Abby_705的个人专页

很少去大埔，難得黎到點可以唔搵住在這邊的朋友食個甜品。聚一下？糖老鴨，位置係太和附近，是間有只一間店嘅西式甜品舖。這間甜品舖唔算有太多種類，但有很多不同口味的心太軟和waffle揀，我們都仲未唸到食咩，就已經不停聞到隔離好香嘅waffle味，好明顯依度主打係食waffle嘅😌揀左好耐，最終揀左除了心太軟要等耐啲之外，另外兩款waffle很快就有得食，窩夫好香牛油味又爽脆，這個價錢有這個份量味道，真的很抵食！超出預期！心太軟比想像中小，但味道都好唔錯！可能我們到嘅時間比較早，所以唔洗排隊等位，而且唔多人。但到我地吃完嘅時候，見到門外已經大排長龍了！…查看更多

豬年新春開年午餐！正月初七「人日」！老闆請所有同事到世貿中心上海綠楊邨酒家大吃一餐。食過開年飯，大家事事順利，萬事如意！🙂🙂酒家位於世貿中心11樓，地方尚算乾淨，座位亦有足夠空間。只是上去的電梯有點麻煩。酒家於春節其間推出了限定套餐。我們挑選了1480的「金玉滿堂宴」。再另外加了幾款小菜，份量很夠，個個都食到飽飽。「自選三冷盤」· 脆皮素鵝外皮唔會太厚，餡料份量十足，好味！😋「自選三冷盤」· 白切肉粉皮這個有點遜色，如果醬油調味略為濃一點會比較好。「自選三冷盤」· 蔥油海蜇宮爆明蝦球雖然好明顯唔係新鮮蝦，但係肉質都好彈牙，唔錯！松鼠魚糖醋排骨扁尖油豆腐燒津白炒鱔片系出邊食嘅通常都係炒鱔糊，已到大大片，夠晒口感！椒鹽豬手蝦仁炒飯個炒飯好好味，夠乾身，未食聞到已經好香。…查看更多

上次黎食過晚餐，見環境唔錯，就帶埋幾個同事再黎幫襯，試下佢個Lunch。午餐都有得book位，好適合我地討厭等位一族。🤣🤣Set menu 有8款主食揀，價錢平均80蚊左右，有湯有野飲，無加一，仲可以追加小食。我覺得算係咁。😋😋Lunch set 包埋嘅 泰式冬陰功湯 同事都覺得個湯好出色，好好飲！無得輸。泰式滷水豬手飯 $80配滷蛋及迷你肉碎生菜包豬手望落偏肥，但食落口感ok，唔會太油膩。泰式金邊粉 $82配泰式燒豬肋骨依個味道一般，無咩特別。焗紅咖喱牛肋條飯 $85依個比起其他，有啲比下去。唔似咖哩。招牌泰式無骨海南雞飯 $80配黃油飯伴新鮮菠蘿及香脆蝦片…查看更多

拜完年一行廿幾人搵地方食開年飯，好多餐廳都無開，加上人多又唔易搵位。咁啱見到有間素菜館，就行入去問下，竟然有房，房有2張大枱，啱曬我地。而且新年都大魚大肉，食下素菜都唔錯，即管試下。門口裝修用上白色，簡單樸素。 咁啱有2張大枱，啱曬我地。近門口位置做緊自助餐，而我地人多又有小細路，食自助餐比較無咁方便，於是我地揀左小菜。不過下次可以再黎試下佢個自助餐。128/位，免收加一。都ok👌🏽黑醋骨 $88自家甜酸齋 $38笑口包 每個$25佢入面挾著嘅係素叉燒，整得幾好味（個味真係好似真叉燒😋😋）正得一試！夏威夷pizza $108上湯水餃 $78腰果西芹炒百合 $68下面2款餐牌無，侍應推介。…查看更多

好耐無黎鑽石山，因為依度有優先場，所以過左黎睇戲，睇完戲行左陣街，已經7點鐘，當然要搵地方醫下個肚啦。成個商場行左個圈，最終揀左間未試過嘅「BUGIS@叻沙·海南雞飯」，門面裝修簡簡單單，但都有啲民族風味。雖然今日係星期日，但佢地都有做個「假日自選一人行」套單。一款小食+一款主菜+飲品，盛惠98蚊（未計加一）呢個價錢都算ok啦！最終我同朋友無叫到套餐，因為我想試佢個「麻辣無骨海南雞喇沙摻摻」除左配足夠份量嘅海南雞，仲有一隻糖心蛋，魚蛋用左陳皮魚蛋！好味！朋友叫左招牌菜「新加坡無骨海南雞飯」海南雞夠曬滑，最有驚喜係個唔起眼嘅湯，落左金華火腿嫁！睇相都知又嫩又滑！🤤🤤馬拉盞炒通菜-估唔到佢會用石碗上，可以保持住個菜嘅溫度之餘，夠曬香口。Yummy😋總括黎講，咁嘅價錢，咁嘅食物質素，緊係要再黎試埋佢個肉骨茶同無骨豬踭啦！👍🏽👍🏽👍🏽…查看更多

對上一次黎美孚食野，就係去附近嘅燒烤場。對依頭一啲都唔熟，唔想幫襯連鎖式食店，所以就揀左間唔係好起眼嘅小店「餃子妹」，店舖裝修有一種老店嘅感覺，但反而俾到我一種親切嘅感覺。依加香港地四周圍都係連鎖式餐廳，真係好懷念呢啲平民小店。見到個特餐(44蚊)好抵食，有雞翼，煎餃子同雪菜米線，仲有豆漿飲🤤個米線勁多雪菜，啱曬我呢啲鐘意食雪菜嘅朋友。白菜雲吞 (38蚊）粒雲吞超大粒，好足料！啖啖肉，好味！最後要講嘅就係加6蚊仲有個酸辣湯。真係抵！味道真係唔錯，唔會太酸又唔會太辣，啱啱好！…查看更多

Genius Bar 約左3點3，未夠鐘就先搵地方醫肚。見好耐無食燒味，就唸到去「棋哥燒餓餐室」幫襯。棋哥一向都多人，好多時都要等位，可能咁啱過左Lunch,又未到Tea time,竟然有位！座位比較擠迫，真心坐得唔喺咁舒服。全日常餐 （45蚊）叉燒個面燒得唔錯，但肉質比較瘦，所以感覺比較乾身。燒鵝燻蹄飯 （63蚊）燒鵝好乾好硬，好似柴咁😭😭。燻蹄味道還好，但始終棋哥賣點喺燒鵝，燒鵝質量應該要有水準先喺。最後要講嘅喺店員嘅服務態度真係唔太好，我明白生意好，多人等位，但感覺好似話你食完就要走喇，唔好坐喇。食餐飯食到趕頭趕命，以咁嘅價錢，咁嘅食物質素，下次真係未必會幫襯。😔…查看更多

雖然太子有很多好野吃，餐廳都好多，但落左堂已經11點幾，好多餐廳是差唔多收工，朋友建議食泰國🇹🇭菜，揸架車兜下兜下，見到「金泰子」仲未收。即管入去試試！今晚試這間泰國菜，本來都係抱住試一試無妨的心態，但都有驚喜呢！泰式冬陰功 - 有分有海鮮同無海鮮，無海鮮都有蝦，如果有海鮮就包埋青口同魷魚。因為我地都對青口無咩興趣，所以就就咁叫左個大嘅冬陰功。個湯都好足料，最意外喺個味較得好好，唔會太酸，偏辣但一啲都唔會攪到喉嚨唔舒服。正！青咖喱配軟殻蟹 - 青咖喱味道唔錯，適合唔食辣嘅朋友。軟殼蟹略嫌個粉厚左小小，有待改善。蒜蓉包 - 焗得好好味，外脆內軟。仲夠曬蒜蓉味！沙嗲串燒 (牛肉和豬頸肉）- 串燒熱辣辣，外面燒得脆脆的，很香口，加埋沙嗲醬更加惹味！…查看更多

今日放工，同同事行咗陣街，邊行邊諗，有咩地方可以坐下，食晚飯傾吓計。突然間諗起上次朋友推介嘅泰國菜館「Add Some Thai Restaurant」，餐廳位於駱駝漆大廈，好近地鐵站，即管試試。一向覺得觀塘區比較local，尤其坐得舒服企理嘅餐廳比較少。上到去見到環境好似幾好，門面簡潔但充滿泰國風味。入到去燈光柔和，喺咁嘅環境下，靜靜地食下飯，傾下計，係舒服嘅☺️餐廳唔單止佈置有泰國風味，連餐具都用上心思。由於好多野都好好味咁，我地忍唔住叫左好多野食😋😋總括黎講，係一間有heart嘅餐廳，無論喺食品賣相同品質都有用心，會再返黎幫襯👍🏽👍🏽…查看更多