linglinglady的个人专页

呢間餐廳響Storellet App 有提供優惠今次用咗兩張coupon分別係醬油蟹同埋檸檬柚子蜜用QR CODE落單, 但係始終都要侍應過嚟幫我地redeem coupon.燒牛五花次次都滿意，有前菜有湯有飯。至於個牛肋骨煲，今次唔夠熱，叫侍應拎返入廚房返熱.超滿足…查看更多

正式開張之前嗰日嚟過，覺得一般。隔咗兩個星期俾多次機會佢，結論都係一樣。我揀咗最平$75嗰款，絕對適合食肉獸...今次我冇加配鵝肝，$30覺得唔係好值似一舊牛肉，完全唔似塊扒⋯⋯個湯冇味，沙律醬有四款，白飯沙律任食。可以算係經濟實惠。…查看更多

經過鬼鬼鼠鼠的大廈入口，見到成排花花綠綠嘅機器，以為一早就可以夾公仔。本來係想入去做裏面嗰度買杯奶茶就入去睇吓，見到個肥哥哥攞住傳單同我介紹什麼早餐機，順便登記埋做會員即時試吓....當玩夾點心盒點心仲係鬼死咁熱嘅，個辣椒油十分特別，陪嗰個潮州粉果真係好鬼正唯一要挑剔嘅就係冇熱飲提供，不過唔緊要我去咗隔離嗰間小店就買咗杯熱奶茶，原來奶茶送點心係幾match嘅第一次買連登記做會員到付款到攞嘢食用咗幾分鐘啦⋯⋯如果之前一晚訂定好似減$3，不過我買完呢一個早餐就收到一張$30嘅coupon俾我下一次買午餐我見到有什麼拖鞋包同埋荷葉肉餅蒸飯......有機會試多幾款…查看更多

海鮮湯飯，走飯蒜蓉蒸蝦套餐細可樂一支埋單$104海鮮湯啲蟹竟然有膏，有三隻大蝦🍤⋯⋯因為知道佢本身碗飯好大碗所以兩個套餐我只要一碗飯。蒜蓉蒸蝦飯午市套餐都係$48一份，真係食到一滴不留。我可以話係全香港最抵食嘅海鮮午餐套飯…查看更多

早午下三合一，三餐打埋一餐食當然要食多啲啦半份超級pizza午餐，加個湯，要沙律，飲可樂蜜糖雞翼餐，飲熱奶茶三色焗薯皮餐，飲熱咖啡超級pizza我覺得係最好食嘅因為有好多餡料,而且係我最鍾意嘅脆底薄批蜜糖雞翼個皮烘得不錯，水準穩定三色焗薯皮，最愛煙肉芝士。本來想飲熱朱古力，要加$8所以放棄…查看更多

明明係去食點心，我淨係剔咗一碟安格斯牛肉腸。跟著問我細妹想食乜，叫佢剔下.......佢剔剔剔剔剔然後隨手就交咗俾服務員姐姐。最先到的是什麼太陽蛋和芒果布丁，因為我習慣把甜點留到最後，所以我等.......跟著我期待的安格斯牛肉腸到了，正打算起筷時被細妹叫停原來佢話要等齊影完相先喎好彩前後15分鐘左右到齊，本來我都冇留意原來佢點左五款甜品我完全冇諗過去食點心會變咗係食甜品大餐，佢話見到個太陽蛋得意，又話個煎堆仔得意，又話想食布丁，又話想試黑金流沙包....總之就多多藉口搞到變咗五款甜品一個腸粉，我還是馬上起筷食我嘅腸粉腸粉我比滿分，個腸粉皮真係好軟滑至於甜品，首推太陽蛋同流沙包。未食之前完全估唔到個太陽蛋個蛋黃原來係芒果蓉而個流沙包，真係估唔到啲流沙原來真係可以咁流....可以用爆來形容。…查看更多

下着大雨，特意來這裏吃一個早餐。點了一個雞髀福字麵配熱奶茶。單子上寫着：比福丐奶茶不夠熱，死罪。再放入口，奶味過重，應該是放了太多冰凍的淡奶。雞髀幅面，可以算是乏善足陳。雞髀無味係完全無味。大小已經沒有關係因為真的很難吃。我飲晒就算啦…查看更多

估你唔到，本來想去灣仔一哥食灌湯餃，點知又排到出門口....轉過彎去食我覺得係10年來最好食嘅星洲炒米，Encore多一次，睇吓水準有冇下滑🤣這家餐廳, 地方清潔光猛開揚。就是一杯奶茶，也能做到杯邊乾淨，匙羹長度正常，有底碟....加分🤭至於星州炒米，今次未夠乾身，雖然唔係頂班啦，靈氣不足炒得都唔夠香，佢哋自己都知道唔記得加辣自動隊左一碟辣椒油俾我。其實已經炒得好過好多地方。如果猛火多炒1分鐘，口感會很不同⋯⋯#就是相差1分鐘…查看更多

週末，微微雨。最好同屋企人飲茶。因為美心集團可以用Gulu Apps 遙距取票，所以方便得多。今天對所有點心都十分滿意，炸點香脆、蒸點夠味夠熱。尤其那個蒜茸蒸鮮魷，食完一碟再一碟…查看更多

今朝一早食咗碗粥，搞到成朝鬼咁眼瞓中下中下奶茶香滑無比，我覺得是這一帶唯一家合格嘅奶茶。可惜，這杯沒有底碟，沒有位置放匙羹。我覺得這是一個敗筆。飲完這杯奶茶，整個人精神奕奕，爽呀…查看更多

星期六早上，陰陰天唔會太熱，最好就係去大排檔食早餐。一碗粥，一碟炸兩絕對夠晒兩個人食。及第粥，足底絕非坊間化學粥所能比較。真材實料粥底極綿。黃沙潤可以用鬆化來形容，可惜粉腸只有兩小條。我們都很喜歡食粉腸的。肉片有五、六片.....倒出豉油加點胡椒粉，然後把黃沙潤沾上小小胡椒粉豉油，可以算是人間美食。至於炸兩，任何時候都是這麼脆，混上放在枱面上的甜醬辣醬和麻醬....只需$40便能吃飽兩個人，元天屯的美食確是令人着迷…查看更多

超值任食回鍋肉太咸後面的涼瓜炒疍夠香五柳仙班硬過化石，紅燒翅可以齋滷味符合預期，齋鴨腎最好食！連同加一及茶介，埋單每人$75無投訴啦！單點一款都要60幾蚊依家有咁多野揀任飲任食都係＄75好平喇！…查看更多

連續食咗三餐任食，搞到肚仔都凸咗出來！所以今天唔食早餐，唔食午餐，來一個下午茶作為全日嘅食糧。今天決定食點心，因為街口間點心店開咗兩個星期都未有機會試................鳳爪：一般，醬皇唔夠味，色澤好似唔夠。牛肉腸：有馬蹄，有肉味脆皮蘿蔔糕：有特色豬手：值得一試！最重要是沒有毛春疍燒賣，看似平凡，咬開原來是切肉小店啲茶通常冇味！所以我開茶時叫濃D壽媚......打開茶壺原來有2個大茶包。難怪D茶會咁好味！下次我一定要試食义燒腸粉！…查看更多

無厘頭行過元朗公園，見到有間裏面黑麻麻嘅餐廳。望下餐牌，原來係任食，仲要咁平！所以即試！肉類和蔬菜有不少選擇，熟食也不少。還有任飲，也有任食甜品。其實食物品質不高，但如果食早段，98元是可以一試的。…查看更多

4個人，4個餸。最失望係佢地嘅主打：燒鵝皮唔脆肉唔香。比以前差很多，單食鵝真不敢相信，因為以前啲鵝好香，一個月都會來吃一次。反而涼瓜燜倉魚俾到驚喜涼瓜入味倉魚唔腥腐乳通菜不過不失！小炒皇保持水準！…查看更多