cwlcwl22的个人专页

今次係朋友介紹黎呢間酒吧happy hour的酒吧既氣氛幾好得黎又唔會嘈到傾唔到計 佢個cocktail menu好特別呀 係用cd封套作為參考😲 啲cocktail既名就係唔同年代金曲既歌名 呢個係帝女花 bartender 介紹呢款好多客人點 有紹興酒 vodka 等等既酒 飲落幾清新👍🏻👍🏻最特別係佢個擺盤 啱哂打卡 小心地滑～ 呢杯就甜甜地 幾易入口👍🏻👍🏻仲有live music 而家係香港好似越黎越少有 一路聽歌一路飲野好正👍🏻👍🏻Parma ham同cheese拼盤 一啲都唔馬虎 送酒一流 黑松露薯條- 份量夠大 即叫即炸好新鮮送酒必點 係到同朋友過咗好好氣氛既一晚 cocktail 食物同環境都中等以上🤩🤩🤩…查看更多

唔係咁想食粉麵飯 搵一搵發現中上環有間小店專做panini~ 一於拜訪下 餐廳個位置有少少隱蔽 見地址寫住喺地下但原來佢係要上幾級樓梯先到既～ Menu上主要都係Panini 仲有幾款湯可以選擇！ 餐廳都幾特別 面積唔係好大 係open kitchen黎 一入到去有個凍肉櫃 同老闆落完單 佢就會即時係個櫃到攞舊肉出黎切😲😲😲 等待既途中見到有盤未焗既麵包 問下先知原來呢間小店連啲麵包都係自己做既😲😲 好似所有野都好新鮮咁👍🏻👍🏻👍🏻 叫咗個parma ham既 啲ham既份量係多到成座山咁🤣🤣 幾鍾意呢款ham既口感 配埋個包食唔會太咸～ 啲芝士都好多 可惜拎走食啲芝士有啲凍咗硬咗 下次有機會堂食應該會更好味～ 成個飲品櫃好似好多種飲品都未見過咁滯 老闆好細心介紹下 原來啲汽水都係意大利野黎 意大利既可樂感覺上無香港飲開個啲咁甜 幾好飲 個樽又靚🤣🤣 甜品有tiramisu都係佢地舖頭自己整既 Texture好creamy 啲咖啡味剛剛好～ 👍🏻👍🏻👍🏻👍🏻 食物上各樣野都令人相當滿意 值得一提既係感覺到小店既老闆對餐廳食物既要求～ 好細緻既位都有留意到 亦都好細心咁介紹menu上既各款食物👍🏻 下次經過絕對會再黎食既！😋😋😋…查看更多

冬天同朋友聚會首選一定係打邊爐嫁喇 今次朋友簡呢間餐廳就貪佢位置夠方便～ 揀咗個美牛三重奏套餐 原來佢連燒肉都有嘅～ 呢度係一人一鍋 比較衛生自己鍾意食咩就落咩我就揀咗個雞白湯底 湯底本身已經有幾舊雞件～ 自助區有啲炸物可以攞 質素都唔錯 唔會話一早擺到淋晒～ 蔬菜丸類呢啲打邊爐必備嘅就一定有 款式都有十幾款 職員refill速度都好夠快 最令人期待就梗係啲肉嫁喇 同朋友都好滿意啲質素嘅分量方面就唔會淨係比得個一兩片啦 亦都唔會話得第一碟係靚既 質素食足全晚都keep到 Overall牛味都幾濃 又唔會得個肥字 試過好幾間任食邊爐黎講呢個水準都中上～ 飲品都應有盡有既～ 最後仲有細細個甜品櫃 雖然唔係話真係超多款式 有cheesecake 朱古力凍餅 puff等等 不過由於實在食得太多肉都唔係好食得落甜品就無逐款試齊喇 試咗泡芙係幾好食既😋😋😋😋整體來講我覺得呢間餐廳嘅肉類水平係最高嘅 其他火鍋配料都唔錯 ～～～～…查看更多

比餐廳比較新派既中菜吸引咗入黎 內部既裝修都幾特別👍🏻餐牌各種食物應有盡有～ 叫咗個雞排撈麵 麵質比較淋身 但啲肉碎幾香口 雞排口感都好好 撈埋一齊食又幾好😆菠菜牛油花甲 呢個菜比較清淡一啲 花甲都幾新鮮 清甜 無咩沙～ 冬瓜響螺湯 冬天飲呢個都幾滋潤 用個燉盅上 仲係熱辣辣既 味道好清甜 無啲味精味 幾真材實料👍🏻咕嚕雞係平時咕嚕肉既雞球版本 酸度甜度剛好 覺得比平時既咕嚕肉更出色 因為雞球肉質比較滑 推介呢個菜式👍🏻呢個蟹粉蝦仁就比較普通 無咩特別 蝦仁份量都算好多 黑松露小籠包 呢個小籠包真係幾濃黑松露味既 鍾意黑松露既朋友都可以試一試 不過皮就偏厚一啲 個人就比較鍾意薄皮啲既小籠包 整體黎講 四季芬芳既食物都中上水平 價錢都合理 值得一食～!…查看更多

同朋友簡咗呢間餐廳食晚飯 因為覺得又有啲artsy既感覺 啲野食又幾吸引👍🏻👍🏻一行入店內已經有好多藝術品！ Menu上既選擇都幾多元化～ 我地叫咗個龍蝦既套餐 同埋散叫咗啲小食 套餐跟個南瓜湯 好甜 好香濃 呢個係糯米釀雞翼，大大隻好多肉汁 😋😋全晚既亮點係呢隻龍蝦 完全係比想像中高質！ 啲龍蝦肉係啱啱好熟 完全唔老啦 好香鮮味，絕對值得叫仲叫個pizza share, 啲火腿好味唔會過咸 個餅底厚薄適中 唔會好乾身/油淋淋 唔錯唔錯 最後就加錢轉咗個甜品 呢個Tiramisu酒味剛剛好 唔會過濃 啲mascarpone cheese好香滑 都十分滿意😄😄😄…查看更多

平時真係比較少黎青衣呢頭 都唔係好知有咩好食 咁啱見到呢間餐廳就入去試下 餐廳內部環境都幾好 坐得舒服的 餐廳最主打係雞既料理 不過其實都有好多其他既菜式 叫咗個炸雞 啲醬混咗啲青瓜 食落幾清新炸雞大大舊 仲好有肉汁 唔會炸到好乾👍🏻 呢個丼飯有鰈魚同海膽 海膽出奇地新鮮～～ 鰈魚邊都幾重油甘香牛油帶子 ～ 牛油味就唔算好出 但帶子口感都不錯😋 仲叫咗啲串燒 分別有鵝肝 雞軟骨 同埋免治雞肉棒 朋友係大推鵝肝 好多汁 入口即溶🤤🤤🤤 餐廳整體食物水平中上 係一餐令人滿意既晚飯😁…查看更多

呢間餐廳係觀塘碼頭附近既商廈入面 空間感十足小食叫咗個Buffalo Wings 一份有5隻都大大隻嫁 個外皮幾脆口 個buffalo醬唔算好辣唔太食得辣既朋友都可以試下 蕃茄醬雞肉長通粉 呢個份量都幾足 雞肉有兩三大舊嫁都 個汁調味得好好👍🏻👍🏻👍🏻 Carbonara~ 同朋友一致覺得全晚最出色係呢個 啲煙肉同火腿勁香 啲汁都好濃厚 係個種比較正宗唔係落好多cream既carbonara!! 啲意粉口感都好好 絕對推介呢個意粉！！😋😋 火龍果smoothie~ 濃濃既火龍果味又唔會好滯～ 呢個係龍眼蜂蜜氣酒 飲落似係甜甜地既啤酒 都幾得意 應該係本地釀造既🤩🤩🤩 推介👍🏻👍🏻👍🏻 …查看更多

朋友就黎移民 臨別就想搵間decent啲既餐廳餐廳門面好cyber 打卡都啱🤩叫咗呢款套餐～有幾款刺身 帶子同甜蝦都相當唔錯 好新鮮 同埋鮮甜 生蠔🦪 果然鋪頭叫蠔埕 呢隻生蠔我好滿意呀 夠肥美又好有海水味🌊🌊仲有幾款串燒 分別有燒蠔啦 牛油粟米 雞肉 雞腎同豬腸 串燒都好高水準 個人覺得牛油粟米好正！ 好甜 加埋啲牛油味燒到好香🤤🤤 雞腎都值得一讚 燒得剛剛好 唔會咬唔到 剛剛好熟既燒帶子🤤🤤見天氣開始涼 同朋友share咗個豚肉鍋暖下 啲豬肉片一睇都覺得唔差 最怕有啲成大舊都係脂肪🤧🤧🤧 呢個肥瘦剛好 個鍋仲配啲蔬菜 有金菇 冬菇 白菜仔 份量都唔少既～ 全晚以呢個日本蜜瓜作結👍🏻👍🏻👍🏻 蠔埕呢到環境幾好 食物水準都幾穩定應該會再黎食的😺😺…查看更多

天氣開始轉涼 即刻想打個邊爐 朋友就推介我地黎呢間~ 本身都無諗住食到A4和牛咁高級 但原來而家有優惠 叫個M5和牛餐加$20就可以upgrade做A4和牛🤤🤤🤤自助吧既食物款式應有盡有～ 食材都幾新鮮 店員refill得好快👍🏻👍🏻一坐低就已經送左個靚靚牛肉拼盒比我地,😍😍 我地急不及待即刻開爐食牛牛啦🤭🤭一黎首先食左個A4和牛肩胛肉眼, 肉味好重, 同樣脂肪分佈亦都好靚, 食落個質感好好😍再黎食A4和牛五花,肉味濃郁,食落好有口感, 而且脂肪唔會太多搞到蓋過哂肉味!!🥳跟住再食A4和牛牛胸片, 牛味非常濃郁, 一入口成浸牛味衝哂入黎, 全晚最濃牛味應該係呢款!!😻然之後食埋A4和牛後腿肉, 非常有口感, 可能因為個個位肌肉較多,食落唔會話一咬就散,唔錯唔錯🤤再食個A4和牛牛展肉, 呢款肉係咁多款和牛入面最嫰滑,個人會最推薦呢款!!每人仲有一款甜品～～ 整體黎講單講牛肉係邊爐放題水平黎講算係幾高, 鍾意食牛嘅朋友一定唔可以錯過呢間!!✊…查看更多

行過德福又突然想食台灣野 見到茶木呢到環境唔錯就入去試吓 晚餐都有唔少選擇 叫咗個三杯雞 都幾香麻油同醬油味雞肉都幾嫩滑 超好送飯 不過份量就唔算好多 值得一讚佢咁樣上菜食到最尾個三杯雞都仲保持到溫度👍🏻👍🏻朋友叫咗個元貝手作麵 估唔到又幾唔錯喎👍🏻 啲麵條好有咬口 好掛汁好creamy~ 粒帶子都好好味 大大粒又嫩😆跟餐加咗個豬耳做小食 辣度唔算好勁 有啲青瓜仔幾清新~朋友就加咗個鹽酥雞 細細粒係一口size~ 新鮮炸起又唔會乾爭爭 我比10分！ 甜品時間～叫咗個抹茶吐司首先個賣相非常得呀 面頭都有唔少生果 個吐司入面係啲流心既抹茶 啲吐司點啲醬同埋雪糕黎食超級match🤤🤤🤤 裡面仲有塊麻糬 煙煙韌韌既👍🏻👍🏻完全係為呢餐畫上完美既句號~…查看更多

唔係朋友介紹都唔知長沙灣有間咁出色既鐵板燒🤩🤩🤩 估唔到味道又幾好 價錢都唔貴～ Menu上面都有好幾款套餐 感覺上叫Set好似抵啲 今次叫咗個龍蝦Set🤩🤩 餐前有個沙律～ 比目魚～呢個魚都幾有驚喜 肉質好嫩滑 又完全唔腥 啲魚皮仲煎到脆脆地 👍🏻👍🏻👍🏻👍🏻 刺身拼盤 ～ 有4款刺身 整體都幾新鮮都好味 佢都有推薦食法嘅 分別由食淡味啲嘅刺身開始食先 慢慢就食到去比較重魚油味嘅魚 所以唔會一開頭就食到好濃味 搞到之前食啲魚都食唔出咩味咁😋😋 整體上佢啲刺身都好食嘅！！首先佢厚切大大舊一入口個魚香味即刻包圍你個口 🤤🤤 加上口感豐富 其實食落口都好滿足🤩加上因為佢刺身上面有少少調味 唔會話搞到成個口味好寡 仲帶到啲魚味出黎添!個人覺得油甘魚就最出色既👍🏻👍🏻👍🏻全晚既亮點就係呢隻龍蝦啦 🦞🦞呢隻龍蝦好大隻 兩個人食都唔會兩啖就食完 師傅已經切好哂一件件 啱哂我啲懶人食🤣🤣 隻龍蝦啲肉好嫩滑 一啲都唔老 配埋啲蝦膏黎一齊炒 真係好香😍呢個龍蝦真心值得推介👍🏻D牛一入口都幾重牛味 加上因為佢薄切呢 所以完全唔會覺得咬唔開咁樣 👍🏻我覺得加埋D蔥蒜令佢整體個感覺再升一層～櫻花蝦炒飯 呢個炒飯好足料呀 仲係炒到粒粒分明 仲有勁多櫻花蝦 好香口~ 整體黎講呢間餐廳性價比都幾高 食物質素真係唔錯😋😋…查看更多

大約年幾前黎過呢到食野 個時覺得食物都ok 環境又幾舒適 於是今次又諗住返黎食 Dinner Set跟個湯 味道普普通通 小插曲: 落單既時候問個店員今日係跟咩湯 佢話係蕃茄湯 聽到後面個枱既客人都係叫湯 黎到既時候個店員完全無同我地講話餐湯變咗粟米湯 而淨係同後面個客人講 我同朋友都完全唔能夠接受個位外籍店員既服務👎🏻👎🏻👎🏻👎🏻👎🏻😡 白酒煮青口 - 呢個真係十分令人失望 啲青口細隻到不得了 仲要係幾乎每隻都咁細粒 啲青口又腥又鞋 😵‍💫😵‍💫😵‍💫講真真係好肚餓都食唔落👎🏻👎🏻👎🏻唯一好彩係啲薯條都正正常常 整體來講真係唔會再嚟呢到食了 🤢🤢🤢…查看更多

同朋友黎到蕃茄專門店 但今日偏偏唔想食蕃茄🤣🤣🤣🤣🤣 見佢有啲撈麵簡 好似都幾吸引🤔 店內環境真係好逼好逼⋯ 枱與枱之間距離係超級近 張枱亦都好細 坐真係唔多舒服 😕😕😕😕同埋 店內油煙味都幾重叫咗個雞排撈麵 個醬只係微微辣 都唔算好麻 味道整體唔差 蔥蒜等等既配料加埋都幾香口 雞排方面做得幾出色 個皮煎到好脆 肉都好嫩滑～～～ 估唔到佢啲撈麵都幾出色 唯一美中不足真係餐廳環境比較窄下次有機會會黎試試蕃茄湯既麵😋😋…查看更多

經過登龍街見到呢間餐廳都幾多選擇 於是試一試佢 🤔🤔🤔叫咗個藥膳豬扒湯麵 (手擀麵) 個湯麵係用砂鍋上 應該係鋪頭一大特色？個湯黎到既時候係真係好夠熱 好滾 🍜到差唔多食完既時候麵仲好keep到個溫度 冬天黎食應該幾正 暖粒粒個湯底都幾香藥材味既~ 好在佢又未去到勁濃，算係幾恰到好處👍🏻👍🏻啲麵條就無想像中咁有口感 有少少失望😣 不過值得一提既係麵質真心幾滑 豬扒方面就真係麻麻 唔建議叫 炸到好乾好柴 👎🏻👎🏻…查看更多

黃大仙呢頭真係比較少日式餐廳呢間和氣食堂都算係個唔錯既選擇👍🏻 餐牌都有好大本 好多選擇🤩 牛油果沙律 - 份量好大 3 4個朋友share都無問題 沙律菜都幾新鮮～ 大蜆味噌湯 - 幾有驚喜 啲蜆幾肥美，無沙 個湯都唔會太咸💁🏻‍♀️💁🏻‍♀️ 海膽三色丼 - 價錢黎講真係算幾抵食，最出色係啲帶子 好鮮甜👍🏻👍🏻👍🏻 芝士軟殼蟹卷 - 面頭啲蟹子份量超多 啲軟殼蟹都幾香 配埋啲醬食好滿足🤩🤩燒茄子 - 呢個一上碟既時候真係好香 因為面頭有超級多蒜蓉 係惹味之選～～ 最後叫咗個甜品作結 啲麻糬粒粒好彈牙🤓🤓而雪糕本身都幾滑 幾香奶味 都值得一試 整體黎講呢間餐廳食物都幾有水準 價錢都唔貴 唔錯唔錯😋😋😋😋…查看更多