yeahlau4u的个人专页

去完西環開會,4點幾鐘,行下行下,見到間冇人既酒吧,門口擺左塊咁既牌...行到鬼死咁熱,入去涼陣都好啦,白酒$68-$78/杯,都好合理,buy one get one free, 就算收埋 10% service charge,都係$43/杯,好抵吖~叫左杯sauvignon blanc, 智利酒,冇所謂啦,雖然我係港女啫,但唔通幾十蚊杯仲要求咁多咩~一個人靜靜地坐下,涼一陣都幾舒服吖~諗諗下,以前好似黎過哩度架喎,但係果時d 裝修唔係咁既囉,依家有埋鏢機添.野食除左有小食,仲有d 少見d既中東野食同串燒,飽肚就有意粉同漢堡咁,下次可以試下,依家太熱食唔落啦,第2杯白酒,bar tender有冰杯先斟白酒,咁第1杯唔通唔記得左?…查看更多

難得入元朗國做野,元朗國住既同事叫我食埋飯先返港島,但係我好驚有白衣人打人喎,你知啦,幾年都拉唔到個西瓜農夫,同事話最多到時扮小粉紅啦,哩d係住元朗國既生存之道喎......佢帶我去左間居酒屋,我記得日常料理以前係旺角既,約滿冇租後同日和居酒屋合併左就黎左元朗國啦,裝修係典型居酒屋風格,都幾舒服,同事揸主意叫左omakase九件壽司set,炸物拼盤,自家秘製醬油汁煮鵝肝,安格斯肥牛壽喜燒,omakase九件壽司set.三文魚,赤身,蝦,赤貝,油甘魚,火炙toro,海膽同三文魚子,仲有一件應該係深海池魚,佢地冇介紹到咩魚同埋d壽司應該唔係跟食用次序擺盆既~材料都ok既,但係呢刀工就可以再加強炸物拼盤有三隻餃子,三隻炸蠔,兩件雞塊同埋兩隻炸蝦.餃子入面仲有肉汁,蠔同蝦入面都冇乾,都可以.自家秘製醬油汁煮鵝肝成個晚餐最好食既,就係哩個鵝肝啦,夠曬入味,軟綿綿又有油脂甘香安格斯肥牛壽喜燒第一次食到有粟米既壽喜燒囉,但係冇左雞蛋超搞笑,哩d算唔算地道香港style呢?味道都ok既.始終,元朗國比我印象都係太恐怖,快快食完搭巴士走.…查看更多

做完facial行左陣商場,朋友又話肚餓囉,痴線架,晏晝食果個bangle都未消化曬囉好冇~佢就係度嘈嘈嘈,依依哦哦煩住曬,好啦好啦,食啦食啦,哩間韓式炸雞我之前有食過佢大角咀果間外賣店既,都ok,就哩間啦,典型韓式食店既裝修,又係鐵櫈~食物選擇都幾多,我諗住食少少算架啦,佢竟然話要食部隊鍋囉痴線~拗左一輪,決定係佢去廁所果時叫半份炸雞同炒粉絲,加兩杯asahi生啤,韓式炒粉絲(牛)牛肉,粉絲同配料都唔少,粉絲入味,牛肉就有少少鹹,但食味都ok,飲啤酒食就冇問題既~原味炸雞(半份)炸雞脆口,味道都ok,但係比較乾 ,應該炸耐左dd啫~我見哩度d店員都好忙,人手應該唔多夠,但態度都仲好好吖~以食物黎講呢我就覺得大角咀既外賣店相對好食d既,如果有埋冇骨既雞就更好啦,最後朋友咪又係食到好飽囉~…查看更多

同個朋友係尖東約左做facial,兩個都未食早餐,見仲有時間,搵地方食d 野先,見到哩間cafe細細,好似幾文青咁,咪試下囉.環境都唔錯既,燈光柔和菜式方面都係西式意粉,輕食,同咖啡果d啦,朋友要左個日式燒汁雞柳扁意粉,我就食bagel set,bagel set,有煙肉,芝士,火腿同煎蛋,有d 沙律菜咁,都幾豐富,隻蛋幾新鮮,咁都唔跌落黎,好搞笑囉不過塊煙肉就乾左d成個set都幾飽,latte就正正常常,冇咩特別咁囉~日式燒汁雞扒扁意粉,睇唔出係燒汁,還好雞扒口感唔錯既 ,但可以煎耐少少,會香口d,整體黎講呢...係尖東想飲杯野而唔想幫襯集團式垃圾咖啡店的話,哩度係個唔錯既地方黎既,環境的確幾舒適,無論一個人想自己靜靜地飲杯野,定係同朋友係度飲野傾計,都唔錯既.想追夢除左勇氣,都要再下多d 苦工啦…查看更多

星期六果日,鬧鐘響睇天氣報告,仲係八號風球,唔洗返工,翻訓一陣,下晝起身先記起要覆個客,結果wfh做就唔知時間,直到朋友打黎,我先發現今日未食過嘢,諗住做完是旦搵d零食食算,點知隔咗一陣,有個滴住水嘅傻婆拎個cheecky pasta飯盒係我門口出現...cheeky pasta 結業半個月囉喎?咩料先?佢話有d 野點都要鰂魚涌整,知我未食野咪順手買野我食,而果頭冇咩野有開,哩間叉燒飯有開,佢又食過ok嘅,咁點解係用cheeky pasta 個盒????竟然係因為上次去cheecky買左放左係袋一直唔記得拎出黎囉,痴線,放左半個月囉,唔重架咩?個肚已經餓扁左,打開盒飯,叉燒雞飯,仲有隻煎蛋,個盒又啱啱好分開飯同餸,叉燒同雞一格,飯同蛋一格,分得好整齊吖有少少豉油淋左係蛋上面,另外d 豉油係肉肉度...正常唔係淋飯面架咩?原來係個傻婆叫人地咁做,話怕豉油比飯索得耐d 飯會爛,嗯,單單咁樣食d肉係會有d鹹,但撈返埋d飯食就啱啱好啦,撈到肉肉酸酸就唔影啦,但係好食嘅,叉燒夠焾,蜜味夠,甜甜地,雞肉未到嫩滑,但都唔算鞋吖,仲有雞皮痴住,食更係要有皮架啦,唔係邊好食喎~雖然煎蛋一向唔係我杯茶,但係篤爛佢撈埋食都可以,飯雖然局咗陣,但都冇爛嘅,都仲唔錯,平時好少食燒味飯,d人又粗魯又d嘢又油淋淋咁嘅,咁依家咁樣既叉雞飯,都可以啦,都可能只係因為太肚餓啫~有機會話,再試下係咪真係好食先.去佢地網頁睇返,哩個飯係焦蜜雙拼白飯,但係點解個傻婆唔買菜飯比我呢?…查看更多

上次要我行鬼咁遠果個朋友又約我食飯,今次我更係問清楚要唔要行先彩佢啦,佢話就地鐵出口,好囉,不過點解次次要我過海架呢下?約左佢地鐵等,佢帶我行去排檔側邊既巷仔,又係d 咁既地方架,入到去,暗暗地,有d 舊式西餐廳既感覺,門口右邊係單人high chair坐位,左邊放滿文宣同寄賣既產品,放曬係度,唔怕人偷架咩?坐低係卡位,咁靜既?冇其他客既?星期六黎喎?睇下menu,都幾多野食吖,又唔算貴,依家食個包都$70-$80 架啦,哩度幾十蚊有set lunch喎,包湯包飲品,朋友話哩個鋪位置唔起眼,依家哩區又多左好多外賣新派漢堡包店,咪搞到咁囉,見佢主打係漢堡,但係呢我早兩日先食完雞煲,唔想食肉啦,見佢地都有幾多素食選擇,食個黑松露雜菜意大利飯啦.加錢要set,有飲品同湯,哩個人真係麻煩呀又跟人食黑松露雜菜,不過佢食意麵,見牆上有寫有法式焦糖燉蛋,$28?平到咁,點都試下啦係咪?點好菜,過左冇耐,侍應就奉上餐湯,蕃茄湯,素湯黎,杯飲品好搞笑,係扮白酒杯既膠杯,果汁裝到滿一滿咁再等左陣,個飯都送到啦,黑松露雜菜意大利飯,感覺幾好呀,有甘筍絲,西芹絲,有菇菇同翠肉瓜絲,飯有咬口,個汁幾creamy ,係黑松露味淡左d,不過,原來哩個飯先$65,都ok啦,早幾日食完濃味依家食清淡d都唔錯.朋友隊隻匙更偷食,我縮唔切,佢食完係度呱呱叫話d 飯未熟,生米,嘩,大佬,你真係好失禮囉,好彩冇其他人見到咋,唔係我真係要搵窿捐啦,al dente 呀,識唔識呀?意大利飯正常係咁架,al dente 係有咬口,有嚼勁既意思囉~真係唔知點解你會係我朋友囉終於佢個意麵到啦,有野食塞住佢個咀唔好再呱呱叫,黑松露雜菜意大利麵,同意大利飯一樣配料,只係飯同麵既分別,個蠢材係咁落黑椒落去,搞到碟菜錯曬囉~炸芝士條,好脆,芝士味適中,個蠢材係咁玩拉絲,好煩呀,成日都低能咁法式焦糖燉蛋,糖霜微焦,輕輕敲破糖面,試下個蛋先,好滑,唔太甜,幾好吖,$28真係好平.其實哩度d 野食都唔差吖,可以再食既.但係應該唔會同果個仲玩緊芝士條既蠢材一齊食囉…查看更多

陪朋友去買鏡頭,行左成日好攰呀佢話請我食飯喎,點知要我行鬼咁遠,我都唔知去左邊,最後竟然係茶記囉要我行咁遠就係食茶記???我想走啦,朋友拉住我,入去先啦,熱到死,算啦,入去啦,坐左係卡位,淨係想飲凍野,乜都唔想理,叫左杯凍檸茶就玩電話算,過左陣有人(冇睇男定女)送左湯黎,一陣又拎左兜豬耳黎,跟住又爐又碗又碟,朋友話叫左雞煲,今日限定送鮑魚,咦,雞煲我啱喎,開始有d 期待添...朋友哩個時間拎佢今日新買既鏡頭出黎,佢話試下喎,影完哩樣影果樣,突然肚開始打鼓,先醒起今朝冇食野就同佢出左去.豬耳仔凍凍地,麻辣既,但唔太辣,爽爽地.個湯好濃,我都唔知佢乜湯,有豬骨有紅蘿蔔有d 瓜咁囉.雞煲上枱啦,滾起左職員就幫我地開煲蓋,好香呀,又多芫荽,花甲都唔少,鮑魚係九孔鮑,不過送既,唔緊要啦(聽講老細心情唔好送鮑魚,唔知咩諗法黎)雞都幾滑,唔算太辣,我地叫小辣,但係越煮越香,d 鮑魚煮到縮左水,但索左汁仲好味.:豉椒炒丁螺,未見過哩種食物,好麻煩呀,要用手拎:肉又少,但幾鮮味,似食緊田螺咁,好耐冇食過啦.:今日糖水係芋頭西米露,不過竟然係熱:唉,送既就算啦,大西米又幾好食既.真心呢其實凍好食好多:其實今晚都幾好食既,不過下次搭的士得唔得呀?…查看更多