Maggie_kook的个人专页

Menu有多款pizza及pasta選擇，我地揀咗肉醬意粉、Cheese Dream pizza、Hawaiian pizza。Cheese Dream有4種芝士topping，朋友A受唔到blue cheese嘅勁味，係咁話好大陣味，眉頭深鎖嘅樣超級好笑，我哋笑到肚都痛。而我哋就話超級好食，因為真係勁多芝士，鋪滿喺pizza上面，仲有勁長嘅拉絲，入口軟綿綿，鍾意食芝士嘅朋友嘅必食之選。Hawaiian pizza點俾食唔到濃味芝士嘅朋友食嘅，我無食到，不過見到都好足料，應該都唔錯。肉醬意粉口感幾好，唔會煮到太淋，番茄醬應該係自家製，有隻溫泉蛋喺上面，不過我覺得蛋黃撈白汁比較對味，蛋黃撈番茄醬好似變咗番茄炒蛋咁，可能係我嘅口味問題啦，朋友食都覺得無問題。…查看更多

今日去牛頭角攞啲嘢比朋友，趕時間，所以我地就入咗呢間茶記食啲嘢。我就點咗鹽燒滋味牛俐（可配飯/撈米線），配意粉就見得多，有得配撈米線就無見過，一於就試下佢啦。個餐$53配飲品 ，我又揀咗啲唔常見嘅——清涼雜果冰。由於我地去到已經兩點半，下午茶時段仲可以減4元。我加配咗咖喱汁，要加8蚊，除咗咖喱汁仲有黑椒汁同肉燥，都幾正。咖喱米線都係一個幾特別嘅組合。味道都唔錯，咖喱味幾香濃，又有少少辛辣，好惹味。牛舌亦煮得軟淋入味。我覺得食物質素都唔錯。…查看更多

My dad’s birthday meal held there and that was the third visit of our family. We tried their food before and dad said it was very nice. So we came back again for more food and more hotpot. We booked ahead as usual to avoid the problem of not getting a table.We ordered the beef platter and it got like 5 different choice of beef and everything was so fresh. The meat was very tender with lot of flavour. Our family really love beef a lot and we quickly finished up all the beef.The restaurant got various kind of seafood including fishes, shrimps, clams, crabs. But we only ordered shrimps and ordered meatballs and dumplings to compliment the hotpot. All the ingredients were very fresh and the portion were quite adequate.…查看更多

之前不時見到舖頭入面好多人，我又都無特別排隊，所以一路都無食過。今次又過灣仔整頭髮，咁啱今次見到有位，就入去試下。麵底好彈牙，呢個質感好好。外賣就一定食唔到。因為浸湯浸得耐就會開始發脹，麵條點都會腍咗D，咁就無咁好架啦。廣東麵落鴨蛋就係為咗有彈牙嘅質感，唔即刻食浸住湯，麵條就無咗煙韌爽口嘅，幾好嘅麵都係浪費咗。牛腩份量頗多，唔會太瘦，炆到好入味。湯底唔係清湯腩嗰款，成碗麵整體都幾ok。 $30幾蚊一碗以港島區計都算係好抵，夠唔夠飽就見人見智啦…查看更多

呢排病病地，唔舒服咗成個禮拜，今日仲要個肚唔舒服，要食得更加清，唔可以太過油膩。到食晏時間又唔知食乜好，同事見到我嘅情況，佢提議我試下買好燒味，初時我仲話燒味咁油膩，原來而家有款非常健康嘅飯盒，係供應雞胸肉，連雞皮都會去埋，相信係主力for on diet人士。同事見我病，幫我買埋返嚟，個外賣盒係紙盒，設計得好精美，感覺餐廳係注重細節detail位嘅。打開飯盒見到有雞胸之外，仲有西蘭花，有肉有菜有飯，整體都好平均。雞肉食落就真係主要食天然嘅味道，唔會有過重嘅調味料。肉質唔嚡算係嫩滑，啖啖肉一條骨都無，都係另一個賣點。如果我唔係病病地，我可能會覺得白飯連少少醬汁都無就有D dry嘅。…查看更多

今日我們“四姐妹“難得聚在一齊出動外出覓食！我們覓食嘅三大標準就係：抵食，飽肚兼好味！並堅決杜絕打卡呃LIKE好睇唔好食嘅嘢。於是自稱係飲食界嘅實際派！今次我地嘅目標鎖定了：緣味小聚。打算一嘗佢嘅蒸鍋！入到去，地方唔大，細細間，環境普通。不過我地唔係食裝修，我自己本身更喜好一些平實抵食嘅街坊小店。蒸鍋有兩個SET揀，我地就揀咗龍蝦果個，其實價錢都唔係相差太遠。我地四枝花一起出動，唔知係咪我樣貌姣好，有如出水芙蓉，佢仲送個避風塘炒蟹比我地食。我還偷偷竊喜了好一會兒……然後朋友就話我唸多咗，提我睇鋪頭張宣傳海報，我先發現係佢地新張優惠：四人同行會有避風塘炒蟹。”（哎呀，樣衰咗添。）避風塘炒蟹炒得幾惹味，蟹大大隻，好多肉，我都好耐無食蟹啦，今次一食勾起了我對蟹嘅思戀。海鮮上台，睇落個個都大大隻，幾FRESH。肉嫩鮮甜，蒸嘅方式可以食到海鮮嘅原味，每人每款海鮮都有一隻到，服務都幾好，蒸嘅過程服務員都會幫手，幫你記時同加醬料，食得都幾舒服。一開始幾驚唔夠飽，不過食到最後仲有八寶飯，加埋飯食都夠飽嘅。不過睇其他人嘅食評就話食唔曬啲飯要打包走，我心唸我地有咁大食咩？我地係全部食曬無剩到。今餐我地都食得好滿足，食得好豐盛。…查看更多