katrina.mok的個人專頁

被家人塗毒咗一段日子，搞到成日都好想食潮州菜，咁啱女漢子call 飯局，友人推介食紅伶﹗用餐當日6:30到，冇人排隊，不過眼見佢有位俾人排，應該平時有機會要排隊輪候。紅伶喺廟街已經有一段日子，屬於老牌打冷鋪，環境都比較老舊，今次我哋被安排坐喺應該露台改嘅位，比較窄，不過勝在冇咁嘈。店員嘅服務都很好，會行嚟問你啱唔啱食，推介吓食物。⭐️潮州靚鵝片 $149 - 略嫌滷水味唔太夠，不過肉質不錯﹗滷水豆腐有驚喜﹗店員推介用自家辣油配醋，更惹味﹗⭐️滷水什錦 $139 - 主力想食鵝腸、橙色墨魚片，沒令我失望﹗⭐️冰鎮芥辣墨魚 $109 - 墨魚不是重點，酸菜先係無敵好味﹗⭐️韮菜豬紅 $80 - 好好食，好耐無食過無渣嘅豬紅﹗⭐️馳名煎蠔餅 $86 - 太飽了﹗冇影相，食唔晒，不過好好食﹗⭐️蒜蓉炒蕃薯苗 $89 - Er....................炒菜冇嘢好comment!!…查看更多

朋友生日話想食Pizza，就揀咗呢間種草好耐嘅世一Pizza﹗訂好位準時達陣，餐廳唔算大，所以一定要BOOKING，我哋坐下層比較開揚。今次試咗3款Diavola, Prosciutto Di Parma同A'Salsiccia，個人嚟講就比較喜歡Diavola，芝士+BASIL配茄醬底永遠係本小姐最愛﹗鋪頭主打真宗的意大利風味，由出生喺意大利南部既廚師主理。Pizza嘅少少燶邊真係剛剛好，恰到好處，不枉大家標籤佢為香港No. 1 Pizza!! 其實仲order咗兩款appetitzer，不過太餓太吸引就冇影到相﹗…查看更多

葵廣掃街咸點除咗撈撈、重慶酸辣粉、🐱麵、Burger、炸雞、鹽水雞🐥、手抓餅、手卷以外，呢間「澳洲仔」番邦成員，將會加入本人翻桌List喇！店面走黑色工業風，cool cool地咁！不過因為第一次食，唔知揀咩好，問吓店員教好用心解答。其實選擇唔係多，都係taco🌮軟餅/脆餅/wraps🌯/和牛漢堡🍔咁。我揀咗推介✅嘅芝士軟餅+脆餅taco🌮，配蝦同蒜香汁，軟餅同脆餅口感更豐富，唔會好似食包咁，蝦肉都幾爽口，配蒜香汁一流！不過下次可能會叫加少少辣更正！值得一讚taco入面嘅🥑醬都好正。雖然即製時間可能要等耐少少，不過熱熱地好正😋值得等待⌛️！…查看更多

深水埗買完玩具攰到要醫肚，行咗成條街都係海南雞最吸引，因為唔想排隊食車仔麵，又唔想食乜乜人海南雞，但又想快食返屋企，門口拉客哥哥問咗句「食咗飯未呀？」我就槓咗入去呢間新開嘅海南雞店。平時啲海南雞好多時都係黃黃地色，呢間反而同泰國果啲海南雞貼近啲，白白黃黃咁，但不減嫩雞油香味。order咗份海南雞飯，➕$8有泰式檸茶（或其他泰式特飲），份量都幾大，連一碗冬瓜雞腳湯。海南雞咁啱我有雞髀，所以都好嫩滑。說實話，這家海南雞勝價比很高，如果以相對價錢比較，它完勝肥👶🏼、💦🚪、🇹🇭人。…查看更多

遊澳門🇲🇴想食吓海鮮，揀咗兄弟煲嘅皇朝店！鋪頭裝修簡約，食物以海鮮為主。因為慶祝生日，我哋食豪啲揀咗花膠雞湯底，湯底好甜仲有勁多花膠，仲有足足一隻大鮮雞。其實海鮮有好多選擇，我哋因為兩個人又想食多啲嘢就叫咗個龍蝦🦞海鮮餐，有扇貝、龍蝦、魚、蝦、兩款肉、菜、粉麵，仲有四款小配料。追加咗半板海膽勁鮮甜！⭐️必點推介⭐️花膠雞煲 $228海膽 有唔同價錢如果喜歡食刺身嘅話，我覺得可以點埋象拔蚌刺身，見隔離檯點咗都好吸引。肉其實都好食，不過略為有點厚。…查看更多

由於餐廳堂食位比較少，排隊時間會較長，不過支持小店冇咩所謂，有的是時間。我同兩個朋友分別點咗：虎蝦冬蔭功刀削麵 - 虎蝦大大隻爽口，刀削麵原來配tomyum都好惹味﹗蟹籽蟹肉蓋飯 - 連埋佢滿滿蟹膏嘅蟹蓋簡直一流﹗招牌花雕醉雞配冷稻庭烏冬 - 冇咩特別﹗鐘意醉雞嘅人可以試，因為醉雞汁好味﹗串燒：菠蘿、秋葵、茄子、牛舌 - 焦糖燒菠蘿好味到痴線﹗每一樣嘢都好出色，個人就冇咁BUY花雕醉雞....因為比較普通少少，但個醉雞汁都好yummy~我哋仲order咗佢哋嘅啤酒，如果唔飲酒都有0% beer今次開飯冇咩影相，不過同其他食評嘅相都無異。…查看更多