foodie illustrator的個人專頁

「十月節」又名「德國啤酒節」開始喇今次同朋友嚟銅鑼灣呢間rooftop bar happy hour, 原來酒吧餐廳由10月1日起推出【Oktoberfest Combo】，1個價錢就可以歎到純德式美食➕2大杯Stella啤，再送上2頂精美派對帽子，俾大家體驗德國一年一度嘉年華feel，同場客人們都戴上帽子飲酒聊天、感覺好正Oktoberfest Combo德國啤酒節 Combo Set 包括：豬手圈圈香腸薯格酸椰菜Stella Artois 啤酒×2杯送2頂靚靚啤酒節派對帽～豬手皮燒得焦脆、肉質軟嫩又有骨膠原，個汁帶甜味道好好啱晒配啤酒。圈圈香腸味道濃郁口感有彈性外皮脆脆哋都幾好。薯格外酥內軟點茄汁食停唔到口。酸酸甜甜嘅Sauerkraut酸椰菜配搭豬手香腸，能夠解膩又開胃。Stella啤酒色喺陽光襯托下色澤金黃、入口麥味明顯味道清爽微甘，果然係德國豬手香腸嘅好朋友…查看更多

臨近中秋節，率先帶家人嚟銅鑼灣【湊湊火鍋】提早慶祝、食個美滿團圓火鍋餐。點為之"美滿"？就係有龍有魚有肉有湯有菜兼有甜品，包羅萬象每道菜都意頭十足，人人食完都心滿意足笑逐顏開餐廳好有心思、特意喺門口打造咗個又靚又喜慶中秋節打卡位，室內佈置都充滿節日色彩、好有氣氛 位位職員都好好服務今次有好多新套餐、多款海鮮菜式價錢平好抵食，仲有個自助小料台可以不斷添食生果、小食、醬料同我最鍾意嘅滷肉飯我哋嗌咗中秋節期間限定嘅「月兔雙人套餐」，有8道菜式啲菜名有意頭又貼題依家做緊優惠價差唔多平成半湯底嗌咗「金縷醉月秋蟹煨魚鍋」，奶白色魚湯內有杞子豆腐竹笙龍躉片，足料甜潤，另外上嘅蟹膏用蟹型瓷盒裝著，可以加入湯或點食物增加鮮味家人喜歡食牛，點呢個「王牌至尊極品牛三拼」，有齊日本鹿兒島A4和牛、 美國牛頸脊及美國牛小排，牛肉優質淥幾淥就食得，牛肉味道濃郁，口感酥軟油脂極豐我不嬲都係魚痴，「至尊龍躉鮮活魚三品」啱晒我口味 一盤各有白鱔片、沙巴龍躉和脆肉鯇，個人首推白鱔肥美脂香滑溜，龍躉魚味鮮濃肉厚，脆肉鯇則爽脆魚味清甜打邊爐點少得“滑”“丸”？「企鵝賞月」個名既‘食’字個樣又cute，「企鵝丸」就係用黑白墨魚膠整，淥熟口感Q彈滿滿墨魚鮮美味，‘月亮’指嘅係「飛魚籽墨魚滑」，好好食㗎啲魚籽脆卜卜墨魚滑又彈牙間場炸物小食「野生比目魚柳」幾香酥惹味、一啲都唔肥膩食到咁上下落個「新竹米粉」索下啲魚湯，又爽又滑𠽌𠽌聲咁食再加啲皇帝菜油麥菜撈魚湯米粉好團圓火鍋嘅完美甜品有「紅豆布甸」，口感彈下彈下滑捋捋紅豆夠腍甜絲絲，「乳酸沙冰」酸酸甜甜清下味蕾兼解膩，好滿足食過番尋味，一於約定friend嚟再戰佢哋午市「新台式午定食」，幾款新sets嘅cp值高【茶米茶】新出呢杯「滿杯金芒茉莉」都好好飲，係真果肉仲要係用咗3個台灣玲瓏金打成，清新清甜夏天飲解渴消暑…查看更多

川菜較少食，聽聞呢間餐廳裝修幾有style而且午餐價錢唔貴，有日心血來潮嚟食個lunch上到嚟原來另一面係同集團嘅火鍋餐廳，黑底銅金色字嘅霓虹招牌，襯托紅色牆身極具懷舊塘西風月氛圍。睇午menu幾十蚊有交易，有頭盤主食價錢親民。今次點咗數特色菜試試味藤椒老壇海鮮泡菜～ 味道偏酸、鹹鮮帶麻微微辣，擺盤精美，有鮑魚、蝦、魷魚筒同埋三色椒，風味鮮香四季鮮魚羹～ 味道鮮美配搭魚肉和蔬菜，清新味道口感不俗非遺臨江鱔絲～ 很地道的川菜，食得辣嘅話會很喜歡這道菜。味道很濃湯汁紅亮，鱔絲份量剛好口感也算嫩滑，滿盤都是濃厚四川香草的麻辣鮮香，個人口味嚟講真係幾辣藤椒乳鴿～ 有別於平時食開嘅乳鴿菜式，呢款配用藤椒增強麻香味，乳鴿本身處理得較清香味鹹，非常川式吃法黑糖流心糍粑～ 每次見到呢款甜品都必點，呢度做嘅水準都好高，糍粑口感特別酥香軟糯，流心黑糖餡甜而不膩，好食…查看更多

啟德體育園竟然有間“秘密花園”cafe?呢間好似溫室咁嘅玻璃屋餐廳，室內木系裝修、放滿植物木椅也有梳化都幾開洋Cafe位置喺啟德體育園戶外開放空間「北斗園」區中，沿啟德體藝館直行到尾左轉，見到有蓋硬地球場、cafe就在旁邊，亦幾近 "The Henley"。餐廳有戶外用餐區，當日見有客人坐外面食嘢感覺好chillThai Souffle Mango Sticky Rice 《泰式梳乎芒果糯米》～梳乎厘pancake係佢哋嘅signature，次次都會點，今次個特色口味係芒果糯米飯、係我最鍾意嘅組合，唔駛飛去泰國都有得食好正呀！呂宋芒好清甜份量幾多，班戟唔需多作解釋都知道佢係好jiggle好鬆軟輕盈，加埋綠豆糯米飯和椰汁，高度還原泰式風情！Tom Yum Seafood Pasta 《椰香冬蔭功海鮮意粉》～主食都有泰國theme，呢款香茅冬蔭功醬汁比較火辣，配蝦、青口魷魚圈同意粉，香辣惹味Hamburger Steak with All Day Breakfast 《漢堡扒全日早餐》 ～芝士漢堡扒牛肉厚身肉汁滿溢夠晒份量，配搭煙三文魚、牛油果、太陽蛋、香腸、磨菇、蜜糖厚吐司和新鮮沙律菜，豐富又飽肚Mango Sticky Rice Coconut Smoothie 《糯米芒芒椰奶沙冰》～今次嘅特色飲品非常唔錯。芒果沙冰濃濃芒果香足料杰身，最特別係有球鹹香糯米飯仔，混入沙冰一齊食別具風味Tai Tea Dirty 《黃金比例泰茶》～呢杯超喜歡，泰茶味香濃郁好好飲，下次嚟要再encore…查看更多

喜歡食生蠔嘅朋友定會聽過呢間居酒屋嘅大名由日本人主理，用餐氣氛熱鬧、晚飯時間好多客人嚟幫襯一出𨋢就會見到門口玻璃箱擺放咗不同品種嘅生蠔、同埋當日生蠔刺身餐牌今晚嚟點咗幾樣店家拿手signature菜品，有特色之餘味道不俗《6種食法生蠔》・青檸醋海蘊・檸檬風乾火腿・甜辣醬三文魚籽・青檸魚子醬・刁草蘿蔔蓉・土佐醋果凍～從上面排列次序食由淡入濃，每款醬都花過心思配搭令生蠔口感味道更為突出。蠔係中型size唔係話好大隻、但新鮮度爆燈肥美又鮮甜，每個醬汁都令生蠔帶出新鮮味覺《Kagura海鮮沙律》～之前喺佢哋嘅姊妹店已食過呢個色彩繽紛嘅沙律，今次番啅水準依舊，超足料好多魚肉刺身都幾鮮味，最鍾意個沙律醋酸酸甜甜醒胃，沙律菜亦好新鮮《半生熟三文魚伴柚子忌廉醬》～呢個菜做得好好、三文魚外皮帶脆、中間色澤粉嫩口感嫩滑，唔係熟透不會過老，配搭creamy嘅柚子忌廉醬清新怡人《生蠔三文魚籽斧飯》～元氣滿滿、斧飯面頭舖蓋三文魚籽同飽滿生蠔，海鮮鹹香精華流晒入啲飯度，熱焫焫好好食《山の壽 純米吟釀 山田錦》～帶有柑橘淡香、味道辛口有層次，口感乾淨俐落，後韻微酸幾適合配生蠔享用…查看更多

餐廳【喫茶ちょうぼ】將昭和日式洋食屋嘅懷舊風格營造得幾成功裝修同啲擺設小玩意既可愛又童話仲有幾個望海嘅無敵卡位今次遇啱蟹季開鑼，餐廳推出期間限定嘅【蟹の旬和樂】菜單，一於擦番餐勁又適逢佢哋搞緊《清涼一夏. 西瓜幸運祭》，當月消費滿$200就可以喺門口個機夾西瓜！獎品係飲食優惠券幾有氣funOmurice with Crab Paste《贅沢蟹黃膏蛋包飯》 ～話佢係奢侈日式洋食無講錯！一大杯蟹膏放任地倒在金黃色蛋包飯上，軟糯蟹膏嘅濃郁鮮美和甘香、配搭口感軟嫩滑順嘅滑蛋，而我不知道膽固醇是甚麼！！！茄汁炒飯濕潤入味，多層次咁展現出帶有海鮮的甘香umaminessCrab Roe Paste Tossed Udon《究極！蟹黃醬拌烏冬》~蟹黃足料濃郁又鮮味的蟹膏充滿口腔，極致邪惡，撈入彈牙烏冬入口滑一滑Choubo Kissaten Summer Snack Platter喫茶夏祭屋台小吃盛～包含5種小食：▪︎青梅漬蕃茄用蕃茄仔用青梅、糖水調製成的醬汁浸漬入味，係甜酸涼冰嘅開胃小食▪︎唐揚炸雞外皮酥脆雞肉質厚嫩▪︎香辛七味栗米條味道清新帶點辣和鮮味，栗米爽甜▪︎鹹鹹香香嘅煙火祭章魚燒外皮口感軟彈，中間有章魚鬚結實彈牙▪︎琉球族八爪魚香腸外型可愛又好味Kaki Shaved Ice《蜜漬柿の香刨冰刨冰》～淡香柿汁味道天然甜，蜜漬柿爽脆配碎碎冰食完成個人涼浸浸Ramune Soda with Goldfish Gummy《夏祭金魚梳打》～就係經典日本藍色波子汽水配金魚型橡皮糖，確係有夏祭氣氛Mango Soda《香熟芒果梳打》～頂部有舊cream，攪勻佢咪係忌廉梳打嘅味道…查看更多

近年都好多舖頭推出鷄白湯拉麵，今次嚟尖沙咀K11 Art Mall試下呢間過江龍個version係點位置方便易搵、店舖一貫日式純木簡約裝修感覺整齊潔淨，店員制服穿著整齊亦有禮貌Chicken Paitan Special Ramen 《鷄白湯特製拉麵》～不得不讚麵的擺盤講究精美，每樣配料都整整齊齊、角度放得好靚。碗麵夠溫度，先飲啖湯口感濃稠、色澤奶白面層泛油光，入口較甜口味醇厚鷄味低調慢煮鷄肉很出色、柔軟香嫩幼滑，已叫咗增量都唔停口追住食 麵條較為粗身有彈性有咬口味玉流心程度也不錯筍也厚身大件清脆爽甜Grilled Dumplings日式煎餃子～煎得香脆皮也不厚，餡料肉汁豐富Asahi Super Dry朝日啤酒～呢款啤酒口味乾淨利落夠清爽好適合夏天飲…查看更多

慕名已久，今次book定位嚟名店林立嘅銅鑼灣利園一期食我心愛鰻魚飯、超期待餐廳集和風、簡約與時尚於一身，流線型座位幾modern餐廳中間的廚房有玻璃窗、讓客人可親眼觀賞師傅從生劏及處理鮮活鰻魚，以致在備長炭爐上高溫烤製鰻魚的整個過程，小心呀度玻璃因為靠近烤爐都好熱下入座後職員會同客人介紹menu內嘅菜式。今次貪心啲、想食鰻魚又想試埋和牛，原來餐廳新加入菜單有齊呢兩樣，仲唔係有食神《鰻燒和牛御膳》|蒲燒鰻魚一條|日本宮崎A5和牛|日式腌菜|鰻肝湯|白飯～一望個set好醒神，成條鰻魚燒得好靚。職員建議先食和牛再品嚐鰻魚，夾起塊牛肉已聞到油脂香都幾大片睇到油花分佈平均、入口甘腴醬汁調味傾向甜，不錯戲肉嚟喇、至愛嘅鰻魚我已急不及待放入口果然新鮮燒嘅魚肉口感與別不同首先炭火香氣明顯，肉嫩皮脆帶焦香鰻魚保持溫度咬落柔軟實在，伴飯一絕鰻肝湯色味清澈，鰻魚肝味道清淡，幾有特色嘅湯品除咗漬物外、圓圓果兩粒豆腐都幾好食…查看更多

幾年後再訪呢間尖東意大利餐廳，同樣都係嚟食lunch餐廳除了室內用餐區外，還有戶外雅座可以chill住暸望對岸的維多利亞港就座不久便端上酸種包、橄欖油和黑醋，麵麥香不俗Power Lunch Set1 starter + 1 pasta/pizza/main course + coffee/tea Starter/Appetizer Cured Seabass Carpaccio Aromatised with Lime & Ginserved on fresh salad & cherry tomatoes 《青檸氈酒醃海鱸魚薄片配車厘茄沙律》～一道清爽的開胃前菜。海鱸魚口感清脆鮮嫩，配紅桑子同車厘茄、火箭菜，醬汁青酸中帶香醇氣味，好適合炎熱天氣進食Pizza "Romana Alla Norma"with tomato sauce, fried eggplant, fresh basil, goat Ricotta & Agerola Mozzarella 《石窯爐烤手拉意大利薄餅》・番茄醬、茄子、鮮羅勒、羊奶芝士及馬蘇裡拉芝士～望住外藉廚師即場整烤石窯爐pizza非常期待。上桌見個薄薄烤得好靚、批邊烤得焦脆漲卜卜帶麵粉香氣，餅芯入口煙韌，基底番茄醬青酸開胃、又有清新鮮羅勒葉佐味，炸茄子口感軟糯味道香濃，配返柔軟帶帶有果仁味嘅羊奶芝士和馬蘇裡拉芝士，拉絲感十足，很正宗嘅意大利風味Iced Coffee～杯凍咖啡味道香濃亦唔錯…查看更多

以前咖啡店仲喺地庫時已幫襯過幾次，依搬咗上嚟一樓係頭一次嚟。裝修光亮咗、氣氛幾熱鬧客人絡繹不絕難得搵到個位同朋友可以靜靜哋飲杯啡食件糕抖一抖Filter Coffee 6oz《手沖咖啡》～揀咗軟nutty嘅Brazil Ferreira，味道醇厚帶甜味，入口柔順小杯裝著嘅咖啡豆味帶堅果香Cajun Chicken Burger with Lemon Yogurt Dressing & Roasted Potatoes 《烤雞菠蘿漢堡配檸檬乳酪醬及焗薯》 ～呢個份量可以share嚟食。兩塊烤雞整得唔錯皮脆肉嫩，濃厚香草調味加點辣好香口，夾住一片厚厚juicy菠蘿，配檸檬乳酪醬清新減膩非常開胃，薯角亦焗得外脆內軟，兩片麵包煎到鬆軟、Homemade Loaf Cakes Blueberry & Walnut《自家製藍莓核桃磅蛋糕》～又係好大塊兩個人食都得 蛋糕體濕潤鬆軟有牛油香，裡面好多藍莓Iced Mint ChocolateIntense Iced Chocolate Drink with Fresh Mint～呢杯凍朱古力風味不俗，整本身朱古力味道幾香濃，薄荷增強清涼感，幾好飲…查看更多

估唔到喺屋企都食到媲美餐廳咁高質素嘅雞煲！話說屋企人想食雞煲但唔想出街食同人迫，我記得荔枝角有間做外賣嘅舖頭，名物就係濃湯醉雞煲，即訂個set同家人share，大家都讚不絕口，杞子蟲草花+湯底香不特止啲雞又嫩又滑兼唔係厚膏，啖啖肉無乜雪味，加埋佢哋嘅純酒入湯，將香濃滋補味道增量昇華有啲細節位睇到舖頭都幾細心專業，產品包裝幾穩陣，盒湯尤其包到實以防打瀉。包裝貼紙上有QR code，scan入去有教點煮到嫩雞嘅最佳時間同方單易明火鍋配料都好豐富，仲預兩個冷盤前菜俾我哋等緊湯滾時有嘢咬住先，醉蝦同花甲有濃濃酒香最讚係佢哋個爆炸蔥醬油好香，無論係點豚肉、餃子定係啲乜乜滑，真係靠個醬令所有嘢加倍好食咗！嘆完雞煲仲有芝麻湯圓食，芝麻餡食到係炒香過，呢餐醉雞煲含金量高How Drunk Signature Chicken Pot二人沉醉雞煲套餐Starter/前菜 :- 杞醉⁠蝦- 杞⁠醉花甲Main/主食: 杞醉酒雞 (半隻)杞醉濃湯（1盒）杞醉純酒（1支） 火鍋料：梅頭豚肉片(1份)手工菠菜豚餃子(4粒)手打⁠乜乜滑：蝦/墨魚滑 各1份娃娃菜/金菇 各1份米線(2份)手工芝麻湯圓(4粒)Sauce/醬油：有杞辣醬油爆炸蔥醬油…查看更多

當知道呢間專食小籠包嘅餐廳喺新城市廣場第3期開新分店，第一時間諗3期即係邊度？呀原來就係一田嗰邊其實好易搵。呢度好旺尤其下午茶時段真係好抵食，平日5折、星期六日公衆假期6折，我哋平日下午嚟都爆晒場Signature Original Xiao Long Bao 《招牌原味小籠包》～次次嚟親都要嗌，一上枱成籠小籠包熱焫焫趁熱食係必須，一夾個裝滿汁嘅小包包喺半空吊吊揈，此時要立刻用隻匙羹托住，因為啲湯話咁快就爆出嚟！佢個湯汁同豬肉調味好好唔會話過鹹、幾鮮味，yumRadish Pastry《蘿蔔絲酥餅》～又係必點、無呃你！好搶手㗎、遲過我哋幾枱之後嘅客想點都已經賣晒！外型好靚仔同餐牌一模一樣，一絲絲外層酥脆到入口即化、好香唔算油膩，一夾就知個酥鬆感十足，裡面餡料主要係白蘿蔔絲，清甜濕潤，整體係堅好食Chilled Jellyfish & Seafood in Vinaigrette 《撈伴海中寶》 ～大熱天時食下涼拌小菜醒下胃無咁滯。呢個涼菜主要靠個醋汁嚟吊味，佢味道順喉唔會太酸太嗆，拌海蜇、蝦仁、魷魚鬚、青瓜絲，全部口感輯輯脆又清爽、都幾正Taro Balls in Fermented Rice Wine Soup《酒釀芋圓》～呢個酒釀味道亦恰到好處，有酒香米香和發酵產生嘅酸甜味，但不會過份濃烈，配迷你小芋圓都幾啱我口味Homemade Lemon Barley Drink (chilled)(冷)《自家製檸檬薏米水》～呢排成日weekend一係打風一係落大雨，天氣濕熱飲呢個就啱，薏米清熱去濕又能美白、檸檬解暑亦有美白功效，飲完個人舒服好多，呢杯都好足料勁多薏米喺杯底，煲得透嘅薏米口感軟糯甜甜哋…查看更多

在英國酒吧時常食到炸魚薯條，飲埋杯啤酒又飽肚，邊食邊吹水夠晒盡興。原來香港都食到呢個英式地道菜，質素一啲都唔輸蝕幾有份量餐廳有3間店，今次嚟上環食個lunch，有頭盤+主菜+飲品，炸魚有多款魚類揀，可以同店員講想食咩口感嘅魚、佢哋會推介啱口味嘅魚俾客人Lunch Set・午餐Fried Crab Croquette Salad 《秘製炸蟹肉球配沙律》～蟹肉球炸得香脆內軟，裡面有一梳梳蟹肉無欺場點自家製wasabi mayo幾惹味！沙律都好新鮮爽脆，配沙律醋汁非常醒胃Beer-Battered Fish & Chips (Giant Grouper)《傳統英式炸魚配薯條》～ 今次揀“花尾大龍躉”源自本地，新鮮炸起嘅魚塊超巨型香氣撲鼻，切開見裡面魚肉雪白又厚身夠份量，外層啤酒粉醬好薄、炸得鬆脆令龍躉食起嚟更香口亦唔油膩，而且個他他醬混入酸瓜好啱食，唧埋檸汁簡直perfect伴碟嘅粗薯條都好🆗️Iced Peach Tea《凍蜜桃茶》～食食埋埋啲香口嘢、天氣又咁熱，飲杯冰涼蜜桃茶去下口腔油膩感降下溫，甜甜哋咁okay…查看更多

銅鑼灣世貿中心有多間靚餐廳，呢間嘅特色係裝修到好似一間中世紀嘅圖書館，令客人感覺置身於外國電影場景中、透著點點浪漫典雅嘅氣氛。餐廳另一煞食賣點係擁有大海景，美食配靚景真係好舒服今次點4道菜午餐，自家製酸種包口感外脆內軟，配搭日曬番茄乾牛油、好好味4 Course Meal Appetizer {Snow Crab Tian & Japanese Sea Urchin} ・前菜蟹肉他他配牛油果同魚籽，蟹肉份量不吝嗇，滿滿的鮮甜在口中滾動。海膽味道水準之內，以香蔥、玫瑰花瓣點綴Soup{Lobster Bisque} ・好耐無飲過酥皮湯！𢳂開酥皮裡面嘅龍蝦湯冒晒煙熱辣辣，跟湯另上的白蘭地忌廉隨是optional隨你加唔加入湯，加咗個湯多咗份酒香湯內亦有蝦肉、唔錯Main Course {Red Wood Charcoal Grilled 21-Day Dry-Aged Irish John Stone Beef Striploin Steak 300g} ・乾式熟成西冷牛扒牛肉味道濃郁，medium rare火喉控制得宜肉質鮮嫩伴碟有塊羊肚菌和黑松露多蜜醬、個人覺得同牛肉非常夾，把羊肚菌切小片夾牛扒點醬一齊食零舍好味又香，鴨油薯仔細細粒幾香口Dessert of the Day {Mango Coconut Mousse Cake}・甜品賣點相有如小白花咁精美，白色部份類似椰子奶凍咁清甜滑溜，中央圓球係芒果醬底部有層蛋糕，旁邊橙黃色一點點嘅係芒果醬汁，芒果粒味道青酸…查看更多

因為去過大埔店覺得食物質素幾好，牛和海鮮都唔錯，食過番尋味今次訂元朗店打邊爐。由元朗站過嚟都幾方便，沿Yoho 1商場行到盡頭、喺noc咖啡店個門口出去過對面馬路行多陣，搵到好順利商場就會見到火鍋店《花開富貴．龍皇酸香湯》～今個夏天日日都好悶熱又成日落雨，係要食啲酸辣嘢開胃兼刺激味蕾，呢個鍋有龍躉魚片、大量酸菜娃娃菜、芽菜木耳紅棗等，湯滾即刻𢳂碗嚟飲、食埋啲魚肉，湯頭酸香醒辣、幾《大滾友牛肉拼盤》～牛肉嚟講呢間幾有水準，今次嘅牛舌花非常高汁、切薄片淥幾淥就食得，口感爽脆有彈性牛小排牛肉粒金錢展水準依舊牛黃喉獨特爽口，今次更有牛胸油、白色半透明薄薄嘅天然膠質，滾熟好似食牛油咁味甜，嘅牛稀有部位《新鮮鮑魚》～都幾大隻1份2隻，口感煙韌彈力有海鮮嘅天然甜味《新鮮海蝦》～狀態新鮮1份4隻，烚熟蝦的肉質緊緻咬落有彈性、味道鮮甜《珊瑚蚌桂花蚌雙拼》～最鍾意呢盤，珊瑚蚌輯輯脆爽彈，桂花蚌爽脆之餘仲幾鮮嫩，兩種都勁鮮甜，既健康又好味《龍蝦墨魚丸》～中間釀咗龍蝦肉，墨魚丸口感彈牙《Hoegaarden 生啤》～打邊爐係要啤一啤佢、不解釋《火焰焦糖豆腐花》～飲飽食醉嘅飯後甜品，職員點火焰著面層酒精，燒到黃糖變得酥脆，冰凍豆腐花口感變得更加嫩滑，有酒香豆香冰涼好食***7:30pm前埋單有78折、真心抵…查看更多