caesar_kongkaren的个人专页

朋友幫我慶祝生日，佢揀咗呢間日式放題，所以就喺今日嘅中午上嚟食，可以食3個鐘太開心啦上到嚟見到座位好寬闊，原先安排我哋坐窗口位，但我哋想坐卡位，同店員講想坐卡位，佢哋好nice好爽快咁俾2個卡位我地㨂，咁啱我哋揀嗰個位係喺飲品櫃前面，拎嘢飲非常方便店員真係好友善，介紹飲品櫃喺邊，有同我哋推介下食物嘅種類，跟住我哋去咗飲品櫃拎飲品，有個男職員見到我哋冇拎飲筒，仲好細心咁拎兩支飲筒嚟跟住我哋叫嘢食，呢度係用懷舊點餐紙點餐，好鍾意呢一種睇圖用筆剔下剔下嘅點餐感覺，嘢食嚟嘅時候係黎齊，冇漏單，賣相靚，刺身好新鮮，冇雪味，質素令我真係感覺到有驚喜，尤其是我最鍾意食嘅希靈魚刺身，好鮮甜，我朋友隻手掂唔到醬汁，老闆即刻行過嚟搣開濕紙巾俾佢抹，看似簡單嘅一個舉動，但其實呢個貼心行為真係會令客人好感動跟住到熟食，我哋點咗通菜、汁煮牛舌、芝麻雞翼、炸魷魚鬚，估唔到熟食都可以咁好食，最回咪係個炸榴槤球，熱辣辣好香，最重要係佢哋嘅炸嘢炸得乾爽，唔會好多油一路食，店員會一路幫你碗碟，跟住仲會拎一大盆雪條過嚟你枱叫你揀（如果唔食住可以之後自己出雪櫃拎），入嚟食嘢頭一個鐘， 已經深深感受到佢哋嗰一種貼心同用心服務顧客嘅態度，真係好難得，冇咩幾多舖頭可以做得到，仲要做得咁好食食下突然間店員嚟清理我哋張枱嘅食物，我心諗咦唔通夠鐘，原來唔係，因為我就嚟生日（我自己都唔記得），我朋友訂枱嘅時候備注左有人生日，所以就有個生日碟裝住件心形嘅蛋糕，係心形既木糠布甸蛋糕啊，最感動嘅係佢哋嘅蠟燭唔係用普通嘅蠟燭，而係用煙花蠟燭，仲要比兩支，好有氣氛啊，仲要幫我哋不停影相，呢個位真係令我好感動，碟上面嘅生日快樂字寫得好靚，個心形木糠布甸蛋糕非常好食到我哋走嘅時候，喺門口老闆執整緊d雪條，仲笑住問我哋覺得食物質素如何，我真係覺得佢哋非常尊重客人既感受，同埋真係好有心去經營，呢間店真係要多多支持，我一定一定會再嚟…查看更多

係呢間茶餐廳食咗幾年，無論係早餐、午餐同晚餐都好好食，呢排因為時間關係，經常黎食下午茶，下午茶選擇好多，望住個牌次次㨂野食都諗好耐，樣樣都好食，野飲方面，無論奶茶同檸檬茶一樣都咁好飲，茶底靚，又夠大杯，一定夠飲～今次叫咗個肉絲炒麵，麵底夠脆，賣相好靚，個獻汁夠味好食，又有好多紅蘿蔔、肉絲，銀芽，口感好豐富。另外仲叫咗個乾炒牛河，一d都唔乾，頭抽味好香好食，好爽滑，牛肉又夠入味，又好多塊，真係好夠味，又大碟～…查看更多

同朋友約埋飲茶，朋友話想出旺角食，因為中午食飯時間都驚多人，如果搵一間有得book位嘅酒樓會穩陣啲想來OpenRice搵咗旺角嘅酒樓，見到呢間小皇府，見到有好多點心嘅賣相都好靚，又有得book位，咁就唔驚大家嚟到又要等好耐，於是就book咗位一開頭以為呢間係酒樓，但嚟到門口見到先知原來係點心專門店，但係佢嘅鋪位好大，坐得好舒服，唔會好迫，加上裏面嘅職員每一個都好好人，非常有禮貌到一坐低時打開張點心紙，見到點心紙好多點心選擇，睇到我發多眼亂，最終我哋叫咗一碗雲吞麵、一籠燒賣、一碟叉燒腸粉，冇諗過點心咁好食，上枱時仲係熱辣辣，雲吞麵嘅雲吞好爽口，好新鮮，麵亦都好彈牙，朋友食完都讚不絕口，話下次一定要再嚟食…查看更多

有一日行過見到有間新既車仔麵，第2晚就黎試試一入到黎就用QR Code落單，落完單開始等～首先，等麵既期間眼見職員安排位置都幾亂下，2個人入坐就安排坐雙人位，1人入坐就安佢坐張4人枱，之後多2個單人入黎，佢叫其中1個單人坐去人地一家三口張枱，但又唔同人地講家人講聲，好無禮貌囉之後等咗20分鐘，先走過黎同我講魚蛋無哂，問我轉咩餸，但佢好多餸例如豬大腸、牛腩都無哂（當時係夜晚7:45分），如果你話我夜晚9:00黎無哂餸都好明白，問完我之後，再陸續同其他枱講咩餸又無哂，要其他人轉，最好笑問我隔離男人轉咩餸，佢話要白魚蛋，最終又比咗長洲魚蛋人地當日我地實測過，每枱都等30分鐘以上先有野食，但一上枱仲要比錯餸我好唔容易等到碗麵黎，一望個賣相已經覺得失望，碗麵好淡呀，我係加咗腩汁，都咁淡，自問食野要求唔高，但呢碗麵好差，等咁耐仲要難食，想喊…查看更多

有一日行過囍帖街，見到有間台式餐廳，望落好有台灣既感覺，裝潢好用心，行到門口睇到餐牌都好多選擇，而且價錢唔貴，如果星期六日就無lunch set 要散叫，如果星期一至五就有lunch set，真係好抵食我地今次叫咗期間限定既羅東雞飯，賣相就好似平時食既鼓油雞咁，味道好入味，雞肉好滑，仲可以㨂醬汁，有辣同唔辣㨂，2款醬都好好食套餐仲配埋野飲，我地叫咗凍既烏龍茶，茶好香好好飲，無糖的，好健康呢度除咗野食好食，環境都好靚，留返時間打卡…查看更多

之前黎過一次，覺得地方好靚，環境好舒服，傾計一流，食物唔錯，叫咗2碟意粉，連餐具都係愛麗絲圖案，意粉幾好食，不過而家無哂set lunch，要散叫，價錢小貴，但服務好好，又無限時可以慢慢坐，慢慢打卡，點影相都咁靚…查看更多

之前試過其他分店，覺得好唔錯，今次見葵芳分店新開所以就黎食～呢度既職員服務態度好好，好友善又熱情，食物黎得快又無漏單，坐既位置又舒服～我地㨂咗餐牌既level 2，呢個餐有脆肉鯇食，佢既脆肉鯇非常脆口，就算煮耐咗都仍然好好食…查看更多