edmondtsang16的个人专页

食物正常，咖啡偏酸最大問題，我覺得係個服務。- 當我入到去嘅時候，因為我一個素食者，我就問店員餐牌上面有冇素食可以揀。佢好敷衍地回應只有沙律。但後來睇完個餐牌，根本就有幾樣選擇可以俾我揀。但店員只係敷衍了事- 當我同朋友詢問可唔可以攞多張電子單。因為我同朋友都有揸車，雖然我明白一台客一張單，但大多數餐廳都總會有額外嘅單可以提供比客人反而呢個時候佢佢哋就好強硬咁重複提示，一張枱只可以一張單。 這個規矩我當然明白。但出面好多餐廳都肯俾多一張單方便泊車人士。反正呢張單又冇乜成本，純粹係服務嘅一種。 餐廳冇必要一定要俾超過一張單你。但如果佢俾多一張，我會更加欣賞呢種服務。 起碼其他餐廳會肯做。何況而家各行各業都話冇生意，反而令我覺得你間餐廳服務更加比下去。我兩個人都食咗差唔多$600。都唔算係低消費。但估唔到服務態度如此惡劣…查看更多

已經好一排冇update過了。因為疫情關係都少咗機會出去食飯。今次同朋友是新蒲崗一間素食餐廳，從心素食。 駕車人士切記有一個賣點，只要消費滿$100就可以有3小時免費泊車🚗🚗🚗🤗千祈唔好拍街👍🏻環境⭐️⭐️新蒲崗本身一啲都唔就腳。不過如果揸車人士，反而會好方便。餐廳內嘅環境總算乾淨，但枱櫈就開始有啲殘舊。不過值得一提嘅係嗰度殷勤既服務員，就算我上次差唔多閂門先至入去，佢哋嘅服務態度依然好好。餐廳內嘅裝修可以話係一間普通嘅餐廳，冇乜地方值得影相。價格⭐️⭐️⭐️⭐️價格方面人均消費大概每人$150至$200。以我咁大食，我單人消費大概$230。雖然價錢唔算好平，但係餐牌選擇總算好多，泊車又唔使錢，所以其實個性價比幾好👍🏻食物⭐️⭐️⭐️⭐️你見到咁多食物相，其實係前後兩餐我去同朋友食飯嘅時候影。呢度嘅食物都係一啲新派嘅素食為主。例如有壽司，數魚生，串燒，咁當然亦都有傳統嘅素食粥粉面飯之類，任君選擇。當然我偏向一啲新派嘅小食，所以我叫咗軟腳蟹卷，沙嗲羊肉串，台式香煎琵琶豆腐。而我覺得最值得一提嘅就係燒汁金菇牛柳卷😋😋😋大部份嘅食物味道都好吸引，而去出餸嘅時間亦都好快，唔駛等好耐。最啱肚餓寶寶😋…查看更多

今次都係經過朋友介紹，叫我去試。不過真心冇幾何去LKF，所以今次咁啱去開中環就去試一試呢間拉麵店。畢竟香港好似冇一間轉系素食嘅拉麵店😌環境⭐️⭐️⭐️始終地理環境因素，舖頭嘅位置唔算好大。大概可以容納10個人左右，店外亦都有兩張枱。不過整體上我只可以用簡潔去形容。唔算有咩talking point。價格⭐️⭐️⭐️以中環來講價錢不過不失。尚算貼地。一個人大概$100左右。點講都係中環。食物⭐️⭐️拉麵有三種湯底：蕃茄甘筍濃湯，南瓜黃椒濃湯，四菇濃湯。而我揀咗四菇，因為如果煮得好，菇湯可以好香好濃。不過個湯冇我想像中咁濃郁，菇味未夠香。麵身尚可，夠彈牙。配料嘅選擇都算多，有菜有肉。反而我覺得最值得稱讚嘅係佢嘅賣相，因為當佢送上湯麵嘅時候食物嘅擺位非常工整，有傳統拉麵嗰個氣勢👍🏻呢個值得一讚。我額外再叫多咗個小食，炸餃子。不過我覺得呢個餃子皮揸得唔係咁好，唔夠趣反而有點硬。但餃子個餡味道口感其實都好好，敗筆之處就係個皮度。如果揸得透徹啲，相信口感一定加分。尤其是有兩種醬汁。整體上我支持一間素食嘅拉麵，不過如果佢可以多幾款小食會更加吸引。但我覺得如果舖頭喺中環蘭桂坊嘅位置附近，其實營業時間應該可以開夜啲，而唔係晚上9:00就閂門。整體上呢間拉麵店中規中矩，但係我絕對唔會專登揸車去食。期待佢事業之後更有改善👍🏻…查看更多

經過好朋友推介，今次終於試到呢一間 走肉蔬菜研究所。其實今次已經第三次棃，但因為疫情關係，又有限聚令，所以頭兩次都唔成功🥶環境⭐️⭐️⭐️地點都算方便，一出地鐵站行幾分鐘已經到D2 Place一期。不過D2 place 個位其實好少經過。所以都真係要專登去先會食到呢間。好難路過D2 Place🤔價格⭐️⭐️⭐️以我估計，人均消費大約$100-160。雖然有$86套餐，但當你見到有鐵板餐嘅時候你未必可以抗拒😹 $138好似豐富好多。但飲品要額外加錢。有好多兒時特式飲品，例如黑牛😋食物⭐️⭐️⭐️⭐️⭐️今次我地四個彪形大漢去試食而食物嘅份量突然變好重要😹我揀咗「無可能系窩蛋榨菜牛肉煲仔飯」, 我朋友揀咗「無可能系鐵板鴛鴦漢堡扒」，「無可能系吉列漢堡扒飯」. 就咁聽個名已經覺得好有氣勢。首先講個煲仔飯，其實已經好多年冇食過一個煲仔飯。煲仔飯入面嘅肉餅多汁之餘仲要肉嘅數量非常足夠。通常最怕都係飯多肉少，但係呢個煲仔嘅份量啱啱好。再加埋一隻窩蛋，豉油，成個飯嘅味道非常之美味。起碼令我食到一粒飯都無剩👍🏻依個鐵板餐我都試咗一舊，雖然impossible burger我試過好多次但係加埋個牛肝菌汁反而感覺好新鮮。所以記得如果要揀醬汁，一定要揀鵝肝菌汁👍🏻👍🏻👍🏻其實整體上個感覺非常之良好，除咗場地嘅設計簡單但係又有校園風。最主要係食物嘅質素比想像之中好。彷彿有種重返校園年代茶記嘅感覺。真心值得回味。所以我肯定會再返黎再試其他菜式😋😋😋…查看更多

今次係經過朋友推介，專登揸車入嚟荃灣試呢一間天悠素食。因為疫情關係，所以去到嘅時候客人唔太多。但我朋友千叮萬囑「咁一定要揀套餐！」因為抵食過單點。環境⭐️⭐️⭐️地點尚算方便， 因為正正喺荃新天地第二期，所以好易搵到。今次同一位女性朋友去食，一入到間餐廳就見到鋪天蓋地嘅粉紅色裝修，已經勁鍾意。當然粉紅色裝修呢家嘢，就真係唔係個個識欣賞😹不過整體上地方都好乾淨👍🏻價格⭐️⭐️⭐️如果揀套餐，每一個人平均消費也是$180左右。不過連埋頭盤，主菜，飲品，甜品黎講性價比都算可以接受🤝食物⭐️⭐️⭐️⭐️今次我哋揀咗大啡菇白松露手作薄餅，意大利牛肝菌乾燒伊麵。頭盤要咗一個中湯一個西湯再加沙律總算係多元化。套餐有八種主菜任君選擇。但本人比較欣賞個Pizza, 因為始終係手作，所以個口感比較鬆脆。而啡菇+白松露+芝士既配搭令到味道濃郁，所以第一個被KO嘅main course😋。反而個伊麵就普普通通，不過不失。整體上我都幾滿意呢一餐，除咗因為個pizza幾好味。但重點係餐廳入面嘅職員服務態度非常之好。因為其實本身佢係10點閂門，9:30 last order。但我個朋友早過我9:15已經到而入面嘅staff都肯等埋我到先cut order而全程冇黑面👍🏻不過當然我唔係鼓吹大家去挑戰人地business hour嘅底線😹 如果經過開荃灣，呢一間絕對值得一試👍🏻…查看更多

其實今次已經係第三次嚟呢一間聞名已久嘅素年，但其實頭兩次都唔成功，一係太多人，一係已經last order。但其實第三次都要排足足一個鐘先有得食。所以溫馨提示，一定要book位！！！環境⭐️⭐️⭐️環境其實好簡潔，但起碼感覺地方好乾淨。一個有文青feel嘅setting, 木枱木凳，白色+木色為主。價格⭐️⭐️⭐️⭐️以食物嘅質素，其實性價比好高。雖然Meun唔算好多選擇，但乜都有d。每人平均消費$130左右。食物⭐️⭐️⭐️⭐️⭐️雖然網上已經睇過幾次幾正面嘅評價但係始終未試過都唔可以作準。但係今次試咗 日式咖喱吉列豬扒意大利飯。聽個名已經知道有幾勁😆又日式咖喱，又意大利飯。真心有驚喜+好好味😋首先因為素食者其實真係冇乜機會食到吉列豬扒呢種口感，外面鬆脆裏面啖啖肉嘅感覺其實好稀有，加上個咖喱飯味道十足，一粒粒鵝蛋形嘅risotto夠彈牙。性價比極高👍🏻而我朋友就食咗個漢堡包，裏面用咗不可能漢堡嘅素牛扒，另一個朋友就試咗一個日式定食。漢堡包本身冇乜特別，但味道同口感都好滿意，再配合埋炸番薯薯條。日式定食反而比較有趣，一個烏冬，一碗麵屎湯，加上6碟小食。成件事排場十足。Overall 我地三個都一致認為，門外排隊嘅一個鐘......絕對值得👍🏻但如果下次再食，都係早啲訂好位😆…查看更多

《美味素》自從食素之後，基本上都冇去過大家樂，大快活。因為個menu除咗下午茶嗰西多之外，個menu係100%唔啱素食人士。若干年後，有一晚唔知道應該食乜好。我真心係身痕行入大快活睇下有咩改變，竟然比我見到餐牌上面有一行「美味素」😱😱😱竟然大快活有素食？雖然選擇唔多果一晚只係得一個素麻婆豆腐飯(用新豬肉OmniPork), 所以我決定試一試。環境⭐️⭐️大快活環境，完。價格⭐️⭐️⭐️⭐️$41 碟頭飯+飲品。抵👍🏻 食物⭐️⭐️⭐️⭐️唔知係咪因為我好肚餓，但成啲飯真係好好味。今次係第一次我覺得新豬肉配搭得好好，個醬汁又唔會太重味。再配合埋個糙米飯👍🏻👍🏻👍🏻食到最尾我食到刮碟😆😆😆 如果我再見到一定會再食🤝我問過職員佢話每日嘅菜式都唔一樣視乎有乜嘢材料。所以如果想試呢一個麻婆豆腐飯真係要碰一碰運氣🙏🏽不過之後去過幾次都冇素食。睇嚟食素都係要碰運氣😖…查看更多

呢一間餐廳其實已經係第二次去食，上一次去係跟一個KOL朋友去試食+影相+Post Ig. 但因為果次係有指定菜式，反而印象唔深刻. 但今次咁啱同朋友喺尖沙咀搵食而本身我都想再戰2DP, 而又想令我朋友食少一餐肉. 結果帶咗佢去厚福街嘅2DP. 好彩時間唔太晏入去因為2DP喺21:30後就只會全面做甜品.環境⭐️⭐️⭐️⭐️餐廳環境簡約, 主要硬木枱+硬木椅. 但燈光好足所以整體上都好舒服. 有一邊單人面壁坐位仲提供埋USB插頭位比人差電, 好適合單拖去一邊食, 一邊用電腦或玩電話. 而呢間鋪最大嘅賣點就係地點非常就腳, 就喺厚福街嘅中心位置, 好容易搵. 但單憑門面其實好難知道原來呢間餐廳主打素食。價格⭐️⭐️⭐️以新派素食而個地點咁方便, 每人平均消費$200唔算平, 但都算公道嘅. 個素牛漢堡要$130, 以我嘅胃口係未夠飽, 除非佢本身會跟薯條.食物⭐️⭐️⭐️⭐️首先試咗個魚子醬牛油果他他, 以冷盤來講整體上個味道好fresh. 中間個他他有三文魚嘅口感, 可能入面加咗醋或檸檬汁, 食完會特別開胃. 之後試咗個經典數牛漢堡. 入面嘅材料同平時嘅漢堡包大同小異, 入面嘅素牛扒賣相同真牛扒好相似, 外面心啡色但入面就有牛扒嘅深粉紅. 但味道就大概有7-8成似真嘅漢堡扒, 但可惜入面嘅茄汁偏甜. 最後再點左一個墨西哥燒烤醬肉碎薄餅. Pizza餅底用咗最脆嘅曲奇餅，個醬汁有微辣, 再加埋肉醬. 個肉道比較heavy, 但好啱一啲重口味人士. 而我好喜歡薄餅配合肉碎嘅味道, 所以成為左我今餐最喜歡的菜式. 整體上呢一餐我都好滿意, 味道恰當, 明顯見到佢哋好重視個賣相. 每一道菜都適合影相打卡. 咁當然一餐飯好唔好食其實好睇你當時嘅心情同埋你同邊一個人食. 今餐嘅飯腳令呢一餐飯更加錦上添花😉…查看更多

今日收工又冇約人食飯，所以就打算試一間未試過既素食餐廳。灣仔其實都有幾間選擇，而我今次揀咗一間印度餐廳叫「新派素食」。其實我係比佢個名吸引咗。我本身都幾喜歡印度菜，始終好多素食選擇，再加上「新派」🤔可以有幾新呢？所以決定去咗呢間。環境⭐️⭐️⭐️⭐️地點位於灣仔正中心，修頓球場附近。其實好方便，而餐廳環境舒適，地方乾淨而餐廳面積幾大。所以其實可以坐得幾舒服。價格⭐️⭐️其實食物唔算好貴。但比兩粒星主要係我覺得性價比低。雖然我order超過一人份量，但越對唔係一條友$321。我冇刻意睇價錢去點，但一個咖喱，一個黃飯，一個Naan, 一份咖喱角=$321(我覺得唔值)。由其係個黃飯竟然收$68。而其他印度餐廳收$20-30。個菠菜芝士咖喱仲離譜，$82 (出面通常$60)。個價錢比起平均貴20-30%。睇完張單，心直頭尖叫咗一聲🙄👎🏼食物⭐️⭐️印度咖喱入面我食得最多就係菠菜芝士咖喱。呢一間嘅菠菜芝士咖喱嗰隻綠色直頭覺得係人造色素咁。我食咗十幾年都從來未見過咁鮮色。隻色鮮到似Spray Paint噴出嚟咁😅，但重點淡而無味。連送飯，點Naan都唔夠味去承托。黃飯又唔夠香，同埋唔知佢放菠蘿入去做乜。個咖喱角仲伏。🙄，咬入去只感受到一Pat冇味既豆蓉。成餐飯我都好疑惑咁諗，其實我食咗乜?竟然食一餐飯可以令我懷疑人生👍🏻Overall本人對呢間餐廳表示極度遺憾，完全唔明點解佢改個名叫做新派。其實就係一間普通嘅印度餐廳，完全feel唔到佢新喺邊。如果將來有任何朋友想約我去呢間餐廳，我會同佢割袍斷義🤫…查看更多

位於炮台山站對店嘅一間街頭小店，由於位置喺橫街，所以唔係咁容易見到。其實呢間小店之前已經食過，但依然好喜歡。好適合一個人去食，因為其實店面積好細，店內只可以坐幾個人。有啲枱有一台喺街。絕對係一間小店。環境⭐️⭐️⭐️不過以一間小店黎講，都算舒服。雖然枱凳都好簡單，但正合一個剛剛收工既上班一族，坐低享受一下寧靜。但如果想同三五知己一齊食一餐飯，地方就可能細咗少少。價格⭐️⭐️⭐️以街頭小店黎講，價格都公道。一個碟頭飯大概$50。好似我咁大食，$80夠飽。食物Portion唔算好大，但我覺得剛剛好。食物⭐️⭐️⭐️⭐️小店黎講食物選擇唔算太多。不過有有唔同風格既食物。有中式飯，有意粉，有西式既wrap，更有小食。可以話不愁選擇。而當中最吸引嘅係佢三款西式wrap，或者小食。可惜去咁多次都未有機會試佢嘅素煎釀三寶。我前後兩次試過，第一次叫咗個素魚香茄子飯+水牛城雞肉卷。個雞肉卷一咬入面有香脆既素雞肉加雜菜再加沙律醬，美味開胃。茄子飯唔算太過重味，不過撈飯一流。但必須要讚小店係用紅米飯👍🏻。第二次叫咗薯仔咖喱雞飯+美式香腸卷。個卷依然比較吸引，個飯既薯仔+素雞丁+紅米飯。味道唔算太重，所以食完都唔會口乾。會menu入面既碟頭飯每一次去都唔一樣。但下一次一定要是煎釀三寶，肉醬意粉😋Overall我好滿意炮台山呢間小店。今次已經第三次食，而我肯定會有第四次。記得去到一定要試佢個卷呀😋…查看更多

Green Common呢個名，聽就聽過好多次，但就從來未試過。意想不到嘅係原來自己經常與GC擦身而過而我竟然唔知有呢間素店嘅存在。GC位於旺角波鞋街入面最新果棟建築物Foreset,(Addias樓上果間商場入面)。一上扶手電梯向右邊直行就到。環境⭐️⭐️⭐️GC場地以簡約為主，木枱+硬凳。雖然個setting唔會坐得太耐但起碼燈光夠光猛，地方夠乾淨。價格⭐️⭐️⭐️⭐️一睇GC個Menu，以西方食物為主：沙律，薄餅，漢堡包。感覺好似以前Tripple-O既食物風格。但整體上價錢唔算太貴，每人大概$80-120應該夠飽。食物⭐️⭐️⭐️⭐️今次由店員推介咗試佢地最貴嘅「未來漢堡Plus」，未知推介有否受價錢影響。不過Menu張相係幾吸引嘅。因為我比較大食所以加多$15要埋薯條。共$123。未來漢堡Plus入面有未來漢堡扒(素)配半隻牛油果，素🧀，🍅，🥬。個配搭係Ok嘅，漢堡扒夠厚夠實，有口感👍🏻👍🏻👍🏻(試過一啲好失敗嘅素扒，又淋又鬆👎🏼👎🏼👎🏼)。Burger個size唔細，所以店已經好細心咁幫客人切開一半，方便進食。呢個burger好啱大胃嘅男仕，女仕就稍為over咗少少。而薯條都夠新鮮，脆口。Overall幾滿意呢一餐😋順帶一提，GC入面亦有零售素食材料。有興趣可以買d素丸素扒返屋企配公仔麵😋但I will be back😎…查看更多