為食哥頓的个人专页

行左一個圈，呢度食物選擇多，諗住食碗粉面，冇乜要求就叫左碗清湯底油面豆卜炸餃碎腩+個拍青瓜外賣。等候時間唔算長，打開碗蓋都熱既，餃子就另外紙袋上。碗面真係黃腫腳，不消蹄，賣相味道十分俾三分，離普既係拍青瓜，切一條條既，點會入味呀師傅，真係bye…查看更多

平時都一直幫趁肥妹小食，whatsapp 落單夠方便，平日同假日都好，預早落單梗有好嘢食😋如題所言，個燒雞扒冇得唔試，每次打開外賣盒嗰浸食物香味湧出黎🤣流哂口水👍烤出黎既雞扒本身仲係 juicy 既，正到痺😁其他食物種類多，想飽肚有咖哩飯豬油渣面；佐酒小食好多選擇，一口牛，雞腎，牛仔骨，雞軟骨，魷魚鬚，炸薯格，等等等等。。。好多🤣🤣之前有好好味既多春魚，因為來貨問題，依家冇得吃😅希望之後有返貨啦🎉…查看更多

一行十人預早訂左杏汁豬肺湯，鹽焗雞，潮式凍蝦，乾焗海斑魚頭煲，果皮蒸鮑魚，特式炆豬手，豬油渣菜芯同啫啫椰菜花。去到鋪頭細細，招呼一流👍👍自來威士忌即刻 serve埋冰，讚。未人齊就試左個鴨舌同一口牛送下酒，正路貨式啦，驚喜就冇乜😅人齊先來個湯，嘩！杏汁到不得了😋湯渣齊料雞腳豬肺瘦肉。凍蝦份量十足，食兩隻好似砌左成碗飯咁滯🤣再試埋鮑魚😜😜好重果皮味，蒸得剛剛好。之後再黎啫啫海斑同魚頭分煲上，入味得緊要😉😉由於已經非常full, 豬手就食左一件，索哂南乳汁，好想食多件🤣🤣反而個豬油渣菜心個個搶住吃😋😋😋正爆…查看更多

今日去藝術中心睇卵之只😃😃一於走過黎灣仔揾食啦，老婆發版要食泰國菜，於是就卜左呢間食評一致好既食店。黎到未夠1830,開頭安排左張二人卡位，叫左個冬蔭功，生蝦刺身，青木瓜沙律，燒魚同埋半串燒。侍應姐姐轉頭幫我地換張四人卡位，等我地坐得舒服啲，張枱大啲擺餸都方便啲👍冬蔭功叫左小辣，味道唔錯，係隻大蝦差啲啲，好彩佢個生蝦刺身挽回不小分數！係呀，生蝦唔洗煮，但係要夠新鮮彈牙同埋啲汁好味先得丫嘛😋食青木瓜沙律十足十去左曼谷咁😂條燒魚一打開塊魚皮啲魚肉正到不得了，老婆平時唔食魚都話正👍👍羊串燒就不過𣎴失，啖啖肉。講番服務係好好既，中途主動幫手換過兩三次碟，坐得舒服食得好👍👍…查看更多

去上環文娛中心睇show,揾間食肆坐得舒服啲，近近地就入左黎。揀啲快煮簡單既菜，炒通菜，雞，蒸肉餅，一盅燉湯，麻婆豆腐。先飲個紅蘿蔔馬蹄瘦肉湯係冇味精既，好👍雞夠滑，點小小麻辣汁味道剛剛巧。其他小菜夠簡單得黎夠哂做。不得𣎴提佢啲小菜名幾過癮，等待食物時一定唔會悶…查看更多

今日一行四人食lunch,pat pat都未坐低就有位侍應(主任級)問我地有冇用乜乜信用卡，我地冇，跟住就問我地有冇用佢個app，我地都冇，佢塊面口都幾唔靚，叫我地自己download個app落單，我心諗你俾個ipad我落單啦！最後用個app落左四個午餐(炸雞，鰻魚，鯖魚，雞扒)+三個小食，赤貝刺身三分鐘即到，味道普通；之後就來兩個午餐分別係炸雞同鰻魚，份量ok飯都係珍珠米但係冇味道。等多十分鐘，追左次單先再黎鯖魚同雞扒，呢次啲食物就唔熱，再來個牛舌可以用凍黎形容，應該係上唔切菜囉，攤凍哂！食到尾終於來個魚頭鮫😛😛嚴格黎講食物質素倒退，服務態度👎唔改善的話。。。。。。…查看更多

跟朋友黎呢度晚飯，六點半到達時都係得兩三張枱，到七點半就爆場！所以都係卜定枱穩陣😊先來一個白菜豬肺湯，六個人各兩碗，夠熱夠味👍豬肺點啲辣椒豉油😋😋筍殼魚一斤多啲剛剛好，撈豬肚，鹽焗左三隻奄仔蟹正斗非常又夠哂新鮮。天氣凍最好就黎個羊腩煲，枝竹夠多我鍾意 😊煲嘢有一半係骨腩所以特別有咬口。本身都夠哂飽，朋友話一定要試台山黃鱔飯，老闆娘話即刻整要半個鐘，梗係冇問題啦。平時食上海嘢既黃鱔多數都係醬汁+韮王，但呢個飯有啲薑絲only,簡單得黎係好味👍👍可以再試…查看更多

一心諗住入黎食金雞，因為有老有少但係堅多人排隊，所以行入呢度，伏哂。木瓜沙律冇味，鷄飯冇味，炒通菜水汪汪，生菜包叫做正常！嘥左一餐飯既quota😩😩😩😩😩…查看更多

行左成條埃華街都冇有心水，行到呢條大全街因為太熱頂唔住😅就極速竄入呢間居食屋TRYtry啦睇水牌價$係大眾化嗰隻，老婆就揀左個鰻魚飯送面豉湯，我就要個鍋燒牛肉烏冬，跟生玉子（窩旦咪窩旦😝）另送三件壽司壽司三件同個湯唔洗一分鐘送到，當然係普通普通貨色啦，不過已經夜晚九點半太肚餓，三扒兩撥就呑哂！先上個烏冬，賣相幾好喎，牛肉睇落似越式生牛肉湯河，搞兩搞一食，牛肉太有咬口，烏冬都幾碎，湯底重味精。鰻魚飯用既米麻麻地唔似日本米，敗北之處整一大舊白蘿蔔！你估食泰式越式湯河咩😝真係要改善下不過侍應哥哥態度良好，一讚…查看更多

老婆試過喺呢度買海南雞飯話幾好味，就過去試下先😃落到去九點四（好彩仲有兩枱客食緊未關門，問過泰籍老闆娘平時九點左右就關）睇睇個餐牌唔係太多選擇，不過有飯有湯河同埋小食😋最後要左個去骨雞飯，豬頸肉飯，炸蝦餅同青檸冰*2先講個雞飯，個雞油飯唔會太過油，味道亦舒中；雞件都好好食，個醬汁偏辣但係加埋一齊係👍豬頸肉唔會炸得太乾，個飯雖然唔係雞油飯但係加左豉油汁又幾好味，配埋港式既蔥油又真係幾正，食到耳仔郁😜炸蝦餅厚切開4份，點泰式甜酸醬味道就幾大路；青檸冰如果有成個青檸就好喇😁得半個所以覺得唔夠喉下次要試下冬蔭公咖哩腩…查看更多

原本諗住食砵蘭街第一腸粉不過太多人，於是行左落黎呢間鋪睇睇先前既食評麻麻，唔抱太大期望喇，但係食落都唔係差丫😋叫左個醬骨架套餐$78，兩件醬骨架大大件，附上膠手套俾你拆骨😁都幾入味丫！4件生煎包剛剛出爐，汁就唔算多但係熱辣辣食都幾正👍8隻椰菜餃子就淡淡地口，但係點D陳醋同豆瓣醬剛剛巧😜甜品係桂花酒小丸子，第一次食冇比較過其他，入口酒味都濃食番兩粒丸子溝和，唔錯唔錯👍…查看更多

十幾年前去深水埗掃街必食既豬油渣面竟然出現喺我面前😭二話不說走入去阿姐劈頭問大定細！望望菜牌得油菜雞翼芝士腸，一定係講油渣面，梗係大啦😄再要多兩隻雞翼簡單既粗面條蔥冬菜同豬油渣！！即時諗起深水埗既味道！加D辣椒油，👍👍👍邊有得頂！環境光猛又夠乾淨，肯定再去…查看更多

夜晚十點埃華街尚有好多選擇，行左個圈喺日本拉面同韓國菜中揀獎呢間🇰🇷四眼哥推介套餐，見肚餓兩個人應該食得哂。由於有兩聲咳，將佢個人蔘雞改左個清清地既海帶蜆湯，果然清得緊要，煲唔出D蜆味😖加兩粒蒜頭應該正D，落後0：1跟住黎個招牌牛肋骨，呢個就幫手追番1：1👍連D蘿蔔都入味；跟手係燒鯖魚，乾身得滯喎，柴皮咩！1：2，最後個黑豚肉炒飯睇下有冇得追番成平手先😄算佢知機個飯炒得幾好食👍唔會油淋淋，2：2平手，下次都係會試。。。下第二間…查看更多

經過大角咀有D餓，途經晏架街見佢鋪頭細細五六張摺櫈但係又光光猛猛，阿姐又笑到四萬咁口😁同你打招呼，一於試下啦點獎個浄雲呑，阿姐單聲我即叫即煮要等等，當然OK啦，望下個餐牌絶對街坊價$，牛肉包鍋貼$3蚊件，抵食啦！等左5-6分鐘碗雲吞送到，廿蚊8粒大大粒，湯底清清地，加D蔥加D辣醬就膨膨聲砌哂！本來諗住食DD姐竟然覺得唔夠喉😜叫多兩隻鍋貼試下，承惠$6蚊，食落有肉汁唔肥見隔離位阿哥碟秘制抄手巧似幾正，可惜太飽下次再試…查看更多

尋日同3位老友相約荃灣晚飯吹水聚聚，最初諗住落黎食個羊腩煲（以前食過味道唔錯）落到黎見呢間鋪剛剛加左打冷，一於俾個機會搓搓佢（≧∇≦）（由於冇諗住寫食評下次補番相片，因為應該會再幫趁）打冷唔小得鵝片！佢D鵝唔會好鬼肥，剛剛巧；生腸墨魚九菜豬紅雖然係大路野，但係味道唔差！老闆推介咸酸菜門膳，老實講個賣相麻麻，仲以為被老點，但係食落又幾鬼好食！不得不提蠔餅！蠔仔大大粒唔會炸得太乾身(^o^)巧味；條烏頭就無乜驚喜，不過食落新鮮…查看更多