塵世中迷途小書僮的个人专页

樓下新開咗間舖頭，試吓佢個早餐，公道啲講句，佢啲嘢食都OK唔錯。米粉煙靭得嚟有彈性，同埋早餐加兩蚊可以轉奶油脆豬仔包，呢個價錢性價比算幾高，香港唔係好多餐廳做到…但係另一樣要彈嘅嘢就係今次我嘅用餐過程體驗麻麻地，我未試過食一餐飯咁忙，事關有烏蠅，我一隻手拎住餐具一路食，另一隻手就一路响到趕烏蠅，仲有幾下好似飛咗落我啲嘢食同嘢飲度，所以希望老細會提高餐廳衛生程度，又或者安裝返啲滅蚊燈/蚊拍。等食客可以食得安心啲😪…查看更多

完完全全真係垃圾…嗌咗個雞蛋腸粉 同 三溝（生菜、魚肉 同 碗仔翅）腸粉味道正正常常… 入得口食得下..哩到就唔再作多餘嘅評論真正令我火起嘅就係呢碗碗仔翅睇下上圖都知，呢碗係成碗都係水… 完全唔係碗仔翅嘅狀態完全係湯嚟…乜料啊？魚肉亦都唔彈牙…質地好硬..真係好差食物質素得都算…個阿姐仲要唔老實嗰度餐牌寫住三溝係$20… 但個阿姐收咗我$25，後尾我發現…跟住我問佢唔係$20咩？佢答我… 「大碗係$25… 細碗先係$20…啲魚肉都煮緊啦…我以為你要大碗」你餐牌又無寫有分大碗細碗…我第一次幫襯….點知你點為止大，點為止細？你自己亂噏都得啦…你唔成煲嘢拎出嚟話賣我$100？完全覺得係欺騙顧客…你咁做…俾你賺多$5又如何？啲人都唔會再回頭幫襯你間嘢啦…更何你碗嘢係咁嘅質素…查看更多

呢排見有youtuber 介紹係荃灣路德圍既一間車仔麵鋪，原來近排轉左鋪位，作為荃灣既街坊，我決定趁有時間同老婆去幫襯下！😃原來呢度有好多款式既餸簡！我叫左魷魚柚皮油麵小辣，另外老婆就叫左豬紅豬皮粗麵。柚皮都係第一次食，亦都好少車仔麵鋪有呢味餸，食落甜甜地咁，估唔到咁好味！其他餸都做到好入味，老婆話豬皮淋淋地但食落爽口，配合個沙爹汁湯底好好味！👍估唔到荃灣有咁高質又平價車仔麵，值得下次再幫襯！😬…查看更多

上網見呢間小店有好多好評，適逢放假，就同老婆一齊去試下佢啦！呢間小店一D都唔顯眼，我地都搵左一輪先搵到店鋪入口。店舖雖然細，但都有唔小捧場客，係疫情下，職員係每枱都有提供消毒洗手液。我地就叫左呢度出名既型男漢堡同埋台灣鳳梨蝦堡。牛肉好Juicy，配上流心蛋、煙肉、紅菜頭、蕃茄、芝士等等，成個口感好豐富呀！薯條剛炸起又熱又脆！另外個蝦堡配埋新鮮菠蘿，食落好fresh，味道好夾！野飲方面老婆就叫左個特濃花生奶昔，奶昔有好香既花生醬味，creamy 得黎又有小小花生粒粒，好飲好特別！我叫左個ice cream latte，latte上有個雪糕球，latte咖啡味亦都好香，飲完好滿足！總括嚟講，今餐性價比十分高，之後會再幫襯！…查看更多

入到去，地方唔大，但感覺都算骨緻。嗰到嘅櫈係無靠背，舒適度減咗少少分數！嘢食ok👌燉湯都幾好飲...呢點係值得一讚嘅👍同埋個價錢嚟講我覺得性價比係高嘅但服務分我俾得好低...接下嚟我會用一大段文字表達職員感覺好新手，好似無做過飲食業咁，可以話係零經驗啊🤔...啲單亂 其他嘢又跟唔足個時嘅情況係全間鋪得十個客左右再加有啲外賣單，其實咁嘅客量真係唔算旺，點會做唔到架？咁我哋嗌左個荷葉飯炒油麥菜同一個湯個荷葉飯到咗，但無餐具🥲 咁我哋就話想要匙羹同碗，明明我地係有兩個人食.... 佢俾碗同羮我哋，佢就真係只俾一隻碗同一隻羮🥣咁之後我哋話要多副啦🥣🥣咁食下食下，跟住碟菜嚟咗，我話「想要筷子」，個女職員就真係俾一對我哋兩個人🥢😅 係諗住一對筷子我哋share用？同埋個湯又漏咗單... 等左半個鐘都未有...總結，嘢食合格但服務要加強，飲食業唔係個客講一句就做一樣...自己要 「sharp 醒」留意有咩位要做...fill水哩啲其實全程都無做過😐其實一早放定餐具落台，又或者好似茶記咁，客坐低，落水就落埋餐具，咁咪唔會漏囉😑好多方法解決，真係要學習學習…查看更多

兩人限聚嘅情況下，入到餐廳被安排到八人嘅卡位，坐得好舒服👍一坐低侍應馬上奉上兩杯玄米茶，玄米味好香嗌咗個 黑蒜油豬手鍋拉麵 同 燒西班牙黑豚叉燒丼兩個餐都送熱飲，但其實可以唔洗，因為已經有茶拉麵稍嫌唔夠彈牙，湯底亦唔算出色，不過都可接受，因為始終唔係專做拉麵嘅拉麵店米飯用嘅係日本米，豚肉肥瘦適中，肉味亦都好濃郁價錢嚟講我覺得少貴，個人覺得可以唔洗要杯嘢飲但平返$10個價位就合理啲啦值得一讚嘅係我口罩條耳繩斷咗，諗住問職員拎釘書機釘返...但職員直接成盒口罩拎過嚟過「不如你拎過個新架啦」嗰刻即刻有好窩心嘅感覺🥰…查看更多

行完山諗住食個下午茶，因疫情下所有食肆都閂六點，附近得返哩間垃圾仲開緊鋪，咁我哋都無得揀就諗住試下，點知就伏咗我哋5點零5分入到哩間餐廳，個阿姐侍應就猛咁催落單，嗌干炒牛河又無河粉最後叫咗炒豬扒意粉，份量就好足，但質素就好差，廚房求其撈埋一碟就算數，豬扒係返熱都算，仲要返熱都返唔好，個心係凍嘅常餐啲牛都係凍同埋催落單個呀姐上餐係成碟嘢飛跣上張枱，搞咩呀？食完，都只係5點8，杯嘢都未飲完，又係到催「我哋差唔多收工啦」聽到佢同啲同事係到討論「唔知趕唔趕到班車呢」... 心諗你哩架搭唔到咪搭下架囉，公司請到你咁嘅員工真係趕客倒米！豬扒炒意粉$44加杯凍飲多兩蚊常餐$34再加凍飲垃圾都值得$82？？？…查看更多

下晝約咗朋友去旺角行街，朋友話不如食哩間係女人街嘅十三姨，咁我之前食過覺得唔錯...平時呢間食店都好多人排隊，我哋兩點去到好彩唔洗等，已經即刻入座。每枱都會附送印尼蝦片作為餐前小食，蝦片好脆。雖然餐廳嘅選擇唔算多，午餐set價錢尚算實惠。上次我就食咗呢度出名嘅十三么，今次就試下手撕雞伴雞油飯。油飯加埋炸蒜同香蔥，甜豉油去撈飯好開胃，食落唔覺好油膩，雞叉燒好食，份量有四舊，燒得香口。熱蜂蜜蘋果茶有粒粒蘋果，唔錯。…查看更多

今日我哋行經元朗，見到呢間賣生滾粥嘅街坊食店，門外有唔少食客等緊，食店玻璃窗上貼滿工整嘅手寫餐牌，心諗食碗生滾粥都好呀，就叫咗個豬膶粥加油炸鬼外賣。由於我哋唔係住元朗，拎住碗粥搭咗9個字車，返到屋企碗粥仲好暖，粥底棉滑，豬膶洗得乾淨，切得厚身夠爽，一碗有成差不多十大舊，好足料！不過油炸鬼係凍既，如果熱食應該會再正啲，好在浸落啲粥到熱熱哋食都唔大差呢間食店食物真係性價比高，聽講都出名雞粥，有機會下次會再試！…查看更多

難得嚟到石門，又見好耐冇飲茶，所以就試下呢間人龍小店！我地就試左個全日套餐-南瓜鳳爪排骨飯+花膠蟲草湯栗子燉土雞湯，燉湯飲得出冇加味精，但無乜藥材味，飲落清清地，比較淡味。個荷葉飯比我地想像中份量大好多，飯粒比較濕，但排骨同鳳爪都算入味。我哋仲叫咗個點心拼盤添，其中蝦餃同燒賣唔錯。雖然食物ok，但環境就有啲逼，同埋嗰日係星期六晏晝，唔知係咪人手不足，職員做到好混亂...可以話係有啲燥添...全程淨係聽到有位職員好大聲嗌外賣No. 有啲嘈而另一位負責收錢嘅職員組織性亦較差，做緊樓面服務...電話一響又沖去聽電話，明明入面有座位但遲遲未安排到入座，即使食完諗住埋單嘅客都等成5分鐘先俾到錢😓講服務就真係唔係咁得，無以客人為上嘅感覺本身想俾差評嘅...不算價錢唔算太貴同份量算多，評分俾「一般」啦…查看更多

早排去左元朗大棠賞紅葉，之後見餓餓地就搵到呢間台灣小店，決定試下佢啦！我哋一去到，都見到好多人排隊入座/外賣，我哋都等左一陣先入到去。小店唔大，裝修比較簡單。入到去我哋就叫咗呢度招牌名菜-肉羹湯新竹米粉，成碗嘢好足料，有蒜蓉，芫荽同辣醬，筍絲，撈埋一齊食個種酸辣好好味！肉嘅口感都唔錯，喺冬天食真係好暖胃！我哋仲食咗呢度限定嘅芋見紫薯土司，我自己都好鐘意芋泥同紫薯嘅味道，脆脆地嘅三文治，餡料豐富，所以覺得好好食，不過個餡係冰凍嘅，由於嗰日天氣好凍，如果係熱嘅餡相信會更加正下次有機會會試埋佢地嘅滷肉飯同其他小食！…查看更多

之前聽聞哩間餅店賣既法式撻好好食🤩所以我臨新番工last day 前一個星期係網上訂左呢間法式撻店作為散水餅請同事食之餘自己都試吓🤤 佢有好多款唔同口味既撻，個人最鐘意黑芝麻抹茶撻同埋香橙伯爵茶撻，餅底唔會話太淋，脆脆地咁，綠茶香味，加上香橙嘅清新，食落唔會話太甜，勁滿足！Mini box共有16件，共5個味。每款撻都好精美別致，同事們吃完之後都大讚味道好好食，用黎做散水餅真係唔錯。用心嘅製作值得支持呀！…查看更多

今日為左farewell 同事，所以同事們就提議去位於旺角既一間日式居酒屋食lunch。今次係第一次幫襯，一入門口已經被鋪頭入面既日式佈置同擺設吸引左，成個環境都好寬敞舒服。我就試左燒雞扒稻庭烏冬，因為係lunch set 關係，跟餐係配埋和風沙律，前菜同麵豉湯。沙律新鮮，加咗醋酸酸地咁好開胃；麵豉湯唔會太鹹好啱我口味。燒雞扒好有驚喜，雞皮燒到脆脆地，雞扒肉好嫩滑，配埋蛋黃醬好好味，烏冬彈牙，成個餐我好快已經食哂，食我好滿足呢！估唔到係旺角搵到間高質日本餐廳，下次會再黎！…查看更多

友人一早訂左位，相約左我一齊去試試呢間樓上cafe ! Cafe 除左個名夠哂浪漫之外，最大賣點仲係鋪內既佈置！呢間cafe 雖然唔大，但乾花主題既佈置好特別，真係好適合我呢類文青去打卡！我地叫左黑松露炸薯條，牛肝菌雜菌意大利燉，三文魚意粉。炸薯條即叫即炸好脆身，配埋黑松露醬好夾。意大利飯口感略硬，但可接受，牛肝菌味道唔錯，加上了奶油個飯變得好creamy。三文魚意粉就味道普通，不過不失。整體上呢間cafe食物水準ok，佈置上好有心思，都值得一試。…查看更多

近排天氣凍凍地，之前食過一間位於上水嘅醉雞面小店-鳳鳴居，所以我地今晚就決定再去食！之前食過蟲草花雞湯米線，個湯底好清甜👍今次我哋兩個人都叫咗醉香雞湯米線，另外再叫咗個辣椒油爽脆鵝腸。醉雞米線好足料雞件份量多又好滑，湯底係好濃郁嘅酒香味，飲得多都覺得醉醉地，醉雞湯底可以話係重口味...湯底偏甜同酒味偏濃嘅....但冬天食完真係暖粒粒呢！個鵝腸就普通，食落冇咩特別。另外一提，爆丸最好成粒食，因為你咬一半佢啲肉汁真係會射出嚟，射到朋友什至對面枱就唔好啦🙈整體黎講野食質素唔錯，價錢好親民，下次會再試下佢其他湯底米線！…查看更多