gogojade的个人专页

一行幾人來試試這個河鮮晚餐，這裏裝修唔算新淨，絕對有十幾廿年老店嘅痕跡，地方非常寬敞枱與枱中間都有適當嘅空間，先來一個天麻雞湯使唔使咁多份量，飲咗一細碗唔到兩分鐘已經開始出汗，大熱天時飲啲咁嘅嘢係咪玩呀，係咪太多補品定係我個人太虛，隔咗一輪最多都係飲多半碗唔敢再飲得多，到最後係仲有一半冇人飲，呢一味污糟雞，好滑個汁好特別，佢其實係有加到榨菜，好餸飯嘅餸脆皮咕嚕肉，正正常常不過不失。出面仲有好多海鮮不過我哋就冇食喇食完之後仲去咗夜繽紛行夜市不過得過十幾檔，但係都幾有台灣士林夜市嘅感覺。…查看更多

收工行到週圍都唔知食咩好，岳高頭見到呢間嘢，唔使諗上去睇下有咩食，竟然見到有個咁嘅雜扒餐，嗰幅圖好多食物好豐富就試下啦，酥皮湯好脆隔離嗰個包就唔知做乜，雜扒嚟講都算細件，條腸最正，個汁可以，七十幾蚊呢個價錢食到咁多嘢冇得挑剔。…查看更多

個日放假，終於無去屯門喇😅😅😅😅😅，改左去荃灣行街街，同2個朋友行到攰就去左間新野度試下，係食馬來西亞野嘅。食物都係散叫，呢個叫魚仔醬撈啦啦，個名係幾得意😂叫左3杯飲品，馬來西亞拉茶、桔仔話梅水（味道跟馬來西亞飲過一樣）、檸檬薏米水。椰香咖央多士，個味道好好食，入面d咖央醬好獨特。魚仔醬蘿蔔糕，本身係有辣，但店員話可以走辣，但又可以比我地自己去點呢個醬食👍🏿呢個春卷我就麻麻地😖3個人食左成$200 😂😂😂😂😂好似食下午茶咋喎😅😅😅😅😅…查看更多

近排一放假就入屯門😏，因為個friend 住屯門囉😝😝😝😝😝。所以多左係屯門試下d新野食。今日就係屯門嘅 vcity 度試左呢間御前上茶，咁啱我地入去個時間無人，但入去坐底之後，出面就排隊🤣🤣🤣，真係好好彩。霜淇淋抹茶鬆餅，雪糕味道幾好幾滑，個鬆餅熱辣辣，外面脆裡面好鬆軟。不錯👍🏻👍🏻👍🏻👍🏻👍🏻。蝦多士就正常，細細舊都幾容易入口。2個人食左 $124，加埋一就 $136，我覺得食甜品唔洗加一…查看更多

今日放假，同朋友約好了在屯門食下午茶，順便行下街街🤗。同佢行行下街，我地同一時間就有d肚餓🤪，咁啱我地就行到華都花園，就見到呢度有好幾間食店，我地揀左一陣，最後就揀左去椰林閣，因為見到佢地個下午茶都幾抵食，所以就入去食😝。呢個迷你吞帶魚意粉都唔迷你咼👍🏻👍🏻👍🏻👍🏻。但係呢個奶油豬就差 d d 喇🤨，奶油唔係好夠，不過個豬仔包就好夠脆，最後我叫店員比多d奶我，之後就好好食喇。我地2個人都係食左$67，真係超值呀😎。…查看更多

呢半年來都好忙，日日都食飯盒，冇出街食過嘢，今次要去一啲新嘅地方食啲好少食嘅嘢。就揀咗新界區嘅元朗，原來元朗呢個商場有好多好多嘢食。今次就是食下一間北京樓，之前在金鐘都食過，睇下呢間好唔好食先。我哋叫個三人餐😬，都有好多嘢啱食，有素鵝、醉雞、蟹鉗、黃花魚羹、京醬肉絲、小豆苗、小籠包，同埋甜品楊枝甘露。另外我哋在加咗一個素餃同埋一個片皮鴨。食到我哋抱住個肚走😂😂😂😂😂，下次有機會都同家人黎食。…查看更多

今日難得的假期，梗係要同屋企人食下飯啦，爹哋媽咪話好想食d好野，就今晚同佢地去食河鮮，地點都算ok，地鐵站行去10分鐘左右。我地一家5口叫左4餸一湯， 我地食叫左燉大魚頭湯、煎釀三太公、檀香骨、梅菜蒸菜心同埋花錦鱔。我同屋企人都覺得個湯好正好好飲。仲有個三太公入面個煎釀蓮藕，超級爽口而且又好味。梅菜蒸菜心，d菜心入晒啲梅菜味，而且d菜好嫩，真心喜歡💕。最後係個花錦鱔，又爽又無乜骨，而且仲啖啖肉，好鍾意食魚嘅屋企人都讚口不絕。…查看更多

原來個多士係好好食，平時行過見到都淨係飲下咖啡，但因為太肚餓了，所以就立即買個芋泥多士食下。點知原來係咁好味的，再加上一杯蕉糖燉蛋鮮奶咖啡，超級大滿足。價錢係$82。…查看更多

我地未夠七點來到，本身兩個人食，坐左兩個人位是搭枱。但後來家人都黎到食，再加多個位，員工問我們個位仲有幾耐到，我地答5分鐘左右。但係都仲未安排換位，仲不停咁問我們另外果一位仲有幾耐到，有分別嗎？最後咪又係要換枱，唔通個家人一個鐘後先黎到咩，咁我地都食完 N 年啦。換左枱之後，我發現個碟同碗都有污糟，有冇洗過呢？？？？呢度d湯係幾好飲嘅，蒸蛋都唔錯嘅，西蘭花就正常囉。但係個腐乳蒸滑雞就麻麻哋啦，有少少酸味，完全唔夾囉。最後同以往一樣都係送糖水嘅。不過呢間野真係越來越無禮貌，我知你多人排隊，但都唔洗咁無禮貌囉。。。。…查看更多

今日食完個午餐，行咗一陣街，經過呢個商場，就買咗杯黑糖粉圓鮮奶飲。我就叫左個中杯$30，等左大約8分鐘就已經有得攞啦。珍珠就比較淋dd，但係都幾煙韌。黑糖就唔算好甜，我可以接受。…查看更多

今日來個即慶飯局，約左三五知己去食王家沙，我記得好耐之前食過幾次，但今次係個 friend 提議去食。去到見到覺得好靚，樓底好高，環境很寬躺，而且很舒適。服務亦都一流，服務員很有禮貌。幾個人叫咗一份醉雞、一份小籠包、一份生煎包、兩個菜同一碗紅燒牛肉麵。唔好睇個醉雞個size咁細，但其實佢好深，入邊有好多雞。小籠包熱辣辣，湯汁好好味。紅燒牛肉麵好好食麵個質地很有咬口。服務員很好，因為生煎包一份只有三隻，服務員都有行來問我們要不要加多一隻，我們說不用了。甜品我哋就叫個紅棗糕，係即叫即蒸嘅，所以佢會等我們食完先蒸，然後再起菜，保證熱辣辣。…查看更多

今日 lunch 同個同事2個人黎食個 lunch，佢之前今個話幾好食，所以就佢帶我黎食。我地2個又唔係好肚餓，所以2個人叫左一個餐同加左個蛋撻 share ，另外叫多杯凍奶茶。個雞肉石鍋飯黎到熱辣辣好食。個蛋撻皮就實左dd ，但入面個d蛋就好好食咼。每人都係$55，唔算平，但算坐得幾舒服。…查看更多

放工家人相約了在銅鑼食晚飯，剛好我收早可以 join 到食晚飯，呵呵呵！佢哋已經叫好野食，我去到就有得食喇，正！原來佢地叫左2個一人餐，再加左個呢度好出名的叉燒，同埋加左d菜添同埋加$20有個細嘅雲吞麵。菜都算幾好食，好鮮嫩。叉燒就好厚身，但食落去都唔覺好硬好實。餐就有個蝦仁炒蛋同半隻雞，個蝦仁炒蛋就好多葱呀！！而隻雞個皮好脆身。。。。。好好食呀！！食完仲有個一人餐嘅甜品「3豆糕」我自己作架！唔甜而且很有豆味。…查看更多

我的午餐時間，已經係下午3點幾喇！！我已經肚餓到唔知想食咩，係近近地登龍街搵間野食，見到呢間個名叫魚鮮生就行入去，又見到唔係淨係食魚生架咼，所以就入去快食個 lunch ，呀！已經唔係lunch 喇！！係下午茶先岩。叫左個燒雞丼，佢會配埋麵豉湯同沙律，以午餐黎講都幾豐富，價錢仲很便宜很化算喔。因為可能這段時間去食係有全單85折的，共減了$9。麵豉湯比較多葱同清淡左dd，沙律就無咩特別的，燒雞丼的配菜真的不錯喔，只是蘿蔔有少許楂，而飯的軟硬度適中，總括來說是幾好味的。…查看更多