cheweating的个人专页

💫尖沙咀人氣正宗韓國菜✨餐牌有好多正宗嘅韓國菜式選擇，環境好cozy，一秒好似去咗首爾嘅韓式小館食飯，仲有唔少韓國人嚟幫襯添。見到餐廳有唔少客人都食緊韓式鍋物/魚糕湯個啲，冬天暖笠笠食係幾正嘅✨🔸韓式炆牛尾$198炆得超軟腍又入味，份量好多🉐調味好好，唔會太重口味，配飯食真係一流，甜甜地食完一嚿又一嚿，下次嚟都會再叫。🔸醬油蒜蓉炸雞$120有韓式甜辣炸雞同醬油蒜蓉兩種口味，醬油蒜蓉好惹味，有蒜香得來又甜甜地，外脆內嫩保持到Juicy，一嚿啖啖肉，份量又係好多🙌🔸海鮮煎餅$149唔係好多韓式餐廳可以食到好食嘅海鮮煎餅。依度做得好脆，厚厚地好足料，夾住唔少嘅八爪魚，加埋好多韭菜，一定要點埋個醬汁，好香口又唔會太油膩🙌餐廳服務同氣氛都唔錯，啱晒同朋友嚟叫多幾款嘢食飲酒傾吓偈，有好多款馬格利酒選擇，鍾意飲酒嘅朋友啱哂🙌幾款嘢食味道都好唔錯，又大份，係係會再幫襯嘅餐廳✨…查看更多

✨尖沙咀真材實料手工火鍋🐔❣️秋天梗係想打個邊爐，今次去咗依間尖沙咀加連威老道，主打手工火鍋材料同豐富鍋底選擇嘅火鍋店。🔶火焰三椰雞鍋 $348🔶花雕醉滑牛 $128🔶香煎鵝肝墨魚丸 $68🔶手打鹹蛋黃蝦丸 $52🔶自家製黑松露蟹肉餃 $68🔶招牌酥炸惹味茄子$68店員親自煮製火鍋。叫咗個火焰三椰雞鍋🐔，佢哋首先把黃油鮮雞件、椰子肉、紅蘿蔔炒香後，加入新鮮椰黃和椰青水同湯底，加咗啲料理酒，香氣四溢。店員建議先飲咗個湯底，真係非常鮮甜，椰子好香雞肉鮮嫩😍醉滑牛🐮滑嫩又帶肉香，花雕酒調味，襯托牛肉鮮甜味道。香煎鵝肝墨魚丸將鵝肝蓉釀入手打墨魚丸裡，味道濃郁突出。黑松露蟹肉餃又係另一番風味有驚喜。咁多樣之中，最鍾意鹹蛋黃蝦丸🦐，鮮甜彈牙，黃金咸蛋的鹹香好惹味🤭另外仲叫多咗個小食 - 招牌酥炸惹味茄子。份量超大碟，茄子炸得外酥內軟，避風塘口味，唔會好油膩👍值得一提，除咗環境寬敞，火鍋店店員會幫手調製火鍋同為湯底隔油，超級細心，食得好舒服開心❣️📍云手工火鍋店 (尖沙咀)尖沙咀加連威老道20號瑞生尖沙咀酒店3樓…查看更多

觀塘工廈抵食高質串燒餐廳✨餐廳主打串燒，但今日叫咗唔少其他菜式都好有驚喜喎💫🔸古法燒鰂魚$138必叫❣️即叫即燒，要等約廿分鐘，嚟到果然正喎，本身唔係超級鍾意食魚嘅都覺得好好食，魚身放咗泰式香料香茅等，魚肉燒出嚟一啲都唔乾又嫩滑，唔會腥👌配埋泰式醬汁，輕鬆清晒成條魚，估唔到喺呢度會食到比唔少泰菜餐廳整得更好食嘅燒魚🫨🔸泰國臘腸香葉肉碎炒飯$88用珍珠米炒飯，配埋泰國臘腸嘅油香，幾惹味，都幾大份🍚🔸日本直送BB九肚魚天婦羅$48BB九肚魚好滑又冇骨，炸得外脆內嫩，食完會想叫多碟😂🔸蒜蓉燒原條茄子$32調味剛好，大量蒜蓉同其他香料超級香，茄子燒完仲好Juicy唔會乾。🔸蒜蓉牛油鍚紙包娃娃菜$58蒜蓉牛油嘅組合冇得輸啦調味唔會太咸啱啱好👌🔸泰式炸蝦餅$48即叫即炸，熱辣辣十分香口🙌🔸清爽青檸梳打$22食咗唔少炸嘢，飲返杯青檸梳打解解膩。總括嚟講餐廳有各種小食串燒，仲有唔少泰式日式選擇。價錢唔貴而且份量好足，各種調味都做得剛好，唔會過鹹👌啱晒同朋友叫多幾樣嘢一齊試下同傾吓偈🙌係一間會再嚟幫襯有誠意嘅小店💫…查看更多

坑口驚喜之選 食物精緻有質素✨係坑口試咗間環境舒服，而且食物質素有驚喜嘅餐廳。🔸香橙八爪魚海葡萄冰菜沙律$148呢個食材配搭好有驚喜，唔同食材有多款口感，食落開胃又清新，配埋份量唔少嘅八爪魚，滿足👍🔸自家製卡邦尼豬頰肉意粉$168意粉鹹香味十足，食落仲有啲脆脆嘅煙腩肉同豬頰肉粒，配上意大利芝士同生蛋黃，整體又香又creamy，好有風味🙌🔸炭燒西班牙黑毛豬梅頭烤日本甜薯 HK$298炭燒味好香，豬肉保持到juicy唔會柴，配菜都好有驚喜，甜薯軟糯香甜，芝士啡菇又香又juicy❣️係一間好cozy嘅小店，食物質素有誠意，會再同家人朋友再嚟晚飯嘅一間餐廳✨…查看更多

燒鳥套餐大滿足嚟到環境有驚喜✨裝修有格調同闊落，坐喺吧枱可以睇住廚師即燒串燒，但又唔會好大油煙，整到全身都係油煙味。🔸慢煮雞卷黑松露雞&雞肝茶碗蒸慢煮雞卷嫩滑配埋黑松露嘅香氣好食👍茶碗蒸十分香滑，配埋雞肝好有特色又濃郁。🔸稀有部位串燒3本& 嚴選串燒3本當日食咗雞肝，雞心，雞腎，雞翼，大蔥雞大腿肉串同雞小腿肉串。有多款稀有部位可以食到唔同嘅口感同內臟獨有嘅濃郁鮮味，個人就喜歡爽口雞腎同雞心，另外雞翼都好食，超香口，但肉質依然軟嫩juciy👌特別欣賞各款串燒都唔會調味得太鹹太濃，惹味得嚟剛剛好🙌 保留到外脆，入面鎖住到肉汁唔會太乾。🔸時令野菜串燒當日試咗銀杏，青椒同秋葵，野菜都燒得好香，唔會好乾，保持到野菜嘅鮮味。🔸慢煮三黃雞白湯日式燒鳥專門店，果然有出色嘅雞白湯，非常鮮味鮮甜，但唔會油膩非常好飲👍🔸香煎雞肝食完串燒，有驚喜煎得外脆內嫩，入口即溶咁又香濃。🔸雞白湯烏冬&親子丼烏冬配上招牌雞白湯，好滿足，親子丼就有嫩滑嘅雞肉配上雞蛋，輕鬆食晒成碗飯。🔸綠茶蛋糕配芝士雪糕最後有賣相精緻嘅甜品，係圓滿嘅一餐💫餐廳仲有唔少嘅日本酒選擇，環境好適合同同事或朋友放工嚟輕鬆食飯傾偈。📍鳥駅 中環嘉咸街53A號嘉利大廈地下F及H號舖…查看更多

人均$170享受威靈頓牛柳餐依間喺牛頭角站附近，鴻圖中心的Le Monde，見到佢做緊一個七折嘅假日午市套餐，而且地方座位超寬敞，約咗朋友慢慢食，慢慢嘆西餐🫶 🔶蟹肉沙律酥皮撻蟹肉鮮甜搭配蟹籽同迷迭香，輕盈得嚟又開胃😋🔶意式雜菜湯配麵包意式雜菜湯，蔬菜鮮甜同番茄的微酸，湯底濃郁卻不膩。奇亞籽麵包上枱嘅時候熱辣辣。🔶威靈頓牛柳主角威靈頓牛柳✨外裹香濃蘑菇醬與酥皮，外層酥脆。牛選了五成熟，切開時牛肉呈粉紅色，嫩滑多汁，牛味濃郁。🔶蒜香煙肉蘑菇意粉香蒜橄欖油炒香煙肉同蘑菇，加咗芝士食落creamy，簡單嘅意粉配搭，但食落好滿足。餐廳環境真係唔錯，餐枱隔得闊落，而且會有Live Band表演。約朋友食飯或者約會都係唔錯嘅餐廳選擇👌Beef Wellington Lunch Set for 2 (12:00-17:00, Sat, Sun and public holidays)原價$428 （2位）宜家 7折就 $300 （2位）+加一📍Le Monde (觀塘)觀塘巧明街94-96號鴻圖中心9樓A室…查看更多

位於海旁的 Bistro La Baie，典雅法式裝修，座位寬敞舒適。今次來食晚餐，點了幾道主菜試下😋🔶 烤八爪魚、法式炸薯仔，茄子蓉，辣肉醬 ($258)八爪魚肉質非常彈牙🐙。配菜同樣出色，炸薯仔、茄子蓉和辣肉醬，一片片嘅薯仔外脆內嫩，帶有少許辣味🌶️，茄子蓉非常細滑🥄。🔶 油封鴨腿扁豆香腸 ($228)經典法式菜式，油封的鴨腿外皮脆口，味道豐富✨。另外搭配洋蔥和紅蘿蔔煮的扁豆及香腸，食得出豐富嘅肉香和香料味道🍖。🔶 香煎”三黃雞“、薏米飯，黑松露泡沫 ($218)三黃雞薄薄嘅雞皮金黃酥脆，肉質非常嫩滑，有迷迭香提升香味🌿。黑松露泡沫有淡淡的松露香，底下有薏米飯，層次口感豐富。🔶香蕉可麗餅（$88）法式甜品點少得可麗餅，餅皮充滿蛋香，加埋濃郁朱古力醬，十分滿足。#將軍澳美食 #香港美食 #將軍澳餐廳 #香港法國菜…查看更多

餐廳喺尖沙咀已經開咗廿幾年，的確係價錢實惠又好味嘅韓國菜選擇，坐得舒服又唔會迫，啱哂同朋友聚會🙌🔶牛肉紫菜飯卷 $76傳統韓式飯卷味道，口感豐富，餡料好足。牛肉搭配唔同新鮮食材，包括菠菜紅蘿蔔絲蛋絲等等，食落有麻油香又唔會膩。🔶蜜糖蒜味炸雞7件 $79炸雞新鮮炸起，口感嫩滑，一啲都唔乾😀外層酥脆，蜜糖與蒜香味道好夾，甜中帶蒜香🙌真係好正🥢🔶韓式豬手 $168賣相吸引✨份量好足，肉質軟嫩，啖啖肉配埋韓式醬料，少少辣又惹味，搭配生菜食，唔會覺得油膩🥢豬皮仲爽彈添👌尖沙咀區以實惠價錢食到正宗韓式味道，係唔錯嘅選擇❣️餐廳仲做緊唔少特價優惠🥢…查看更多

✨觀塘懷舊出色粵菜 鴻圖樓😋經常經過觀塘依間外觀有特色搶眼嘅中菜，今日同家人嚟晚飯。🔶金沙海皇豆腐煲 ($128)
金黃色豆腐煲，香口鹹蛋金沙包裹滑嫩豆腐，配爽脆新鮮嘅蝦仁，味道豐富，份量好足，配白飯食真係好正。🔶脆皮燒腩仔 ($128)
燒腩仔皮脆肉嫩，肥瘦比例適中，份量多，上枱嘅時候非常熱辣辣。🔶鮑汁雞腳 ($68)
鮑汁雞腳軟腍入味，醬汁微甜，份量又係好足。仲有好多款小菜或套餐可以揀，餐廳坐得舒服。#觀塘美食 #觀塘中菜…查看更多

灣仔船街小酒館🍷 豐富多款西式fusion菜😋喺灣仔食晚飯，搵到船街嘅 Flagship，就喺合和商場落扶手電梯附近嘅地舖。試咗幾款別具特色嘅菜式：🔶21天熟成厚切豬扒($338)厚實豬扒入口即化，熟成令肉質濃郁又多汁，配自家微酸醬汁同烤蔬菜，酸香開胃，份量夠晒滿足！🥩🔶麻唔辣四川蜆 ($168) 蜆肉肥美新鮮，四川麻香醬汁微辣帶花椒刺激，Fusion風味新鮮惹味。🔶冬蔭功大蝦意粉($198)泰式fusion，冬蔭功味香濃，酸辣平衡不錯，大蝦爽口彈牙，意粉煙韌度適中。Flagship 嘅菜式創新有心思，環境幾有格調，特別鍾意氣氛舒服，座位寛闊。如果你鍾意西餐fusion菜、想約朋友chill住飲杯酒🍹食飯傾偈，呢間餐廳幾適合👌✨#灣仔美食 #灣仔西餐…查看更多

🥢尖沙咀海鮮雞煲火鍋放題有驚喜✨抵食海鮮質素好👍🔸時令燉湯及惹味雞煲首先有湯飲🥄用金色茶壺上，夠哂儀式感又清甜。雞煲有好多口味揀，例如麻辣，泰式酸辣，芝士雞🥢今次就揀咗花膠雞煲，雞煲惹味得來唔會太鹹，亦都食到唔少花膠❣️補充下啲骨膠原🤭🔸日式刺身拼盤食完雞煲只要like and share餐廳社交平台就會送一盆日式刺身，有多款刺身，蝦大大隻又甜，仲有北寄貝都好味🙌🔸霸王海鮮拼盤之後就會上大大大盤嘅海鮮拼盤✨可以開始打邊爐喇🥢有大大隻嘅龍蝦，蟹，扇貝，海蝦同埋鮑魚。另外我哋仲加咗兩隻蠔。海鮮好新鮮，見到啲金黃色嘅膏都好吸引😍龍蝦真係好高質，海鮮食落啖啖肉又鮮甜，真係好滿足🤭🔸手切安格斯牛打邊爐又點少得食牛肉，首先會送上一碟手切安格斯牛，望落個樣已經好靚仔，食落軟嫩，而且牛味香濃。🔸多款火鍋配料呢個時候其實已經食得好滿足⋯但係仲有幾十款火鍋配料任叫✨叫咗招牌黑松露墨魚滑，食到黑松露味，但又唔會好搶味，同墨魚鮮味平衡得剛好，真係彈牙有驚喜喎🥢個人覺得必叫🙌除咗海鮮出色，竟然仲係用新鮮本地雞本地豬，好多內臟例如鮮雞紅鮮雞腸雞腎等都有得食🥢其他例如蔬菜乾淨新鮮，新鮮加上已經煮咗咗好多海鮮嘅湯底，食落更加有鮮味。最後食埋生果，滿足✨另外每人加$20可以任飲啤酒汽水。✨整體嚟講餐廳地點方便，放題抵食，優惠時段每位$298起，尤其海鮮質素好好，適合同家人朋友聚餐。…查看更多

夏日炎炎☀️食返啲酸酸辣辣開胃泰菜都係唔錯嘅選擇🥢🔸泰式豬肉片豬肉丸船麵$98船麵份量好足，有豬肉片豬肉丸，仲有炸豬皮。👍船麵最緊要梗係湯底，好有泰式風味，濃郁而且甜甜辣辣。🔸鹹蛋魷魚$118邪惡之選🥢炸粉唔會太厚，每一件都均勻咁沾上鹹蛋黃。魷魚亦都好彈牙好味🤤🔸泰式辣椒香葉炒青口$118調味好啱口味，甜甜辣辣勁惹味開胃🥄青口大大隻，加埋唔同配料紅黃椒/菇等等🥢🔸泰式豬腩片粉絲蝦煲$188有大大隻嘅蝦，蝦肉爽口彈牙。粉絲吸晒啲精華，再加上有八角桂皮等調味，味道豐富。✨餐廳嘅菜式選擇多，喜歡每道菜都用咗好多泰式香料/材料。食得到層次好豐富，唔會只係好鹹/好辣，係有誠意嘅泰菜餐廳。餐廳以湖水綠色為主，有唔少泰式主題海報佈置，仲播住Thai Pop🎶環境泰有feel好chill，適合成班朋友食飯🍹…查看更多

晚餐嚟咗試一試呢間泰菜，叫咗黃咖喱牛腩配蒜蓉包同埋泰式金邊粉。泰式金邊粉酸甜適中，唔算油膩，但蝦就唔係有好多隻。黃咖喱牛腩係偏重椰奶味嗰種，牛腩都唔少，幾香濃惹味，配大大件嘅蒜蓉包食，幾唔錯。餐廳座位坐得比較迫，會播住泰文歌。總括嚟講價錢唔算貴，味道都唔差，但未必適合坐好耐同朋友聚餐嗰種。…查看更多

叫咗兩款主食，包括烤牛肉蛋包飯同埋煎雞扒泡菜奶油燉飯，分別都加咗$45配飲品及焦糖布丁。見餐廳好似蛋包飯出名，但食落就一般般味道比較普通，而且份量唔太大。至於煎雞扒泡菜奶油燉飯有啲驚喜，煎雞扒熱辣辣亦都香脆，泡菜令到奶油燉飯冇咁膩，整體幾特別，但同樣地份量都唔係好大。飲品揀咗濟州綠茶牛奶以及白桃梳打，白桃梳打好飲啲，濟州綠茶牛奶只有奶味比較重，綠茶味普通。反而甜品焦糖布丁有驚喜，蛋味好香，食埋個焦糖布丁就夠飽。餐廳環境唔錯，以木系為主，偏韓式Cafe style，適合同朋友傾偈，不過留意繁忙時間限時90分鐘。…查看更多

午市人氣都幾旺都要排一陣隊先有位，叫咗兩份午餐，包括招牌封門柳豬油撈飯，同拔度腩雞飯。本身餐廳係做火鍋為主，所以封門柳牛肉都有一定質素，牛味幾濃，幾好食。至於拔道腩嘅油飯好香，好重香料味，但雞肉本身唔算嫩滑，味道亦都一般般。餐廳會播廣東歌，幾有氣氛，但就稍為大聲咗少少，同朋友傾偈就有啲難度。總括嚟講午市套餐中規中矩。…查看更多