cat_cat_cat的个人专页

睇食評好多人都推介漢堡意粉，我就想試下和風關東煮定食，配飲品。整份餐食落都幾飽，有素三文魚，一碗關東煮，一碗撈麵。撈麵都好大碗，不過就無咩味道，配左啲粟米粒咁，關東煮都大大碗，感覺好似撈麵抽起左啲餸另外上咁🤪關東煮麵好好食的，份量都好充足。素三文魚片就正常發揮，整體性價比高的。下次都會想食下其他菜式。…查看更多

星期五去到人潮頗多，只有坐戶外座位，樓面只有3位，又要落單，收錢，執檯，上菜，埋單......我都明咁嘅陣勢，上菜會遲啲，不過無諗過，由落單後30分鐘我都未見到任何一樣野食，前前後後嘅檯都有個別一兩樣野食上左。要催單之後5分鐘就有野食，啲野食已經唔熱，應該係放左係廚房無人上菜。睇到樓面都已經盡力，唔怪佢地。Seaside Brunch好令人失望，沙律完全無汁調味；隻糖心蛋，完全無味道的，連少少蛋味都無；乳酪係溝水咁，好稀，一樣係無味，唔甜唔酸；最後個窩夫有夾左煙肉個類嘅餡，所以係鹹食來的，但食完有啲喉嚨乾。有點要讚嘅係個窩夫只係暖暖地，但表面都係脆脆的，都易切開。但整體呢個brunch性價比唔高。…查看更多

行過見無咩人坐，諗住入去速食下。就點碗招牌車仔麵，連飲品$55。大大碗，餸都幾多。雖然無得自己揀餸揀麵，但係都幾豐富，有豬血豬皮魚旦豬大腸蘿蔔，配油麵，沙嗲汁。呢個價錢有咁多樣餸都幾抵食，仲有配飲品。現場都見係即煮，唔會滾到爛晒個啲。如人多就可能要等得耐啲。…查看更多

Chill 嘅cafe之選，本身我地兩人坐晒去梳化，到之後滿座，都唔會逼你搭檯，又唔會成日望住你想你快啲俾錢走人。食物同咖啡都係有啲失望。咖啡偏酸，應該係沖嘅溫度唔好（？）如果係咖啡豆嘅問題，可以提示番啲客。我唔期望飲杯焦糖latte係偏酸。食物就試左煙三文魚忌廉扭紋通粉配荷蘭鬆餅。忌廉通粉都好的，吃完有啲肥膩，都已經好飽。荷蘭鬆餅係啲好偏嘅牛角酥質感，都頗鬆化的，但成塊都無味。通粉同荷蘭鬆餅唔多夾，本身忌廉通粉好肥膩，配上個鬆餅，就油上加油。…查看更多

行過見到，見到推介Oreo芝士奶蓋就買黎試下。都不錯，芝士奶蓋分量足夠，啖啖都可以飲到奶蓋同Oreo，飲完覺得好飽。但是一定減糖，因為茶底都偏甜。奶茶味唔算出，可能芝士味已蓋過奶茶。但都值得推介…查看更多

下午茶時段，有甜品心太軟，餐廳內無咩客，但要等足20分鐘，太肚餓個陣就唔好揀。心太軟味道不錯，有濃厚嘅朱古力味，偏甜，且朱古力醬流出來，做到心太軟效果，配雲呢嗱雪糕。只係唔知點解會配一大堆忌廉，已揀少忌廉，都仍然好多，本以為忌廉要特別配呢個心太軟，但食落無特別同肥脷感，唔夾心太軟同雪糕，最後都放棄左啲忌廉。玫瑰朱古力不錯。但要另加$14，略貴。…查看更多