Cheungcc168的个人专页

我和我的朋友最近在 Deep Sea Oyster and Steak 用餐，我們訂了商業2人餐，食物的品質和口味都非常出色。開始用餐前，服務生送來了是日餐湯（南瓜湯）和什菜沙律。湯口感濃厚，很香的南瓜味道，沙律上的新鮮蔬菜非常新鮮，很開胃，讓我們有了良好的開始。接下來，我們點了生蠔和迷你刺身拼盤。生蠔非常新鮮，味道鮮甜，而刺身拼盤上的各種魚類也非常美味，令人難以忘懷。我們的主菜包括鵝肝多士和加拿大豬斧頭扒。鵝肝多士的鵝肝非常豐富，多士鬆軟可口。而豬斧頭扒是烤得恰到好處，肉質鮮嫩多汁。最後，我們享用了深海海鮮拉嫋、西非野生蠔和西班牙蠔。這些海鮮都非常新鮮，口感豐富，令人回味無窮。總的來說，Deep Sea Oyster and Steak 給我們留下了深刻的印象。食物質量高，服務周到，而且氛圍非常舒適。如果你是海鮮和牛排的粉絲，我強烈推薦你來試試看。…查看更多

Espresso Alchemy餐廳位於市中心，裝潢雅緻，氛圍溫馨。首先，煙三文魚沙律是我的最愛之一。三文魚新鮮可口，沙拉配料豐富，非常開胃。生酮提拉米蘇卷也是一道令人驚艷的菜品。它的口感柔軟，濃郁的提拉米蘇味道和可口的奶油卷餅完美融合。大蝦意粉和蟹肉意粉都是非常美味的意粉菜品。蝦和蟹肉都很新鮮，醬汁味道濃郁，意粉煮得恰到好處，帶有微微的嚼勁。烤雞沙律是一道輕盈的菜品，烤雞肉肉質鮮嫩，沙拉配料清新，是一道非常健康的選擇。在飲品方面，我推薦伯爵茶巧克力杏仁奶。這是一款非常獨特的飲品，茶和巧克力的味道完美融合，杏仁奶增添了豐富的口感。蜂蜜青檸梳打也是一款非常清新的飲品，清爽的青檸味道和蜂蜜的甜味形成了絕妙的平衡。總體來說，Espresso Alchemy餐廳提供了一系列美味的菜品和飲品，非常適合一家人或朋友聚餐。餐廳的服務也非常周到，讓人感到舒適自在。如果您正在尋找一家既有美味食物又有舒適氛圍的餐廳，Espresso Alchemy絕對是一個值得推薦的選擇。…查看更多

天天海南雞是一家以海南雞為主打的餐廳，但他們的菜單也有其他豐富的選擇。我點了他們的招牌菜之一——食神魚籽菠蘿海鮮炒雞油飯。這道菜以炒飯為主，加入了鮮美的海鮮和魚籽，讓整道菜的味道更加豐富多樣。菜中的菠蘿也加入了一些甜味，讓整道菜既有鹹味又有甜味，非常適合我的口味。此外，餐廳的海南雞也非常值得一試，雞肉柔軟多汁，入口即化，搭配特製的醬汁更是美味。此外，我還點了黑松露墨魚蝦多士。這道菜以墨魚和蝦為主，加入了黑松露的香味，讓整道菜的口感更加豐富。多士的外皮煎得香脆，內裡的墨魚和蝦肉鮮美多汁，非常適合當成下酒菜或者小點心。總體來說，天天海南雞的菜品讓我感到非常滿意。不僅海南雞入味，其他的菜品也都非常美味。此外，餐廳的服務也非常周到，讓我感到非常舒適。唯一的缺點可能是餐廳的位置比較隱蔽，不太容易找到，但這也讓餐廳更具有私密性和特殊感。如果你喜歡海南雞，我非常推薦來試試天天海南雞的菜品。…查看更多

好耐冇去九龍灣德福廣場，所以就約朋友去逛街和晚飯。其實德福廣場有好多選擇，最後擇咗經常幫襯嘅台式餐廳～茶木。7:00pm到達茶木，等咗十分鐘就有位，當看見所有甜品都賣晒，有D傷心，下次一定要早D嚟補返數。首先我哋叫咗一個客飯，紅蔥地瓜燉無骨牛腩，牛腩燉得好入味，入口即融。跟住就叫咗小食～路邊攤小食，紅油炒手，自家製台式烤香腸，櫻花蝦花枝餅。記得食烤香腸時加埋蒜片，又夾又好味。至於櫻花蝦花枝餅，非常彈牙，值得encore。飲品就叫咗珍珠奶茶，佛手柑水果茶，記得揀自己鍾意嘅茶底，杯飲品就變得更加完美！🥰…查看更多

又到開飯時間，其實係late lunch, 今次約咗朋友系觀塘食飯，地點由朋友決定，佢揀咗係亞太中心3樓嘅Dodam Chicken。一到餐廳，職員比咗窗口位我哋，即刻胃口大增，我哋叫咗2杯飲品，雲呢拿奶昔和士多啤梨奶昔，味道不錯，不太甜。之後就叫咗蜜糖牛油蒜香烤雞，韓式牛肉年糕粉絲，鮑魚人蔘雞湯。首先蜜糖牛油蒜香烤雞就好有水準，甜甜的蜜糖包住嫩滑嘅雞肉，再配脆脆的杏仁片，真係一食就停唔到口。至於韓式牛肉年糕粉絲，湯底清甜，牛肉份量不少，年糕煙韌，味道不會太咸，味道適中。最後，鮑魚人蔘雞湯，就有濃濃的人參味，好好飲。下次一定要再幫襯，試吓其他菜式！😋🥰…查看更多

約咗朋友食Lunch, 因為大家下午都有空，所以揀咗去鱷魚恤中心3/F嘅極尚大喜屋，嘆番個Long Lunch。我哋1:00pm去到，可以食到3:00，2:30 last order。最開心就見到個大雪櫃，有好多飲品選擇，值得推介的就是自家製冷泡茶，好好飲。第一輪我哋就先叫咗魚生，有三文魚、希靈魚、象拔蚌、甜蝦、仿鮑魚片等等……本人就比較喜歡三文魚和仿鮑片。建議大家每樣叫少少，之後啱食先再叫，咁就唔會浪費。之後開始向熱食進攻，我哋試咗紅燒乳鴿、鹽燒牛舌、鹽燒雞翼、鱈魚乾、一口牛等等…….乳鴿好有水準，又juicy，又嫩滑，所以encore咗幾次。至於牛舌同雞翼，我都好鍾意。最後，甜品有雪條、雪糕和不同口味的蛋糕。我比較喜歡芝麻及豆腐雪糕，可以食多幾杯！…查看更多

今日同朋友經過呢間意大利餐廳嘅招牌，因為朋友同我本身都想食意粉同埋牛扒，所以諗都冇諗就入咗去。另外，佢嘅鋪位都幾容易搵到，幾方便。一入到去整體裝潢偏黃，俾人感覺輕快同埋熱情，而成間鋪頭都好乾淨。我地就叫左一個二人套餐、一個香蒜白酒蜆意大利粉、一個鵝肝法國吐司。食物方面，蒜蓉包個味偏重，不過因為有湯同埋沙拉，所以中和左同埋另人食唔停口。二人套餐我地選擇左大蝦蘆筍意大利飯同埋五成熟嘅西冷牛扒。個西冷牛扒嘅牛排食落唔會覺得咬唔郁，而且本身已經有落鹽調味，就咁食都得，如果鍾意重口味就可以點醬食。甜品方面，我地叫左雪糕同埋芝士蛋糕。雪糕就係哈根達斯嘅雪糕，而味道都有好多款式。芝士蛋糕都唔會太膩～ 整體黎講，會同朋友黎多次呢間餐廳！…查看更多

將軍澳海旁多咗好多餐廳，今次揀咗A Tavola Bar and Grill西餐廳，位於將軍澳Monterey Place，鄰近將軍澳海濱長廊，環境優美，即刻加咗唔少分！我同朋友揀咗一個安格斯肉眼扒套餐，再加半隻燒雞，兩個人開心share, 非常滿足。首先安格斯肉眼扒套餐有蘑菇湯、肉眼扒、飲品同埋甜品。肉眼扒我哋揀咗七成熟，燒得剛剛好，配埋牛油檸檬醬汁，簡直絕配，至於甜品好靚，有少少棉花糖，果仁同葡萄乾，都幾特別。至於燒雞就好嫩滑，沙律菜同薯角都好好味😋！下次一定要試吓其他菜式！…查看更多

朋友住大坑，約我到大坑食晚飯，佢介紹新開嘅私房菜—睿海御宴，大家都贊成。酒樓位於大坑浣紗街，天后站行大概8分鐘就到，都算方便。我哋一行四人，所以揀咗一個四人餐，前菜有三款，分別係日本梅子涼瓜、黑松露腐皮卷、椒鹽牛油果。我覺得日本梅子涼瓜好特別，由於本人鍾意食涼瓜，而且第一次食到呢種煮法，酸酸哋，都幾開胃😋。跟住有中式燉湯，豉椒炒花甲，柚子脆蝦球，蒜片香煎黃牛粒，當紅炸子雞半隻，杞子魚湯浸菠菜，櫻花蝦瑤柱蛋白炒飯，甜品係桂花糕、紫米露。我最鍾意係炸子雞，D雞肉好嫰滑，而櫻花蝦瑤柱蛋白炒飯亦好出色，啲飯炒得好乾身，好好味！下次一定會試埋D點心！😊…查看更多

約咗朋友尖沙咀食飯，跟住再去shopping,今次輪到朋友揀地方，佢就揀咗海港城Espresso Alchermy, 可以嘆住咖啡慢慢聚舊。首先我杯Ice Cappuccino就唔錯，香濃咖啡加厚厚嘅泡沫😋。頭盤揀咗三文魚牛油果莎莎配沙律及多士，多士充滿麥香，加埋牛果莎莎一齊食就絕配，鐘意食牛油果嘅朋友一定要試試。Main Course就order咗墨西哥夾餅配慢煮豬肉及莎莎醬，有D辣，如果食得辣就可以再加墨西哥辣椒醬。最後甜品糸西多士伴鮮漿果雪糕配自家焦糖醬，好好味！…查看更多

燒美國黑毛和牛丼黑毛和牛燒至焦香，一片片薄切和牛唔乾唔韌，配上清新微苦既火箭菜，中和肉類本身既油膩感，而帶有牛油香味既珍珠米飯粒粒分明，非常出色😍黑毛和牛沙律同丼既和牛其實一樣味但比較厚切，加上蒜片但香靜岡柚子大蝦扁意粉首先要讚下個手工意粉好有咬口，最特別係加入微甘既柚子令整個意粉充滿清新香味，加上調過味既彈牙鮮蝦，估唔到日式fusion意粉都咁出色，exceed my expectation! Nice!…查看更多

今日同朋友行街嘅時候，突然之間好想食西式食物，但又覺得西式食物好難整得好食，所以已經諗緊轉唔轉其他food preferences。好彩突然經過咗呢間西餐店，見到佢啲招牌勁吸引，人流又多，就入咗去試吓。雖然話人流多，但一入到去，環境都屬寧靜，會俾人一種舒適適合飲酒傾偈嘅地方。而個裝修亦都簡潔。食物方面，雜菌意粉、牛扒配薯蓉、朱古力慕絲蛋糕配雲呢拿雪糕。雜菌意粉嘅醬汁好濃郁，意粉亦都好彈牙。而牛扒肉汁豐富、鮮嫩可口，配合薯蓉可以解膩。另外，朱古力蛋糕嘅甜度適中，好適合一啲唔鍾意太甜嘅朋友～加上雲呢拿雪糕就偏甜，整體啱啱好～～總括而言，整體嘅CP值超高！❤️…查看更多

疫情之下，無得去旅行，唯有出街食番多少唔同種類嘅嘅食物補返數，今次揀咗燒肉放題——Running 燒（將軍澳Popcorn), 星期一至五午市放題，每位$178。一去到，職員解釋因為疫情，安全之下取消salad bar 同甜品bar，雖然有D失望，不過都冇問題，而時間就冇限至3點，但只糸暫時的，大家去之前要問清。職員好貼心，提醒我哋order時係以每件計，所以可以叫多幾件。我哋第一round就每樣要兩件，之後啱口味個D就再加單。我哋最鍾意食肥牛同牛扒，網燒之後非常香，而且好入味，值得一讚。至於🦐就好新鮮，非常彈牙。和食方面，記住order柚子味炸雞,好好味！最後，有我最鍾意嘅Dreyers雪條，好香桃味，1條都係62卡路里，可以食多幾條！😄😃…查看更多

又到午餐時間,朋友揀咗將軍澳新都城嘅十二味食lunch set, 之前已經嚟過呢間餐廳，試咗酸菜魚午餐，今次同朋友試其他菜式。疫情之下，今次易搵位咗，之前糸要等位㗎。今次冇叫酸菜魚午餐（其實好想再食，不過今次想試吓其他午餐），最後我哋揀咗水煮牛肉lunch set（$58），2個朋友分别揀咗川香回鍋肉lunch set（$58） 、武隆尖椒雞lunch set（$58），午餐包小食、一碗白飯同維他奶，其他飲品就要加錢，其實都幾抵食。首先，我嘅水煮牛肉就叫個小辣，不過都幾辣，牛肉都幾嫩滑，最後過食咗大半碗飯。川香回鍋肉都糸叫咗少辣，但糸食落真系唔太辣，我好鐘意食配菜—蓮藕，好好味！仲有武隆尖椒雞，少辣都好辣，而且糸麻辣。至於飲品桂花冰釀就好好飲，可以解辣。…查看更多

因為疫情之下，好耐冇出街食晚飯，所以好懐念之前可以糸夜晚食麻辣雞煲，而家唯有改喺午餐食番補數。今次就揀咗糸旺角嘅吞pot雞煲火煱，因為朋友話呢度啲雞煲好好味，所以就陪佢食個好刺激嘅午餐。首先我哋order咗一個重慶雞煲，只係BB辣都已經好刺激，可能系我唔係好食得辣嘅原因，食到流晒汗。首先隻雞都幾大隻，D雞肉都好入味，同埋好嫩滑。之後我哋再加左一個四寶手打丸（手打墨丸，手打黑墨丸、手打牛丸、手打蝦丸各2粒），都唔錯，幾彈牙。至於小食方面，我哋就試咗Wasabi牛柳粒、椒鹽豆腐。Wasabi牛柳粒就可以多啲Wasabi, 可能糸已接受辣嘅程度已經大大提高。總括嚟講，下次應該要半隻雞，咁就可以留番個肚試多啲其他食物。😊 …查看更多