mandee830的个人专页

今次已經係第二次去呢間餐廳食飯，同樣都係坐梳化位，其實梳化位並唔係特別舒服，只不過係咁啱安排咗喺沙發位。至於食物方面，我哋兩個人分別係嗌咗意粉同埋一個海鮮pizza，意粉係正常發揮，而海鮮pizza雖然上面嘅沙律醬稍為多咗少少，但係Pizza個底好脆，所以都幾好食， Pizza並唔係厚pizza而係薄脆，上面鋪滿左海鮮，係一個唔錯嘅選擇。而飲品方面就嗌咗一杯咖啡，佢有得揀比較Nutty或者係fruity嘅咖啡，但係我覺得咖啡味就唔係特別出。但係有一方面，職員唔係咁主動去幫你斟水，我建議係唔係每一台都可以擺一樽比較大嘅水等客人自己斟，呢個係我去過呢間餐廳兩次都係有咁樣嘅感覺。…查看更多

餐廳環境： 餐廳面積比較細，唔多過30個位，座位比較窄，流轉都幾快。食物：叫左個牛筋丸牛肉粗麵，餐牌可以選湯的濃度，都可以加錢轉麻辣湯底，面可以選粗幼，因為第一次食，所以湯選紅燒，正常濃度，面選粗麵。落左order 都等左一陣，比預期中慢。上菜啦～ 梗係一開波試下個湯，但係，有D失望，湯有D鹹，紅燒湯黎講，真係不及段X貞和茶X。麵的話，咬口係有D，但唔香，麵粉問題，我個人都係比較喜歡段X貞。牛肉其實係牛展，都算厚切👍，但煮湯的時間可以耐D，個人覺得有D硬，係接受到的，可能之前一直食的牛肉麵D牛肉係偏淋的，而牛筋丸，好明顯係振興牛骨濃汁牛丸，整碗有3粒牛丸，牛展都唔少，所以整碗$80幾 都唔算貴。不過由於麵同湯都真係一般，而振興牛肉丸都可以買到，所以我真係未必會再黎～…查看更多

確實係香港少數質量高的酸菜魚，咁係因為香港酸菜魚整體質素比較低（對比起大陸）酸菜魚+3配料今晚叫左兩人份量酸菜魚，少辣，加配料包括薯粉，牛舌，午餐肉。雖然係少辣，但個人都覺得辣，不過好個人，牛舌係驚喜，好濃味！午餐肉份量都幾多！薯粉口感chewy, 又係必叫！整體唔錯，不過對比大陸的太二仲有距離。炒包菜都係唔夠大陸好食，唔夠麻，醋味都唔係好夠，可能晚餐太多人唔夠時間，所以唔係好入味。甜品叫左個彩虹凍粉真心唔建議食，尤其是個白色丸子，無味無色口感唔好…查看更多

好有良心的餐廳！離遠見到個紅色招牌，design 幾特別，行過去窗口見到裡面D 凳幾好坐，就入去試試。飲品首先來杯奶茶，好大杯，而且唔會係出面D餐廳咁成杯冰，茶底幾arm 我口味，推薦！食物1）海南雞飯（$72包飲品）：D雞好足料，好好好滑！D 飯好夠熱好香！2）咖哩牛舌意粉 （$72包飲品）：有驚喜！意粉唔係出面D 頹意粉，這裡的意粉係有口感同埋炒過的，咖哩薯仔係炸過的， 好有heart, 牛舌切得厚，同埋比左好多舊！3）鵝肝多士（$88）：居然會出現係餐牌到，並且唔貴，真係成塊鵝肝！ 唔係鵝肝醬，而且鵝肝係有厚度的！外面少少脆口，內裏滑！總結，值得推薦，一間好有良心的餐廳，讚！…查看更多

係某平台的拉麵關注組搜索灣仔，見都幾多人推介lee 間，時間尚早就行去試試行到去若11:30，隔離有間賣模型的舖頭，再隔離係垃圾站，開頭都有少少介意，怕唔衛生。網站寫明開11:30，去到的時候舖頭門係開左，有位外籍女士係門口掃地，我本來諗住既然都開門，咪準備開口講聲excuse me 入去，但未開聲，該位女士就好唔耐煩用英文話未入得，係出面等，我就用英文問大概等幾耐，佢就用手指指出面 ，或者佢意思係叫我出面繞個圈先…… 唔緊要 因為事先我係拉麵關注組見過ching 講話服務態度一般，我理解人係會做到「醋」左 但有諗過，其實你剛剛開門 一個客都未有 就咁有火藥味，或者尋晚訓得唔係咁好，又或者準備雞湯的時候，D 雞唔聽話掛，anyways…體諒直接講食物質素先我叫左個特盛硬直面，主角係湯，確實係香濃白色的忌廉湯低，並且飲完唔口喝，飲得出係濃味，但唔鹹，且有雞味，好難得！拉麵，我本身鍾意硬麵，確實煮出黎係硬度係我喜歡的，而且爽。上面有兩塊炸左的蓮藕，我覺得好好味，好脆，並且保留了蓮藕的味道，如果係零食的話，真係可以食唔停。特盛上面有六塊雞肉，食得出係慢煮雞肉，但反而雞肉唔係好出色，同平時食的慢煮雞肉冇咩特別，而且特盛都係得6塊又唔係大塊的雞肉，唔係好抵。 原隻雞蛋酒更加冇咩特別了。紫菜就更加不濟。…查看更多

泥鯭粥真係唔知就係香港島邊度搵到了，30年前都話可以係一D 大廈的樓梯底搵到，而家就算係街市裡面的熟食中心都搵唔到，所以見到有泥鯭粥再加上見到櫥窗上面的餐牌，價錢真係好吸引，好抵食，就二話不說入左去坐。大家要留意我post 的最後張單！打電話外賣自取仲有9折，但係如果through 某D 外賣平台落單，俾我無意之中發現，炸大腸貴左20蚊～ 我估其他菜色都係mark 高差唔多價錢～環境光猛，都算乾淨，服務員都幾快手，要多杯水都唔會黑面食物1）泥鯭豬潤粥豬潤太熟，泥鯭有一條半，仲要係比較大條的，同埋幾重的果皮味，粥都幾夠熱同埋幾夠滑的，個人覺得有9分（10分滿分）值得推薦！2）炸豬大腸基本上每枱都有點，所以我地都跟著叫，炸🉐️比較香&脆，腸都洗得好乾淨，個人覺得有9分（10分滿分）下次黎會encore3) 豉椒黃鱔份量都有一整條黃鱔，都幾爽，係個汁有D 鹹，個人覺得有8分（10分滿分）。4）涼瓜炒牛肉牛肉比較滑，但沒有牛肉味，苦瓜比較薄身，唔係好苦的苦瓜，但係整碟都係油，都幾恐怖，下次黎，除非好像食苦瓜，否則應該唔會點，個人覺得有6分（10分滿分）5）腐乳通菜夠獲氣，食到最後 d 菜都好青綠，如果腐乳可以辣D 同埋濃D ，會滿分，而家比住9.5分（10分滿分）…查看更多

環境西環遊車河剛剛見到有間蛇舖，唔似一般蛇舖，同時有燒臘同蛇羹，間鋪頭細細地，得3張細枱左右，但係牆上個架上面就擺左好多個玻璃瓶，有龜板，老鼠酒，蛇酒等等。品種餐牌其實都有好幾款野食，蛇羹，蛇湯，龜湯，糯米飯等。HKD52 一碗細蛇羹價錢唔算貴，所以入左去試試。食物質素配料可以任落，溫度夠熱，入口似雞湯味，比較稀，瘦肉比較多，蛇肉比較少，味道都叫OK的～ 聽鋪頭個疑似老闆娘講，蛇係印尼買過黎，至於咩蛇，講我都唔知，鋪頭只係開半年～…查看更多

今次已經是第2次黎，適逢今日凍凍地，所以想食D暖暖地的野，湯麵就是最好的選擇。台灣麵是一個唔錯的選擇，尤其是牛肉🍬底可以暖暖胃。兩個人叫左兩個麵同埋一杯熱頭漿。首先經典紅燒牛肉手エ麵，牛肉太腍，手エ麵份量足夠，但不太彈牙，湯底有少少麻辣味，不夠熱。薑糖有機豆漿不夠熱，只是暖。薑味淡，冇豆味，太淡。唔知係唔係有機都係咁呢？而燉蕃茄腱心半筋斗肉細面，餸及湯底可以但細麵份量少咗些，兩個女仔可以叫一個正常一個小麵。…查看更多

見唔少好評，所以入去試試，叫左碗燒豚肉沾麵200g ，唔平，加埋一，120出街，可一不可再，真心唔抵，下次都係去番拉麵街。麵可以選熱或者涼，根據我吃沾麵的經驗，好多時候，沾麵的汁食食下會唔熱，所以我叫左碗熱麵。碗麵黎到，麵賣相一般，有幾條煮到爛左，有3塊肥豬肉，碗沾麵汁有一層透明的油在上面，油的其中一個作用是保溫，但是我覺得碗汁是需要再熱D。麵是有咬咁，初時見到有D爛，但是是有口感的，不過粗D會好食D。肥豬肉，好香，未試過咁香的腩肉，你會聞到有碳燒的味道，食落口都會好香，真係幾好，係我目前食過咁多間拉麵，豬肉整得最好的那間。不過，碗沾麵汁我個人不喜歡，我點左個濃味，我食落口是酸的，唔知度佢地點調味，感覺上是木魚的味同豬肉湯的味融合唔到，非常失望，仲要咁貴！我食麵食得不是慢，但是我都覺得碗汁都最後開始變涼了⋯⋯總之，我應該唔會再去咯，都是去番 X 田…查看更多

近來越開越多越南餐廳，今次試試銅鑼灣的越南餐廳。我們一行兩個人，叫左碗L size 的生牛肉牛筋片金邊粉，小食併盤和一杯牛油果milkshake。牛肉粉D 湯比較淡，粉的份量算多，但是牛肉只有4小塊，牛筋片完全地碎哂，兩個人食一定要加多樣餸，否則不會夠。 牛肉片本身是有牛肉味的，不是一般外面那些用火鍋肥牛的味道，食得出有安格斯牛肉的那種牛肉味道，而且幾嫩口，不錯的，不過只有4塊，一個人是剛剛好，何況是兩個人。牛筋片好碎，要用spoon 才撈到，味道不重，沒什麼口感，本身我仲諗住特別叫D有口感的，失望。小食併盤有2塊蝦餅，4條春卷個2隻牛油雞翅。牛油雞翅比其他越南餐廳D雞翅 size 略細，上面鋪了很多炸蒜，牛油味重，重口味的人會喜歡。蝦餅同春卷出奇地好！ 兩樣食物都是即炸，蝦餅中間都是漲卜卜的，春卷好脆，但我建議不要點撈檬D汁，因為D汁好酸好鹹。牛油果milkshake 有牛油果味 但是冇乜鮮奶味，但勝在夠滑，沒有什麼甜味，感覺健康....感覺。…查看更多

話說shake shack 過左一牌熱潮，我先敢上去，雖然都係要排隊，但是還好啦，不算長龍。餐牌食物同飲品D名幾得意，試左個餐牌上第二項，煙肉紅椒牛堡，出餐都好快。期待已久，size 比較小，第一啖only試試快牛肉，係有牛肉味的，只可惜個包裡面D紅椒和煙肉的味道搶哂。紅椒有好多..... 有D酸，量真係太多啦⋯⋯。煙肉好脆，但偏鹹....... 所以兩者加埋完全覆蓋了牛肉漢堡的味道。如果是對比TripleX ,我會選擇後者。建議試番原味牛堡，即餐牌第一項。…查看更多