eva_0910的个人专页

男朋友帶我去食呢間車仔麵，簡直顛覆咗我對車仔麵嘅認知，平時食開嗰啲車仔麵好細碗又少餸，所以第一次食呢間就叫咗四餸，點知啲菜又多啲餸又多食極都食唔完，仲要每樣餸都好好味，每一次食都要男朋友幫手食埋，真係飽到上心口，食咗咁多次車仔麵係得呢間會俾咁多菜，50幾蚊碗超級抵👍🏽…查看更多

一間食極都吾厭既抵食火鍋店老闆係客家人，好耐以前做客家菜，之後轉做任飲任食火鍋，超過10以上鍋底，款款都好好味老闆定期會推出新煲，近期最愛清湯蘿蔔牛腩煲，食完仲可以無限加牛腩，自問食過好多任食火鍋，呢間勝價比最高，無限時，又有海鮮食，仲要有埋任飲啤酒🍻，埋單200百蚊有找，我每次介紹朋友黎食，食完都係有讚無彈👍🏽不過最好早啲去攞靚位，可以方便夾野食，野食料又靚啲同多啲，每次去都可以飲飽食醉，超滿足甘走…查看更多

悉逢男朋友生日，知佢好鐘意食生蠔，之前一路都食吾到好食生蠔，無意中係OpenRice 搵到呢間餐廳，地下係餐廳，1樓係酒吧(8點先開)睇OpenRice 寫開5點鐘，我訂左6點半食，5點3行到過去未開，打電話無人聽，好驚執左，好彩去到最後係食到既👍🏽知佢有任食生蠔，價錢仲要吾貴$308一位食個半鐘，男朋友係食得之人，當然係揀佢啦😆仲要包一杯白酒，食吾到太多生蠔，佢有$68半打揀，當然生蠔未黎之前，叫左兩個送酒小食，椒鹽魷魚同雞軟骨，終於到生蠔出場，非常肥美同甜，又夠大隻，好食過好多5星級酒店，男朋友食到讚口不絕，要讚既係我地食完第一打，再叫大概10分鐘內就會再上第二打，佢每次都係1打1打甘上，我地兩個人總共食左5打😆，回晒本！我地仲叫左個意粉同羊架，味道同買相都高質素👍🏽佢餐牌上其他野食都吾貴！…查看更多

第一次中午時間打邊爐，難得有個同自己一樣愛打邊爐既朋友，佢話想試下，適逢佢1月31號前6點前結脹，成張單有58折，就試試佢啦！去到門口已經見到幾件中國官廷衫，裝修都幾有心思。一坐底佢地會用個鍋放啲碗筷，然後加熱水，再開電爐快滾，佢地會細心幫你洗埋，呢個高溫清洗，我幾滿意，亦非常衛生👍🏽佢既menu 整到好似奏摺，我地揀左胡椒酸菜魚鍋有好香胡椒味，但不會太辣，佢有好多酸菜同芽菜，但吾會太酸，又吾會有好大層油係面，啲魚肉起晒骨，啖啖肉又滑。我地點左基本打邊爐料，其中有款牛肉佢用左花雕浸，淥完之後仲好嫩，又有好香花雕味，呢款值得推介😋醬料都係基本野，不過佢地員工會同你快速介招下唯一美中不足就係食吾到水蓮😌…查看更多

星期五Happy Friday 一早約好girls night out, 大家既好友開pizza舖，當然要去支持啦！收工6點幾去到，好友已經Happy Hour緊，落車行到去舖頭，成身汗，當然要飲返杯冰凍既Vodka Lime soda(最愛），由於我同友人都太肚餓，另外兩位朋友又未到，所以我地叫住款小食食住先第一次食呢款小食，麵包焗得非常脆，又有我最愛既pama ham, 最後就係一片片粹芝士係面，食到我同朋友嘩嘩聲（可能我地太肚餓😂）終於等到8點幾齊人啦！可以開餐啦！我地叫左個Platter & pama ham pizza呢個Platter 就不得了，係我地等緊齊人既時候，不停見到廚房出呢道菜，我地好奇問完知道係咩？決定齊人既時候要食佢，雖然有我最愛，但係佢啲蕃茄仔先最好味😋，呢個份量同價錢一啲都吾成正比，甘樣都係$158，勁抵食呢個pizza 都不得了，係甘多款之中我既最愛😍正宗意大利pizza餅底，因為佢地啲麵粉都係來自意大利，焗到個pizza邊非常脆，仲要係我喜歡食既薄pizza, 完全係無得輸呀！…查看更多

已經好耐無寫食評，今次不得不寫！呢間位於中環既日本餐，剛剛過去一星期就食左佢兩次，點解會食佢兩次呢？一次因為工作需要，另一次因為幫朋友慶生，同時因為佢用既食材非常新鮮，我地一行5人叫左兩個刺身拼盤，刺身拼盤係俾高級食材，佢係吾會俾三文魚你食嫁！另外6款串燒，其中一款係雞棒，出面食串燒多數會俾生蛋，呢到就俾溫泉蛋，不過味道就濃多啲！另外牛舌都係無得輸，食完要再encore ，另外仲叫多左個炸蝦卷，因為有朋友吾食生野😅，飲品就飲生啤🍻，生啤啲質感真係吾同啲，夠冰凍又滑😋 朋友們都非常滿意餐飯，食到佢地肚滿腸肥，佢地既服務態度都非常好！上食物速度都夠快😆值得一讚👍🏽幸好有訂位，因為星期五個個都出黎Happy Friday，好食既餐廳真係食多幾次都吾怕呀😆…查看更多

之前都有去開呢個熟食街市食飯，不過多數係夜晚時間，今次中午係附近加上有朋友推介，就膽粗粗去試下，因為係食飯時間去到已經坐滿人，幸好我自己一個比較易搵到位，坐底望下個餐牌，選擇吾算太多，加上本人鐘情海南雞，朋友雖然推介海南雞飯，我自己就喜歡食辣所以就揀左個酸辣海南雞飯飯一到就聞到油飯香味，已經好想食，由於本人有飲食次序，所以試左個雞先，雞肉好嫩加上啲酸辣汁非常開胃😋再食啖油飯，好有滿足感☺️仲有啲配菜，所以食落吾會太油膩，好耐都未過好食既海南飯🍛，歎完個飯之後即刻就再望下個餐牌，諗下下次再黎既時候試邊樣😆不過我係個好專一既人，食開個樣好味就會繼續食，之後要帶埋朋友黎食先得，好野要開心share❤️…查看更多

因為同好朋友食自己生日飯關係，好努力搵餐廳，諗食咩既時間發覺無咩點同朋友食韓式料理，係揀餐廳途中見到呢間幾特別，加上價錢合理，就決定食佢啦😋訂位訂左8點半，去到一啲都吾多人，可能係星期一啦！餐牌既食物都多選擇，有因應吾同人數既餐，有單叫，我地就揀左單叫，可以試多啲款式我地叫左5樣野食，首先有帶子沙律味道清新，睇落好似好少，但係都有5隻帶子，可以一試另外再叫左個墨汁炒粉絲墨汁意粉就見得多，墨汁粉絲都係第一次見，買相無想像中甘黑，但係味道非常喜出望外，好好食，味道係有少少酸酸地，好開胃，必叫😋再黎有海鮮餅呢韓式海鮮餅同平時食開既好吾同，呢個係用粉絲做餅底，吾係用粉醬，所以食落吾會覺得有粉多既問題，但係因粉絲吸油，所以食完一件之後，再食第二件會覺得好油，不過係好味道既👍🏽因為朋友喜歡飲湯，所以我地叫左個人蔘雞湯侍應放左個小爐，上面再放個鍋，估吾到係原隻雞上，服務員好好仲會幫我地剪開隻雞，方便我地食，人蔘味吾太重，雞肉嫩滑最後係炆牛勒骨望落好似骨大，但係啲肉炆得好淋，好入味總結黎講，餐廳裝修雖然普通，但係食物有驚喜，價錢都合理既，由於食物既份量吾算好大，所以可以叫多幾款食👍🏽…查看更多

琴晚要ot工作關係，老闆好好就話剪完頭髮就一齊食飯，有免費晚餐當然俸陪啦！去左公司附近一間日本餐廳食飯，老闆係呢間餐廳既常客，一入到去，餐廳老闆已經問兩杯生啤？點完生啤就揀壽司食啦，呢間日本餐係用紙落order既，我地坐bar頭除左用紙落order,仲有廚師直接推介俾我地，好正呀，我同老闆除左3文魚吾食之外，大部分既壽司都食，所以老闆點咩我就食咩我非常鐘意呢間啲壽司，因為飯吾太大，材料都新鮮，全部可以一口食，有兩款仲要係廚師推介，食完壽司我地就點熱食，點左兩款串燒同燒銀雪魚，再加多個炒雜菜燒雞亦，我鐘意食，因為係鹽燒，所以比較乾身，但係有啲脆口，好味估佢吾到甘大塊，難怪要$98蚊，啲肉好滑好嫩，正！👍🏽最後就有咩呢個炒雜菜，食飽飽，非常滿足！…查看更多

由於媽媽同朋友睇完戲，於是放工就過尖沙咀，我地食完甜品先去食正餐！係openrice 搜尋一輪，見到呢間老字號潮州菜（主要係夠近）上到去已經接近滿坐，剛好門口有張4人枱，坐底後睇餐牌，見好多菜式都寫必食或推介，我地當然抱住一個信字，隨便叫左5道菜必食蠔仔粥.....忘記影相😅，啲蠔仔吾算太大，不過飽滿，又無沙，好有蠔味，當我地叫既時候，諗緊叫例牌定中size,伙計好好人就話4個人叫例牌就夠啦！跟住第二味就叫佢地既必食走地雞好耐無食過甘有雞味既雞，由於係走地所以無咩脂肪，就算隻雞係凍既都無一舊舊凍糕，啲肉都好嫩，重有個綠色醬好香添再黎叫左個炒魚麵😋好彈牙，無魚腥味，味道較淡。第四道就叫左個攬菜肉碎炒四季豆三個字，好惹味👍🏽最後就叫左個水瓜烙第一次食，幾得意，朋友仔話呢間整得吾夠煙un, 口感幾得意主菜食完，大家留左啲肚食甜品，睇餐牌見到有個甜品名叫鼠殻粿，仲要又係寫必食，本來想叫兩個，驚食吾晒同埋仲有甜品想試，最終叫左一個入面係綠豆蓉，熱辣辣，幾特別最後再叫左個烏豆水晶包因為係烏豆容，所以吾太甜，試過就算！除左食物味道質素好，員工服務態度都值得一提，我地食完主菜，等緊甜品既時候，盡管不斷有客入，枱枱滿坐，員工既面色無變，仲好風趣幽默同我地有講有笑，值得一讚👍🏽…查看更多

揀呢間餐廳係因為佢個名-吱吱朕門面已經充滿宮廷特色，入到去無倫廁所門，枱発，牆身掛飾都一樣Drink menu 同 Food menu都有驚喜菜式名就特別，試左兩個飯都偏甜，特別係牛魔王(窩蛋牛飯)可惜既係未有時間試到醉拳秘笈入面既cocktail值得再去…查看更多