mj712的个人专页

夜收工最啱出旺角搵食，同朋友想食香口野，揀左依間川菜叫咗個二人餐，套餐包埋白飯兩碗、飲品兩杯，另仲加多左碟餸，食到捧住個肚走麻辣雜錦香鍋揀咗小辣，鍋中材料已有午餐肉、肥腸、大蝦、薯仔條、四季豆同椰菜花，一上枱已經聞到強烈孜然味同辣味香噴噴，未食都感覺到鑊氣十足。食開小辣嘅我估唔到辣得咁刺激，麻香得嚟唔會嗆喉，大蝦算幾彈牙，麻辣味完全入哂味，肥腸適中又帶脆口，午餐肉煎到微焦好香口，估唔到連雜菜薯仔條都軟冧適中，索晒啲麻辣汁，四季豆同椰菜花爽脆，平衡返油膩感，好食到停唔到口!四川小吃揀左煙燻臘腸，薄切一片片，煙燻味好突出，咬落甘香，幾啱送酒食涼菜揀左香油海蜇，海蜇絲口感爽脆清甜，簡單用香油同醋拌勻，清淡之中帶點辣味，可以一邊食香鍋再食海蜇清清味蕾另外加左碟蒜心炒豬頸肉，豬頸肉切得薄身，炒得好香口，帶少少焦邊，肉質爽彈，蒜心嫩得黎無渣，非常爽脆，整碟都好夠鑊氣，油潤得嚟唔膩，好有家常小炒嘅味道二人餐本身包左甜品，我哋揀左黑糖糍粑，即叫即炸，上枱熱辣辣! 外皮炸到金黃酥脆，內裏軟糯煙韌，面頭淋左濃郁黑糖漿同撒左黃豆粉，甜而不膩，好鍾意!飲品只有烏龍茶同可樂選擇，我哋叫左各一，食住香鍋唔覺唔覺都飲哂黎解辣埋單後先發現用 Shopback 比錢，下次再嚟就可以有 10% 回饋整體而言呢個二人餐好豐富，唔洗三百蚊有齊香鍋、小食、涼菜、甜品同飲品，兩個人食一定夠同勁飽。香鍋辣度可以自由選擇，特別大讚個香鍋料足鑊氣夠，個辣係好食到停唔到口，下次再encore🩷…查看更多

麻辣雞煲就食得多, 同朋友去左食依間新開既雞煲火鍋, 除左有得叫椰子雞煲之外, 佢地既脆皮雞煲都好出名, 我地無食過膽粗粗叫左個無花果脆皮雞煲試下出去醬料區拎醬料, 醬料都有幾多選擇, 另外有2個Option醬料教學, 一種係椰子雞傳統醬料, 一種係鳳園特色醬料, 我平常最鍾意食過椰子雞都會用小金桔同沙姜去做醬料調味, 用黎點雞食令到味道提鮮又開胃! 依道有大量小金桔可以自己夾自己榨汁無花果脆皮雞煲係連同7層雞件一齊上, 趁未落雞之前飲返啖湯, 味道都幾清甜, 脆皮雞分別分左第一層係雞翼同雞腳, 第二至六層係雞肉, 而第七層就係雞心、雞腎、雞肝同提燈, 店員解說話湯滾後落雞肉只需要灼6秒, 而雞翼同雞腳就灼30分鐘, 其他部位約要15分鐘以上, 雞肉食起黎比較有咬勁, 連埋雞皮咁食帶脆口感, 比較適合鍾意食煙韌雞肉質感既朋友叫左個涼拌前菜撈汁香辣花甲, 估唔到個涼拌汁幾惹味, 蜆肉隻隻都肥肉飽滿, 完全無沙, 底層仲有海帶苖, 食落爽嫩順滑, 好味!再叫左個咩都有既空中花園, 入面有肥牛、鹹蛋黃蝦丸、潮汕牛筋丸、粟米、冬瓜、南瓜、蟹柳、響鈴、生菜同娃娃菜, 整體食材正常發揮一人叫左一杯凍檸茶, 仲要係大杯版, 其實係手打香水檸檬茶, 飲落幾清香, 非常解膩整體味道都唔錯, 價錢都合理, 餐廳裝修精緻舒適, 服務員都幾友善, 如果喜歡打邊爐飲湯既朋友可以黎食下, 佢地本身個湯底的確整得幾清甜…查看更多

放假訓醒落街搵食，依間開左一排嘅車仔麵成日經過都無食過，今日決定食佢，叫左個經典八寶嗱喳麵、古早黑糖豬手雞翼麻辣撈麵同兩款小食經典八寶嗱喳麵入面有8款餸，有玻璃辣魷魚、魚蛋、大腸、蘿蔔、豬紅、豬皮、冬菇、生菜，麵底揀左鮮製油麵，加左牛腩汁，一送到嚟加咗兩匙羹火辣辣菜脯，估唔到個菜脯比我想像中辣，睇少左佢個辣，建議食之前先試下再決定落幾多匙，但係不得不讚佢個鮮製油麵好好食，食落去好滑身同爽口同掛湯能力高，索晒啲精華，玻璃辣魷魚夠爽脆，蘿蔔炆得好腍但就帶少少青味，應該冬天食會好啲，豬皮同冬菇好腍好入味，麵底同餸都足料古早黑糖豬手雞翼麻辣撈麵麵底揀左撈手工麵（小辣），手工拉麵食落比較煙靭，撈埋汁濃郁惹味，辣度適中，麻香十足，驚喜食到呢個黑糖豬手，燜到軟腍入味又帶微微甜香，雞翼滷得夠淋，推介黑糖豬手必叫小食叫左韭菜豬紅蘿蔔，豬紅惹味嫩滑，韭菜新鮮爽脆，可能個湯汁係清湯，所以唔係好夠味，如果加少少辣汁同腩汁會更加豐富黑松露醬炸單骨雞翼配炸燒賣雞翼炸到金黃酥脆，單骨設計方便食，點埋呢個黑松露醬，即刻高級咗幾個層次，炸燒賣外皮脆口，入面魚肉餡彈牙，唔使點醬都咁好食 …查看更多

上星期係上環食左魯菜餐廳，見到二人餐幾抵食，膽粗粗入左去叫左個二人魯菜商務套餐，有前菜、湯品、熱菜、主菜同甜品前菜係熗拌濰坊蘿卜皮蘿卜皮口感爽脆，味道清淡中帶少少酸辣，幾開胃水晶垛子黃牛肉牛肉切得好薄, 一片片晶瑩剔透，食得出牛肉滷得入味，凍食方式保留咗肉香，唔會過鹹，再點少少椒粉食更加惹味酸辣花膠烏魚蛋湯湯身濃淡適中，酸辣味溫和，花膠同烏魚蛋份量都合理，飲落好暖身，愈飲愈滲出胡椒香，個人覺得味道有啲似阿宗麵線嘅味道魚子醬烤鴨山東煎餅底層鋪左塊麽麼皮，烤鴨油脂適中，面頭放左魚子醬，鴨皮非常脆口，食到油脂香，食落整體口感層次豐富，包住麼麼皮食解左層油膩感，唔錯熱菜首先上嘅係蔥燒渤海灣帶魚，帶魚肉質嫩滑，蔥燒醬汁濃郁又唔油膩，入味均勻傳統魯味爆三樣分別有豬腰、豬肝同豬肚快炒，火候掌握幾好，食落爽口唔過火，炒得幾有鑊氣，惹味十足蟹蝦醬非遺饅頭饅頭經烘烤過，再淋上蟹蝦醬鮮味突出，搭配簡單但又食落幾豐富膠東鍋燒大燴菜有娃娃菜, ;蝦米仔等材料, 味道好豐富，入面仲有寬粉掛到個濃厚湯汁，味道家常, 好適合配飯食主食係膠東海鮮熗鍋面，湯底幾鮮甜，入面都幾多蜆肉，麵條比預期中彈牙順滑，食落暖胃滿足甜品係阿膠絲滑酸奶酪，質感幼滑，甜度偏低，酸酸地作為收尾幾清爽整體套餐份量都幾多，味道傳統而穩陣，無過份花巧，偏向濃味…查看更多

早幾日特登約左我朋友去上環, 叫佢陪我去食依間既菠蘿包雞蛋仔, 黎到依區先發現原來店鋪位置就係海味街, 起身唔食野都要留住肚黎食佢好在下晝一點幾黎到唔算好多人, 叫野食係用自助點餐機, 除左叫左佢地既鎮店之寶Q版菠蘿包口味雞蛋仔之外, 再叫左個餐蛋治雞蛋仔, 跟餐配飲品凍龍眼冬瓜茶同凍蜂蜜百香果買完之後突然好多人入左黎, 等左大約5分鐘左右就有得拎, 本身諗住拎走食, 但條街實在太熱, 好在店鋪入面有幾張小圓枱可以堂食, 可以慢慢低食實在太感恩了!Q版菠蘿包雞蛋仔賣相好可愛, 真係cute到唔捨得食, 影完相後立即趁熱食返粒先, 用手一啪開, 已經感覺到雞蛋仔非常之脆一食係有令到我地驚喜, 同步做到同滿足雞蛋仔加菠蘿包雙重癮頭, 食得出菠蘿表皮個牛油香, 底層既雞蛋仔蛋味同樣突出, 整體口感都係超脆, 我地雖然有放左一陣同食唔哂拎走左, 但凍左少少依然都保持到脆口感, 完全無稔, 後尾先知原來佢地採用自家硏發既雙重酥脆工法製作, 拎走食都保持現烤咁既口感, 比傳統雞蛋仔再脆爆三倍! 私心推介黎到點都要叫黎食啊餐蛋治雞蛋仔的確係比Q版菠蘿包雞蛋仔無咁脆, 反而佢有原本平時係香港食到既雞蛋仔口感, 外皮微脆, 內裏帶濕潤口感, 鹹香既午餐肉妬同滑嫩煎蛋包係酥脆的雞蛋仔之中, 入口好似真係食緊縮小版既港式餐蛋治咁, 因為蛋漿味道比較強烈, 所以反而多左個雞蛋仔香氣係其中, 愈食愈停唔到口凍龍眼冬瓜茶清爽帶甜, 夏天必飲又解膩。凍蜂蜜百香果微微既蜂蜜甜同帶少少酸既百香果味道好夾, 飲落好清新, 食完雞蛋仔再飲返啖啱哂!…查看更多

冬天特別想食辣野暖下身，獨愛香鍋嘅我最鍾意叫好多配料，夠哂惹味又過癮，之前係旺角分店食過依間香鍋，份量夠哂多，早兩日發現原來深水埗開左新店，二話不說同屋企人一齊食當晚餐叫左個招牌香鍋，揀左香辣要微辣，淨係配菜都有幾廿款選擇，配左肥牛、雞軟骨、豬頸肉、萵荀、蓮藕同薯粉，依然份量十足，味道夠哂惹味香辣，食落乾身不帶汁，由其係雞軟骨勁多粒，爽脆可口，唔洗叫飯淨食餸同薯粉都夠哂飽，超值抵食！黃金蝦球係口痕想食，每隻蝦都幾大隻之餘，爽彈十足，外層沾滿鹹蛋黃蓉，食落起蛋黃沙粒，非常濃郁邪惡之首最後點少得紅糖糍粑，糍粑外層炸得香脆，中間煙刃軟糯，點一下紅糖醬食有雙重口感，好味啊飲品除左普通茶餐廳飲品都有支裝烏龍茶叫，唔想飲甜野都多個選擇！…查看更多

秋季將至, 又係時候打邊爐, 隔左大半年冇黎食過, 每次黎都係叫2號餐SRF美國極黑和牛, 今期仲有大頭蝦, 乳鴿同haagen-dazs雪糕任食湯底叫左金湯花膠雞鍋, 未開始打邊爐之前飲左啖, 個花膠雞湯味道好濃郁, 湯裏面仲有半隻雞同花膠料, 都幾足料小食可以係外面自助區任夾任食, 有鹽酥雞同麻辣小龍蝦, 仲有大腸面線同滷肉飯打邊爐必食SRF美國極黑和牛片, 厚度啱啱好, 食落好濃牛味, 灼一灼就食得, 豬梅肉片食落幾甜又軟熟, 另外仲叫左鴨血, 象拔蚌片, 估唔到又幾好食, 鴨血煙刃, 象拔蚌夠爽彈, 大頭蝦都幾新鮮, 夠哂彈牙食下邊爐野又可以食下乳鴿同芝麻雞翼, 乳鴿滷得入味同雞翼一樣炸得香脆又多汁, 食唔停口!自助區既飲品, 甜品同火鍋配料都有好多選擇, 食到尾食返杯haagen-dazs, 仲要係日本版系列, 抹茶朱古力流心味好正! 仲有好多其他甜品任食, 包保捧住個肚走人每人依個價錢可以食到咁多唔同種類既食物的確物超所值, 野食新鮮, 座位環境乾淨整齊, 淨係黎食乳鴿同大頭蝦都回返本…查看更多

上星期同朋友喺紅磡食飯，約左去我哋以前返工成日一齊食嘅上海店食粢飯，舊址搬到新址相比下餐廳明亮同整齊左好多例牌一定要叫依度嘅招牌鹹粢飯，同以前一樣勁大份，兩個人每人分一半食就啱哂，內饀有油炸鬼、肉鬆同炸菜絲，糯米食落好軟糯，油炸鬼入口依然香脆可口，粢飯最正係多肉鬆同榨菜，食完整個口都好豐富食粢飯點少得咸豆漿，豆漿豆味香濃，勁多油炸鬼同蝦米、蔥花，蝦米香好突出，好飲到停唔到口叫左份小食炸雲吞，比想像中厚肉大粒，外皮炸得金黃酥脆，肉餡仲有keep到肉汁又唔會乾，好香口雲吞豬扒上海幼面份晒比想像中多，雲吞皮薄入口順滑，同炸雲呑一樣都係用左菜肉餡，肉餡調味適中不得不讚個豬扒炸得好酥脆可口，食到實在感之餘個調味食得出係生炸又唔會用過多嘅粉漿蓋過左豬扒本身嘅味道而幼面食落幾彈牙，比一般外面食到嘅每條都好分明順滑凍豆漿個豆味濃郁得黎又甜度啱啱好，好似舊時細個飲到嘅豆漿味道，超鍾意兼私心推介🤣…查看更多

早排係網上成日見到有人食依間既拿破崙泡芙, 賣相好吸晴, 前日一出尖沙咀點都要比個胃留個quota食左佢先, 原來都有好多款式甜品選擇, 佢地既招牌拿破崙泡芙除左有四種口味之外(原味、朱古力、開心果同杏仁), 仲新推出左個菠蘿拿破崙泡芙, 啱哂依家夏天咁熱食買完之後, 見到店員即場半製作, 係菠蘿其中一面撒左砂糖, 再用火槍立即燒炙, 再放上拿破崙泡芙面層再加砂糖係菠蘿另一面再燒炙, 之後再打入菠蘿味吉士賣相真心靚, 影左張相之後店員知道我同朋友一齊Share食, 好細心問我地需唔需要切開兩份, 有得分半咁食非常好, 咬第一啖個口感非常之酥脆, 食得到每層酥皮都非常之薄, 食嗰時搭配左內裏既菠蘿味吉士, 吉士質感好滑, 帶有微微甜香既菠蘿味, 本人好怕奶味太濃既吉士, 但佢依個係完全無, 食落好舒服, 完全無膩滯感, 真係整得好好味, 食完成件都唔覺得有負擔!另外仲叫左件榛子拿破崙蛋糕, 每一層中間都夾左榛子忌廉, 忌廉味道有淡淡既榛子味, 最讚賞不絕係佢個忌廉或係吉士, 個甜度都係恰度得好好, 唔會太甜, 又唔會唔甜, 完全係香港人口味, 而每塊拿破崙同樣非常酥脆可口之後再叫左個開心果杏仁泡芙, 泡芙面層吱左開心果吉士, 店員再係吉士面上砂糖火炙左一下, 泡芙口感食落正常發揮, 但開心果吉士醬比想像中好濃郁, 全個口都係開心果味, 同樣食既時候真係一啲都唔覺得膩滯, 好食!…查看更多

提早同老公慶祝紀念日, 去左上環食日本菜, 一早訂左位準時晚上7點開門入座, 場內只有大約10個位左右, 同場已經有一半以上坐滿餐廳只有一個餐單, 所以唔洗煩揀邊款, 見到師傅準備緊食材, 店員都問我地想要凍茶定熱茶, 非常窩心, 等候既時候店員送上小食鱈魚片, 炸得幾脆口, 啱啱好開左個胃之後就係前菜六品, 順序既第一道淺漬蝦姑即係有膏瀨尿蝦, 醬油醃到個半熟瀨尿蝦幾入味, 食落帶微爽口感, 蝦膏濃郁飽滿, 好有心思同超鍾意!紫菜包中拖羅配紫蘇葉, 拖羅油香幾突出, 紫菜非常脆口, 配埋紫蘇香氣加拖羅入口即溶既口感, 邪惡之極北海道毛蟹拆左肉再半左蟹膏, 食落鮮甜啲, 蟹味濃郁, 蟹肉依然帶有爽既口感太刀魚配炸無花果, 魚肉輕煎過, 入口滑嫩且燒得幾香, 配生洋蔥汁一齊食非常夾, 無花果外層炸得酥薄, 果肉帶啖啖甜香, 食完全重蔥味既汁再食返啖無花果清一清味蕾強烈味道, 剛柔並重秋刀魚刺身既魚油味道好突出, 而且超級鮮甜, 爽滑質感配左薑蔥一齊食, 同本身魚油香好夾, 食完依然徘徊係口腔之中兵庫縣真蠔幾鮮甜, 蠔味適中 , 細心切半, 底層放左水髮菜, 食落爽口得黎帶酸酸地, 開胃解膩食完六道前菜, 就到壽司10品啦石垣鯛食落質感有咬勁且帶爽富山特產白蝦, 蝦肉入口軟嫩甜滑醬油漬赤身係紅肉部分, 醬油漬調味較得非常好, 完全無平時食到既血腥味春魚食落煙薰香, 輕燒過而且質感好軟淋地蛤 蜆既第一口有陣清新, 鮮甜得黎帶粘口, 係絕不抗拒既味道大拖羅係必食item, 油脂同魚味溶合一起咁放入口中, 豐富十足海膽極之鮮甜, 入口回甘赤睦魚輕輕火炙過, 油脂味好突出醋鯖魚卷製成半熟, 魚肉帶啲實, 醋味比較強, 入口幾開胃太卷係咁多款之中最精彩, 當中有山藥, 花竹蝦, 青瓜, 蛋, 呑拿魚蓉等食材, 味道清新帶甜味, 口感相當豐富食完壽司已經飽了, 最後送上鯛魚湯, 極之奶白濃厚味道, 忍唔住成碗飲哂暖返個胃最後甜品有雪糕或咖啡選擇, 分別叫左提子冧酒雪糕同焙茶雪糕, 當中有紅豆蓉、抹茶嶡餅同密瓜, 超完美既終結! 價錢合理, 性價比同食既感受非常值得, 可以慢慢咁品嚐師傅每道精心而製既前菜同壽司, 環境舒適, 店員亦有效率不斷加茶同開始食之前都會細心問每位客人有無啲咩唔食, 非常周到!…查看更多

間中同屋企人對會去食下鐵板燒, 今次去咗依間新開張既鐵板燒店食豪華和風海鮮鐵板燒, 每道菜都精緻得黎充滿驚喜, 預早訂左位, 店員安排左吧枱座比我地, 可以近距離望住師傅為我地烹調美食咁啱餐廳做緊清酒祭, 我地叫左支月桂冠濁米酒, 第一啖飲落個米漿味道純得黎又濃郁, 飲得陣陣米味, 好清香, 之後再續第二杯個酒香慢慢滲出, 店員的確無介紹錯我地叫左鵝肝龍蝦1++韓牛(十四品)套餐, 先黎左個煙燻挪威三文魚有機沙律菜卷, 三文魚煙燻香氣幾突出，卷住新鮮沙律菜，食落輕盈得黎啱啱好開左個胃 前菜三品包括有醬油漬三文魚頭軟骨海草昆布, 店員解說係三文魚頭既上顎位置, 入口爽脆有嚼勁, 加上海草昆布同柚子酸汁, 鹹鮮帶酸非常開胃另外一款係熟成挪威三文魚牛油果他他, 三文魚打成溶變醬, 食落味道更濃郁, 配埋口感滑溜牛油果, 層次豐富而最後一款前菜係醋漬日本三色蔥, 食落酸甜清爽, 係唔錯既開胃前菜時令極品刺身刺身兩品分別叫左鯛魚刺身配時令生蠔, 鯛魚鮮甜爽口, 生蠔面頭加左蝶豆花海鹽, 店員話將檸檬汁加上蝶豆花泡泡上, 會由藍色變做粉紅色, 帶淡淡花香配上生蠔又幾得意, 蠔味濃郁又唔會太勁海水味, 仲食到肥美生蠔原有既鮮甜味, 另外配左海膽配時令生蠔, 海膽鮮甜得黎帶甘香, 好滿足白松露魚子醬蘭王溫泉蛋用左日本蘭王做左個溫泉蛋, 流心蛋汁加埋白松露同魚子醬咁拌勻黎食, 奢華得黎香氣撲鼻. 簡直係味覺同嗅覺既享受 之後就到依個邪惡到不得了既蛋白菠蘿Mousse鵝肝多士, 鵝肝煎得外層帶微脆, 熟度剛剛好, 多士煎得酥脆可口, 先搽上檸檬忌廉再加上滿滿既菠蘿醬，然後再放上鵝肝, 檸檬忌廉同菠蘿醬酸甜恰度得好好, 配埋鵝肝咁食中和返個油膩感, 解左一下膩口, 整體口感超豐富, 呢個組合真係好驚艷同絕配!鐵板海鮮兩品分別叫左慢煮鮑魚配虎蝦, 鮑魚面頭撒左蒜粒, 慢煮到超軟嫩又帶煙刃既口感, 而虎蝦煎得啱啱好, 夠哂彈牙鮮甜, 鐵板香氣惹味十足 另外一份叫左日本元貝配白鰻, 元貝以香煎形式, 食落大粒厚肉, 底部係意大利南瓜, 增添左份甜香味, 而白鰻煎得外皮微脆, 肉質細膩仲有少少汁 師傅用左最高級韓國1++韓牛黎做左個薄燒 , 我地叫左7成熟, 牛肉油花均勻, 牛味突出又濃郁, 中間夾雜左香蔥蒜粒, 肉香四溢, 蘸少少鹽同芥末已經足夠帶出韓牛原有味道既精髓鰹魚花膠味噌湯估唔到幾有驚喜, 湯底用鰹魚同味噌熬製, 濃郁得黎唔會過份鹹, 花膠厚身膠質滿滿, 暖胃又滋補養顏, 唔覺唔覺飲哂成碗鐵板黑松露海鮮炒飯真係食出驚喜同師傅既功架, 師傅以斬刀形式黎炒個飯, 加左蔥花, 紅蘿蔔絲, 雞旦一齊炒, 鑊氣十足, 之後再加黑松露醬以快炒形式令每粒飯都沾上黑松露香氣, 另外再加左小元貝作點襯, 最後再係炒飯面鋪滿蟹籽同加左三文魚籽作點綴, 拌勻後飯粒真係食落粒粒分明, 乾身得黎有嚼勁, 三文魚籽令個炒飯更提鮮, 重口味人士必愛, 簡直係完美! 最後食埋個甜品脆爆紅豆柚子雪葩, 粒粒脆爆紅豆口感得意, 柚子雪葩清新解膩一流, 酸甜平衡返整體黎講依餐無論係食材、擺盤定味道都係高級水準, 由其係海鮮部分, 完全展現到師傅功力, 加上師傅會問返我地對於菜式上意見, 同接受評語及改善之處, 價錢都幾合理, 係某平台仲要做緊優惠, 見到隔離枱客人都係黎食慶生飯, 仲送生日甜品煙花, 食得非常高興, 絕對值得一試…查看更多

早兩日同朋友去咗食小菜，店內裝修十足舊時港式大排檔格調，叫左幾道招牌菜，估唔到食出驚喜香煎黑松露手打蓮藕墨魚餅呢個墨魚餅真係無得輸，一上枱就聞到陣陣黑松露香，煎到外皮香脆，咬落去夠哂彈牙，入面仲有蓮藕粒，增加咗爽脆口感，食落唔會覺得膩，夾雜中間墨魚鮮味同黑松露香味，整個味道即刻變左高級版街邊墨魚餅，必試!椒鹽九肚魚九肚魚炸得啱啱好，外皮酥脆薄身，入面魚肉依然保持到嫩滑，椒鹽調味唔會太鹹，仲帶少少蒜香同辣椒碎，好惹味，送啤酒真係一流，愈食愈停唔到口菠蘿拔絲咕嚕肉（梅頭）好少地方會咕嚕肉同拔絲分開，梅頭豬肉肥瘦適中，炸到外脆內軟，個酸甜汁調得啱啱好，唔會太甜，夾少少拔絲一齊食增添多個脆甜口感，原來咕嚕肉當中仲有脆粒焦糖脆脆，食完件咕嚕肉再食返粒焦糖脆脆好過癮，之後再食返舊多汁菠蘿同蜜桃解咗油膩感 楚撚豬油撈飯懷舊豬油撈飯簡單得黎又超級邪惡，倒入豬油香到不得了，撈埋豉油同飯，每一啖都係童年回憶，加咗少少蔥花食香氣更濃，細細碗兩份食夠哂最後點都要叫杯楚撚記冰凍大檸茶解渴解膩先至圓滿呢幾道菜樣樣都夠鑊氣，味道正宗得來又有少少創新，價錢合理，絕對會再encore，值得一試…查看更多

同親朋友約食飯都想搵啲坐得耐無限時既餐廳, 咁啱比我發現依間可以食足最長7小時既火鍋放題店, 有齊牛雜煲烤魚雞煲任食, 平日去容易搵位, 叫左個滋味無限火鍋放題套餐先叫左個重慶麻辣雞煲小辣, 店員幫手再炒熟雞件, 仲要份量都幾多, 每件都啖啖肉, 小辣辣度比平時食到既弱小小, 不過雞件都算幾入味食完雞煲就叫左嫩滑酸菜魚, 都係叫左小辣, 我地怕太多所以叫店員比半份我地食住先, 估唔到半份都比想像中多, 除左魚片之外, 仲有豆卜、雲耳同薯粉, 酸菜味唔會好濃, 個味道剛好又唔會太酸太咸, 魚片質感滑溜, 有埋薯粉配食好夾食完個酸菜魚, 開始打邊爐啦, 叫左旺角店限定既龍躉生蠔魚湯鍋, 湯底好足料, 厚切龍躉片加埋四隻生蠔, 店員提醒生蠔唔洗灼太耐, 食落幾鮮有蠔味, 龍躉啖啖肉火鍋配料除左可以用QR掃二維碼叫肉類同小食之外, 係自助區都有好多款丸類、菜類、麵類選擇, 醬料、飲品同雪糕雪條都係自助形式自取環境乾淨衛生, 坐位都坐得闊落, 最緊要係任飲任食無限時, 唔洗食得趕頭趕命, 可以一邊傾住計慢慢食, 物超所值!…查看更多

想食生蠔唔洗一定去西餐廳, 原來係food court都可以搵到高質生蠔食, 係銅鑼灣依間專食生蠔既餐廳有吧枱座同2人枱座, 去到店員安排左吧枱座比我地有個Dine as a set幾抵食, 有1款頭盤加餐湯或飲品, 另外仲可以6折追加生蠔, 我地叫左4隻Cooley Gold生蠔, 分別係60 個月食落蠔味比較濃同 creamy, 第二隻係54 個月食落好爽口同鮮甜, 第三隻係45 個月海水味比較重同爽口, 而第四隻係30 個月, 入口比較creamy飽滿食完前菜, 主菜叫左香煎頂級肉眼牛排配薯角伴紅酒牛仔汁 五成熟, 肉眼煎得啱啱好, 仲有少許血水, 食落肉質軟冧, 牛味濃郁香口, 連件薯角都炸得好惹味, 再加埋個焗蒜一齊食, 一啲都唔輸蝕高級餐廳味道紐西蘭野生大蜆扁意粉送到黎都已經聞到勁香, 意粉個熟度係啱啱好, 入口爽彈, 每條都掛滿左蒜香辣味汁, 好好食, 蜆肉每隻都好新鮮, 厚肉鮮甜完全無沙, 食完真係想再叫多碟ENCORE最後再飲返杯青檸梳打清一清, 是日晚餐好滿足, 值回票價!…查看更多

最近約唔同嘅朋友密密出去食飯，上星期去左依間日式西餐廳食飯塔可係餐廳必叫之一，所以我哋叫左個長腳蟹棒牛油果蟹籽壽司塔可同軟殼蟹壽司塔可，外層嘅紫菜用感天婦羅炸法，所以食嘅時候紫菜口感好酥脆，兩個面層都鋪左滿滿蟹籽，中間夾層有玉子蛋、牛油果、蕃茄、壽司飯同主角長腳蟹棒同軟殼蟹，食落口感好豐富，滋味得黎幾清新，唔會覺得好油膩嘅感覺，幾好嘅開胃菜日式香鬆炸薯條撒滿左紫菜碎，薯條炸得好香脆，每條都食到紫菜香味，再配點黑松露蛋黃醬，好食到停唔到口北海道牛油帶子寬扁麵個帶子比預期中煎得出色，前後面香煎左，帶子中間保持到嫩滑質感，寬扁麵每條都掛滿海膽忌廉汁，麵條食落幾煙刃，加上個汁濃厚豐富，超滿足食完之前嗰幾樣已經8成飽，甜品叫左依個木盒子裏的花瓶，即係四色提拉米蘇盒子配糖漬紅豆，食落唔會太甜，咖啡香好平均，我幾鍾意另一款叫夢，即係抹茶雪糕黑豆乳奶凍配紅豆糯米糰，雪糕茶味濃烈，底層嘅奶凍口感順滑，再食口軟糯嘅紅豆小丸子，豐富又滿足最後飲埋杯熱抹茶焦糖椰香拿鐵做完滿終結，微微嘅椰香味同焦糖香唔會太甜啱啱好，而凍洛神花百香果伯爵茶解膩一流…查看更多