euro_foodaholic的个人专页

偶爾喺OpenRice見到呢間餐廳嘅裝修風格好靚，忍唔住約埋朋友中午過嚟打卡食飯傾偈！餐廳有分室外，同室內，室外多數有帶埋寵物一齊嚟，而室內聽職員講有成7000尺咁大，所以空間感十足，格局十分舒服，位置都闊落。中午去亦都未爆場，所以店員都好好俾我哋揀位坐！女仔去到咁靚嘅地方，梗係先揀打卡位影相！推薦：⭐️烤三文魚配蘆筍薯蓉及大蒜忌廉汁（$158）：如果想輕鬆嘅朋友可以揀呢個餐，三文魚烤得香脆可口，唔屬於好飽，再配上薯蓉同埋蘆筍就啱啱好！⭐️牛肝菌雜菌意大利飯（$148）：整體略嫌比較乾身，但係牛肝菌以及雜菌嘅味道係好重口，意大利飯底液都夠硬身，但因為本人比較鍾意多汁，所以覺得如果可以多少少汁就完美整體嚟講，呢度好啱三五知己過嚟傾偈，因為店員唔會催單，位置都夠多，打卡位都非常之多，十分適合女仔嚟！味道：🌼🌼🌼🌼服務：🌼🌼🌼🌼環境：🌼🌼🌼🌼🌼抵食：🌼🌼🌼…查看更多

每次搭親叮叮都會見到呢間型格舖頭人流不斷，排隊嘅人源源不絕，令我真係好想一試究竟！今次終於有機會可以嚟排隊，原來只要11:30之前嚟到，其實就可以直入，但係如果撞中中午放飯時間，大家就唯有乖乖地排隊啦！呢間主要係食新加坡菜色，主打喇沙同咖央！舖頭嘅裝修十分之吸引，有打卡點，而裏面簡潔清新，所以咁多人排隊都係有原因㗎！推薦：⭐️咖央多士（$38/4）：多士脆而不硬，斑斕香味不甜不漏，十分推介！⭐️娘嘢喇沙（$98）：擺上枱就好靚，主要有蝦、豆腐同埋蛋，色澤討好，睇上去好惹味！但係食落冇睇想上去咁濃味，不過不失☺️⭐️優質蝦麵（$98）：呢個反而比較特別，面底係用米粉同埋雞蛋面Mix Together，食落口感好特別！而湯底有蝦味嘅鮮甜，亦都有豬骨底嘅濃厚，有驚喜！呢間嘢，整體質素幾好，加上舖頭裝修簡約得來有性格，值得一試！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼🌼…查看更多

要食到呢間燒肉店，首先一定要網上面book位落訂金。你要預先揀好咗食邊個set，喺網上面俾埋錢就OK 㗎喇！餐廳嘅位置比較偏僻，真係要特登搵先知道喺邊！舖頭嘅裝修類似於航空大樓嘅裝修，相當有格調，而且位置到寬敞，最啱三五知己過嚟燒肉傾偈！呢度嘅員工亦都好熱情，主動又有禮貌，下一次好好嘅Experience！推薦：Combo set ($480):總共有150 g嘅肉，大概係有14塊，職員會教你由lean食到medium fatty到fatty，口感十分豐富，而呢個餐都配有青瓜，柚子配蘿蔔用，仲有一啲燒汁for燒肉用，跟餐仲有碗清淡嘅牛肉湯同埋飯，絕對夠飽！當牛肉準備好嘅時候，呢度最有特色嘅就係職員會拎住盤牛肉俾你，絕對系一個噱頭！☺️⭐️Soft ice cream ($40): 絕對值得一試嘅雪糕，佢應該係日本直送嘅鹽味雪糕，奶味十足！呢度最特別係佢可以為客訂製，如果你有特別日子需要慶祝，佢會幫你帶啲祝福嘅字句喺餐廳嘅展示版，心意十足！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼🌼…查看更多

初初bakehouse開喺灣仔時，名氣真係好大，每次想撞彩睇吓可唔可以買到一兩件，都係要大排長龍，根本上冇一兩個鐘根本買唔到嘢！可能因為老闆個名氣太大，人人都想試吓佢嘅手勢，幾乎淪陷！之前要買蛋撻，都要較正佢哋出爐嘅去排隊先買到，真係好好味！之後bakehouse開始開咗好多分店，令到大家唔需要再排長龍！不過中環呢間初初都排到好誇張，中午基本上都要等20分鐘！但係我哋大概掌握到蛋撻出爐嘅時間，要買到蛋撻就比較容易！推薦：Sourdough Egg Tart ($12): 如果遇正啱啱出爐，熱辣辣，個皮係酥脆可口，而個蛋心係有濃郁嘅蛋香，兩個加埋真係絕配！每次見到都會買多幾個！佢嘅裝修都係好吸引，但係可能因為名氣大咗，我覺得質素有少少下降，至少而家蛋撻其實都係整好晒擺喺度，已經冇咗啱啱出爐，熱辣辣個種感覺！整體而言佢嘅質素依然保持到，但係就唔再係我哋當初食開嗰種小店嘅感覺！味道：🌼🌼🌼🌼服務：🌼🌼🌼環境：🌼🌼🌼抵食：🌼🌼🌼…查看更多

本人向來都係片皮鴨嘅愛好者，初初羲和雅苑啱啱進駐香港時，好多手指都有介紹佢嘅片皮鴨，就決心要去試一試！因為疫情嘅關係海港城，可以用美食券，咁就最啱用嚟試新嘢！但係你問我係咪真係咁好食？我就覺得試過就算啦！今次因為兩個人去食嘅關係，所以可以試嘅款式相當少！但係最緊要都係試咗個片皮鴨先！⭐️羲和馳名烤鴨（$348 半隻）：啱啱上到枱面，佢嘅擺盤十分之靚！而佢最特色嘅就係調味料裏面有藍莓醬以及爆炸糖。睇返啲片皮鴨本身嘅質素，可能我哋今次比較唔好彩，鴨皮唔屬於脆，而鴨皮魚鴨肉中間嗰層脂肪已經凝固，相當流！其實就算一間普通嘅餐廳，我相信都比呢個好！由於個鴨皮嘅質素好差，佢嘅配料再出色，我哋都難以品嚐！⭐️酥皮湯：普普通通正常發揮！作為一間出名嘅中式餐廳，佢嘅裝修相當漂亮，但係食物嘅質素以及員工嘅培訓需要在加努力！今次好彩有食物券扣減，如果唔係真係好唔抵！如果想食片皮鴨，香港老字號好多選擇！味道：🌼服務：🌼🌼環境：🌼🌼🌼🌼抵食：🌼…查看更多

呢間pancake啱啱引入香港時，日日大排長龍，最先應該係銅鑼灣分店，至少都要等一個鐘或以上！之後喺九龍區K11 M都開咗一間細細地嘅分店，但係同樣都係大排長龍！知我揀晏晝三四點嘅時候，稍為少人d。K11呢間分店鋪面比較細，所以有拎埋出面嘅位置作為用餐區，令到個流動量增大！相對大家等嘅時間都冇咁耐！喺等待嘅時間就已經決定食乜嘢，一有位就即刻去落單俾錢！之後就會有店員拎到你面前，但係佢都係半自助形式！如果你想拎紙巾或者水就需要自己去自助區自取，相對都比較方便！推薦：⭐️幸福班戟（$89）：試過咁多種味道最鍾意嘅都係原味，因為佢上面嗰舊cream係鹹甜鹹甜，配上即時出爐嘅pancake簡直係絕配，pancake嘅口感空氣咁重，但係又有蛋香味！所以呢三個pancake其實好快就可以食晒！而其他味道唔係唔好食，而係其他味道會掩蓋左pancake本身蛋香味！所以本人最鍾意都係呢隻！⭐️薑汁汽水（+18）目前呢間係我喺香港試過最好食嘅日本pancake，如果咁啱經過又見少人排隊真係可以試吓！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼🌼…查看更多

每次行到海港城，都會掛住呢間塚田農場！知道呢間嘢由日本傳入，食材都係有日本輸入，所以對佢嘅期望都十分之高！呢排因為疫情嘅關係，都可以用到美食券，所以令到佢book位嘅程度大大提高，但係閑日平時中午去食嘅話Walk in都可以攞到位！如果咁啱中午喺附近又諗緊食咩嘅朋友可以考慮吓呢間！推薦：⭐️美人鍋牛肉鍋御膳（$660）：如果鍾意食精不食多，可以揀呢個鍋加和牛！建議個湯底煲滾之後，先試一兩啖個湯底之後再食和牛，而和牛亦都可以點蛋汁食。最後先擺啲日本直送嘅蔬菜落個鍋度煮。配飯食，簡直一流！⭐️炭燒雞：呢個係絕對要試，華聯嘅雞件會跟着鐵板上，預計雞件會有少少灰黑色，雖然睇上去唔美觀，但係食落去香嫩多汁。唯一要小心嘅係，如果着白色衫就要小心啲油會彈到上身！整體來講間餐廳嘅位置非常之好，如果朋友聚會，對住維港海景180度玻璃無死角，咁佢嘅價錢的確有可取之處！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼…查看更多

喺中環做開嘢嘅朋友都知道，中環真係好多好嘢食！但係大家都好趕時間，如果你想搵一間可以放心食brunch ,又可以同朋友傾偈，呢一間一定係首選！12點之前一定要到到，如果唔係可能要等吓位或者可以book位！每次我嚟親食都會揀brunch board☺️☺️喺揀咗兩種包嘅口味之後，你可以揀四至六款嘅sides，咁當然越多款就越貴啦！通常以我嘅食量揀四個種就夠㗎啦！推薦：⭐️Salty Egg Yolk Boston Lobster(+$72): 每次食親，我都會揀啲個，佢會比兩隻蟹鉗你，但係最出色嘅就係佢嗰個咸蛋黃醬，無論係點蟹肉定係麵包都好好味！⭐️Black Truffle Scrambled Egg: 呢個都係每次我必點嘅選項，佢嘅黑松露好香，但係唔會流，同炒蛋一齊食，真係絕配！⭐️Yogurt : 每次我其中一個選項，都會係Yogurt，而佢每次都會轉口味，推薦大家如果過期遇到自己鍾意嘅口味都可以試吓！呢度環境好靚，職員嘅服務態度都非常之好，好適合中午食飯同朋友短聚傾吓計！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼…查看更多

作為酸菜魚愛好者，一定有聽過廚13呢間鋪！而家天氣凍凍地，真係好啱食酸菜魚！講返呢一間先，因為我哋都比較晏去，現場Walk in都要等兩三張先可以坐低！建議大家如果真係想去食嘅話，可以先預約！見到隔籬枱都係大大兜嘅魚真係好開心！⭐️酸菜魚 （$338 S):喺其他酸菜魚連鎖店細分來講呢個價錢屬於貴嘅，不過佢嘅份量亦都相對比較大！其實如果佢呢度細份都夠三個女仔share。講返魚嘅質素，食落冇乜腥味，魚湯亦都鮮味，夠酸夠辣。但唯一缺點就係太油，食到一半會好流！⭐️正經的雞被撕（$98）：作為前菜來講份量啱啱好，而味道亦都清爽易入口！但略嫌價錢比較貴！整體嚟講，廚13嘅環境好舒服，有卡位亦都有長枱，適合小型聚會或者兩個朋友講心事，而且店員亦都唔會催單，但係定價稍為進取咗少少！味道：🌼🌼🌼服務：🌼🌼🌼🌼環境：🌼🌼🌼🌼抵食：🌼🌼…查看更多

文華酒店嘅下午茶一直都係好出名，趁着呢排有時間想黎試一試。我都係閑日撞彩，睇吓打去有冇空位，竟然比我即日book到！咁去得酒店食下午茶，自然就唔好着得太casual啦！位於中環既文華一直俾人有一種奢華，低調嘅感覺，所以都令到我好期待！下午茶一位係 $368加一，價錢黎講唔屬於貴，當然都要睇佢嘅出品質素點嘅！但輕輕提一句，如果坐近中間玻璃嘅卡位會闊落啲！我哋今次因為即日book，坐咗喺邊邊嘅位，雖然都好靚，但係就冇中間嘅卡位咁闊落！因為文華始終喺香港都屬於五星級酒店，職員嘅服務態度十分之好，見到我哋有需要都會過嚟幫手，值得一讚！嘢食方面，其實下午茶都係糕點加1壺茶！當然文華最出名嘅scone 我就覺得夠鬆軟，亦都好香口，再配上忌廉/果醬，真係風味十足！下午茶點少得鹹點！文華嘅咸點多數提供三文治，質素正正常常無咩特別，而甜點再有朱古力同埋檸檬撻，食落都幾好味！我諗會黎文華飲下午茶其實都係鍾意呢度帶比人嘅氣氛同埋感覺，至於食物嘅質素亦都對得住呢個價錢，當然唔會有啲乜嘢令人好驚喜嘅位置，但係坐喺呢度嘆茶又零舍唔同啲！食嘅係一種情懷。味道：🌼🌼🌼🌼服務：🌼🌼🌼🌼🌼環境：🌼🌼🌼🌼🌼抵食：🌼🌼🌼🌼…查看更多

元朗出咗名多嘢食，今次都黎元朗搵吓嘢食先！經過呢間舖頭見到裝修十分之靚，佢要做啊，亦都想到闊落，坐得好舒服！而酸菜魚嘅都係呢排興起嘅川菜之一，間間川菜都有呢昧菜，但係十三少的確好好味！推薦：⭐️酸菜魚（$238）：啱啱一擺上台，熱辣辣，香氣迷人！試落魚無腥味，魚湯亦都好鮮甜，其中亦都有唔少酸菜同埋酸蘿蔔做配菜，個個食到舔舔脷！食完仲唔系好口渴，相信比較少味精！2個細食既女仔夠曬！⭐️椒麻皮蛋（$42）：每次去川菜館都一定會叫呢樣送！醬汁調味十分好配上辣椒，將皮蛋嘅香味帶出！如果你都係酸菜魚嘅朋友，十分建議你試吓13少！全港好多分店，元朗依家味道相當唔錯！推薦！味道：🌼🌼🌼🌼服務：🌼🌼🌼環境：🌼🌼🌼🌼抵食：🌼🌼🌼🌼…查看更多

荃灣出左名食米線，而呢間系其中一間成日比人提起既米線！見呢排天氣凍番，最岩食越辣辣嘅米線！呢間米線位置相對比較偏僻，真係要特登搵路先至黎到！鋪頭有兩間打通，相信peak hour應該要等30分鐘到，翻台亦都快！米線質地偏軟身，而湯底較濃，如鐘意連湯一齊飲既朋友就唔適合！推薦：腩肉：肥瘦適中，本身有味螺旋草：配濃味嘅米線十分清新！建議如果順路嘅朋友可以過嚟試一試，但係如果要特登搭車入嚟就冇咁嘅必要🙂味道：🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼…查看更多

呢幾年興起左飲奶蓋，基本上每間飲品店都會出一啲關於奶蓋既產品 ☺️☺️每次喺葵廣掃街，都會想買杯飲品試吓！今次就試吓行仔呢間奶蓋產品！竟然有驚喜！小店應該有一位員工運作，要有耐性等一等！推薦：⭐️奶蓋宇治抹茶（$28）：奶蓋意外啲香滑可口，有奶嘅香味。宇治抹茶濃郁，同奶蓋啱啱好夾！而個杯嘅設計亦都十分岩打卡 ☺️如果大家都係奶蓋嘅朋友，可以試吓呢間！佢既奶蓋好出色！支持小店！味道：🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼…查看更多

講起葵廣嘅名物，一定唔少得呢間手抓餅！每次去親都要等至少15分鐘以上，而且老闆十分有性格，每日賣晒就唔做，所以如果想食嘅話就要早啲去買啦！通常老闆7:30之後就會閂門，有時真係為難左我哋呢啲返工嘅朋友入到葵廣都差唔多7:30😭😭雖然好難買到，但係都冇咗我想食佢嘅決心，因為真係好好味！推薦：⭐️火腿雞蛋肉鬆手抓餅：通常我會再另外加芝士，半酥脆嘅手肘餅再配上半溶嘅芝士，以及略帶鹹味嘅肉鬆簡直係絕配！就算要等半個鐘亦都十分值得！份量十分足量，女仔可以同朋友分享！ 但係小心因為太足料，會食到周圍都係！味道：🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼…查看更多

以前細個義順嘅雙皮奶好出名，仲要每次去澳門先有得食！之後香港自由行多番，義順喺香港九龍都開有分店，有時食完晚餐都會想食碗熱辣辣嘅雙皮奶☺️☺️真係好幸福㗎！店員嘅服務態度同港式茶餐廳一樣，快而準！可惜因為疫情，香港而家剩返銅鑼灣一間義順！每次想食都要出港島先可以食到！推薦：⭐️熱雙皮奶（$38）：熱嘅雙皮奶比起凍嘅會更加好味，因為奶香味會更加突出！而雙皮奶最有特色嘅就系表面會有一層奶衣，精華之中！而雙皮奶香濃可口！⭐️熱薑汁撞奶（$39）：義順嘅薑汁撞奶係我食過咁多間薑汁濃而唔苦，質地水潤，食完之後個胃真係好暖！冬天食最啱！真係希望義順可以開返喺九龍區嘅分店 咁我想食嘅話就唔使特登跑去港島啦！味道：🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼…查看更多