arvin. L的个人专页

之前睇影片分享平台介紹於是決定試吓，當時黃薑飯已經賣晒，所以簡單叫咗一碗湯麵一碗撈麵。湯麵一上嚟，無咩香味，見個色咁清覺得有D 唔對路，飲啖湯，水咁淡...算數，食啖麵，個麵口感同一般麵檔分別不大，但上面d配料就少得可憐，所有料都切得碎，例如佢將一舊正常大細叉燒切成十舊咁上（唔係講笑，食過嘅人會明我講咩），換言之，食晒都係一舊叉燒、一舊魚片、一舊豆腐泡份量，完全唔知食緊乜。撈麵上到嚟，大致差唔多，個老闆娘仲話麵已經調好味，先試吓，有需要再自己加調味。食咗一啖，好淡，自己再加d 調味，完全係營多即食麵咁，完全無特別。埋單$120，唔係貴但食到一肚氣，下次我都唔會再去。…查看更多

今晚用一個「臭」字講晒。兩個人去叫咗兩碗米線。第一碗送上嚟已經一陣臭味，於是仔細搵吓味道點嚟。一開始聞吓隻碗，已經聞到一陣臭味，之後聞埋隻匙羹，又一陣臭味，嗰種臭味似係一塊濕布放入櫃桶兩日嘅噏味。之後佢話佢d 湯係咁嘅味，唔關其他嘢事，如果介意就轉飯，唔好要米線。唔緊要，轉飯。第二碗送上嚟，碗米線好似無事，但都係一陣味，於是同佢反映係餐具有陣噏味，要求提供外賣餐具，安安樂樂食埋就算。佢開始賴係環境問題，話樓下間舖頭賣滷水嘢，搞到間舖有陣味，最後側側膊行開咗。如果大家想體驗臭餐具臭環境，歡迎試吓。…查看更多

焗豬扒飯，完全唔符合商品說明條例。首先，豬扒唔可以叫做豬扒，最多叫做豬肉片，因為厚薄同火腿一樣。而且全個飯得三四塊，面積加埋唔超過一張$10紙幣。然後，焗飯炒底是常識吧。個飯冇炒過都算，飯底濕過屋企電飯煲啲飯，加一大劈味道麻麻嘅茄汁，衰過豉油碟頭飯。加上，杯熱華田好似水沖阿華田粉咁樣，有色但係冇味，我都唔知自己飲咗乜嘢，飲咗兩啖第三啖都已經飲唔落。最後，又難食又唔飽，個餐賣緊$60，一個鐘lunch time冇埋。-完-…查看更多

價錢大約係一百幾蚊一碟小菜，份量偏細（六個人一人一舊咁），抵唔抵見仁見智。但最大問題係「食物質素」，完全唔掂1.蒜蓉粉絲蒸蝦蝦嘅大細大約係長洲三百蚊五碟小菜d 蝦咁上下（即係同成人手指尾差唔多）。細都算數，好辛苦挑咗d 肉出嚟，原來d 蝦係生嘅，結果大家不知情之下食咗半碟生蝦。叫腦細埋嚟，佢只係拎咗剩返嘅蝦去蒸，蒸到老晒再上返畀你。結果當晚我喺香車街個公街肚屙🤮如果你鐘意食生蝦，即時訂位2.黃金蝦蝦嘅大細當然都係成人手指尾咁大，絕對可以癲覆你對黃金蝦嘅想像。而且d 蝦係唔多痴到d 咸蛋黃，所以我到底食緊d 咩？🤮3.黃金雞中翼一上枱見大大隻應該掂啦，點知，入面熟到爛（唔係誇張，d 肉已經係梅梅地）。我懷疑佢先蒸後炒/炸，完全過熟，其實我唔明一碟咁普通嘅小菜點樣可以煮得咁難食。加埋d 雞翼係垃圾級別，喺凍肉舖d 雞翼仲靚過佢🤮4.黑椒牛仔骨哩個份量都還好，雖然舊舊都只係得連住舊骨嗰少少肉。不過，一咬落去，成個口只係得d 鬆肉粉味，我連食緊牛定豬都分唔到...如果你唔知鬆肉粉係咩味，快d 訂位試吓🤮5.芥末牛柳粒有d 牛柳粒已經熟到燶咗，有d 入面仲生勾勾，有三分之一碟都係咁樣。雖然話d 牛肉可以唔洗熟晒，但佢用d 牛咩質素你自己諗啦...🤮6.豉椒炒蜆殼多過肉就基本啦，加埋d 唔開口死蜆，應該唔超過20粒肉，結果大半碟都無人食。唔好諗住有20粒肉都唔錯，隻蜆連殼都係大約5毫子咁大，咁你估吓粒肉有幾大啦吓🤮7.大腸墨魚膠你又點估到粒膠係咸嘅呢？食完都唔知自己食緊乜🤮仲要得幾粒成餐飯最正常得一碟蠔、三碟菜，不過最後大家都飽晒，因為成肚都係氣，永久blacklist 哩間餐廳，亦希望用我嘅經驗去令大家唔好再中伏🤬起初幫襯係見人話哩間黃店，姑且支持吓同路人，食完之後一肚氣，不過令我更加激氣係抬頭見到d 選舉宣傳...😀…查看更多