Kaka_101的个人专页

呢間串燒店特別食物奇多 而且價錢唔貴之餘，佢仲要冇+1，而家嘅餐廳雖然大部份都冇服務，但係+1服務費絕對唔會少，呢間竟然人哋冇嘅嘢(service)佢有，而人哋有嘅嘢(+1) 佢冇🥲 比起平時食開嘅串燒店又多一個選擇佢嘅理由.佢特別嘅食物分別有鰻魚肝，雞腳筋，柚子胡椒淮山燒，另外淨係魷魚都有三款選擇，所有食物質素無論係調味以至火喉都做得好好，而且佢有啲創意料理嘅配搭都好夾。燒鰻魚肝燒到外脆內軟，外層焦糖化，中間軟糯，味道甘香♨️柚子胡椒配日本淮山極厚切淮山，面頭搽左燒汁，再加埋一啲都唔吝嗇嘅柚子胡椒醬，令本身清淡嘅淮山提升左去另一層次!燒雞胸軟骨平時食雞都會特登搵返呢個位黎食，燒完之後更香，同時又無雞軟骨咁油膩，送酒一絕 🍺豬肉荔枝卷用豬肉片包住一整粒荔枝，燒完之後令荔枝更甜，而且一啲都唔乾，果汁混合肉汁一齊，入口有爆汁效果👍🏼雪梨牛肉卷廚師將啲雪梨切絲，跟住再用一片牛肉包住，一啖入口，雪梨完全中和左牛肉嘅油膩感，一個人可以隊兩串🤤 💦💦…查看更多

其實除左日本之外，泰國都算係香港人嘅第二個鄉下，對上一次去泰國，食唔切紅大哥就要返香港，搞到成日掛住碟海南雞飯，終於忍唔住，約左個frd黎食水門雞頂癮！水門雞飯其實佢個雞飯可以話係同泰國一模一樣，不過無論雞嘅份量定飯嘅份量都多過泰國好多，食海南雞飯最鍾意係佢冇骨啖啖肉，佢嘅雞皮都好滑，最最最鍾意其實係佢點雞個汁 😋牛肉湯牛丸生牛肉金邊粉個湯嘅牛肉味好濃郁，牛肉嘅份量同牛丸嘅份量都超出預期，個牛丸有少少胡椒味，十分惹味，而個粉嘅質地同喺泰國食到嘅都一模一樣，煙靭有米香.泰式炒通菜泰菜必點之選，食呢個菜最怕就係食到菜框唔夠味，但係食到最尾啲菜葉勁鹹，但係佢呢度炒得啱啱好👍🏼串燒除咗雞肉同豬肉串燒之外，我哋仲另外點左串和牛串燒，本身雞肉同豬肉串燒個調味已經香口，連沙嗲都唔使點，原味都已經好好味，另外串和牛串燒嘅肉汁超多，而呢串串燒另外一個重點絕對係佢個汁! 酸酸地辣辣地，但係又唔會冚過啲肉味 🤌🏻…查看更多

平時同frd去嘆omakase 都鍾意周圍食 周圍試，但係呢間係我食過幾間omakase之後，令我覺得可以一再拜訪嘅. 講omakase有幾好味有幾精緻，大家都可能覺得係廢話，但係呢間omakase除左係食味道食present之外，師傅仲多左一份知識，其他地方嘅師傅未必係唔識，但係未必識同客人分享，師傅連一塊非食用純伴碟嘅楓葉，都有背景故事帶到俾我地，莫講話真正放入口嘅食材或菜式. 如果準備去食omakase嘅人，我本人十分推薦，所有食材都非常新鮮鮮甜，而每一道熟食亦都非常特別!前菜及甜品- 鰈魚昆布漬，岩手芝海老配上銀杏甘露栗子- 和歌山富有柿配南瓜蒸布甸兩道充滿秋天氣息嘅菜式，首尾呼應.刺身類 (上至下)- 青森平目魚刺身配酸汁，有兩個不同部位，估唔到質感係可以有咁大分別.- 水八爪魚吸盤，八爪魚腳，特別介紹山葵漬，口感爽脆，香而不辣，可以放入八爪魚吸盤一齊食.- 天島名物 縞鰺魚 油份豐富 超肥美🤤熟食類(左至右)- 富山白蝦素揚，有啲似炸白飯魚，不過多左一份酥脆，鮮味比白飯魚更濃郁，送酒一流!- 海老真丈配日本青椒，師傅話即係炸蝦丸，食落嘅感覺佢似分子料理，呢種食感非常新穎，係我食過最特別最好味嘅蝦丸😋- 白子昆布醬油燒，又係一款好特別，從來未食過嘅菜式，白子燒到非常香口，同昆布醬油混合，鮮味及醬油香完美配搭.- 季節限定香箱蟹，無論蟹膏定蟹肉都好鮮甜，而蟹籽本身係冇乜味嘅，所以師傅教需要撈埋啲蟹膏一齊食.- 筋子蘿蔔溶，係由師傅自己醃漬自己逐粒拆，所以味道唔似一般嘅三文魚子，得個咸字😋壽司類所有壽司，師傅都用佢嘅經驗，加左不同嘅配搭，不同嘅刀法，即使係wasabi，不同嘅魚都用左不同嘅份量，有啲就配紫蘇，有啲就配海鹽，有一款魚，甚至乎係輕輕灼過，為免劇透，我就唔逐一講啦，自己去試下啦🤭所有食材師傅都會詳細介紹…查看更多

約咗朋友去K11睇戲，睇戲前要搵啲嘢醫肚，落咗樓下food court，喺food Court最篤篤見到呢間台灣嘢，見好似好多人幫襯，就佢啦！醉香麻油雞麵佢個湯底嘅麻油香酒香非常地道，雞煮得好入味，雖然係咁 但係啲肉仍然好滑，而且份量仲唔少，麵佢用左幼麵，索湯一流👍🏼半筋半腩刀削麵牛筋煮得非常入味，質地Q彈，最怕有啲煮得好淋夠入味，但係一咬落去好似肥膏咁嘅口感，呢度絕對唔會，而佢刀削麵嘅質地厚薄適中，食落唔會粉累累。椒鹽甜不辣呢度嘅甜不辣係好似台灣嘅魚酥咁嘅形狀嘅，非常方便嘅一口size，炸到外脆內軟，面頭灑左椒鹽粉，就算唔點佢嘅甜酸醬都已經好好味😋…查看更多

同朋友傾開鐵板燒，兩個人同時推呢間瀧宴，話呢間鐵板燒平日有個超抵食嘅餐，的確，呢個價錢 有景 有裝潢 有服務 啲嘢仲好好食 好新鮮，食完係有想即刻約人再食嘅衝動🤤。Total 9道菜自家製胡麻豆腐佢唔似一般嘅豆腐，呢個豆腐口感煙韌滑溜，配合高湯啫喱同櫻花蝦一齊食，豆味濃郁，味道清而不淡。海鮮茶碗蒸令人滿足嘅份量，唔似平時食開只有一個茶杯咁少，面頭舖滿左蟹肉，師傅話用左古日本方法去做，所以質感比平時嘅更滑，而入邊亦充滿內涵👍🏼。燒南非鮑魚呢道菜永遠都係我鐵板燒嘅最愛😍，生熟度同調味都剛好，鮮味又彈牙，師傅切嘅厚薄度都剛好🤤。燒挪威三文魚藝術感max💥，平時食燒魚扒，最多都係燒到個面金黃酥脆已經好滿足，呢度仲要特登起左塊魚皮出黎再燒到薯片一樣咁脆，點埋佢自製嘅檸檬忌廉汁，一魚兩食😋!炒什菜平時食鐵板燒，呢道菜可以話最無驚喜，但係呢度配左個自家製嘅芝麻木魚花醬，個醬有木魚嘅香味之餘仲有少少麻辣味，令到個平平無奇嘅炒什菜去左另一個層次!厚燒/薄燒和牛香蒜蟹肉炒飯蘋果肉桂/檸檬卷蛋…查看更多

鐵板燒食過唔少，不過呢間係比較特別嘅一間，平時食鐵板燒通常都會喺你面前放定隻碟，燒好就立刻擺上果隻碟度serve，而呢度差不多每一道菜都有不同present，直情omakase一樣。活龍蝦師傅首先拆左佢嘅膏出黎，當龍蝦燒到七八成熟再切件，放返啲龍蝦膏落去輕炒多陣，龍蝦膏味道鮮甜，龍蝦肉爽口彈牙，個頭都仲有好多膏🤤南非鮑魚雖然size好大隻，但係燒到生熟剛好，配埋佢嘅昆布汁，再點少少柚子醋，非常鮮味。安格斯牛肉薄燒輕炙牛肉，再用佢包住炸香左嘅蒜片，肉汁juicy，蒜片香脆，脆嫩感💥🫧同時發生。…查看更多

約朋友食飯，見到呢間餐廳環境好似去左日本咁，諗都唔洗諗，就佢啦！自家釀製梅酒一入到舖頭就俾佢一埕二埕佈滿左成間舖咁滯嘅梅酒吸引住，本身無諗住飲酒都俾佢引到嗌左兩杯，梅香酒純，飲得出唔係用cheap cheap sake浸 🥃🥃雜錦天婦羅外層炸到好香脆，但一啲都唔油，用料好新鮮，天婦羅蝦好彈牙，唔會蝦還蝦，炸漿還炸漿咁，另外疏菜類仲有秋葵，冬菇，南瓜，番薯，茄子，每一樣都炸得好好味😋雲丹拖羅蓉山盛呢個係經理推介我地食嘅，最底係拖羅蓉maki roll，跟住舖左三片厚厚長長嘅海膽，再喺面頭淋滿左脹卜卜嘅三文魚子，三重口感，啲配料多到食哂啲maki roll都仲可以一羮一羮筆黎食🤤安格斯肉眼扒扒身唔算好厚，但係火喉控制得好好，剛好鎖到肉汁又唔會血淋淋，肉質有咬口又係渣。北海道松葉蟹蓋呢味一向都係我去居酒屋嘅必點之物，本身蟹膏嘅鮮甜，透過燒嘅方法，令蟹膏多左一種獨有嘅香味，真係冒住膽固醇爆錶嘅風險都一定要食！有機會可以再黎試試佢個二人前套餐，見佢在場都多人食呢個餐，而且啲刺身個樣都好新鮮。…查看更多

本身諗住去呢條街度買麵包，行過見到呢間好靚嘅川菜，個friend咁啱又話想食辣嘢，咁dinner 就食佢啦！老壇酸菜魚呢度嘅酸菜魚用咗脆肉鯇做魚底，份量超多，魚皮爽口，肉質脆彈，夾埋佢嘅酸菜魚湯一齊食，十分惹味，湯底入面仲有食之不盡嘅配菜，有超入味嘅大荳芽，同埋又滑又煙靭嘅寛粉，當然仲有主角酸菜，另外再自己加配左同酸菜魚好夾嘅萵筍。螞蟻上樹呢碟餸首先要讚一讚個廚房，因為呢間舖頭係自己用QR code落單嘅，我地剔左走芫荽同走青，廚房怕我地係只走芫荽或者係蔥，所以起菜前特別再叫侍應同我地confirm多次，係淨係走芫荽定全走，非常細心。螞蟻上樹 其實即係炒粉絲，粉絲炒得好入味，唔會炒到淋patpat痴實哂，亦唔會好硬，夾雜住肉碎紅椒粒，味道豐富。乾扁四季豆平時食四季豆，最怕食到最後一口渣果啲，但係呢個四季豆非常嫩，都好爽脆，辣度適中，送飯一流。薄荷青檸乳酸梳打呢個飲品好清新，青檸唔會太酸，加埋乳酸同薄荷，味道出奇地夾，帶微酸又唔會太甜，食完啲濃味嘢飲返呢個有氣梳打就爽曬，油膩一掃而空。紅糖糍粑每次食川菜都必點呢個甜品，新鮮炸起嘅糍粑口感軟糯，熱辣辣外脆內軟，外邊灑滿黃豆粉，點埋超香嘅黑糖黎食就係正😋…查看更多

第一次食Omakase，決定揀間精彩啲嘅，揀左間懷石料理base嘅，夕食每位$2680再+10%，雖然一開始覺得價錢有啲貴咁，但係食完係覺得物有所值嘅，成餐飯都好享受。淨係去到門口都已經好似去左旅行咁，而食物方面，所有用嘅都係當造食材，正式嘅不時不食，淨係海膽種類都起碼有三四款。由前菜到甜品，佢嘅精緻程度，彷彿好似擺左十幾件藝術品落肚咁🧑🏻‍🎨甲羅燒同平時嘅甲羅燒唔同 呢個甲羅燒有滿滿嘅蟹肉 非常鮮甜 而且面頭有一大片海膽 混和燒香左嘅蟹肉一齊食 蟹味同質感都提升到另一層次 RICH！魚籽吞拿魚三味配蛋黃汁甜柿蓉三款唔同嘅吞拿魚，有炙燒、有刺身，再配上蛋黃汁甜柿蓉 仲有魚籽 所有材料混和一齊 酸酸甜甜 非常清新 出色嘅前菜擔當龍蝦刺身配馬糞海膽爽口彈牙嘅龍蝦刺身再加上濃郁嘅海膽汁 面頭再加一片大大嘅馬糞海膽 師傅好細心咁提醒我地要記得撈勻先好食 海膽非常鮮甜 但係完全無蓋過龍蝦嘅鮮味 Oishi！九繪魚刺身配酸汁啫喱九繪魚即係我地熟悉嘅石斑 但係並唔係款款石斑都可以用黎做刺身 佢嘅肉質有一種獨特嘅質感 有𡁻口 但係又唔會un 而佢嘅味道都好甜 配埋酸汁啫喱一齊食 非常醒胃 一解前幾道海膽菜式嘅單調感宮崎A4和牛配春筍天婦羅師傅有提醒要記得趁熱食左件天婦羅先 熱辣辣 外脆內爽甜 筍身非常爽嫩 Juicy！而和牛方面 顏色鮮嫩 入口即溶是基本 而且一啲多餘嘅脂肪都無呀🤤赤鯥魚黑鮑魚清酒昆布湯雖然望落個湯好清 但係估唔到個味道係會鮮甜到咁🙀魚肉嫩滑 鮑魚都好入味 質地軟硬適中而壽司方面 師傅會因應你嘅速度而調節上菜快慢 而且每一件都會用心介紹 如果唔係 就算你係蔡瀾都未必知自己食左啲乜落肚🤣要特別一提嘅係件池魚壽司 師傅話要好彩先有得食 因為師傅堅持要用手釣池魚 要睇下魚師當日嘅手神 因為係手釣嘅咁先可以確保魚身無任何hi花碰瘀 咁先可以做到一等刺身 海膽杯 師傅介紹呢個係赤膽 撈埋個底嘅赤醋飯 最後果啖真係唔捨得吞 🫠最後上左一客當造哈密瓜配黑芝麻雪糕作結本身我以為食Omakase係唔會飽 點知食到壽司嘅時候就開始有啲擔心會唔會有嘢食唔哂🫣お腹がいっぱい…查看更多

今日出席朋友喺西貢嘅cocktail wedding party 去之前要食啲嘢 但係又唔可以食太飽 落車見到呢間甜品店 仲係我鍾意嘅souffle pancake 咁無辦法嘞 填飽左第二個胃先啦🤭原味奶油Pancake🧈每一客都有兩件Pancake 疊起再喺面頭淋上厚厚又fluffy嘅cream 啲cream唔會太甜 質地好滑好厚身 而pancake本身都有少少雲尼拿味 質地超鬆軟Tiramisu☕️基本上佢每款pancake嘅餅底都係一樣嘅 靈魂在於面頭嘅topping 呢款pancake個cream有好濃郁嘅咖啡味 另外面頭仲鋪滿左可可粉 而可可粉嗰丁丁嘅苦澀味正好中和左奶油嘅膩 唔係好食到甜嘢嘅人 不妨一試蜜糖焦糖脆脆🍯三款pancake入面 呢款係我嘅最愛 我覺得佢呢一款嘅cream同另外兩款有啲唔同 佢個感覺似奶蓋 多咗少少鹹味 cream嘅面頭鋪滿左焦糖脆脆 而份量仲一啲都唔少 如果同朋友share嘅話我建議要食左呢款先 因為佢面頭嘅焦糖脆脆比較快溶 耐左食口感會冇咁好另外order咗兩杯佢嘅signature smoothie 一杯Oreo曲奇 一杯雜莓乳酪 Oreo飲落啖啖都係碎朱古力同餅乾 好似食緊刨冰版嘅cookies & cream咁 而雜莓乳酪就啱晒我個唔太好甜嘅朋友 成杯酸maymay 中間夾雜住啲Crush Berry 如果怕食pancake太漏嘅話 建議order埋呢杯嘢飲中和一下😎…查看更多

今日同媽媽去cwb覆診 覆完診時間唔三唔四 所以周圍逛下睇下附近有乜嘢好食 點知見到呢間燒肉門口大大個燈牌 寫住14:30-18:00下午茶全單半價! 無懸念 即時入座只係五點鐘 眼見都有唔少人食order左兩個餐 同無限量嘅單點 最後埋單都只係四百蚊度 超抵食鹿兒島豚五花燒肉套餐雖然係半價 但係份量一啲都唔少 同埋佢寫明克數 十分均真 唔會因為半價而俾少啲 五花腩質素十分高 燒完啲肉都唔會鞋霎霎 肉味好重好甜 加左14蚊要個紫菜飯 紫菜嘅份量又係一啲都唔hea 食到最尾都啖啖都食到紫菜 另外仲可以揀一個沙律或者枝豆前菜美國牛板腱牛頸脊套餐半價後74蚊 所有套餐一樣 都係會跟一個飯 一個前菜 但係佢有樣好嘅係如果大家女士唔想食飯的話仲可以以菜代飯 可以用黎包住啲肉食 一減油膩感 另外碟肉大大碟 肉汁夠多 肉味都好甜 平時食燒肉 可以選擇嘅汁頂盡都係得四五款 佢呢度係有一盤俾你揀 無錯 係一盤！ 重口味朋友啱哂海鮮三皇雖然呢個無半價 但係因為佢有個坊間無乜點見嘅甲羅燒 所以都order左一set 98蚊包三樣嘢 一隻甲羅燒 一隻虎蝦 一隻扇貝 價錢中規中矩 但係大家如果食飯的話 真係強烈建議大家嗌個甲羅燒黎撈飯食 燒完嘅蟹膏果種鮮甜 筆墨真係形容唔到🤤味醂魚乾呢個又係平時食燒肉無見過嘅 即燒即食熱辣辣超正 不過好易燶 要俾啲耐性🫶🏻…查看更多

平時去親打邊爐, 枱與枱之間都好近, 搞到成餐飯都好嘈, 傾計都要好似鬧交咁, 一係就要去啲貴到離哂地嘅, 難得搵到呢間可以坐得舒舒服服, 但係價錢都唔算太貴, 食物質素都好好.另外佢嘅鍋底都非常特別, 朋友唔食辣, 所以就叫左個雪山飛狐鍋, 即係龍躉魚湯, 個雪山其實即係蛋白, 鍋一到, 店員就提我地飲左個湯先, 白雪雪, 好濃郁嘅魚湯, 再加埋中間嘅蛋白雪山, 口感幾特別.手切美國安格斯牛頸脊一個例牌嘅份量都唔少, 兩個人食啱啱好, 每一片嘅油花都好均勻, 肉味好濃好新鮮. 珊瑚蚌以128黎講份量唔算好多屬正常份量, 但係因為珊瑚蚌嘅質素可以好參差, 佢算係中上級數, 食落非常爽口, 一啲都唔會韌, 都唔會一陣腥味.手工蟹子芝心蝦丸'推介‘! 叫左半份, 份量比想像中多, 58蚊有四粒, 仲要粒粒都真係有乒乓波咁大粒, 最得我歡心嘅係佢個芝心, 平時啲芝心丸多數個芝心都係芝士醬咁, 但係佢個芝心係可以拉絲果隻, 丸嘅質地亦都好彈牙, 蝦味亦好重. 正! 🤤最後仲叫左淮山同萵筍, 呢兩個分別都只係38蚊, 以一間有咁嘅裝修嘅地方出面絕對搵唔到, 而且份量絕對不少.…查看更多

去九龍灣約舊同事聚舊, 佢問我想食乜, 我淨係要求可以坐耐啲同唔迫 😂最後佢帶左我去茶木, 十分滿意, 完全附合以上條件. 重點係食哂嘢, 啲staff都唔會趕住收嘢趕你走咁, 服務態度一流👍🏼, 食物質素都好好.台式麻辣半筋半肉手工拌麵呢個set最正嘅係佢每樣都有少少, 啱哂乜都想試啲嘅人, 因為佢onside仲有一舊鴨血同一舊素鴨, 跟住仲有一大碗麻辣半筋半肉, 超豐富, 佢個手工麵嘅質地好煙un 撈埋個麻辣汁食, 十分惹味.烏魚子元貝手作麵呢個似係fusion菜, 估唔到佢呢款自家手作麵即使配落西式煮法度都毫無遺和感, 佢個醬汁好creamy 稀穠度啱啱好, 唔會杰到好膩, 又唔會稀到完全掛唔到上個麵度, 另外佢仲有啲菇同枝豆做配菜, 沖淡下啲油膩感.麻辣鴨血旺食完果一片鴨血唔夠喉, 但係鴨血又無齋小食order, 唯有order個餐, 點知黎到個鴨血係勁有內涵, 入面仲有牛肚、豆卜、萵筍、芽菜, 真係嚇一嚇 😂 強烈建議佢加鴨血落小食menu🤓 好在佢夠惹味, 最後都KO哂.阿華田脆脆黑糖珍珠奶茶極力推介 脆脆黑糖珍珠奶茶 必試 杯邊嘅脆脆係阿華田脆脆 一邊食珍珠 再一邊筆啲脆脆黎食 雙重口感 佢個黑糖奶茶底都唔會太甜🤤🤤🤤…查看更多

Happy Friday喺尖沙咀約左個朋友飲嘢吹水呢間餐廳有一種霍格華茲嘅感覺 即使入邊嘅侍應嘅衣著都一絲不苟 令人好似真係去左另一個空間咁 喺一間咁嘅餐廳度飲嘢嘅感覺幾有趣見呢度啲cocktail個名幾特別 所以就叫咗一杯試下 最後揀左To Kong上枱時 店員好用心介紹呢款 cocktail 🍸 嘅背景 原來呢杯酒係用黎向一位造酒發明者致敬 特別嘅地方係呢杯cocktail係用糯米酒整 仲有淡淡嘅水蜜桃香味 值得一試先點左自家製炸薯仔波做佐酒小食薯仔嘅味道好特別 有少少薑汁味咁 但係又唔肯定 同個frd食哂成碗都食唔出 大家不妨試下😂西冷牛扒10oz配牛油薯仔我哋點左五成熟 廚師控制得剛剛好肉質嫩滑有彈性 肉汁豐富 肉味都好濃郁露筍都好新鮮 清脆爽甜 分量都唔少香辣蜆肉扁意粉蜆肉粒粒都脹卜卜 非常鮮味 一啲沙都無扁意粉彈牙 用左蒜蓉辣椒炒 超惹味🤤食物質素好之餘 餐廳嘅侍應都好有禮貌由帶我地入座到上菜嘅所有人都令人覺得好敬業對自己餐廳嘅食品同飲品都有一定嘅認識 所有事都會細心講解 好Enjoy嘅一晚…查看更多

約左朋友去觀塘工廈洗樓 洗樓前都慣左醫飽個肚先慢慢行 朋友話想食韓國嘢 於是就揀左呢間落巴士一過對面就係嘅韓國餐廳魷魚水冷麵平時嘅水冷麵多數都係無餸嘅 得幾片雪梨 雞蛋咁 但係呢度嘅水冷麵都有三款餸俾你揀 啱哂啲平時鍾意食冷麵但係又嫌佢無餸嘅人 我就揀左魷魚 啲魷魚係燒嘅 好香 好似韓國街頭小食果隻燒魷魚嘅味道韓式蟹籽卷蛋卷蛋中間包住啲紫菜飯 紫菜飯仲有濃郁嘅麻油香 卷蛋面舖滿一大堆蟹籽 食落脆卜卜 雞蛋煎到啱啱好 亦唔會太老搞到鞋sharp sharp溶岩芝士炸雞麵包一個裝滿溶岩芝士嘅麵包非常邪惡 十分吸睛 可以將啲芝士好似包木乃伊咁包住炸到外脆內軟嘅炸雞一齊食 芝士好煙un好香 炸雞個心都好juicy 旁邊嘅nacho仲唧滿左芝士醬 邪惡十分…查看更多