nanatin的个人专页

最近去到邊都係搵附近嘅麻辣燙食深水埗呢間冒菜都唔錯三餸一麵講真餸嘅份量唔多，尤其我叫魷魚，得兩舊，真係好少😂素菜份量比較正常雖然餸少，不過麵嘅份量都幾多，所以唔驚食唔飽嘅湯嘅味道都ok, 少少偏咸，鍾意濃味嘅應該會喜歡…查看更多

真係好鍾意食麻辣燙，但好食啱口味又啱一個人食嘅真係唔多今日出開尖沙咀喺Openrice搵到呢間，見之前食評好多都話服務唔好，都有心理準備，但可能人唔多所以都好正常可以坐低慢慢叫，無人催亦都無面色俾我睇，叫左8餸$68，小麻BB辣，再加罐加多寶$12上到黎份量唔算多，鴨血3片，完全無味，唔推薦反而牛丸幾好食，可惜一份得2粒豬肉片都唔錯，有4片幾新鮮娃娃菜真係麻辣燙必點，非常吸味雲耳，靈芝菇，牛栢葉同粟米芯都正常湯底顏色幾清，唔係就咁落辣油嗰種，小麻比起淨係辣真係好食好多，加埋BB辣好啱我口味，雖然對我來講唔算就腳，但有機會會再幫襯。…查看更多

今日無意中經過北帝街，就行下睇下有咩食見到星洲名廚，諗起好幾年無食過，就入去懷緬一下記得以前好多人等位，好好生意，遲少少去都有排你等，估唔到而家係咁冷清，唔知係轉左手定味道變差7點入去都係得一兩枱有客，唔怪得阿姐叫我隨便坐今日食左肉骨茶，味道偏甜，不過都有藥材香味，3條排骨，最開心係有冬菇，所以覺得ok$67有肉骨茶有一小碟菜仲有白飯連野飲，我覺得價錢ok, 環境就無乜變，都係咁窄，不過人少所以唔會逼服務都ok, 一叫就有人，而且都好有禮貌如果下次再去嗰邊，我會試返豬頸肉撈丁，睇下係咪真係咁差…查看更多

今次係第二次食呢間潮州人，座位唔多，不過唔洗等位。個個黎到都係食花膠米粉，但我又想試佢個清酒煮蜆，所以叫左雙拼佢個花膠真係幾好食，煮得好淋唔腥，而且好入味，湯底非常濃郁好味，而且因為加左蜆，湯底都有一陣清酒味，成個味道好正花膠都幾大塊，大過手掌，蜆就因為只係加$8，所以得2隻，但都係好濃清酒味，非常好味米粉係好幼比較硬身嘅銀絲米粉，份量唔多，所以一定要加底，唔係會唔夠飽我仲加左個雞油娃娃菜，唔會覺得油，娃娃菜都幾夠味佢嘅食物我覺得都幾高質，唔係行貨，雖然價錢唔平，但應該都會再幫襯。見到佢好似都有啲告急，希望大家多多支持💛💛…查看更多

呢間樂天王朝我唔係第一次食不過我相信今次係最後一次之後疫情時6點後無堂食，我都買過外賣，都無咁難食今次同朋友貪就腳嚟堂食，竟然係大失所望1. 小籠包我地叫原味，因為食過唔同顏色其實味道唔係差太遠小籠包係ok, 皮薄，味道正常2. 唔記得係涼拌咩，有3種料，呢個都無咩特別，好普通3. 酸菜魚，呢個真係最失望，唔咸唔辣唔酸咁，都唔知點形容，真係有衝動問佢攞啲醋同鹽嚟調味囉！之前食過真係唔係咁，唔知點解而家變到無味，而因為無味，魚嘅腥味就出晒黎.....係連最索湯嘅粉絲都無味呀4. 辣子雞，呢個味道都算正常，偏辣，不過就無幾多粒雞肉食，成碟辣椒5. 驢打滾同擂沙湯丸，驢打滾香香軟軟幾好食，擂沙湯丸反而較硬，不過2樣食物都係凍冰冰，如果有少少暖咁會好味啲咁嘅價錢我覺得可以有其他更好嘅選擇，難怪夜晚都係坐得一半客…查看更多

未試過呢間茶飲店，今次係第一次買左杯熱波霸芋頭鮮奶，走甜買嘅時候店員都話走甜會無黑糖味道會好淡因為平時我買第二間嘅芋頭奶都係走甜，所以我覺得無問題不過今次真係瀨野🤣攞到杯奶時，我係叫熱飲，expect就算唔係好熱，起碼都係有啲暖暖地但我攞到時個杯底係凍，上面就微暖攪均後只可以講係室溫波霸都ok, 但芋泥係極少飲左2啖就已經飲唔到芋泥，亦無芋頭粒粒嘅口感最唔得其實係奶明明睇到佢用牛奶公司鮮奶但我飲落去完全無奶味我覺得自己係飲緊水咁....暫時呢間係我飲芋頭奶最差嘅一間…查看更多

上星期食左呢間好出名嘅熱狗店，叫左招牌辣肉醬芝士熱狗。真係好好好食！我係搵個位即刻食，所以仲係熱辣辣！包有烘過係脆嘅，辣肉醬份量好足，再加埋芝士同熱狗腸，一路食到尾都覺得好juicy, 成個感覺好滿足。但真係要熱食，因為太juicy, 一放耐左個包就會變淋，好味程度會打折扣！…查看更多

最近鍾意食漢堡，所以去開邊頭就搵burger店食。今日去開荔枝角，見到呢間Hero's Burger非繁忙時間都有人排隊，就試下。店仔細細，只做外賣，即叫即做。叫左芝士漢堡，加埋薯條汽水$63，價錢ok。等左10分鐘左右就有，攞到返屋企有少少凍左，賣相一般所以無影相😂不過味道係ok, 醬汁多到流出黎，配料比較簡單，只有芝士同生菜。但漢堡扒夠厚，份量好足，不過略嫌唔夠juicy。反而食落去有啲比較硬嘅粒粒，可能係比較多筋，所以影響口感。薯條係粗薯條，好食！整體都ok, 可以再幫襯。…查看更多

成日見到好多人，想試左好耐今日終於有機會。下午3點幾去到都有人喺外面等位，舖位唔大，所以決定外賣返屋企慢慢食。叫左大啡菇牛肉漢煲，真係即刻整，等左15分鐘。一層一層用料好足，有啡菇，芝士，漢堡扒，洋蔥同生菜。啡菇真係好大，唔乾，漢堡扒又厚又好juicy😍攞到返屋企都仲好好味，食到尾仲有肉汁流出黎，堅好食。不過係太juicy搞到個包有少少淋左，現場食應該更好味。個人覺得蕃茄醬可以多啲就更好👍👍下次想試鄰居漢堡，見到好多人推介。…查看更多

今日去開荔枝角，就去D2 Place搵野食原本想食金鳳，但太多人，所以食左隔離呢間鹽水雞，人唔多坐得都舒服，環境ok。講返食物，今次叫左一人餐，$45一份雞3份餸，我揀左木耳冬荀秋葵，味道揀左阿土伯醬。唔知係咪因為佢將木耳冬荀都切絲，感覺係無乜食物本身嘅味同口感。秋葵似係生切，無煮過，但都ok嘅。雞我覺得一般，無乜味，而且佢切到幾大舊下，雞皮又多，有啲難咬....醬汁嘅阿土伯醬話係味道酸甜，我就唔係好感覺到只係覺得無咩味下次如果再食可能直接揀淨餸，同埋試返原味個醬，睇下會唔會好食啲ps 一人餐份量唔多，建議加拉麵或飯一齊食先夠…查看更多

舖頭雖然款式唔多，但幾特別我唔鍾意食軟殼蟹，所以揀左芝士腸仔滑蛋吐司，賣相滿分，滑蛋望落就知道正，好綿好滑，腸仔都好食。但食時要留意，因為好容易整到周圍都係🤣🤣…查看更多

我個人係好鍾意食麵線，所以見到有蚵仔麵線，就算已經食飽都忍唔住買碗外賣返屋企食！等外賣其間留意左一下裝修，見到好多台灣味嘅裝飾，望落坐都舒服嘅。不過疫情橫行，都係買外賣穩陣。一碗蚵仔麵線外賣價$35，唔算平，份量亦唔多，細細碗咁，不過味道先係最重要。望落去大概一半湯一半麵線咁，蚵仔有5-6隻，份量還可以。食落去麵線質地偏硬，同平時食開比較軟同滑嘅台式麵線有少少唔同。味道一般，湯底食落去只有咸味。食完之後仲有三分一碗湯剩，可想而知原本啲湯有幾多。以咁嘅價錢應該唔會再食，同我印象中嘅台灣味道唔同。…查看更多

路過看到新開左間狗仔粉，就買一個試試配料有冬菇，豬油渣同蝦皮，湯底清清地又夠味狗仔粉我覺得軟硬適中，不會太稔，而且叫普通（$24）都算大碗，加大（$30）我食完係幾飽，好抵食～呢間狗仔粉幾啱我口味，下次要試試'真係碗仔翅'同其他食物…查看更多

本人自問對甜品面求唔高，有時朋友覺得一般嘅我都覺得唔錯，但今次呢間真係唔掂。我地中式西式糖水都有叫，我叫左馬來喳咋，一上枱，水還水渣還渣，邊度似喳咋？紅豆未煲淋，芋頭似係臨時放入去，裡面啲豆只有兩三種，味道同賣相完全唔似喳咋，似係臨時將幾種糖水溝出黎嘅感覺。朋友的芒果系列甜品，以為應該穩陣，點知得個甜字，味道好假，唔似鮮芒果。唯一可取係店員有禮貌，同唔使等位。…查看更多

多年前去澳門食過一次，但已經無咩印象，今次黎試深水埗店，一嚐黑椒燒鵝嘅味道！六點半黎到已經人頭湧湧，好彩唔使等位。裝修尚可，樓底幾高，不過唔知點解地板好滑😒一入去好似溜冰咁，坐喺凳上都可以滑黎滑去...點左燒鵝叉燒雙拼飯，原本想叫燒腩仔但賣晒。燒鵝唔算肥，皮都有點脆，不過唔算嫩滑，而且無咩黑椒味，唔可以話唔好食，只係同平時食嘅差唔多。臨走時先7點左右，聽到燒鵝賣晒，叉燒賣晒，切雞同菜都賣晒......唔知之後係咪會再出爐，否則應該都可以提早收工😂…查看更多