cicy808的个人专页

喺Youtube發現到呢間十分高質嘅火鍋放題，絕對係超值抵食啊！一揀好湯底店員姐姐就即刻上咗個超級巨型嘅海鮮盤，入面有龍蝦（上檯嘅時候個龍蝦頭上面啲觸鬚仲係郁㗎，勁新鮮）、蟶子王、超巨型桶蠔、鮑魚、海蝦串、鱔片、龍躉片同埋沙白！當中嘅海蝦串、鱔片、龍躉片同埋沙白都係可以無限量任食，好吸引！成個海鮮盤都好新鮮，而且處理得好乾淨，食晒個海鮮盤都已經好滿足肉類主打係澳洲M5和牛同埋西班牙黑毛豬肉片，絕對誠意十足飲品方面，除咗汽水、罐裝飲品，呢度仲有啤酒、紅白酒任飲，絕對係贏晒！店員態度親切有禮，絕對係一次愉快嘅用餐體驗…查看更多

行行街收到傳單，係香港少見嘅陝西菜，心郁郁走入去試吓！店員服務好殷勤，笑容滿面，感覺好親切！由於只有2個人，所以都叫唔到太多嘢，試咗潼關肉夾饃、炸豬扒、酸菜魚同埋香茅青檸蜂蜜，希望下次可以試到更多菜式！潼關肉夾饃：即叫即做，大約等咗8分鐘，上檯嗰一刻好驚喜，係熱辣辣脆卜卜㗎，腩肉有肥有瘦，好香好好食！炸豬扒：不過不失，中上水平。酸菜魚：強烈推薦！個湯好香，係煮到奶白色嗰種，又唔會太酸，真心好味！而且魚肉好滑，仲有薯粉墊底，加分！香茅青檸蜂蜜：蜂蜜唔會過甜，而且係用新鮮青檸+香茅，好清新！從未食過陝西菜，估唔到咁有驚喜，是次光顧感覺幾好，而且店員好友善，見個水壺無水又會密密加水，仲會因應客人嘅口味去推介菜式，要表揚！…查看更多

灣仔嘅越南餐廳有好幾間，但要數最親民最貼地嘅一定揀Pho 778，幫襯咗幾次，食物水準keep到之餘，價錢又唔貴，啲員工仲好nice! 生牛肉河：佢嘅安格斯牛肉好新鮮，肉味好濃，而且帶有藥材味嘅牛骨湯上檯嘅時候熱辣辣，河粉亦都要讚，好滑唔會「碎濕濕」，唯一要挑剔嘅就係份量小咗啲，叫正常份量唔夠飽！香茅豬扒撈檬：水準之作，豬扒即叫即炸，上檯嘅時候仲係熱辣辣嘅，而檬粉個汁簡直就係神級之作，聽店員講撈檬汁係店家自己做調較嘅，酸酸微辣，好惹味！小食：試咗蝦餅同網絲春卷，春卷真係好脆好香口，配埋個汁真係好好食！可能係春卷真係太好食嘅緣故，顯得蝦餅有點平凡，不過都幾好食！飲品：薏米水，幾好飲，清甜又解渴，連同行嘅小朋友都搶住飲！題外話，女店員真係好貼心，我地食完無即刻離開而選擇坐多陣傾計，佢幫我地收晒啲碗碟等我地可以慢慢坐，服務一流，抵讚！…查看更多

已經是第二次幫襯三木，感覺良好。餐廳位置「就腳」，環境舒適，是十分乾淨企理的。服務員的態度更是一讚，話說我跟朋友細細聲講話「好凍」，路過的服務員即時將冷氣温度調高！十分貼心，值得嘉許！食物方面，我是十分滿意的，最先幫襯三木是被「海膽軍艦」吸引而去的，刺身也是十分新鮮，就連一般放題餐廳很難做得好的熱食，三木也是十分出色的，個人就很滿意啦，會繼續幫襯！…查看更多

本身是個「超級海鮮控」，早前韓國大熱的「九層塔」較適合一大伙人聚餐，而這裡卻剛剛相反，即使只有兩小口子也非常合適，因為原理就是「食幾多、叫幾多」，豐儉由人！先說服務，個人覺得很一流，我們比訂位時間早到，接待姐姐有說有笑的，還貼心地為我們安排卡位，讚。入座後有專人陪伴揀海鮮，為你細心解釋，即使是第一次光顧也沒有不安的感覺；而其他服務員也是熱心為我們服務，感覺良好。環境乾乾淨淨，不算迫狹！食物方面，選擇十分多，除了海鮮外，還有肉類、蔬菜可以選擇，海鮮類非常新鮮，印象最深的是龍蝦，開了邊上桌都還會動，強！食物全由服務員為我們服務，而且服務員實在太貼心，知道現在香港人都愛「相機食先」，都會讓我們先拍照才下鍋。價錢方面，不能說是便宜，但亦不是貴，算是公道價錢吧！所以個人覺得這間餐廳是值得一試的。温馨提示，建議先訂位，因為到晚上10點仍然是全場滿座的，每日下午2點開始接受預訂，另外新張期內9時後入座即享8折優惠！…查看更多

第一次去坪洲, 四圍影相 + 食o野!!睇蘇Good介紹，試了快車茶餐廳！一行十二人，由於一早訂咗位同叫咗餸，所以一坐低叫起菜就有得食!!籠仔糯米蒸蝦 - 叫咗一斤蝦，蝦肉好爽，糯米飯好乾身好好味！家鄉豆卜 (魚湯底) - 豆卜好好食，不過湯底麻麻，好油膩。枝竹炆狗仔鴨 - 係落單時候阿姐強烈推介的，鴨肉較「鞋」，但係枝竹超好食，如果可以加多啲枝竹就更好！陳皮蒸鮑魚仔 - 好新鮮，水準之作。咕嚕豬頸肉 - 比想像中好，甜酸度適中，啖啖肉。客家鹽水雞 - 又係水準之作，唔會太鹹，雞肉超滑。芝士鮮魷球 - 麻麻，魷魚炸過，伊麵加埋芝士好膩，每人都係試咗小小伊麵。蒜蓉炒生菜蒜蓉炒通菜紅豆沙 (送) - 雖然係送嘅，但係都好好味，甜度適中。十二個人連埋炒菜總共叫咗十個餸，啱啱好唔會浪費，整體嚟講各樣嘢都ok，不過略嫌太迫，坐得唔夠舒服。記得要一早訂檯同埋叫餸，因為海鮮一定要預早留定，如果唔係隨時冇得食。佢哋嘅服務都幾好，有講有笑的，仲肯幫我哋揸機影大合照。…查看更多