Victoria C的个人专页

小店既裝潢以淺色柔和色調為主，佈置簡單，頓時覺得可以好好享受brunch 既時間。見到餐牌，二話不說就揀左Avocado Toast，果然整塊麵包塗上一層厚厚既牛油果醬，醬中混合了微辣既調味料，加上有半個切片既牛油果及水波蛋，味道豐富而不膩，係健康之選。另點了Beetroot Risotto，坊間多數用黑松露及芝士烹調，較少見到用紅菜頭汁煮成的意大利飯，因此覺得值得一嚐，果然味道超出預期，每一啖有淡淡既紅菜頭味，沒有飲紅菜汁所彌漫著既草青味/獨特既味，加上少計雞肉，整個感覺剛剛好。飲品方面，我們除點了Flat White, 更點了首次係餐牌見到既Hojicha Latte，兩杯飲品來到的時候先有視覺驚喜。拉花的圖案不是常見的心心或花，而是天鵝圖案，然後呷一口焙茶拿鐵，就出現第二輪的驚喜，焙茶味道香濃，充斥住淡淡碳烤香味。…查看更多

每次光顧呢家店，signature kikusan 卷永遠都係首選，細細既飯卷上舖滿吞拿魚、三文魚籽、海膽等等既材料，新鮮足料，不用沾任何醬汁，經已品嚐到各種配料既真味道！跟外面既餐廳不一樣，小籠包既餡料有豬肉或雞肉既選擇。最後揀左豬肉小籠包，皮薄湯味濃郁，配上少許薑絲及黑醋就剛剛好。另外，再order 左清酒雞同串燒，每一口雞肉都充斥住清酒既味道，未有係烹調既過程中完全揮發，連唔食雞皮既我都忍唔住口食左幾塊；最有特色既串燒係燒飯團，出面既串燒店都不一定有呢個選擇，表面個層既飯有微微飯焦，香脆可口。甜品係重要既一環，點了花生黑芝麻驢打滾，粒粒花生芝麻、配上甜甜既椰絲，及香脆既卷皮，係最佳既搭配。…查看更多

難得疫情開始緩和，隨即約朋友聚一聚。繼續搜羅工廈中既特色餐廳，幸好有預先訂座，約7:15去到已經有5-6組客人等緊枱。餐牌內提供既食物選擇唔多，但正正適合有選擇困難症既我。撇眼下見到有牛油果，就二話不說點了慢煮三文魚牛油果🥑丼。幾樣配菜看似簡單平凡，但配上新鮮火龍果、酸酸甜甜既車厘茄、達到水準既温泉蛋、脆口既紫菜，及秘製既醬汁，呢個組合的確係剛剛好，味道頓時昇華了，就算多吃幾件三文魚粒都唔覺得膩。絕對係係健康、開胃既丼飯！…查看更多

每次經過餐廳門口，都被佢嘅粉紅色裝飾而吸引。今次朋友提議試一試，即刻舉手贊成。睇完餐牌之後，發覺好多特別既野食值得嘗試，刺激一下味蕾。第一道當然唔少得signature 牛肉麵，湯底味道濃郁，配上脆炸蟲草花同油炸鬼，係不同配料嘅配搭下，每一啖嘅味道總有驚喜。食台灣野總要有鹽酥雞，落單時隨意叫左紫菜味，黎到之後發現碟上有兩種醬汁，好似有一次過滿足兩個願望嘅感覺。最後點都要試下最出名嘅蛋餅，選擇左紫薯蛋餅，原本純粹覺得配搭新奇先品嚐，呷左一啖就愛上了，兩樣食材放埋一齊出奇地配合，有咬口之餘，仲散發著微甜嘅紫薯甜味。…查看更多

整個場地於情人節當晚有悉心的佈置，餐廳外有貼滿心心的佈境板讓情侶們影相留念，場內四周擺滿粉紅色的汽球，餐廳特意用不同角度將餐桌及椅子擺放著，儘量提升每一對客人可享有的私隱度。由於我跟另一半對食物的口味類近，我倆很快從餐牌上揀選兩個主菜，分別為龍蝦汁扁意粉及威靈頓牛。最先上場的是南瓜湯及前菜煙三文魚配魚子醬。濃濃的南瓜湯配上少許忌廉，入口更為香滑可。前菜及湯內都有心心的圖案，頗為驚喜，可見設計菜式的人都儘量將此元素放於食物內，符合當晚的主題。前菜後侍應端上氣酒，呷一口後似乎嚐到少許玫瑰的味道，或太少喝氣酒的關係，總覺得叶火道怪怪的，所以選擇放在枱上作為拍照道具而已。意粉內的龍蝦汁味道濃郁，龍蝦的肉質不錯，烹調時間剛好。威靈頓牛需時烹調及涉及多個步驟，上枱後外邊的酥皮依然鬆化，內裡的牛仍能保持約7成熟，絕對不錯。雖然當晚full house，呈上枱的主菜依然熱騰騰，讓食客能夠於最佳的温度下品嚐食物。…查看更多

較難於北角區找到有All Day Breakfast 或者食Brunch 的地方，難得於Openrice 見到 Little Town，就二話不說選擇Little Town 歎個早餐。餐廳以火車作為設計主題，收銀處的布局以售票處形式設計，天花吊燈配以火車的車輪，可見花了心思在裝潢方面。由於當日的行程有點倉咄，我倆點了Egg Benedict及火腿奄列餐，飲品為熱即磨咖啡及熱朱古力。Egg Benedict 上的汁所調製出來的味道及蛋的生熟程度剛好，唯火腿奄列有點油。其餘的配菜還可以，但多士上碟時已有點放涼。我的飲品有香濃的朱古力味道，上枱時還有心心的拉花圖案，可惜略嫌飲品不夠熱。…查看更多

突然想食中式同好住家既晚餐，好體貼既另一半就提議去觀塘工廈既「新蒸武門」。由於我哋臨時決定，沒有預早訂枱，決定直接上門碰碰運氣。甫踏入門口，只見幾張大枱已坐滿食客，幸好近門口位置有張未有人「佔領」既二人枱，建議預早訂枱會比較安全。打開餐牌及環顧四周枱上的餸菜，終於明白為何大多是6-10人為一組來光顧。我們倆唯有點最想吃、最想試的幾道菜-是日響螺燉湯、土魷蓮藕煎肉餅同籠仔斑頭腩（加炒底）。點菜中途已有侍應送上足料八寶茶，端上傳統黃色茶杯時，更感餐廳負責人對於用具都別有心思。燉湯內既肉、響螺、淮山、杞子等材料清晰可見，呷一口已感受到其鮮甜味，難怪它的湯品頗受歡迎。喜愛煎肉餅既我本來較喜愛以飯一起混合品嚐，皆因肉餅較為油膩，但「新蒸武門」既肉餅既可口，同時可讓人嘴嚼到魷魚粒、蓮藕粒，整個感覺絕不非常油膩，沒有白飯既時候更能嚐到此道菜的真正味道。試完湯及一道菜後，我們開始試試已焗了約半小時的八寶茶，味道清新，飲後令剛才有些膩的感覺完全清空，令人再有清新既口腔嚐嚐最後一道菜。配有炒底既飯滲透著荷葉的香氣及斑腩的少許油脂，頗為香口。另斑頭腩每片的厚薄均勻。對於兩個人來說份量剛好。…查看更多

甫踏入餐廳，最吸晴的莫過於調酒位置的設計，調酒位置置身於魔鬼的口中，嘴巴的上下均有著類似疆屍般的尖牙🦷。餐廳有露天位置讓食客欣賞城市中的夜景，同時內設飛標機供大家玩樂一番。體貼既另一半早以訂枱及聖誕大餐，最先上場為Cocktail drink，肉桂味頗濃，喜愛肉桂的我純粹覺得味道偏酸，相信亦不是較為大眾的口味。前菜為法式田螺薯蓉、香煎鵝肝配麵包及吞拿魚柳，略嫌田螺薯蓉份量過少，都未能確切品嚐到其味道；香煎鵝肝不錯，味道跟醬汁搭配，配上麵包減低其油膩的感覺。主菜則是黑毛豬配波士頓龍蝦及三文魚扒配春雞，龍蝦🦞大小適中，有不少龍蝦膏，肉質嫩滑，黑毛豬的味道比雞肉出色，三文魚扒上的油略多，但保留到其鮮甜的味道。甜品添有以朱古力調製的聖誕裝飾的自家朱古力蛋糕及雲呢拿雪糕，雪糕上頂有聖誕老公的帽子，有趣且值得留影。蛋糕鬆軟，但忌廉的份量可減少。…查看更多

適逢同事於聖誕節前生日，我們特意揀選一個既具節日氣氛，味道及造型比較特別的蛋糕。Caramel goes nut 最終得到最高票數，去提取蛋糕時已經不禁「嘩」一聲，利用透明高身的的盒子裝著附有不少聖誕裝飾的蛋糕。鋪於蛋糕上面的焦糖與小鹿的裝飾頗為合襯。將蛋糕分予同事時，起初以為上面的球狀物是糯米糍，品嚐後才發現是以椰絲舖砌於外面的cake ball，果然夠驚喜！海綿蛋糕內配有香脆可口的果仁，配以特別調製的焦糖，有著微甜而不膩的焦糖味道。整個蛋糕既好看，又美味。想encore 之際，已被同事們鯨吞了。…查看更多

「慢煮工業」，不禁令我聯想到是否所有食物都以慢煮作為賣點。一甫進餐廳，已被其工業風的裝潢所吸引，未有理會餐牌上所提供的選擇。另一半好快就提議羊膝，於是我們點了一客羊膝、焗蠔、羽衣甘藍蟹肉沙律同奶油焗薯。沙律菜新鮮、蟹肉份量尚算適中；三隻焗蠔上既芝士份量及調味剛好，加上厚厚既蠔肉，更感滿足；起初以為焗薯係平時慣常所見既potato pocket，實際為將一片片既薯仔堆砌而成，頗有口感；羊膝雖然被放涼了一點點才被品嚐，味道跟肉質不錯，但略嫌羊味不夠濃厚，沾上少許薄荷醬已搶了羊肉本身的味道。對男仔來說，份量相對較少，於是我們後加豬鞍及配料牛油果、煙肉焗薯及甜品煮梨配士多啤梨雪糕。豬鞍煮得頗為出色，入味且肉質不錯；焗薯上加添少許蜜糖已將味道提升不少，油膩感相對被降低。…查看更多

食完晚飯之後，想飲番杯野消消滯，於是走到昔杯，幸好趕得及於關門之前落單。由於可選擇及自由配搭的飲品多樣化，我哋就揀選兩款截然不同的飲料，分別係四季春黑糖鮮奶及青霧桂花。本身對茶既類別沒有太多認識，純粹憑著感覺及名稱就作呢兩款既選擇。一開始兩杯都呷了一口，均嚐到淡淡既茶味，清新且淡而不濃，黑糖鮮奶的味道頗為突出，調配時有條不紊於樽身內籠塗上黑糖，因此搖混後已令黑糖味滲入每一口的飲料中。另桂花味清新香濃，味道特別，適合喜愛有桂花味飲料的人士。…查看更多

雖然晚餐既餐牌上沒有很多的選擇，但每一款食物對我來說都很吸引，令我既選擇困難症迅速浮現出來。點餐後，侍應端上暖暖既麵包，外脆內軟足以形容整個感覺，沾上少許橄欖油及醋已經很美味。然後，到龍蝦湯出場，龍蝦味香濃且突出，絕不欺場。上主菜前，我們品嚐用忌廉汁烹調的青口，這個配搭永遠是最配合的，青口再烹調過程中已充份沾上忌廉汁，每一口都十分滋味。主角上場時，不禁要讚嘆主菜及配菜的外表，酥皮牛柳之酥皮色澤剛好，以金黃的外皮包裹著約7成熟的牛柳，另配菜之薯仔搭由一片片的薯仔堆砌而成。酥皮未有被牛柳的醬汁而變軟身，與牛柳一併品嚐時仍能感受到各自的味道，同時感受到兩者結合時所產生的口感及味道。…查看更多

前往會展展覽前，我想黎個輕食既下午茶，於是只點了個餃子四盛合，內有海老、蘑菇、九條蔥及椰菜豚肉餃子各兩隻，一次過品嚐4種味道。由於一午茶時段仍多人光顧，廚師主動地詢問我想點的食物。上碟時，餃子旁已載有一小碟伴餃子之鹽，似乎已暗示了不必加上其他調味料經已足夠。為它拍照時，已發現每粒餃子均皮薄通透，餡料滿滿。於是，我由海老那邊開始品嚐，熱辣辣既餃子沾上少少白鹽，味道剛好，值得推介。可惜當天時間有限，下次光顧時定必試試其他創意食品。…查看更多

心血來潮想食碗傳統糖水，見到聰嫂糖水就衝過去拎飛等位。等位期間都已經拿定主意想吃熱辣辣的糖水。我們倆就點了芝麻杏仁茶及黑芝麻湯圓糖水。芝麻杏仁茶上枱時，我忍唔住講左句「白中幾點黑」，因為完全察覺不到有芝麻糊既的存在，於是用匙撈一撈，即見有1/3碗為芝麻糊，可惜拌混後仍只感受到杏仁茶的味道，沒有芝麻糊的味道。接著我試試男友的薑汁湯圓糖水，薑汁味濃，甚至達到頗辣的境界，最後我連湯圓也沒有品嚐。整體來說，以這樣的質素來衡量下，價錢頗貴。…查看更多

由於某店舖經已滿座，誤打誤撞下就光顧此小店。開始番開餐牌時，侍應就山上前介紹是日的「特別推介」，包括有馬糞海膽、池魚刺身，還提到某些食物可以刺身或天婦羅形式烹調。未拿定主意下，我和男友先細閱餐牌，最後就點了池魚刺身、壽司拼盤及串燒拼盤，曾著「Happy Friday」更叫了清酒。池魚池身頗為新鮮，伴著少許的辛辣明太子及蔥更提升魚的鮮味，果然是令人驚喜的推介。到壽司🍣拼盤上場時，急不及待為它拍照，每件壽司上面都有厚厚且光澤十足的刺身，沾上少許的芥茉及鼓油更為美味。接著，我們再加點蠔、羊架及麻醬烏冬，輕輕煎過的蠔加上秘製醬汁簡直是絕配，同時保留了蠔的鮮味及鎖著原本的汁。烏冬十分彈牙，配上簡單的蟹子及麻醬經以非常足夠！…查看更多