KennyYip9948的个人专页

太感動呀。路過西環，竟然搵到一間大陸嘅烤魚連鎖店！呢度越來越多大陸嘢食，鹹魚白菜各有所好！嗌咗個$298特價嘅蒜香烤魚，超多肉，超好味！性價比超高。再嗌多一個牛蛙，肉質鮮嫩，啖啖肉！非常之香口，惹味！值得一提嘅係，呢度可以免費，任食四川冰粉。我啲小朋友最鍾意。 除此之外，呢度亦都好多嘢飲嘅選擇。 我最愛藍妹。 其他飲品雖然唔平$38-48，但係質素真係唔差，值得推介。整體而言，兩個餸，四個人食，四個嘢飲。夾埋先係$600左右。感覺非常滿足，完全值得推介！…查看更多

食lunch路過，入去試一試。突然之間想食個切角魚生飯。$238。自己QR code落單。落咗個淨食，店員非常之好。同一個價錢，幫我轉返佢做一個定食。即係有埋麵豉湯同沙律前菜。😃😄👍🏻嗰碗飯嚟到，真係好大碗！多飯，多餸，超多魚生！講真，真係覺得抵食，而且質素唔差，價錢合理。值得推介。講真，如果離開呢一頭，特登嚟食呢一間都值得。因為可以給返個泊車！🤣😅😄👍🏻中午食飯時間又唔使等位。不過想提一提。個friend嗌咗個叉燒拉麵，感覺唔係好得。所以不值得推介。 個叉燒，係真係叉燒。 有少少似係中式嗰一種。😂🤣🤣 佢真係糾正咗我多年對日式叉燒嘅想法。 個面同湯底，質素好似同味千差唔多。 …查看更多

搜索豬肚雞，估唔到唔係咁多地方跑出嚟。相信打邊爐嘅地方，好多都應該有。但係真係主打豬肚雞嘅，似乎唔係好多。 所以今次係經過搜索，特登過嚟一試。湯底算唔錯，味道鮮甜。特別係條竹笙，真係好大條。豬肚份量亦算唔係太少。不過其實打邊爐，都唔會真係有人諗住嗌咗個鍋底淨食就搞掂。呢度有其他手切牛。當然亦有大中小份量去選擇，不過點樣睇，份量都確實唔係想像中咁多。特別，呢個手切牛嘅薄，應該唔係普通人真係可以切到咁薄。相信師傅功架應該係要相對了得，先真係可以切到咁薄。 😝所以總括而言，覺得性價比不高。可能由於地理位置關係，相信應該都係應酬遊客居多。😉…查看更多

睇其他人嘅食評都狂贊呢度。上一次泊車泊喺門口，俾人抄咗牌，所以食咗一餐極貴嘅雲吞麵。被嚇怕咗一段日子。今日路經此地，竟然喺大南街有錶位，泊低架車之後，兜咗一個圈，最後尾都係揀返十大碗。 😋😋😋嗌返碗蝦子雲吞麵。非常之鮮味。特別粒雲吞，裏面嘅蝦簡直係咬落去，爽脆，有肉汁，新鮮！ 個大地魚湯，好似其他食評一樣，味道做到啱啱好，鮮甜。叫咗個炸兩，玻璃一樣嘅粉皮！嘩，超正！入邊條油炸鬼，正落超脆！加埋個甜豉油，食過之後包保冇得返轉頭！😋😋😋最後一提，一定要識喺枱上面放嗰一甖免費嘅酸蘿蔔。個蘿蔔超新鮮，隻甜酸蘿蔔，調教到味道啱啱好！唔會太酸，又唔會太甜，仲要係免費任食！超想開口問阿姐，買一甖外賣走！😘😘唯一係阿姐竟然叫我要用QR code落單，同佢講人手落，唔知佢點解佢硬係要我用QR code自己落。感覺勁煩，始終覺得，擘大把口落單最方便。😅…查看更多

講真啲嘢食都算ok，價錢算可以接受，款式都算唔少。整體嚟講算值得嚟。但係每次嚟到都覺得呢度啲管理人員態度唔好。下邊啲人都係做嘢，算唔太差。但係上面嗰啲人西口西面，又點會有一個好嘅環境俾食客享受。幾鐘意呢度海南雞嗰啲汁，隻雞都算係幾滑，個人prefer 燒雞。今次嗌咗一碗喇沙，surprisingly啲海鮮都幾新鮮！特別係啲魷魚非常新鮮，有鮮味。兩隻蝦都係好鮮味！👍🏻👍🏻見到其他人order肉骨茶同星洲炒米，好似幾正。😋😋😋…查看更多

新店開業，仍然揣摩緊呢區嘅顧客要求。不過，講真佢有求變嘅心態之餘，又真係可以不停轉換菜式。轉換嘅菜式又真係做出唔錯嘅質素，真係算係咁！海怡嗰啲連鎖餐廳，連嘢飲都收$80/90一位。呢啲小店，有裝修，食物質素又比大型連鎖店好。真係要支持一下。今次入到嚟舖頭，有台式藥膳，又有酸菜魚/花椒牛肉。改頭換面之後，又追得到個味道喎！食物唔太差之餘，份量都算唔少！一碗面仲跟兩個前菜。算係特色小店，由鴨脷洲大街開到西村了！希望佢捱得住啦！…查看更多

好開心。。人少少，天氣又涼少少，可以嚟圍一圍爐，食發仔記！小店老闆，家庭式經營，只做晚市。其實，如果做埋午市，起碼可以幫補成本。仲可以做多啲街外客。橫掂啲客都係喺街市買海鮮，之後行出嚟食。講真，我覺得嚟發仔記，仲好過上樓上同人迫。今次我哋冇嗌魚仔。天氣涼，反而叫個羊腩煲食！味道一流！絕對唔可以同出面街外嗰啲急凍羊腩對比。出邊食嗰啲，林啤啤，一坺嘢。呢度食嗰啲，一嚿嚿，有咬感。一鍋非常足料嘅羊腩，超正！仲要有非常新鮮嘅生菜。又叫一叫避風塘炒田雞。ok喎！唔錯，香口，田雞又新鮮！值得推介。最後，叫咗一個臘味糯米飯。個糯米飯係新鮮煮嘅，所以同出邊舖頭食嘅會唔一樣。個人建議，如果真係可以係以煲仔上，會好啲！可以有埋飯焦，咁就頂呱呱喇！順帶一提，嚟到呢度，最正嘅就係冰凍藍妹。😋😋😋老闆三哥最識飲。佢自己飲嗰杯啤酒，喺長期冰鎮。…查看更多

質素黎計，其實同嗰啲香港仔魚蛋粉，或者潮興系列，差唔多。湯底差唔多，做功差唔多，成件事差唔多。最重要嘅賣點，喺呢一度大件夾抵食。一碗牛腩粉，賣$30蚊。如果要崩沙腩，加$10。確實係抵！味道同質素，一般，不過不失。咁就梗係不能夠，同所謂嗰啲首屈一指嘅舖頭不能相提並論。路過嘅，住喺附近嘅，食一碗冇損失。 食飯時間係中午，見到旁邊好多打工仔，叫牛肺，牛磅，牛雜。齋睇賣相，值得一試！ 個人覺得，唔值得叫魚蛋類產品，好似係外面買返嚟嘅，欠缺特色。…查看更多

睇到其他食評。路過銅鑼灣，於是嚟呢度食燒鵝同叉燒。見到話呢度嘅餐單，如果要食燒鵝脾，特別要加$60。一個例牌普通叉燒，收$138。諗住享負勝銘，價錢係其次，最緊要好食。。。點知，啲嘢食嚟到，其實都幾伏。你話唔好咩，其實真係唔係。只不過唔係好值呢個價錢。燒鵝算嫩，肉汁多，唔肥膩，皮薄。但$218一個下裝，骨頭多咗啲，冇乜肉食。我會食中環一樂燒鵝髀賴，真係好食好多。叫咗一隻燒乳鴿$88。鮮炸，香口，叫做not too bad，算係high light。最唔掂係碟叉燒。入邊唔知係筋定係啲乜，un。總之叉燒就唔好食，唔值。我會prefer咬落有肉感，口感嘅叉燒。呢度啲肉林啤啤，但中間又有條筋。太子撈麵成為$39。棋哥嘅鵝油撈麵好食過佢好多。呢度，只係冇鹼水味幼麵嘅普通貨。…查看更多

暑期時間，仲要係星期六日嚟，估唔到12點嚟到，都仲要排隊！完全唔覺得有任何social distancing嘅arrangement。由於高入座率，所以我哋一行四人被安排同唔識嘅人一齊分享一張八人餐座。講真疫情期間，真係唔係幾好。同唔識嘅人一齊坐一張枱，長餐桌。咁樣搭枱法，隔離又係咁傾偈，我哋又係咁傾偈。感覺唔係太好。嘢食方面，保持水準。而且有唔同款式嘅多國菜，所以導致入場率非常之高。不過服務方面，真係唔應該咁慳。全場連埋個經理，得三個服務員，serve咁多張枱，搵人落單，難過登天。全無服務可言。你要特登出去搵人，先可以落單。…查看更多

都係果句，喺海怡半島呢一個美食沙漠，呢一間茶樓，叫做有啲特色。算係新派嘅中餐，唔會好似啲老土茶樓一樣，千篇一律。嘢食來講，第一次食就幾有新意。最大問題係，如果真係要成日嚟食。咁啲嘢食又，好似唔值得經常返單。嘢食水準，真係算唔差！價錢當然要支持返個食物質素。呢一區嘅顧客，食得起。最大問題，可能因為係商場鋪。亦唔會話特別抌錢做裝修。環境同冷氣果方面，硬係覺得好似唔係好穩定。嚟過呢一度好幾次，個冷氣都偏向好大風，凍。所以啲嘢食，就算好好鑊氣，一出嚟，唔使一陣，都真係已經吹凍晒。同埋可能啲光線真係太暗。如果出邊一啲餐廳咁暗嘅，亦都會有相關射燈，射向張枱。呢度取而代之嘅係，冷氣射住個額頭。…查看更多

老老實實，王林記嘅切腩撈粗一定好食過隔離安利。啲切腩脂肪比例恰到好處，如果有牛肉嘅鮮味，而且仲有肉汁。撈粗好過隔離多多聲。隔離煮到一坺嘢咁，根本就夾佢唔起。王林記嘅撈粗，可以一條一條咁樣夾起。加入左麻油，啲撈麵仲好香口添！完全係極品。不過，其他嘢食就唔係好得。啲魚片頭，唔香，唔彈牙。唔會想再返單。同一時間叫咗碗五香牛肉米線。亦唔係好得。五香牛肉又硬又鞋，亦都唔香口。講真一句，食罐頭五香肉丁可能仲好啲。…查看更多

忠告各位，嚟到呢度食，一定要揀任食！因為如果你散叫嘅價錢，真係唔扺！要就住咁食。嚟得呢度，就算帶埋小朋友，小朋友一個人食十塊，八塊，已經係到價。如果可以任食，仲可以吸引佢哋食多啲添！以前嚟，超鐘意食呢度個牛角飯。不過今次嚟，明顯地個質素差咗。紫菜冇乜味，啲飯都好似唔係日本米。唔會好似以前咁，食落又香，又軟。不過唔緊要，任食嘅，乜都抵晒！如果係第一次嚟，又或者唔係會員，要比$200入會。入會之後，除咗所有嘢食有會員價，仲可以即刻用$100 coupon添！所以入會抵啲。…查看更多

屹立多年，一路以來都好多人排隊。因為實在有太多人排隊。今日係星期六去，未到12點已經去到門口，唔算多人，所以可以入場一試。入去tick紙仔嘅時間，感覺良好。因為除咗有得揀麵之外，麵嘅軟硬程度，同埋需要飛走嘅嘢都有得揀。幾好！事實上，如果你只係叫一個普通$83/89嘅麵。份量嚟計，相信好多人都會覺得唔夠喉。如果第一次嚟食，建議叫個超級（即係大碗嘅）。因為如果叫一個普通碗，係得一塊肉。如果你叫嘅仲要係黑熊，連糖心蛋都冇。所以你將會係必定加單嗌其他小食嘅。其實除咗份量唔係好夠之外，所有嘢都唔差。但由於份量唔係好夠，需要再嗌嘢食，可能會令到個價錢提高，有啲人會可能覺得唔底。味道嚟計，樣樣野都非常之好！湯底超濃，超入味，一定食過返尋味！好容易成碗湯底都會飲晒。…查看更多

雖然好多人已經寫過，一眾街坊亦都知道，佢哋出名服務質素。但係我都仍然想寫多次！因為，佢哋呢度嘅黑面指數，真係佢夠膽認第二，冇人夠膽認第一！仲要係長年累月㗎！講真，上海嘢食連鎖店呢一條橋，係有市場嘅！餐牌OK，嘢食唔太差嘅話，只需要服務接得上，應該可以ok。但係呢一間分店好奇！已經好多年，樓面啲人都咁黑面。好似好想啲客唔好再回頭咁。佢唔理你都係一件事，你講一句，佢駁一句。啲態度仲衰過講粗口。好似撩交打咁！佢哋set得呢啲價錢，就唔係大家樂，大快活，或者係同一集團美心MX嘅嘢。雖然係大集團經營，但係你賣嘅價錢高一個檔次，冇要求食裝修，但都要食少少服務掛！如果唔係就好似監倉派飯咁，排隊拎嘢食算啦！啲員工明知嘅，都仲係咁樣態度。除咗想幫公司倒米之外，仲有乜想？…查看更多