LaChef的个人专页

親友喜歡食牛扒，經常想去一些較好嘅扒房餐廳，但香港扒房相對較貴價錢，今次見到呢個扒房TGR 有優惠價，二人套餐三道菜: 湯，主菜，甜品，二人套餐價都只係$888，Openrice訂枱可享七折優惠，所以就即管嚟試試。餐廳地點鄰近港鉄站，交通方便。餐廳內部座位算是寬敞舒適。我同親友早到，較平常晚飯時間早，未夠晚上6點已入座，感覺清静舒適。服務員好有禮貌招待，還讓我選擇入座位置，因為我哋係晚餐時段第一枱人入場😄 今時今日飲食行業真係好難守業，晚上7點後慶幸都有八九成入座率，真心替佢高興👍繼續努力加油😊我哋選咗個三道菜套餐，另加法式生㠙，飲品，同加錢改享用特式香煎南瓜湯，埋單連原價加一總共$1080 多元，扒房餐廳二人價錢，晚餐平均每人约$500 可接受👍😄不過月頭使用大咗，跟著後面日子就要慳啲啦😅…查看更多

朋友聚會，找個靚海景地方，座位濶落舒適，一個平常酒店级午餐價錢，包主菜一份，自助中/西湯，甜品，加一服務費後，大概$200大元，算是可接受。 不過服務員啲態度就真係麻麻，雖則入場時冇像其他餐廳說用餐90分鐘，訂枱時都知午膳時間12:00-14:30，作客的都早有心理打算，但勢估唔到未到14:00 個員工突然衝過來指示我們埋單找數。其一，首先是我和朋友正談得興起，突然一個完全沒禮貌的就撞入打亂談話，其二，亦好不客氣地將手上出纳機拍到枱面要求即時结賬，並跟客人說她很忙的，言下之意叫你快啲唔好吱吱咗咗阻佢。其三，就是並未有資詢客人食物是否到齊，還有沒有什麼要添加，就已經打定張賬單要求结賬，這是什麼玩法？ 公司經濟不景，怕客人走數？ 最後，就係一個咁嘅員工，一個沒禮貌嘅舉動，就完完全全影衰香港服務行業，禮貌之都全敗於這個員工，兼仲係喺一間國際都會會展中心，面對多個不同地方來賓，我唯有找經理過來解決，絕對影響心情！😕雖然食物一般，個漢堡太乾唔夠juice，相對麥記 BIG MAC 可能跟佢有得比，個中式小炒糖醋骨可以接受，唯獨勝在環境搭夠，自助中西湯甜品還可添加。下次都要再考慮考慮，仲好意思叫客人入會！😑…查看更多

想找個地方慶生聚會，冇限時，坐得舒服濶落唔擠迫，慢慢歎，傾傾偈，這裡算是一個好選擇。地點位於觀塘與牛頭角港鉄站中間，出閘後要走大概6-8分鐘。還好都算方便。係APM睇個3:00點下午場，再慢慢行過去都得。食物只可算是一般般，無乜特式，可能大家都唔係大食為食客，所以個花膠雞鍋🐓🥘同一次性海鲜盤🦪🦐🐟🐚已經足夠份量食用，但未夠鲜味，盤特色牛件🐮🐂仲食唔哂 (因為當中有一半人唔食牛！)，還有送上每人一份特長漫魚壽司，大過我隻手掌🤪，雞湯底唔算重味道，有多件小花膠，雞件都算嫩滑🐤🐥 仲可添加，其餘有即食凍蝦🦐🍤，燒台灣腸，蔬菜🍀🌿🥬🥗，各款丸子🍢🍡，甜品🍨🍧，飲料多款🥤🧃🧋🍹🧉任飲任添加。最喜歡那個荔枝脆脆蝦球🧆。仲即時制造咗個日式刺生壽司生日疍糕送上壽星哥，令佢好開心🥰。如果大家對食唔高要求，哩度算係一個好選擇。㊗️🧧🎂🎁🎉🎊💖…查看更多

因為疫情都好耐冇去食自助餐，見雙11其間有優惠就應朋友安排兼為友人慶祝生日，老遠由九龍走到入將軍澳食晚飯，可惜實在太令人失望，唔會再有下次，亦唔會推介，見議可以的勿選！其實西式自助餐來來去去食物都係咁上下，有啲熱食，冷盤，壽司，少許鱼生刺身，甜品之類一般，都冇乜驚喜。客人主要都係想能夠與友人團聚開開心心食返餐，希望環境服務可以補救，卻兩者都欠奉！🤬客人早到未能安排入座要在外等候是理解的，等候片刻跟著排隊掃安心做了一大堆功夫可以放行，原以為進入餐廳後放下背包手袋就可以開開心心去取食物，誰知只差幾分鐘，就在我想取食物時突然被喝停，廚部侍應從遠邊極冇禮貌一路大叫的走過來：喂，未夠鐘呀小姐，啲食物唔攞得！嚇得我以為自己係賊唔知偷食咗佢啲乜嘢食，但其實啲食物已經预早擺放好！跟著就同佢理論，既然外面接待已經讓客進場而又冇特別指示，兼距離正餐時間都不過5分鐘，為何酒店員工可以這麽不禮貌呼喝叫停客人？！酒店經理過來了解事件，卻又不停跟我說係原則問題。既然你咁守原則，5分鐘前接待就唔好讓客人入餐廳啦！究竟客人來食餐定食你啲所謂原則？！酒店業服務態度以禮待客啲原則又去哂邊呀？一進場就令到客人咁唔開心，實在太勞氣！唔好話有優惠價，就算以後有免費都唔會再來！🤬座位安排太擠迫，地方唔大但又要放高大有背椅，攪到客人背對背坐，就連枱與枱之間隙縫都竟然要放多個座位，攪乜？又唔係全院滿座！攪到客人出入都要起身讓路極唔方便！😕食物冇驚喜，份量少，鱼生刺身太乾，好似放咗一日已經風乾了！只有甜品免强可以接受！😐開蠔枱面鬼鼠收到廚部後面，驚死被客發現！要排隊等配给，阿姐見條隊差不多十個八個先慢慢開蠔，每隻蠔沖水廾秒，每人只配给兩隻！最憎啲咁嘅所謂自助餐，愛吃蠔者一定失望，勿到！🤬清枱員工見你枱上碟子用餐完畢，刀义都未放低就已經拿走隻碟，但走到去取食物時卻又經常缺碟要等，要自己四圍找碟，究竟係清洗唔切，定太少？ 相信餐廳管理層心裡有數最清楚，請檢討，但勿要客人呆等！😒其他已經冇心情再提，相片都只拍咗一兩張，其實都冇乜興緻上載！😒客人就自行決定取捨啦！😑…查看更多

四圍揾食，觀塘究竟有乜好食……… 又唔想俾時間限速可以點？最後俾我揾到哩間，第一係冇時間限制，可以認真品嚐欣賞食品，朋友傾偈聚舊唔使趕喉趕命只為食完就散，第二食品有心思新鲜夠特別，仲有精装自家制飲品任選，第三坐位尚算寬趟仲有卡座大窗萬克頓夜景🌆。適逢母親節，檔主仲好識做，每枱大送禮物，兼幫你免費拍照留影，得在場食客又驚喜又開心，咁先係有Heart ！大家辛苦工作，嚟得都為開心食一餐，讚！我和家人最後都好開心食飽飽抱住個大肚腩同禮物回家，真值得推介。…查看更多

一個受氣的午飯……中環一所高级快餐店，售價其實都不便宜，以為服務應該比屋邨好，卻又尤如排隊輪大米等配给，受氣的一頓午飯！話說回來，快餐有自選餸菜配搭，平日常見太多人排隊，今遲些去到，希望可以避開煩忙時間，即管試試自選餸菜，但排到隊頭每盤食物都已去得八八九九，往後望……有另一盤新鲜熱燙的搬了出來，滿以開心的想點餸時，卻迎來一句……賣埋啲餸尾先，唔好意思，你要定唔要，下一位……然後把你的購飯單放到一邊。 此刻，簡直覺得自己入咗什麼水飯房！於是我再說一次，唔好意思，我想要些新鲜熱的。卻又遭來一句:唔得喎，個個都咁，仲使做生意，你食第二樣啦！ 當時已經大部份都去得八八九九，你叫我有得選擇嗎？既然已經有新的煮好搬了出來，為何我用真金白銀都不能要求一餐好少少熱少少啲！我嘅要求真唔覺得有任何地方過份超越！但今時今日咁既服務態度，真係令人氣憤！我來買食，並不是來幫你舖做食物清道夫！請多多檢討你們對客人的態度！…查看更多