dee_eater的个人专页

呢間我都係上網見到就決定嚟食因為真係人數所限，所以真係最好提早訂枱。嗰日我就透過WhatsApp聯絡訂枱，我呢啲嫌麻煩嘅人就決定訂套餐，佢主要有三個套餐，價錢都係400-500幾，我最後兩個人埋單大約$1100 。其實呢間餐廳佢可以叫做私房菜的fin din，佢食嘅係心思菜，中式食材加西式煮法，可能會係魚加燉蛋加黑松露嘅fusion菜 。平心而論，因為我諗嗰度最多都係坐到15到20人，環境都係偏窄，但係如果以呢個價錢食到呢個水準嘅菜，性價比真係高，因為我相信外面起碼四位數。但係讚完都要彈，因為得一個廚師，我驚佢人多處理唔嚟，但係都值得支持，因為呢啲小店買少見少，同埋肯定師傅係酒店出嚟，煮嘅嘢真係有水準。…查看更多

因為住九龍城原因，有時都會去下土瓜灣，呢間野都見咗好多次，但係次次都排長龍。咁啱星期六同女朋友話不如去飲下咖啡就諗起嚟呢度食。原來佢哋而家同Footlocker搞合作，出咗一系列同籃球有關食物同飲品，仲要而家NBA都打到四強，食正個勢，3:30去到但係都排左成3-4個字先有位。入到去個個staff都著晒波衫，仲有呢段時間因為crossover 緣故，所以仲有期間限定menu, 仲要比我發現到原來呢度嘅貝果係「穎高鼻高」果間勁紅貝果店，估唔到一直買唔到，嚟呢度就食到，裡面仲有籃球機同埋一堆limited edition 籃球鞋，都見有人會玩下。但係估唔到最令我警喜係個個炸牛油果，佢一黎到係咁嘅樣，咁我睇到個樣都覺得少伏，擺盤就靚嘅，但係個色好伏。點知食落都幾surprise, 係外脆內軟，佢本身加咗7味粉，個沙律醬都少辣，成件事變到食唔停口，個感覺炸得嚟又好似好健康咁但係下次可能就唔會weekend嚟，可能weekdays 冇咁多人先嚟食啦，但係個炸牛油果一定再食…查看更多

自從限聚令又冇晚市堂食，出去食好西機會愈黎愈少，始終叫外賣拎到番去野食點都打7折，所以難得星期六放假，梗係搵下有咩好嘢食。果日咁啱去開大角嘴，大角嘴不嬲出名多好食小店，好似文華食海南雞、Homeland意粉、餃子店⋯今日行開果邊發現到有間好日本風小店，忍唔住入去試下。成間餐廳都木為主，好有日式小店個個style (掛住食冇影到相），一黎到睇個Menu 選擇唔算多，但係都有雞牛豬，供君選擇。佢哋介紹咗我試個個慢煮黑毛豬，話真係煮左3-4個鐘，等十分鐘就有嘢食，黎到一個定食咁上，有埋海節、紫薯沙律，呢個價錢都抵食。個個黑毛豬真係冇介紹豬，口感係軟淋淋、完全唔鞋，食落似雞扒多過豬扒，真係好正，值得再嚟食！個沙律都唔錯，一嚟到第一個諗法係「成舊野食唔食得」會唔會食到成口溶搞到好滯，點知原來入面都有其他菜，唔會得紫薯陣甜味、仲有口感， 反而個烏冬就普普通通。利申下次一定再黎食其他…查看更多

第一次知呢間野係有個weekend去旺角見到新開，但係拎飛要40張枱、所以一直搵緊時間去佢本店，希望唔洗點排隊。咁岩果日weekdays 撞正放假，梗係去食啦。其實門口好多320位，但係我都怕怕地，最後拍左係慈雲山中心，起碼唔洗擔心。行5分鐘就會見到餐廳，好好彩果日唔洗排隊。入到去，姐姐勁熱情招待，見我周圍望黎望去，就問我係味食沙爹牛肉麵，我話係啦，跟住點左個砂煲沙爹牛肉麵。姐姐仲問我洗唔洗有圍裙，超級貼心既服務。一上到枱打開個蓋係「渣渣聲」，姐姐仲會教你撈下佢，等佢唔好痴底，唔好搞到半生熟。雖然價錢偏貴，但係好足料，牛肉超過十幾舊，加埋花生味，好好味但係真係好滯。我盡咗力都食唔晒⋯⋯ 最後果晚我dinner都食唔落😞😞…查看更多

有日同屋企落油麻地旺角果頭食晏，本身排緊牛丼，但係條隊點排都唔郁，跟住見對面開左間拉麵，估唔到有驚喜。我地排左一陣就有位，一坐底就有staff遞左杯水比我哋，但係如果有茶揀就會開心d..雖然日本食親拉麵都係跟水多，但係最好多個選擇啦。睇menu都係主打蝦同蟹拉麵或者沾麵，本身重口味多，所以識嗌一定係沾麵，最後118蚊叫左濃蝦沾麵。雖然118睇落好貴，但係跟埋一隻糖心蛋、紫菜，平時加埋呢d都要呢個價等左2-3個字終於黎啦，正如標題話個蝦味好濃、配埋沾麵一流，同埋個麵底都好足量，起碼我都唔洗加底。最驚喜係個個叉燒，唔係平時好甜果種，係偏咸類似Parma ham果種，所以第一次食都幾okay, 但係如果唔係重口味既可能就唔太岩。…查看更多

係因為朋友介紹先第一次食，地點都算方便，太子站行過去唔洗五分鐘，但係渣車就麻煩d，雖然門口都可以擺車，但係抄牌頻率極高，外賣可以渣下，堂食就食張牛肉乾仲貴過個餐。次次一坐低就自動波三個餸「牛肚 腩肉 加個菜/肉」 我平時就會揀牛筋多，次次都呢幾款餸，主要係因為佢哋d肉好入味，隻隻都有鹵水味，特別係腩肉我覺得必食！ 汁就一定係重口味，見我揀咩餸都知我重口味啦，佢個湯底如其名，真重口味得黎但係又好好味😋佢仲會問你會唔會加蔥或者芫茜，真係每星期都要食一次…查看更多

上水有兩間都幾出名醉雞米線，一間係大街，一間係內街。咁自問平時都係食得多係大街果間良心店，今日就黎試下呢間。坐起上黎，menu 黎講都係果幾款招牌湯底米線，有樣野值得讚既係可以加10蚊變雞髀，由於好緊要，要講多次可以轉雞髀。雖然坐得就真係麻麻，但係等待係值得。我想講酒香黎講真係好看，個湯底又唔會有冰糖果種太甜，但係又唔會有酒果陣苦澀味，整體黎講好過大街果間，所以如果我再黎就唔會再食大街果間。整體黎講，雖然無咁好坐，但係湯底真心一流，雖然遠左小小又難搵位，都會再黎❤️❤️❤️…查看更多

今晚去左旺角搵野食，難得見到一日三餐唔洗排隊，仲唔拿拿臨去搵個靚位食飯醫肚仔。同平時一樣，填好表量好體溫就坐低，不過有少少失望冇主動比熱水。Dinner menu 都係中餐多，其他都係一般茶記野食，價錢就茶記價。本身想order招牌雞飯，點知賣晒，真心好想試😞😞最後叫左個鐵板XO醬海鮮炒烏冬，上到黎塊鐵板仲咋咋聲，雖然唔係好夠辣，但係勝在海鮮夠多、又唔會太油，所以真心幾值得去試。我一個肥仔食都夠飽，就知份量夠啦…查看更多

果日去開附近，見到有間新開餐廳，主要係食日式丼飯。見到價錢唔貴，又參加左聖誕科金週咪試下。始終由外賣番到屋企都半個鐘，所以凍左就一定架啦，但係比我想像中有驚喜。首先個外賣一打開，起碼仲排得靚靚仔仔，睇落都好豐富咁，有d外賣就唔會理個擺盤，但係都算係咁啦。個雞扒皮煎到好香脆，雖然會凍左，但係以呢個價錢黎講，個雞扒唔會食個汁，個雞本身都好食，唔會諧，同埋好憎食羅白絲，但係個羅白絲有陣酒味，唔會好大陣青草味。但係性價比真係好高，又有飯、又有湯、又可樂咁，個飯量又夠。唯一可以挑剔係有時客多，要等耐小小，但係48蚊抵食！…查看更多

禁制令期間，大家都體諒外賣單多/ app單多，咁我都可以體諒，weekend 舖頭人手先得四個，人手唔夠都算。我由入到舖頭想落單，佢話等等先，其實我體諒，但係最後我等左15 分鐘先落到單，係落單only 人手唔夠 咪Panada set 長d時間/ 增聘人手/ 開少兩個app我體諒呢段時間 堂食餐廳好困擾，但係我唔期望你地做折，但係都比番個合理時間比人等下。其實野食無咩大問題，但係你人手負荷唔到，又係咁接單，係唔係要諗人手問題而唔係有單就接？ 我見panada gor gor 都起碼等10分鐘先齊到單 唔該好好考慮下人手問題…查看更多

平時係牛津道打完波，總會約埋班朋友一齊落九龍城食宵夜，由於距離九龍城站開張日子愈黎愈近（當然最近問題都會有影響），個頭都轉左好多餐廳，呀dee不嬲都唔支持連鎖，所以今日就去食呢間新開大城小廚，叫左個蕃茄牛肉湯飯加杯茶走。湯飯真係好大碗，但嫌略偏甜同茄味唔夠。可能食太多蕃茄米線，對茄湯有要求左，但係真係有茄肉。我一個人都食唔晒茶走反而一般茶記水準，茶底都幾靚。同埋而家學生哥去食仲會打個九折，佢新裝修所有野都好新，同埋staff可能動作慢d，但係態度好好。…查看更多

呢間計埋今次已經第三次黎，黎得幾次自然覺得佢質素夠高，先有回頭空間，咁梗係要分享下。大喜屋已經成為左放題一個品牌，見到大喜屋就知高質，初頭得三級，後黎愈分愈多，應該只可以從海鮮甜品去分辨檔次。今日呢間樂天大喜屋，非常就腳，係旺角地鐵站隔黎。因為平時去創興想高層d 都要有排等，呢到唔洗等𨋢。因為我訂左位，所以唔洗等就有得入坐。一黎到就巡下自助區，以前呢到會serve埋海膽手卷，宜家唔洗排隊直接有得叫。呢到仲有甜品、章魚燒仲有燒酒等等。呢到刺身由於turnover 夠快，好新鮮唔會好冰岩岩好。但係當然呢到最吸引我既係蟹蟹蟹蟹腳！平時自助餐都一定要食，坦白講冇外面咁大隻，但係都好好食，一剪就食得。我大拿拿食左廿隻，咁既價錢食到蟹腳抵番晒。放題內容都大同小異，所以搵d外邊冇既黎食感覺最抵-吉品鲍汁燴花膠。我食左兩個，真係熱辣辣，仲有大大粒花膠，配埋好濃鮑汁。當然唔會係中菜個種高級野但係都好夠冧又會有咬口。好想食牛肉鍋，但係份量二人份，食唔晒就好浪費。所以叫左個牛肉烏冬，反而有驚喜！大碗又唔算岩岩好一人份，牛肉都好多塊個湯底係壽喜燒味。出面放題烏冬好多時好粉，佢又唔會，有咬口，真係似讚岐烏冬。炸物首選梗係榴連炸彈，個皮略嫌厚多d，但係流心效果做得好好，一咬d榴連汁漏出黎。我食左四粒，係熱氣左d鬼叫佢咁好食咩。食到尾，職員就會派一張雪糕紙，當然普通雪糕可以去自助區拎，但係Haagen Dazs 同movenpick 就限量供應，一人一杯，基本口味加多隻限定味，個次就係櫻花味，食埋個靚雪糕就捧住個肚走。…查看更多

朋友係外國翻黎，話想食香港野，咁凍天氣(個日得8度) 來來去去都係打邊爐同煲仔飯，但係心諗lunch邊到有得食煲仔飯(利申:食開幾間都係夜先有),俾我搵下搵下搵到呢間老字號，果然冇令人失望！係地鐵港大站行過去5分鐘到，但係要細心d睇，因為門口唔會有好大個招牌。早左小小去到，已經好多人食緊，都要搭枱，但係都可以唔會坐得好逼。同埋搭枱既好處係可以參考附近食緊咩，失嗌左兩個飯都係同桌有嗌既窩蛋牛肉飯 65元一黎到心諗係咪嗌左肉餅，佢唔係滑牛個種，更加似係肉碎，加埋隻蛋豉油就撈埋佢，嫌佢唔夠熱，所以隻蛋好似點整都唔熟，但係整體口味好好，豉油唔會過甜，同埋好過肉片，呢個真係啖啖肉。北菇滑雞飯 65元佢雞件數目好多，d雞件都好大件唔會偷工減料，但係就冇去骨，但係小問題，冬菇都有幾粒，試過外面食好多時得番一大粒，佢都算有良心！味道都好好。有機會都會再黎食，但係都有野可以批評下：個煲仔飯唔夠熱，所以冇飯焦，但係為健康著想，都係食少d喇…查看更多

個日朋友約食飯，話搵間fine diner 有view 咁，就訂左呢間，原因係之前都成日係轉角食burger ，對佢既質素有一定信心，自己本身又好中意食靚扒，所以黎試下。好好彩訂左位，因為都幾多人下，between OpenRice system 話滿左但係打去都有位，所以有時打去訂下問清楚先。坐底左就叫野食，三個人叫左兩個前菜加個扒：一點完菜就上左個面包，佢個面包真心推介， 大大個咁好食過我之前飛佛outback 黑糖包。1 popover 佢呢個包係無限添食，外脆內軟，本身已有味，根本唔需要加牛油，我一個人食左兩大個，食完已半飽，咁就開始左我對佢既高期望2 crab legs普通凍食既蟹腳，味道一般，好在幫你起晒殻，好易食，完全淨係用刀叉都食到。3 octopus 我對佢期待都幾大，因為平時食西餐，一定會好爽口同埋個汁會好正，但係好可惜事與願違，唔入味都算，仲勁un 好難咬，份量又唔多，完全唔好食4 American filet steak即係咁，叫得steak house 咁對個扒有一定期望係理所當然，呀dee都間唔中係香港食扒房，高級用塊板既食過，幾個人share斧頭扒又有⋯但係今次對佢好失望，首先點餐叫medium,發現比較生，其實都係小問題，因為扒生d都好正！ 但係問題係佢塊面好un,好似趙緊香口膠咁，係咬唔爛個隻, d筋又偏多，所以有d失望😞位位最後3百幾 (冇叫drink)所以都偏貴，份量就夠質量就唔夠，應該唔會再食，呢個價錢有更多選擇…查看更多

Simply life 真係細細個高去食，以前係pizza express隔離，再搬左去以前肯德雞個個位，個cake area 變左open kitchen 睇住個盤轉下轉咁整千層蛋糕都幾吸引眼睛，但係嫌太花巧都係支持觀塘小店多！星期六差唔多三點先黎食，咁都有原因1 遲左起身2 唔想排隊，試過午餐時段黎等足九個字。一坐底 以為有tea menu 點知係brunch menu, 以前多數都係lunch/tea time黎食親都係個個芝士牛肉漢堡，佢個薯條同冰茶係world class! 今次點左個冬蔭公海鮮有機糙米飯，價錢算略貴，加杯野飲，收過百蚊，轉咖啡加多12蚊。睇貌相已經覺得唔錯，海鮮好足料，由其個魷魚真係值得食下！ 但是嫌個汁冇辣味，如果有就再好d 同埋brunch係可以，但係當男仔既lunch就真係唔夠，但係就味道搭夠。…查看更多