味，三文魚子係分開上嘅，等你食嘅時候先加上面，唔使搞爛晒，就咁食又會幾鹹下，所以記得要撈飯。總括黎講嘢食係ok 嘅，不過千其唔好對服務有要求！…查看更多

有一排冇去 VCity，咁啱又諗起有呢間舖未食過，咁就一於去食下啦。一行4人7：30去到境竟然唔使等位就有得入去食，以為會中伏，點知原來係屯門牛興遲食飯，我哋坐到8點左右就 full house 喇。因為我哋基本上都係細食嘅，所以都係叫左2個假日晚市套餐+1個皇牌套餐 set share. 是日餐湯 （磨菇湯）& 黑松露野菌忌廉湯唔記得影相： 相對淡味，有黑松露果碗就畀黑松露蓋過晒其他味。頭盤左至右有：凱撒沙律配豆豉鯪魚： 冇諗過原來都夾味嘅，菜淡魚濃味，幾特別。胡麻醬海蜇沙律：正正常常，麻醬香就梗架啦。松葉蟹牛油果多士： 食佢個原味，件多士烘唔夠時間唔脆。芝士醬烤豬肋骨石鍋飯： 件豬幾入味，但唔夠芝士，有木耳幾搞笑。香草檸檬汁煎鱈柳伴帶子意粉：粒帶子係咁依煎過下唔韌，個汁果種酸搭落個意粉度未必個個鍾意，同埋要快食， 凍咗會有啲膩。松葉蟹肉蟹膏三文魚子茶漬飯： 食材新鮮，好味。香蕉朱古力比利時窩夫： 呢個係最唔抵食，因為所有材料都係現成品，個窩夫硬左啲，夾埋啲溶緊嘅雪糕先可以淋淋地咁食。餐茶檸茶檸水咖啡奶茶嗰啲冇影。係度食我最開心嘅係佢哋啲餐具好乾淨，見到佢哋有人會先將碗碟用水先沖沖，跟住入洗碗機洗，洗完出嚟好乾淨。…查看更多

係APM分店見到呢張menu見幾吸引，咪入去食囉，仲要叫 recommend 嘅牛肋肉飯。點知黎到嘅實物竟然係咁嘅樣!!!呢一刻我有個念頭即刻上腦 - 乜我入錯左吉野家咩？！好，搵個 waiter 問下先>>>我: 我想問下呢個係叫牛肋肉?waiter: 係呀～我: 呢啲係肥牛呢喎~ 同你 Menu 唔同嘅？waiter: 我地啲牛肋肉係切片嘅，炒左出黎係咁架!我: 哦……呢一刻我心知我中伏鳥……一路食一路將啲肥膏分番開, 利申我平時並唔係一個一丁啲肥肉都唔食嘅人，但係呢碗……結果分出黎嘅呢堆肥膏 ⬇同埋碗底嘅油……係呢度食仲要加一……對唔住真係冇下次!…查看更多

利申: 呢度先唔講政治立場!做人好多嘢都唔係絕對嘅，好似食咁，呢間舖好明顯就係大陸人落黎開嘅。因為全部阿姐傾偈都係講鄉下話。有睇開我寫稿嘅都知我食"午餐"係比正常打工仔晏嘅，所以好正常我入黎食嘅時間已經係2點過後。舖頭係嘅個時間當然唔會 full house，坐邊都得! 坐落叫左個最基本嘅羊肉粉，上枱羊肉份量都算多，鍾意有真芫茜，唔係只有"芫茜蔥"，粉其實係我地講嘅米線，本身個湯底冇乜味，但當落左D放在枱上嘅調味料(包括孜然粉)之後， 忽然間碗粉好味咗好多。…查看更多

同屋企人食飯唔使擇日嘅，只不過有D食店其實又要有藉口先會入去食，就好似呢間咁……首先要講嘅係，佢可以用WeChat落單，有95折，用銀聯咭找數再95折，如果你仲係樓上或隔離屋院住，有住戶咭再9折。哈哈!講番食! 事關佢碟碟都細細碟，所以可以叫多幾款餸試下。阿媽話已經冇乜邊度有白雲鳳爪食，所以佢一見到呢度有就第一時間話要叫黎食。跟住有砂窩雲吞雞，雲吞皮好滑，個湯好甜，舊雞煲完都仲有D味，唔會好"鞋"。蝦醬芥蘭炒爽肉D蝦醬炒得唔多均勻，有D 好鹹有D就啱未，所謂爽肉係豬頸肉，堅係爽。梨山醬汁排骨煲個醬都幾"傑"身，少少甜味但唔膩，反而我覺得D豬肉偏瘦，料頭除左有薑蔥蒜仲有2舊薯仔。金蒜乾貝蛋白炒飯炒得幾爽身，飯粒粒分明，食到底個碟冇油，幾好。鐵板風味比目魚粒好好味，佢首先煎香咗嚿魚，再加番個汁，香口又好味。椒鹽魷魚鬚唔覺有椒鹽，個炸粉漿係鬆身嗰隻，唔係脆硬果隻，只食到魷魚本身嘅爽同甜。芒果布甸D芒果味好濃，都算滑。栗蓉西米焗布甸，估佢唔倒又幾好食喎，栗蓉食食下都會食得到栗子粒，唔係超甜果隻， 熱辣辣，正!楊枝甘露又係超多芒果肉，唔錯!最美中不足嘅係叫左七味豆腐點知話賣晒，冇得食。…查看更多

假期唔使返工嘅日子，出去行街是常識吧!臨近新年就梗係去海味街睇下有冇筍嘢執啦～行完海味街買到一袋二袋咁，行過呢間餅舖，諗起要買聽日早餐，走入去買左個合桃蛋糕，其實冇諗過好唔好食，只係行過貪方便買。到左"聽日"，一食舊蛋糕真係有驚喜，食得番"舊時"嘅風味，冇乜多餘嘅化學味，唔會 痴住喉嚨，個蛋糕底有一整層合桃，好豐富，好味!P.S. 唔好意思，因為食左一半覺得好食先記得影相，所以張相好唔靚仔，請讀者多多包涵。 …查看更多

行過見到間舖好似好懷舊咁，又有 banner 話排晒隊咁，咪入去試下囉，之但係價錢一D都唔懷舊喎。好! 入正題。一碗咖哩喇沙湯底嘅蝦肉肉片河+熱檸蜜。賣相其實好普通，食落平平無奇，唔辣嘅湯底唔食得辣嘅應該都食倒，咖哩喇沙但食唔到有咖哩味亦冇椰香味，湯河有芽菜，蝦肉同肉片都係切薄片，冇乜味道，肉片係"鞋"肉嘅。好在杯檸蜜唔算好甜。以我呢D食咁淡味嘅人都可以話碗粉冇乜味嘅話，大家都應該明白係幾咁淡，但佢好嘢嘅地方就係就算見個湯咁深色都好，食落D味都係淡淡的，即係……你懂的。…查看更多

去到元朗絕對唔怕搵唔倒食，最怕你個胃食唔落。上星期食完Glasshouse，今個星期食亞蘇爾。食評基本上都係話好食，但好唔好食其實好個人嘅，所以都係要自己試過先知。佢地上菜基本上都係快果類，因為佢基本上想你90分鐘內食完就走。第一碟上枱嘅係墨魚餅，外表炸得好脆口，裡面好扎實嘅墨魚肉，唔會食到成口粉果隻，亦唔會食到墨魚軟骨，好香口又好熱氣。跟住黎葡式烤乳豬，入黎食嘅其中一個原因係因為佢！之但係再一次証明希望越大失望越大呢句說話……首先要講佢唔係唔好食，D薯條有香草鹽調味係好好食嘅，之但係同澳門當地嘅澳門(葡國)乳豬黎講又真係遜色左，第一樣唔得嘅係件豬件冇乜肉，變相只係食味同皮，皮係脆嘅但因為冇乜肉嘅關係，我唔係好講得出D肉好唔好味，之但係D骨又係入味有味嘅，不過$188+10%嘅價錢去食呢5舊皮，唔會有下次囉！咖哩又係唔食唔得嘅，所以叫左咖哩B牛坑腩 + 另叫芝士蒜茸包。咖哩好明顯係就左港人口味，好微辣，用得牛坑腩就梗係嫩滑有冇揸啦～有洋蔥薯仔， D咖哩汁用蒜蓉包索住嚟食一流!到呢碟蝦子松露意大利麵喇，建議一定要襯熱食，佢好 creamy，當然好有松露香味，因為用白汁底凍左會好"漏"。而呢碟蝦醬炒雜菜呢真係要一讚，因為佢唔會落蝦醬落到令碟菜好咸，味道啱啱好。最後其實仲叫左甜品，之但係唔記得左影相 我唯有得個講字…… 分別係經典木糠布甸同抹茶黑木糠布甸。唔鍾意食甜嘢嘅我覺得杯抹茶黑木糠布甸幾好食， oreo加抹茶呢個組合唔錯，比平時食開嘅經典木糠布甸有驚喜。結論係味道唔錯但性價比唔高，未必會返兜。…查看更多

今日去觀塘做嘢，早左出門口，出到去觀塘見未夠鐘就梗係去食個靚早餐，充滿能量去對抗當日嘅事。早餐其實度度都差唔多，咪又係啲咩粉同麵。呢個都唔例外， 沙嗲牛肉公仔麵 + 多士炒蛋 + 餐飲 (冇影相)，食得沙嗲牛肉都預左濃味，之但係個麵底又真係普通過普通。而個炒蛋都算炒得滑嘅，個多士熱辣辣食牛油超邪惡!…查看更多

閒日去銅鑼灣就梗係要做嘢啦～成件事都係 Sogo 完成，咁好順理成章係度食埋嘢啦 Sogo 地庫其實好多嘢食賣，但係可以坐低食嘅唔多，而呢間我入去食嘅其中一個原因係因為佢有 "一人枱" 唔使搭枱唔使就人 I like it!下午茶時間叫下午茶 set 係好合情合理嘅! 之但係其實佢個下午茶 set 唔算平，身在銅鑼灣冇辦法。講返食，叫左個菠菜雞肉意粉+熱咖啡，黎到 UCC shop 唔係唔飲咖啡下化? 杯咖啡係滑嘅 (因為我加多奶)，香濃味就好似差左啲，但起碼佢唔會苦，飲開精品咖啡嘅就唔好有期望喇 ，對於我地呢啲普通人係 ok 嘅。個菠菜雞肉意粉又估唔到咁好食喎 ，菠菜林身就梗架啦，但係雞肉係出奇地 嫩滑喎！係雞髀肉黎! 個意粉又好有彈性喎，係彈唔係硬! 個汁唔傑都算 creamy，可能係因為我襯熱食……畀貴嘅價錢起碼都有番咁上下，唔會食完出黎媽媽聲嘅……順帶一提，食慣濃味嘅朋友可能會覺得啲嘢食好淡味，但我 ok。…查看更多