我是貓貓的个人专页

呢日就同fd黎到樸一拉麵食拉麵。😋響門口等左一陣就入得去。我今次就叫左個豚骨厚燒叉燒拉麵 ($78)碗拉麵一上到黎，發現個叉燒原來有我個手掌咁大。而且啲肥肉響外圍，中間就係啲瘦肉。個肥肉做到可以入口肥而不膩，個瘦肉就食落好味吾癡牙。個拉麵就揀左黃麵同軟硬普通，食落口拉麵煙韌而且掛汁。湯底豬骨湯濃郁，有啲似我之前去日本食既一蘭拉麵既湯底。另外，叫左個唐揚魷魚 ($ 38)。食落普普通通，但都幾煙韌，有啲似出面放題既普通炸物。店入面都幾迫下，去食既話千祈吾好帶太多野!!!!!…查看更多

 咁呢日就同左朋友去左葵廣掃街，黎到呢間章魚燒店食章魚燒。等左20分鐘左右就食到。我朋友叫左個超濃香黑松露味章魚燒 8粒 ($40)一打開個盒就已經聞到好香既黑松露味。我自己就試食左一粒，食落口會有少少黑松露味，但吾會好明顯，口感軟綿綿。而我就叫左個和風蜜糖芥末味章魚燒 8粒 ($37)🍯打開個盒都聞到個蜜糖芥末味。食落口吾算脆皮，但口感都係軟綿綿。而且入面粒章魚都幾大粒。🐙不過我食到最後一粒既時候，會覺得個口酸酸地。但整體黎講係幾好食。😋我自己就響日本食過日本既章魚燒，佢地既章魚燒係真係整到外脆內軟。而呢間店都做到章魚燒內軟既感覺。總而言之，係會再幫襯既小店。🙈…查看更多

今次同朋友黎到葵廣掃街，都食左吾少好野。食完冷麵、章魚燒同雪糕之後，就黎到呢間新店試新野。就係我響ig 見到既蕉積妹喇。🍌今次就試左佢個香蕉煎餅(榛子醬)($ 36) 首先，因為係即叫即整，所以係熱辣辣，攞上手甚至食落口都會覺得好熱，真係要小心燙親。🙈然後，個煎餅我每啖都食到香蕉蓉。而且入面個香蕉餡食落酸酸may may，加上面頭甜甜地既榛子醬同煉奶，簡直係絕配。我覺得一件煎餅兩個人食都好夠。因為食落口會覺得好膩，可能係食呢個香蕉煎餅之前我已經食左好多野。所以如果想食佢個香蕉煎餅，記得要留肚。同埋原本係想試佢個限定金莎醬，不過我係落左單之後先講。🙈雖然店員有同後廚講聲改單，但最後都係比番榛子醬我。不過我都無所謂，個香蕉煎餅都一樣好味既。😋…查看更多

呢日去左旺中新之城同fd 食冷麵。食完之後因為口渴，於是我就帶左個fd 黎鈺華堂買杯野飲。我都算有幫襯開呢間小食店。而我今次就第一次叫左呢杯西瓜沙冰。🍉而我個fd 原本想叫個椰汁沙冰，但因為無椰汁，所以佢揀左杯巨峰沙冰。🍇總共$32/2杯。原本對佢地個沙冰無咩特別期望。點知飲落口，好味到不得了。😋首先第一，佢吾會係死甜味。然後，個西瓜味又吾會太甜。一飲落口，就即刻有透心涼既感覺。我自己就覺得個西瓜味吾似藥水味。反而似Häagen-Dazs 個限定西瓜雪糕味。🍉我個fd 就話佢飲落每啖冰都係有味道既，而且口感爽滑。而我都贊成佢既睇法。我自己就特別鍾意飲到最後一啖都有味道既沙冰。雖然個沙冰好似無用到真正西瓜打碎，但我依然會再幫襯。佢個味道就算係用西瓜汁開出黎，我都覺得好好味呀！😋下次可能會試下佢地個手抓餅。…查看更多

咁呢日去左staycation，然後夜晚就黎左附近呢間鳳鳴石磨腸粉買晚餐。我自己就買左個石磨牛肉腸套餐 （燒賣+豆漿）(總共$42)。個腸粉應該係即叫即整。食落口啖啖爽滑。😋豉油比得幾多下，但又吾會太咸，反而帶出左腸粉既米香。炸蒜比得都幾多下，食落口感都幾豐富。芫荽比得都幾多下，食落口腸粉個層次又昇華左。個燒賣蒸得吾錯，食落有咬口。而我自己就最鍾意蒸到爛既燒賣。🙈因為食落每一粒，都好似響我口入面融化緊。個豆漿飲落正正常常，有黃豆味。不過飲到最後尾，個豆漿口感會比較粉左啲，不過不失咁啦。…查看更多

呢日因為在附近既酒店同fd staycation，於是就黎左齊柏林熱狗店呢度買野食。就咁買左一份香脆雞塊9件（$20）。其實個香脆雞塊就係老麥既麥樂雞。價錢同老麥差吾多。我就要左個蛋黃醬，食落普普通通。我自己就最鍾意老麥既蜜糖芥末醬，其次就係老麥既甜酸醬。點解我會淨係買佢地個雞塊？因為我已經買左其他主食了。其實我應該要試下佢地個熱狗先真，話曬佢地係主打熱狗。另外，去到佢地門面之後，先知原來佢地同茶星人共同合租一個單位。入到去店入面，先見到左面係茶星人，右面係齊柏林熱狗店。店入面都幾五光十色，都幾靚下。店員服務態度正正常常。…查看更多

黎到長洲住幾日。今日第一日就黎到呢間小店食下小食。食物方面，食左個炸雪糕 (雲呢拿味) ($25/2件)。我覺得偏一般。🙈其實只係將雲呢拿味雪米糍，加左炸粉攞去炸。會用個細紙杯去裝比你食。面頭個雪糕未炸到金黃色，食落個皮吾算脆。而且咬左啖之後，個糯米皮同雪糕係會分離左。食落較油膩，無咩驚喜，甚至有少少失望。食完之後見到杯入面好多油，濾油方面可能做得吾太好。🙏🏻店員態度正常。可能其他野食會好食D。…查看更多

黎到長洲住番幾日。而呢日就係第二日黎食既小店。黎左呢間適泊魚燒食魚仔燒($25/4件)。店舖位置較偏僻，要經過一個足球場繼續向前行先見到。食物方面，魚仔燒一啖就可以食左一件。個size 就大過拇指多少少咁。👍🏻入面個吉士醬有奶香，但吾會太甜。同埋的確好似其他食評咁講，似係已經整好放涼左一陣。所似食落偏淋。不過黎到長洲都值得一試既。另外，都有幫襯佢地買多兩條孖條雪條。同埋想讚下老闆(或男店員)非常有禮貌。👍🏻…查看更多

咁今日因為有事要到鰂魚涌附近處理。臨番屋企前，就黎到春葉好茶嘆番杯好茶。🤪我覺得幾好飲既茶係呢款💁🏻‍♀️ 白葡萄烏龍奶茶 ($ 24)只有中杯。🙈一飲落我就覺得似係飲緊個藍莓cheesecake 咁。但飲真D，先會覺得似白葡萄味cheesecake 。😹真係好有驚喜。完全無伏。店舖自己都推薦。我係見個組合咁特別先買黎飲，點知飲落幾好飲。😋不過只有中杯，無大杯。🐷店員服務態度方面，係有改善空間。太有性格對做服務業黎講吾係一件好事。🤷🏻‍♀️…查看更多

今日黎左豐翠特色小食呢度食腸腸。Sorry，係食粉腸至啱。😹係腸粉😹😹😹腸粉、粉腸傻傻分不清？🥴因為今日約左朋友食貴價日本野。但係因為佢會遲一兩粒鐘。👺所以就黎左豐翠呢度食少少野墊底。叫左個腸粉4條＋燒賣4粒 ($16)。我覺得腸粉食落吾錯，滑身又有少少米香。而我係幾鍾意個花生醬，平時我係吾食花生醬既。🐷不過我覺得個燒賣麻麻地，好似未熟咁。食落口又粉又吾彈牙，麻麻地。😅而我自己就最鍾意熟到變腍既燒賣。😹店員哥哥好好服務，會問埋洗吾洗口罩袋。雖然個口罩袋其實就係裝街頭小食既啡色紙袋。不過好過無。🤪而女店員就要多D向店員哥哥學習。…查看更多

咁今日就黎左旺角既元朗鬼巴士，黎食腸腸。首先我覺得佢個店名好有威懾力。😹嚇走D牛鬼蛇神咁。🥴而我就叫左個套餐C︰生腸+脆腸+反腸 ($29)。腸，全部都係腸腸咁。其實我自己就吾太食得出三者個分別。😹但我最鍾意食既係生腸，外層又滑又爽口，而且仲閃閃發光；而內層就爽脆，咬到咔咔聲咁。佢有隻豉油醬係必定要試，甜甜地又有麻油香！隻醬個味就好似冷麵個醬。🥺反而其他芥末醬、甜醬等等都較為遜色，吾落都得。總體而言，會再過去食生腸。😋…查看更多

之前係十五十六左好耐，到底試吾試呢間玉子燒好。因為驚吾抵食。🙈因為今次路過，而且聞到好香魷魚味。🦑於是就決定買個流心芝士玉子燒($30)黎食。😹點知有驚喜！🥺首先，佢係即叫即整熱辣辣！🤪其次，個玉子燒入面係有拉絲芝士。因為我係即刻開黎食，所以就拉到絲。如果你係外賣攞走，可能會攤凍左，拉吾到絲。🥴同埋，佢地蟹籽都比得幾多，食落啖啖都有蟹籽。😋嫩滑芝士玉子燒加埋沙律醬同蟹籽，仲有鰹魚碎，點會吾好食？🤷🏻‍♀️同埋食食下竟然會食到有條蟹柳。😛真係夠曬驚喜。不過女店員服務態度有改善既空間。🙏🏻吾好迫人地攞起個油林林既餐牌點餐。(點餐要用Marker 麥克筆 去圈餐牌上面自己想食既野)😹…查看更多

真係勁嬲。👺當時店入面其實得我、外傭姐姐同一個年長既女店員。咁我咪周圍行下望下有咩好食。個外傭姐姐要比錢既時候，個女店員一野撞開我，衝過去收錢。👺然後一句sorry 都無。然後我比兩嚿蛋撻錢既時候，佢好似搶錢咁收左我張10蚊紙。吾記得佢有無找番$1比我，所以可能加價加到$5一個撻都未定。是但裝起兩嚿蛋撻，然後隨意放埋一邊。連遞比我都懶得遞。🙄其實當時並非繁忙時段，無得用忙黎做藉口。吾明白點解個店員做野咁雙重標準。對外傭姐姐就客客氣氣，對只幫襯佢少少既市民就無D態度。🙄服務態度真係搞吾掂。不過食落蛋撻個皮酥脆。食到有少少牛油香，但中間個蛋我覺得係死甜。不過不失咁。如果下次有機會幫襯，再發生同樣既事，係一定會比劣評。😾…查看更多

經過呢間喜多利餅屋。Sorry，應該係嘉多利餅屋先岩。成日我都認錯人地個店名。😹吾怪得openrice 既app之前又search 吾到。今次就奶左三件流心芝士撻。每件$6.5，三件就$19.5咁。一入口，個芝士流心即刻流左出黎。食到成口都係芝士。😹吾會太熱，因為吾係即叫即整。芝士流心吾會太濃亦吾會太咸，會有淡芝士味咁。食落輕盈一D。個皮都ok酥脆。如果面頭個芝士流心再燒燶少少應該會再好食D。同埋店員服務態度正正常常。…查看更多

今日黎到呢間語菓去飲下野。其實都飲過呢間兩次左右。兩次都係見到同一個後生女店員一腳踢 (收銀、沖茶一手包辦)。可能佢係女老闆都未定。😹咁就試左呢杯女店員推薦既雪松烏龍 ($19)。價錢都幾抵。杯野本身無冰，叫左少甜。店員有提到要儘快飲。一攞到手，你會見到佢個奶蓋好似落雪咁飄落個茶底到。🌨️望落都幾得意。😹個奶蓋會比較輕盈，會有蜂蜜味，但蜂蜜味吾會太重。個烏龍茶茶味適中，飲落吾會太澀。抽左支籤。🐱有個籤文櫃。😎整體黎講幾特別，蜂蜜奶蓋同求籤既組合，吾係度度有，值得一試。🙈…查看更多