tastia のプロフィール

同老人家去打邊爐，記得之前返大陸佢食過椰子雞，好鮮甜又滋補，所以今日同佢過嚟新世紀再食椰子雞。呢間四季椰林椰子雞係用4個椰子一鍋湯, 一滴水都唔會加入湯底。個湯底係百分之百椰子水，煲滾咗之後先飲一碗，好鮮甜，我哋叫咗個二人餐一齊食先有半隻雞，雞隻係用上海南文昌雞，食落去係嫩滑有雞味，一定要食埋啲皮，覺得最好味嗰部份就係充滿雞油香味嘅雞皮。二人餐有一碟貴州紅托竹笙，係連埋雞一齊放落個鍋嗰度煮，吸晒椰子嘅鮮甜同埋雞油香味，爽口多汁。三秒響鈴真係唔好淥多過3秒，夾上嚟軟硬適中，豆香味濃郁！ 潮汕魚蛋同埋牛丸比我想像中出色，牛丸係爆汁彈牙，夾上嚟記得攤一陣先食，咬落去小心啲肉汁彈到對面。魚蛋爽口易𡁻，不錯。最後送上嘅煲仔臘味飯，超大一鍋，加上芫荽同埋豉油撈埋一齊食，飯焦香味撲鼻，不知不覺食咗兩碗，食完呢個二人餐簡直飽到上心口。…さらに見る

粉嶺呢間泰國餐廳開咗好多年，我哋間唔時都會過嚟食吓。佢呢個二人餐超級抵食，唔使$200有細小食主菜同埋甜品。泰式蝦餅炸得好香口，蝦膠彈牙，仲食到生蝦喺入真蝦喺入邊，點埋個泰式甜辣醬，作為餐前小食一流。串燒牛肉、串燒雞肉各兩串冇諗過佢哋串燒可以咁出色，熱辣辣上到枱，咬落去雞肉嘅嫩滑好驚人，佢哋嘅醃料大少少甜味，掩埋沙嗲醬一齊食，好惹味。一定要趁熱食，因為串燒啲肉凍咗就會硬。生菜肉碎包肉碎用泰式香料炒，酸酸辣辣，好開胃，加上佢哋嘅生菜好靚仔，新鮮脆口，包住肉碎食，令人不停食多幾卷。胡椒蒜蓉炒魷魚呢個真係超級好食，蒜蓉又多又香，炒鮮魷好餸飯，佢係濕嘅蒜蓉，所以唔會炒到乾身好苦，我哋直程畢啲蒜蓉嚟送飯，正！…さらに見る

一家人帶埋小朋友食飯，最緊要搵一間環境舒適嘅餐廳，呢間餐廳位置方便，內裡空間感好好，我哋坐四人枱好闊落，即使放埋bb櫈都好多空間，坐得舒服！菠蘿小龍蝦薄餅佢哋嘅薄餅係即叫即整，所以都等咗一陣，但係上咗菜之後真係味道驚艷，等一陣都好值得！我覺得可以用色香味俱全嚟形容，小龍蝦分布平均，配上開胃嘅菠蘿，加埋佢個薄餅嘅醬汁，上到枱係好香，令人垂涎欲滴。味道絕對冇令人失望，香脆、小龍蝦肉質蛋呀，成個薄餅係甜甜酸酸嘅味道，食咗兩三塊都唔會感到膩。羅勒香草醬慢煮雞肉手制絲帶麵一上枱成碟都好綠，感覺好fresh，慢煮雞肉好嫩滑，好大塊，手制絲帶麵好有口感，闊身、厚薄均勻。味道係羅勒味香味突出，清新易入口。意式香草焗雞翼熱辣辣上到枱，每隻雞翼都充滿肉汁，外皮覺得香脆，入邊啲肉都好嫩滑。香草味突出，咸咸地配上清新嘅香草味，呢碟雞翼食得過。…さらに見る

粉嶺呢一間Cafe環境開揚，每次經過都見到有幾台客喺度食緊意粉同埋漢堡，今日中午有時間都過嚟試吓呢一間Cafe 。黑毛豬滑蛋飯個醬汁都幾特別，酸酸甜甜淋喺滑蛋上面，滑蛋整得嫩滑，將黑毛豬連埋滑蛋仲有啲飯一齊食，口感都可以，黑毛豬有五至六片。隔離配有沙律菜，沙律菜嘅黑醋有少少溝埋滑蛋飯嘅醬汁一齊，味道就更加獨特，沙律菜新鮮爽口。沙嗲海鮮卷卷粉見佢呢個係餐牌新菜式，而且卷卷粉最近大行其道，一試無妨。沙嗲醬嘅花生香味濃郁，融入喺卷卷粉之內。海鮮有少許帶子同埋兩隻青口，再配上一個蒜蓉包。帶子同青口不過不失，如果可以更多海鮮就更好了。卷卷粉較傳統意粉粗身，中間空心，應該係增加口感。香脆小食拼盤有兩件蝦多士、兩件炸雞翼、兩件魷魚圈。都係香口嘅小食，食落都不錯。…さらに見る

上星期去吃了這家一直很出名的串燒店，這家店是少有收藏在我的收藏夾內的串燒店。今天是星期一的晚上，而且下雨，但是七時以後，店舖內基本上是八成坐滿，慶幸自己有早些到達。店員看我們介紹今天的海鮮，蟶子和扇貝都十分新鮮剛到貨，所以我們各點了一隻。蟶子皇十分大隻，肉質非常彈牙，加上切細了的金菇和蒜蓉，點綴了整隻聖子的味道。扇貝肉厚多汁，上枱的時候扇貝的海水汁多到滿瀉，我們要用匙羹先喝去部份扇貝的汁，這隻扇貝出乎意料地大隻，中間的帶子肉十分飽滿，而且鮮甜，旁邊的帶子裙邊和肝臟也可以吃，燒起來仍然帶着點點鹹香的海水味道，值得一試。鹽燒大眼雞是我們最期待的，大眼雞出去吃一般不算便宜，這條大眼雞今天新鮮到貨，吃得出肉嫩多汁，最特別是他們把大眼雞的皮起了來，獨立地燒，這兩塊魚皮咬起來，脆口加上小小的鹹香味道， 十分適合配酒。安格斯牛肋串和牛舌心，牛味很濃郁，燒起上來不會乾身，能夠保持住牛肉的肉汁，尤其是牛舌心好吃的程度，簡直是可以再叫多一串，牛舌十分彈牙多肉，在嘴內咀嚼10多下仍然感覺到牛舌的肉質很嫩。吃完這一頓串燒，我終於知道這間店舖長期滿座的原因了，感覺我們很快又會再來吃。…さらに見る

今日去咗丼道食晚飯，晚上8:30 依然坐滿席，佢嘅味道一直都發揮得好穩定出色。今晚點咗火灸三色丼，入面分別有灸燒三文魚、左口魚同埋鰻魚。三種魚生都好新鮮，特別鰻魚係又大件又厚肉，佔了整個碗2分1。魚生燒得恰度好處，亦不會太乾身。淋上些少醬油，完全感受到魚的鮮味和融入。沙律菜作為前菜來講，都算是好大一碟，上面淋了芝麻醬，開胃醒神。三文魚親子丼，鮮甜的三文魚配上三文魚籽，賣相搶眼奪目。淋上少許醬油，夾上三文魚刺身和白飯一起配搭，加上爆汁的三文籽，呢個套餐實惠味道豐富。…さらに見る

每次經過八月茶室都看到裡面好熱鬧，看到人家吃的小炒很惹味。今天放工就去吃晚餐。我們點了川味小炒中的孜然牛肉、避風塘炒鮮魷和西蘭花腰果蝦仁。孜然牛肉每片牛肉都很大片，微微的孜然的配合香港人口味，加上洋蔥絲和辣椒，味道豐富，咬下去除了牛肉的香味還帶有蔬菜絲的清爽。避風塘炒鮮魷超大的一盤，非常足料。鮮魷片包裹著薄薄的炸粉，加上炸蒜和小辣椒等等，香氣四溢。每一片鮮魷都十分彈牙有口感，咸香味十足。白飯上鋪上炸蒜更加好配飯。西蘭花腰果蝦仁是傳統港味家上小菜，西蘭花和蝦仁都事前用油下鍋爆香，所以非常香。西蘭花和蝦仁都是十分有口感，不會燘過久，所以吃下去味道口感都是很新鮮的。這家餐廳每個店員都臉掛笑容，和每一枱客人和小孩都打成一片，十分溫馨融洽，值得再來。…さらに見る

上星期晚餐想食日本野，見呢間豬屋開咗咁耐都未食過，一於係度晚餐啦！我哋叫咗沖繩便當同埋鹿屋便當！沖繩便當有超好食 吉列千層芝心豬扒係卷埋咗嘅豬腩片加埋芝士一齊炸嘅，所以食落真係有千層感覺，豬肉片之間係夾住芝士🧀好香濃有層次感！汁燒金菇肥牛卷 多汁有咬口，外皮燒過下食落小小焦香，唔錯👍鹿屋便當有一大塊鯖魚做主角，鯖魚燒得剛剛好，魚肉嫩，外皮烤得香口七味燒豬頸肉 好大塊，肉感豐富，食落去煙煙韌韌咁樣，落咗七味粉一齊燒，好入味。佢哋出嘅便當都配有三種刺身，包括三文魚、帶子同牡丹蝦，刺食大份又新鮮，食熟食仲可以有刺身過口癮，抵啦。十分欣賞佢地嘅炸蝦卷，有心炸而且炸得好食，好大一條卷，食完飽咗三成，份量十足！…さらに見る

一家人去食飯，揀咗就近沙田市中心嘅星海會，佢喺萬怡酒店入面，勁方面，我哋喺沙田新城市廣場行完街，隔籬就係啦。招牌白胡椒蟹平時炒薑蔥蟹就食得多，白胡椒蟹真係第一次食，佢嚟嘅時候將啲醬汁淋咗上去隻蟹度，白胡椒味超級濃，加埋蟹味又香又有少少提神。不得不讚呢個真係佢哋招牌菜式，隻蟹超級多肉，係名副其實嘅肉蟹，實滴滴嘅蟹肉遍布蟹鉗同埋蟹身，蟹殼都有蟹膏，基本上成隻蟹都煮得好入味，啖啖肉感十分滿足。紅燒皇子乳鴿做緊優惠$68隻就有，我哋就叫咗一隻嚟食吓，估唔到細細隻乳鴿都有咁多肉，而且肉汁豐富，唔會燒到乾晒，每咬一啖落去乳鴿嘅肉質都喺口入邊浪吓浪吓，如果唔鍾意太騷味可以加少少醋點埋一齊食，成隻乳鴿都好多肉，呢個價錢好抵。時令冬瓜盅侍應推介話呢個冬瓜盅好新鮮，我見到差唔多每一台都有嗌，細細個冬瓜盅入邊有蟹肉蝦肉，仲有瑤柱螺肉同埋鮑魚，超豐富。夏日炎炎，食冬瓜盅，最合適不過，記得要飲埋啲湯先至消暑。鮮腐竹百合浸時蔬腐竹加埋百合呢個組合永遠都係100分，今晚嘅時蔬係白菜仔，好新鮮，食咗咁多肉當然要食返個菜啦，腐竹同百合又滋潤！…さらに見る

粉嶺不嬲都有好多平民又好食嘅小店。今日去咗潮粥麵食粉麵，一行到入門口就聞到好香嘅牛腩味，係正宗嘅潮式粉麵打冷舖頭今日中午我叫咗個牛筋平雲吞撈麵，牛筋煮得非常之入味，而且好腍，食落去味道好濃郁，撈麵係幼麵，又咬口而且都幾彈牙，配上腍身嘅牛筋，而且索晒啲牛腩汁，整體感覺好有水準。講一講雲吞，我以為佢會一齊上，原來係另上，佢啲雲吞都算幾大隻，每一隻雲吞都有鮮蝦喺入邊，食完牛筋撈麵，再拼埋啲雲吞一齊食，仲有一大碟菜芯，大滿足。凍檸茶好大杯，少甜少冰，食潮式粉麵一定要叫一杯凍飲味配搭，今日中午食到正宗嘅潮州粉麵，覺得好開心！…さらに見る

好耐都冇喺觀塘食飯，今晚決定想食西餐。觀塘工廈有好多好食嘅餐廳，呢間NATA一直都喺我心目中嘗試嘅餐廳，今日見平日唔需要等位就去試吓。餐廳好大，空間感非常之好，光線都充足，有好大嘅酒櫃，適合fine dine同飲酒。我哋叫咗份扒，係美國安格斯肉眼，托盤下面有小蠟燭佐熱塊扒，令到塊扒keep住溫度，唔會凍，肉眼扒牛味濃郁，口感不錯，輕輕點上粗鹽食已經好香。蒜香蟹肉意粉蟹肉十分豐盛，每一啖意粉都掛上蟹肉係口入面，蒜香味濃，意粉炒得乾身不油膩。明太子忌廉大蝦意粉明太子醬好香，裹住每一條意粉，香口彈牙！蝦仁好大隻，食落爽口鮮甜。意粉大概一人份量多啲，如果細食，兩個share都夠！佢哋好多特色飲品，我點的百香果冰茶有半粒新鮮百香果，將佢同果茶撈埋一齊更fresh。…さらに見る

今日去咗依間喺大埔屹立多年嘅雞煲火鍋店食飯，喺門口已經聞到好濃烈嘅雞煲香味，入到去，鋪面雖然唔算好大，但係差唔多八成坐滿，成個場都好熱鬧。我哋點香濃沙嗲雞煲，雞煲好快就到咗，炒得好香，香濃嘅沙嗲汁圍住啲雞件，佢一滾就可以食。當然其實佢嘅涼拌都做得好出色，雞煲未到之前可以食住涼拌等待。雞件每一舊都好大嚿多肉，咬落去全部都比沙嗲汁包圍住，味道好豐富，又惹味。肉質方面，雞肉都尚算嫩滑，唔會因為醃料醃過龍而嚡口。而且我最喜歡嘅係佢啲雞唔會好肥，唔會話食落去啲雞皮勁厚，每一啖都食到雞肉嘅嫩滑口感。順帶一提，我十分之喜歡佢哋嘅洋蔥，浸住雞汁浸到腍晒，好入味，甜甜地，打邊爐嘅時候仲可以再嗌洋蔥肉encore！兩個人有半隻雞，好快食完之後就可以叫佢嘅火鍋配料，有肥牛、滑牛、豬腩片等，一般肉類都尚算齊。丸類都好豐富，最鍾意食佢哋嘅花枝丸同埋蟹籽包心丸，加埋沙嗲雞汁一齊食，不知不覺就會食咗好多粒，蔬菜方面，有成十幾款，娃娃菜油麥菜同埋生菜呢啲一定有，仲有芋絲、烏冬、公仔麵，連紅薯粉都有，食雞煲一定要落紅薯粉先入味。佢個飲品櫃都好齊，除咗一般嘅汽水之外，仲有好多茶可以選擇，有糖同埋無糖嘅茶都好多有得你揀，有啲枱亦都有飲酒。食完佢嘅雞煲之後，明白點解佢可以喺大埔屹立多年，因為真係有水準，好多回頭客同埋街坊過嚟食。…さらに見る

假日行街搵晚餐，見到呢間餐廳專賣天婦羅飯，碗碗飯都超豐富，有高高嘅天婦羅炸物係飯上面，睇到流口水。我哋揀咗松花堂．車海老御膳同埋天丼，兩款唔同嘅set，咩都可以試下🤣松花堂．車海老御膳係六格定食，仲有前菜淹物同埋味僧湯，好多嘢食☺️汁煮茄子好濃好入味，另外兩件豆腐都好滑，刺身蝦係非常鮮味。最鍾意係小柱魷魚天婦羅餅，外皮炸得香口，魷魚好彈牙，煙韌。海老係主打，夠大隻，爽口。啖啖肉，不錯呢。天丼有齊晒小柱魷魚天婦羅餅、海老、菇菌、溫泉蛋、海苔、莢碗豆一上到枱就係我想要嘅天婦羅山搭係飯上面！每一樣炸物都炸得火喉剛好，不油膩。我發現將半熟嘅炸天婦羅蛋溝係白飯上面食，非常香口，蛋漿包住甜甜嘅飯粒，一試難忘。今餐真係滿足嘅一餐！…さらに見る

天氣咁凍，當然要去打邊爐啦。每次打邊爐我都會諗起呢間一鍋堂，因為佢真係超級多食材，選擇超多超豐富。今晚我哋揀咗最多選擇嘅c餐，可以食晒豬牛羊，仲有安格斯牛小排同埋日本產黑牛和牛、手切牛脊背！牛肉肥瘦均勻好，色澤好靚。可能因為坐滿場，係咁出貨，所以每一碟到嘅牛肉都非常新鮮。另外一樣我覺得好好食嘅，就係墨魚滑同蝦滑，非常彈牙爽口，忍唔住食咗兩三碟。而且食得出都非常新鮮。順帶一提，我覺得佢地嘅小食整得唔錯，特別炸雞翼真係好香口！連泡菜都有好多款式，花多眼亂呀揀值！打邊爐嘅連鎖嚟講，我覺得一鍋堂真係性價比高…さらに見る

粉嶺呢間新開嘅西樹泡芙真係長期都好多人排隊，我今日都想湊下熱鬧，買咗三款嚟食下。白桃卡士白桃好新鮮，有三大舊，算係比得好慷慨！爽口鮮甜，同埋吉士一齊食。吉士打得好滑，軟棉棉好香濃。泡芙皮有小小微脆，唔會太硬，食到鬆軟嘅蛋香味。榛子Tiramisu賣相十分吸引，仲有一支小餅乾係旁邊，口感都幾豐富，又有吉士味道，又有脆口的餅乾條配搭。榛子味道濃厚，配埋tiramisu，甜度剛好，恰度好處。特濃朱古力布甸一見到佢深啡的朱古力布甸已經深深吸引住我，上面吱咗勁濃香嘅朱古力醬，連泡芙都係朱古力味道，對於朱古力fans嚟講真係抵擋唔到。講返布甸，好滑好香，唔會帶苦，一口布甸一口朱古力醬嘅配搭，成個人都被朱古力味道濃罩住，一大享受！…さらに見る