mattforfood的个人专页

今天，一家人去左銅鑼灣行街，之後去左V Point入面間日喜樓食晚飯，呢間餐廳係食京川滬菜。我地叫咗一個4人既晚市套餐。首先，有3道前菜。手拍青瓜，爽口清甜。四喜烤麩，口感非常鬆軟，亦好有彈性！仲有經典肴肉，清爽美味。完全令人胃口大開。之後，薺菜豆腐羹，薺菜配上豆腐，口感十足，亦好足料👍🏿呢碟係乾燒蝦球配鍋巴底，我十分推介呢個係必食👍🏿銅巴底加左啲蛋黃粉，而乾燒蝦球，亦好彈牙，配搭一齊食，食落非常有層次感！之後，就係餐廳自家製既油淋雞，待廳一上菜個下，已經聞到非常香，皮脆肉嫩👍🏿呢碟係茶樹菇，金菇高湯翡翠苗，好鮮甜👍🏿到生煎包，店員都有提醒我地，食之前要小心入面熱湯，所以我都有篤開，唔會燙傷口腔，湯汁非常澎湃，底部既包皮亦好脆口！最後，食埋甜品，高力豆沙香蕉球。簡直為今餐晚飯錦上添花！整體來說，今餐飯性價比高，亦好多菜式選擇，服務態度亦不錯！…查看更多

前晚七點幾放工，就想係公司附近食d野，行行下見到有間食麻辣野既餐廳就同同事去試下。一入門口就聞到好大陣麻辣味，口水都流埋。見到舖頭都好乾淨，仲要有吧檯，不過位就唔算好多，大概有20個位。一打開menu，見到d野唔貴，同埋個樣都幾吸引，就叫左幾款填左個肚先。率先登場既係麻辣手絲雞，佢係用雞腿肉整既，所以食落係超滑，麻同辣度都岩岩好。如果你好食得辣，你可以叫餐廳幫你加辣，唔洗怕醜，因為佢地都好nice仲會同你傾下計。之後就叫左雙拼手打雲吞，有粟米同白菜餡，仲有瑤柱同麻辣湯底，咁我今次就叫個清d既瑤柱湯平衡下先。我想講，一上菜個陣係見到每粒雲吞都好飽滿，同埋好香，咬一啖就食得出個皮超簿，唔似平時出面食個d雲吞，果然真係手打雲吞，名不虛傳。淨係食呢啲又點夠飽呢，梗係叫多個面啦，有湯面又有撈面簡，我今次就試左個麻辣撈面。呢個麻辣撈面，相比起個手絲雞就冇咁重味既，但就愈食愈開胃，好唔捨得同我同事一人一半，想一個人食哂佢，哈哈哈。個撈面可以加送既，但我就冇加，反而見到個炸韮菜餃有啲吸引。一拎到黎就feel到佢係熱辣辣既，食落係超酥脆，而且入面個餡勁香，用黎做結尾一流。叫左咁多野食，加埋野飲，兩個人只係百零蚊，真係抵到爛。誠意推介呢間隱世小店！…查看更多

首先餐廳位置都尚算易搵，交通方便，AEON百貨周圍亦有不同食肆。店面位置不多，但都坐得十分舒適。而店面只有三位員工，但能各施其職，分工合作，一碗拉麵就是如此誕生。友人選了豚骨魚介沾麵，而我選的是赤豚骨拉麵。兩份拉麵都轉套餐，有一罐汽水和一份小食，我選了餃子三隻，而友人選了迷你叉燒丼。店員亦溫馨提醒沾麵需要多等十分鐘，值得加分！而赤豚骨拉麵香濃美味，帶有一點香辣，愈食愈起勁。麵質適中，豚肉和其他配料都十分充足，吃得十分滿足。吃完拉麵亦禁不住喝它的湯底。至於沾麵則屬於冷沾麵，魚介味道不算濃，拉麵偏粗身，麵質有咬口，配料充足，屬一百分的沾麵。小食的叉燒丼燒得香口，小小的一碗不太膩，嗜食如友人般，一碗拉麵配上一碗叉燒丼剛剛好！至於餃子煎得脆身，皮薄料靚，三隻亦只能剛好淺嘗，但對於女士們來說，也是十分足夠的！是次用餐體驗是一百分，反而友人希望多幾款沾麵口味就更加好。絕對會回頭的一間拉麵店…查看更多

平時食得太多油膩野，有時都會想食返啲清淡少少嘅粥。所以特登去左「十大碗粥麵專家」食粥。今次我叫左及第粥食，都幾足料。入面啲豬肝同豬粉腸幾夠味，唔會有種令人唔想食嘅味道。配料都好足。另外，我仲叫左一碟炸兩。每次係出面食粥我都會叫炸兩，好味嘅炸兩可以為成餐飯加分。仲有一樣值得表揚嘅係每張枱面上都有一罐自家製嘅酸蘿蔔粒，酸酸辣辣咁好開胃。朋友叫咗一碗片頭河粉，睇落好似好細碗，原來都幾夠分量。我哋仲叫多咗一碟油菜，啲菜好甜，點唔點蠔油都好好食。下次我再想食清淡嘅嘢我都會選擇十大碗粥麵專家…查看更多

話說嗰日一行4人去咗尖沙咀Espuma食lunch，叫咗好很多嘢食！.首先有焦糖單骨雞翼（$58）好好食，最特別係通常人地係加蜜糖，佢就係焦糖！甜甜地仲好香！正！.牛油果蝦沙律配芝麻汁（$98），都係沙律咁啦，好食的！沙律份量都幾大，都好足料唔會話得一兩舊牛油果！仲有個頭盤係香煎帶子配牛油果醬及香芒莎莎（$118），係牛油果同帶子！帶子煎得啱啱好，唔會嚡口，個醬帶有清新嘅牛油果味，一啲都唔膩！主菜方面嗌咗紙包焗海鮮及雜菜配白酒汁（$198），有啲魚呀，帶子，青口，蝦咁，都算入味，而且唔算嚡，張紙一開嗰下好香㗎真係！另外嗌咗食西班牙菜點可以唔益嘅，海鮮西班牙飯（$138一人份），飯粒粒分明，軟硬適中，辣辣地，不錯！喜出望外係呢個魷魚圈墨魚汁意大利麵（$108），睇個樣以為好乾無咩味，食落就知好彩有嗌！無論汁定啲麵條都很好吃！飲品方面呢個伯爵茶瑪奇朵（$43）好好飲！其實即係奶蓋乜乜乜，但通常都係配紅茶，綠茶，呢杯伯爵茶味好香，值得一試！另外嘅抹茶荳奶咖啡，本身以為係偏甜，飲落先知原來係帶抹茶香嘅咖啡，所以想飲咖啡又喜歡抹茶嘅朋友可以試試啦！去到我大推嘅甜品環節嗌咗個珍珠奶茶窩夫配雪糕（$105/full）呢個都好好食，窩夫外脆肉軟，好特別係其中一球雪球係吹波膠味，自己麻麻地，同埋佢啲珍珠真係差啲，一咬就散，唔彈牙，不過整體嚟講係好食嘅，會想再叫！…查看更多

今晚，約咗女朋友去紅磡食拉麵，就黎左呢間金田家，一入去佈置得好像日本傳統的拉麵舖🇯🇵感覺好似去左日本一樣我女友食一個辛子黑蒜拉麵，再追加一碟粟米，麵的硬度選擇硬，因為當麵浸在湯入面，都會自動變得軟身。所以我建議選擇硬身。呢個拉麵，好香口，食落有淡淡既黑蒜味，再加上有點辣，感覺幾新鮮！👍🏿而我點咗: 黑豚拉麵，再追加一碟腩肉叉燒，亦同樣選擇硬身的拉麵，黑豚肉質好嫩👍🏿亦極度推介，湯底亦好濃，實在好正！再點了兩款小食，大將餃子🥟及唐揚雞塊🍗餃子味道較淡，所以要沾上餃子汁會比較好，另外唐揚雞塊好脆口👍🏿最後亦點了飲品，可爾必思有點像益力多，幾正👍🏿總括而言，呢間拉麵舖我都幾推介，麵質一流，服務亦不錯！…查看更多

有晚，同女朋友去港島一日遊，夜晚就黎左北角撐枱腳！呢間餐廳近地鐵站，係橫街窄巷，夠曬靜👍🏿拍拖，傾密計一流！餐廳有分室外，室內，天氣乾爽的話，坐出面簡直Chill🌾呢碟玉子燒，店員話唔好開蓋住，焗到有陣煙燻味一打開蓋，見到嚿玉子上面啲海膽好足，加上海膽配玉子，原來係咁夾！👍🏿玉子亦好厚身，大滿足呀！😋呢個risotto味道好濃郁，Creamy！軟殼蟹亦夠脆，仲有紫薯完美咁融入係飯入面，係我全晚至愛！👍🏿呢個餃子，入面肉餡亦好夠，性價比高！👍🏿另外，呢碟雞翼亦好喜愛，配上檸檬汁，一流！飲品方面，我就揀咗杯紅棗蜜滋潤下，味道較甜;而我女朋友就飲柚子蜜，夠清新！兩杯飲品都好潤口！👍🏿整體來説，呢間餐廳比人感覺好舒服，好適合情侶黎拍下拖仔👫…查看更多

昨晚，我同朋友去到尖沙咀行下街，大家都係祟韓，所以就去咗間韓國炸雞舖頭食晚飯。一入去，以為自己去咗outdark餐廳，啲設計擺位同outdark好類似，一樣比人有個感覺好休閒，好舒服👍🏿好適合幾位老友黎吹水飲野食野！黎到炸雞舖頭，當然要叫炸雞啦！好多炸雞都食過，但大蒜鼓油炸雞都係第一次食，碟炸雞未上枱，啲香味已經聞到先👍🏿隻醬配炸雞，簡直夠曬夾！唔會覺得乾爭爭，食到喉嚨唔舒服！呢碟韓宮年糕，味道無咁濃郁，𥚃面有牛肉，粉絲，配上年糕，夾埋一齊食，增加口感！👍🏿最後就係呢碟，蒸韓國餃子，係我極力推介👍🏿餃子餡好足，性價比高，只是餃子皮較厚。飲品方面，我飲右圖: Oreo smoothie，Oreo味道好足，又大杯，絕對係夏天恩物👍🏿左圖: Strawberry yogurt smoothie，味道較甜👍🏿整體而言，呢間韓國餐廳不論餐廳外觀，氣氛，食物質素，價錢，都係滿意！適合幾位朋友仔食下野，傾下野。…查看更多

今日同朋友相約尖沙咀，去食一間韓食居酒屋🇰🇷🍻餐廳位置係iSquare7樓，眼見有好多空舖，所以地方較幽靜👍🏿食飯傾計好地方！餐廳內空間較大，較寬敞。我地叫左個上牛烤🐂，本身牛控嘅我，我認為呢d牛都好高質！叫牛嘅原因，一黎唔洗怕烤得d肉太油，二黎亦吾洗怕d肉生得濟，食壞肚！佢有不同牛既部位，份量兩個人好夠👍🏿亦可用菜包住食，減輕口感太油。另外，亦叫左個雪地獄冷麵🍜，亦有熱食選擇，店內職員會提醒你呢個好辣，可以選擇少辣，所以我都揀咗少辣🌶麵條爽口，亦配上肋骨同蛋，一齊食，味道好夾！👍🏿另外，叫咗個泡菜香葱餅(海鮮)，有三種味道選擇: 海鮮🦑，芝士🧀，辛辣🌶。佢嘅香葱餅吾會好"粉"，亦好有咬口，入面有魷魚，好煙韌，感覺唔錯！👍🏿呢個芝麻柚子雞翼，味道一般，不算太特別。最後，呢個甜米酒係免費，因為店內做緊宣傳，只要Like&Share Facebook fanpage就送一碗甜米酒！味道甘甜，女性亦好適合飯，加上有d梨花味道，感覺幾清香，特別！👍🏿總括而言，呢間韓食居酒屋我好推介💪🏿，首先食物質素及份量，好高好足夠，性價比好，加上服務態度一流！…查看更多

有一日下午，同女朋友行開觀塘，就去附近工業區食一間以"慢煮"做主題嘅餐廳。慢煮意思係以75度或以下的低溫，再以長達數小時的時間，將食物烹調。美味是其次，最重要是低溫慢煮不會破壞原來食物的營養，大大提升食物的營養價值。餐廳內環境比較幽靜，建議與另一半一齊黎食。餐廳嘅Lunch Set，會附送特製餐湯，今次我飲嘅係南瓜湯，味道濃郁，每飲一啖都感受到重重嘅南瓜蓉👍🏿亦配上一小塊蒜茸包點啜，不會太單調。我就叫左以下呢碟:慢煮•溫泉蛋•帕爾森芝士•蘆筍•雙重煙肉燴飯佢同意大利飯(Risotto)類同，芝士味好重，所以食落去質感好滿足👍🏿再有隻溫泉蛋配，非常滑溜！我女朋友就叫左碟:慢煮•刺身級挪威三文魚•英式腕豆燴飯。注意:有數量限定！大多限定嘅野都會係唔錯!👍🏿首先，三文魚肉質都好嫩滑，質感亦較清新👍🏿配上英式腕豆燴飯，味道好夾！燴飯亦不會太膩，感覺健康，再加上一個蕃茄扒，簡直一流！飲品叫左杯: 茉莉花釀氣泡礦泉水。味道清香，同埋咁大杯，夠曬抵飲！亦叫左杯:莫卡咖啡(凍)(Iced Mocha) 上層奶泡好綿👍🏿，朱古力味道亦不會蓋過咖啡香。總括而言: 雖然"慢煮"賣點係健康，保持食物質素，但味道方面我都覺得不錯。👍🏿…查看更多

昨晚，同幾個朋友去尖沙咀行街，不知為何突然想食泰國菜，就search下附近有無泰國菜館，就黎左呢間餐廳！一入去，見有不少人已經食緊，感覺已經幾好，因為應該好食先會多人👍🏿餐廳有兩層，內裏有點泰國風味🇹🇭地方亦寬敞，坐得都舒服🌾我地就叫咗個沙律食🥗呢個沙律酸酸甜甜，幾開胃👍🏿蝦同金柚嘅味道亦好夾，吾會覺得有違和感，加上蝦咬落去亦新鮮，再有埋腰果配搭，完全令到我食慾大增😋呢道炭燒豬頸肉，係我全晚至愛👍🏿首先豬頸肉少脂肪，食落去唔會覺得好油，完全無罪惡感，加上性價比高，有好多塊豬頸肉，好似食極都食唔完😻呢碟紅咖喱燒鴨，我覺得比較普通，但呢道菜可以配蒜茸包食，包都幾好味！注意: 這道菜有點辣🌶冬蔭公湯又幾正，本人覺得好啱我地香港人口味👍🏿辣得好香口👍🏿加上蝦肉好足，完全抵食！燒春雞係成晚飯既高潮！侍應會係我地面前表演"燒着隻雞"，倒上酒加火，成隻雞就立即燒着，影相一流📸無咗火之後，你可以叫侍應幫你手撕雞，或者自己黎。肉質幼嫩！點上佢嘅辣醬，更惹味！我亦點咗杯飲品--龍眼冰，味道較甜，夏天黎講，飲一飲透心涼💦總括而言，如果想食泰國野，呢間餐廳不比九龍城嘅泰國菜遜色！值得一試！…查看更多

早前，同一班朋友黎到中環食飯，我地都係日食痴🇯🇵，所以就黎呢間居酒屋🥃，一入到去俾人感覺好Chill🌾，環境舒服，燈光幽暗，所以我適合一班人吹水傾計！💦以下兩碟都係廚師推介👨🏻‍🍳上圖: 明太子玉子燒🍳，我都會極力推介，可能我本是係玉子控，但廚師煮到啲蛋好嫩滑👍🏿加上中間夾雜住明太子，味道新鮮，想像不到原來咁夾！👍🏿下圖: 海虎蝦雞皮卷🍤，廚師將雞皮繞住海虎蝦一齊燒，幾特別👍🏿我本身對多春魚唔太喜好，但估唔到都幾易入口！以下呢碟，係我認為最好食😋將雞肉棒混上生蛋黃一齊食，簡直一流👍🏿荔枝豬肉卷，本人表示一般，感覺味道有啲格格不入。牛舌果然係厚切👅建議食一塊夠曬！但肉質嫩而不韌👍🏿梅酒易入口，較為香甜，適合女士們，配小食亦佳！呢個芝士年糕，一咬落去入面嘅芝士會滲曬入口中，好滿足👍🏿本人亦好推介呢款雞翼，廚師首先將明太子釀入雞翼入面先，之後再去燒，將兩種食材融為一體，味道有點辣，但可以接受！最後，呢碟炒飯比較普通，加上有點油膩。總結而言，呢間居酒屋都推介比大家可以同一班朋友或同事𣈱聚🍽🍴👍🏿…查看更多