Siu gut hk的个人专页

機緣巧合之下路過天樂里，見到依間叫天樂園嘅餐廳好似幾好食喎每日都有唔同嘅餐牌，我就最鍾意食呢啲小菜加飯，叫餸食飯啦，咕嚕肉係佢嘅例牌差不多每一日都有仲有好多招牌菜，例如蒸鯇魚，通菜牛肉，薯仔牛柳粒，韭黃炒蛋等等，淨係聽個名都覺得好吸引佢一個價錢包一個小菜，一碗飯，一個湯，同埋飲品價錢絕對係靚仔！食物嘅質素更加係頂呱呱啲師傅嘅手勢好有鑊氣，啲食物係非常高質個湯都好足料，都係日日唔同，食足五日都唔會厭…查看更多

灣仔打工仔恩物，平價新加坡馬來菜，性價比高。依間餐廳之前食過，嗰陣時唔包飲品，冇午餐套餐。感覺唔係太抵食最近佢出咗啲d 午市套餐，價錢平咗之餘，仲包埋飲品，立即吸引度大增由於我好鍾意食海南雞，見到依個海南雞米粉立即就係不二之選食物嘅擺盤同啲碟都好靚，增加咗食慾， 個海南雞就似白切雞多啲😅😅😅不過個米粉就好好食好彈牙似係新竹米粉，另外仲有隻糖心蛋都好流心飲品就梗係呢啲特別啲嘅香茅紅茶啦咁嗰個就係普通紅茶😅，但係都係好飲嘅…查看更多

上次路過hysan見到依間魚麵寫住係米芝蓮喎同埋好多似西式食物都係用魚做㗎，幾得意就試下啦！今次試咗佢嗰啲自選餸嘅餐，有好多個組合可以選擇，連燒賣底都可以揀，既然佢做魚麵起家嘅，咁當要試吓個彈牙魚麵啦，麵個湯底我都揀咗白色魚湯仲要埋魚餅墨魚卷同埋脹卜卜蜆，海鮮餐😆😆個魚餅係幾好食，好可惜今次唔係魚仔造型，扣左分係一個圓形似麥樂雞嘅造型🤔d蜆都幾飽滿，脹卜卜😀個魚麵就真係好彈牙，食嘅時候好有咬口，個湯呢就比想像中淡咗啲，我原本要為係好香魚味嘅白色魚湯，呢個湯冇乜魚湯味😂😄咁啱坐到個窗口位可以望住銅鑼灣街景chill住食，咁加返分啦…查看更多

一向好鍾意食上海菜，今次就同咗屋企人食沙田依間翡翠拉麵小籠包😁😁每次食上海菜呢，賽螃蟹同埋紅燒獅子頭係必叫嘅😆😆😋😋由於係同長老一齊食，所以叫嘅食物都比較清淡一點😀我哋再叫多咗個水餃麵水餃皮薄餡靚，每粒都晶凝通透，口感幾好👍👍啲食物係高質😄😄翡翠拉麵小籠包一貫嘅質素嗰賽螃蟹，蛋白好香滑，紅燒獅子頭呢，肉同d 菜就好入味，而餐後甜品，我哋就要左酒釀丸子😁整體都滿意，唯一係人比較多，服務一般…查看更多

除咗海南雞飯之外，金邊粉都係我另一至愛好可惜，好難遇到炒得好好食嘅金邊粉我食過一次，蝦夠大酸酸甜甜夠入味雖然高質但係其實只係喺某商場嘅food court，可惜而家冇得食了。見到呢間泰國餐廳忍唔住試佢個炒金邊粉上菜嘅時候賣相幾好，加左分😀😀仲有條條香茅做伴碟😆😆😆飲品我冇要到泰式飲品，都係要返我最鍾意飲嘅凍檸茶整返嚟講都算吵得幾好味，算正常發揮😀金邊粉乾濕適中，加埋啲青檸汁酸酸甜甜咁👍…查看更多

長老就最鍾意食去酒樓飲茶，食點心一盅兩件，飲杯茶食個包大埔呢間稻香茶居，唔同普通嘅稻香，佢嘅裝修有啲古典氣息，樓高兩層，地下門面係有一啲木造嘅設計就真係有茶居嘅感覺得閒嘅時候，長老都好鍾意喺呢度飲茶，呢度環境比起其他稻香舒適，兩個人都有張舒適同埋食品質素係貫徹稻香嘅質素😀😀呢度嘅點心可以形容為抵食大件有質素除咗呢啲傳統嘅點心之外，佢仲有芝麻餅同埋白兔仔點心，性價比高呢度嘅自助沖水茶壺都好得意😆…查看更多

老牌懷舊茶餐廳，質素有保證灣仔既薔紅餐廳，長期都超級多人最遠近馳名嘅一定係佢嗰個脆雞加薯條基本上每一枱都有人食，由於我哋唔想食到成手都係油所以冇叫不過就咁睇都覺得好吸引，我哋今次要咗佢嗰啲午餐，雖然只係普通午餐，但係都好出色質素比一般嘅餐廳好例如三寶飯，啲燒味都好高質，同埋啲細微位伴碟配菜都有落心機咖喱牛腩魚腩飯，一次過可以食到兩樣餸，有別於普通餐廳嘅只係咖喱牛腩或者魚腩嗰啲煎扒意粉睇起上嚟平凡，但係食落好好食啲意粉有落少少茄汁煮過，幾好味…查看更多

有時幾個朋友想叫餸食飯，都會想食呢間酸菜魚佢個名雖然叫酸菜魚，但係其實有好多其他小菜揀主食，可以揀上海麵清湯、擔擔麵、菜飯或者白飯。多數我會想清清地有兩條菜食吓所以都係要上海麵，啲朋友就鍾意擔擔麵貪佢夠味我哋多數都會叫三四個小菜，跟住一齊share多數都會叫菠蘿咕嚕肉啦，上海排骨，醉雞同埋要碟菜裝修完同裝修後嘅食物冇乜分別除咗個菜唔同咗食物都係一向嘅有質素唯一就係午市超級多人會比較迫同埋個餐係唔包飲品嘅要另外比$5就有凍飲$3就有熱飲…查看更多

我好鍾意食海南雞飯，之前一直想試吓呢間泰潮。佢係平民價嘅米芝蓮海南雞飯喺尖沙咀路過search吓新港中心有乜嘢食，竟然見到呢間春潮喺food court，咁就試吓啦可能期望太高 一見到嗰碟雞嘅時候，實在有點失望，擺碟好像零碎的雞鋪起來😂😂😂見到另外一個顧客個碟是比較靚的，是一排完整的雞肉，面是一片片金黃色的雞皮👉🏻👈🏻心諗，真唔好彩，人哋嗰碟靚咁多🙃由於我依應該係雞胸加咗隻無乜肉的雞鎚整碟嘅感覺就係雞胸鞋口，雞鎚無乜肉🤣🤣🤣跟住食完之後試吓個湯啦，一入口係濃烈嘅味精味…查看更多

屋企人生日諗住去又一城餐廳慶祝，由於生日嗰個位好鍾意食高力豆沙於是我哋就去咗食王家沙花樣年華啦食過唔同分店嘅王家沙，一向好鍾意嚟又一城呢間王家沙，因為佢樓底夠高，個空間夠，同埋有時會可以安排到自己坐一個corner，有屏風，似一個包廂，同埋佢嘅裝潢有古典感由於大家口味都比較清淡，所以我哋都係食啲清淡食物，例如嫩雞煨麵啊，小籠包啊，賽螃蟹等等，再加上一定必要嘅炸銀絲卷同埋高力豆沙高力豆沙好考功夫，唔係周圍有得食，所以每次黎親都必叫😆高力豆沙…查看更多

呢間有初遇餐廳，充滿台灣氣息，木系裝潢嘅餐廳，專攻台灣食物，例如滷肉飯啦鹽酥雞等等初次遇見，我就試咗佢個下午茶餐，今次要個清清地嘅水餃新竹米粉，佢個餐包一杯台式飲品，可以要珍珠奶茶丫，冬瓜茶丫等等，仲可以加錢要芋圓tim由於夏天好熱，我想少少暑又想養生👉🏻👈🏻就要咗杯冬瓜茶少甜少冰啦個水餃裏便好多餡，幾好味，新竹米線比一般嘅米線有咬口，好食d 😋😋飲品就正常發揮啦成個餐都係四十零蚊，性價比高…查看更多

提起南記，相信係好多人嘅集體回憶相信最經典嘅一定係佢個招牌河，包兩粒牛丸、兩粒白魚蛋，再加兩條春卷我呢就最鍾意食佢個招牌河餐，除咗包招牌河之外呢，仲包埋蠔油生菜，同個嘢飲，價錢都好實惠清清地，樣樣有，又食到好夠飽南記嘅質素有一定嘅保證牛丸好彈牙，白魚蛋好爽口，春卷有咬口，同一般喺超級市場買到嘅春卷係冇得比嘅佢嗰餐除咗可以揀豆漿，我都好鍾意飲凍檸茶由於南記非常之受歡迎，所以餐廳經常都勁多人🙃🙂🙃🙂…查看更多

去開青衣嗰頭探朋友，見到依間牛奶餐廳，睇落去個港式早餐好似幾好食喎咁就去試吓啦我揀咗碎雞扒公仔麵，再加炒蛋同埋蒜香牛油多士個雞扒切到一件件細嘅，好方便入口，同埋會夠入味公仔麵就係熟悉嘅煙韌度，都煮得好好其實公仔麵係好需要技巧去煮，如果唔係會太林或者太硬炒蛋都好香滑呢，個蒜香牛油烘到硬度適中，唔會太硬，亦都唔會太林，配搭埋啲蒜蓉牛油，正，俾個like 整體整個常餐正常發揮，我覺得係above average …查看更多

已經唔係第一次來陳家廚房食每次食都好有質素，係信心嘅表現所以如果相約朋友想食得好啲，靜靜地，就多數會嚟依到食佢個餐牌耐不耐就會轉，每次來都有啲唔同嘅款今次我地試左個陳家點心拼盤，同埋秘製鮑魚紅燒肉個餐都係包湯同前菜，今次佢轉咗一隻凍嘅烏龍茶，有少少回味甘香好好飲首先係秘製鮑魚紅燒肉，個菜係原鍋上，仲有兩隻鮑魚，好足料，紅燒肉就肥瘦分明，瘦肉同埋高嘅比例適中，擺碟都好靚，一開鍋嘅時候我哋都俾個like點心拼盤呢就係用咗一個兩層嘅燉盅去放，一層係荷葉蒸飯，另一層就係點心視覺享受好好…查看更多

最中意食茶餐廳，貪佢乜嘢都有選擇多依間凱旋餐室食物多元化，有例牌午餐午，常餐同埋各種炒粉麵飯。今次就試左佢個常餐，我揀咗香茅豬扒烏冬，配火腿炒蛋同埋蒜香多士飲品就要左，香滑奶茶，係黑白淡奶杯。茶餐廳要常餐多數都穩陣，冇得輸呢度嘅常餐有得要烏冬都算特別，平時多數淨係可以揀通粉、米粉、公仔麵等個湯清清地幾好，個豬扒都煎得幾香脆，又唔鞋口佢仲有放多少少西蘭花伴碟，算係有啲誠意餐廳係間小店，午市如果自己一個食就可能要搭枱…查看更多