Janice00的个人专页

環境：👣👣食物：😋態度：😡衛生：😫性價比：👍真係憑實力告急！ ！值得一讚，燒雞同綠豆沙好ok😍環境：我明白開咗好耐，望落唔新係OK的，但我一坐低就係咁比野咬，好痛苦⋯⋯食物：綠豆沙已經係好好食，其他嘅就唔太啱我食囉⋯⋯朋友話鳳爪聞落去有d酸，唔知係咪壞左；叫檬粉黎米粉⋯⋯菜苗蝦餃包到同我包嘅一樣，足料爆餡，真係爆出嚟😃態度：我自問已經唔該前唔該後，點解大部分店員都要西我面，然後經過親我個位都撞到我張櫈，個位唔夠闊，我已經再縮入咗，其實可以拉開格離枱無人坐個張櫈，而唔係不停撞我張櫈？我唔知究竟咩色衫先有資格收我張order紙，行過唔理我理解，但行過嚟唔出聲望住我張枱，然後我遞比你問係咪可以比你嘅時候，唔係勁西咁同我講：「放係枱面啦！」，然後好型咁單手簽張紙，再拎走。依家我問你拎錢？要你簽Cheque比我？衛生：全程望住煎炸位個姐姐好落力，乜都落手做，連炸完嘅雲呑，煎完嘅尖椒蘿蔔糕都用手拎上碟😃😃餐具嘅衛生就更加唔洗講啦，有跡有油都正常嘅～…查看更多

環境：👣👣👣食物：😋😋態度：😊😊😊性價比：👍環境地方較細，如果坐兩三枱，傾計應該會幾嘈（我地因爲食6點，所以包場），我地幾個都覺得食物同地方裝修都似放題🤔🤔🤔🤔🤔食物：貴，唔抵，好多日式料理同居酒屋都做得好過佢。我個fd最愛係伴碟蕃茄仔😨😱😱😱😱😱態度：得我地一枱，唔會有太大問題既🤔😌😌😌😌😌性價比：因為eatigo book有50%off，折完都覺得一般…查看更多

Shake shack 環境：👣👣👣食物：😋😋😋態度：😊😊😊性價比：👍👍👍Shake shack burger (single): 50Shroom burger: 66Cheese fries: 36環境方面，如果唔多人其實幾好既，有bar枱，有正常枱，有露天。今日落雨，排15分鐘就冊到，再等十分鐘左右就有得食。素食burger：炸菇包住流心芝士，咬落好大陣油炸味，d餡溜黎溜去，大磨菇咇汁食到有點狼狽。除左流心芝士係gimmick，其實又唔特別推介。Shake shack 包：質問係比一般burger高既。包好軟熟，然後個漢堡juicy，唔會太鹹，唔會太膩。呢個價錢我覺得合理。芝士薯條：多芝士醬既，只係薯條又炸得唔好食，個醬又好膩，加左醬d薯條又太淋，一拮就斷，唔推介。態度：不適用。總括而言，我覺得淨係食佢signature個包就好足夠。…查看更多

Super Sandwiches環境：👣👣👣👣食物：😋😋😋態度：😊😊😊性價比：👍👍👍芝士牛肉焗薯配超級套餐：77粟米湯：24環境方面，似係Starbucks嗰種半開放式嘅裝修，可以買完之後自己搵位坐，將個device放係佢枱面張貼紙度，咁就會有人送餐俾您。食物方面，佢個超級套餐有湯，沙律，迷你碎蛋牛角包，連一杯熱飲。普通凱撒沙律，ok既。迷你碎蛋牛角包🥐，有少少脆，好香牛油味，碎蛋就一般，可放可唔放。佢個粟米湯好好飲，佢有好多粟米粒係入邊，仲要粒粒都好甜，加埋洋蔥粒去煲，不得了，我專登外賣多杯比一個好鍾意粟米湯既人。反而我覺得佢個焗薯比較一般，佢有一pat芝士汁，本身覺得佢加牛肉加薯仔味道還ok，可惜牛肉好兩大片，好難切開，仲要佢只係比咗匙羹同叉我，我覺得我似古代人扯開佢⋯⋯我望到友人係煙肉碎加芝士，我好羨慕🤦🏻‍♀️朋友推薦飲熱檸茶，話茶底好正。飲落係正既，似英式茶底，唔似港式紅茶☕️。態度🤔ok…查看更多

Pepperonis Pizza & Cafe環境：👣👣食物：😋態度：😊😊性價比：👍埋單450-500蚊（一個意粉，一份扒，一杯野飲）本來book黎同友人慶生既，不過⋯⋯環境方面，睇落有情調，但坐低就勁多蚊，有滅蚊燈唔開，結果我受左不少皮肉之苦。食物方面：肉醬意粉，佢配埋蒜蓉包比我，但蒜蓉包唔叫好食，然後肉醬意粉ok既，只係蕃茄醬太酸姐。肉眼扒，我點既時候佢話唔係肉眼，唔係西冷，我指住餐牌，佢既意思係：總之就西冷啦。我照點，5成熟，上到枱，牛肉乾硬化，又係煲湯d湯渣既口感。然後d薯條完全係未炸熟🙄。野飲叫左杯mocktail，味道唔出眾，好平凡。態度方面真係不得了！bk枱時我打去話要bk，佢話無，我問即係一向都無得bk？（因為之前weekend去係話full booking）佢恍然大悟話：哦，您要bk之後，您想bk幾時。（您覺得我夜晚7點打黎bk即晚然後5直接問今晚仲有無位？）去到既時候，有位英文女侍應招呼我地，然後我問佢杯mocktail入面有乜野時，另一個好無禮貌既男侍應走黎搭嘴，即席表演翻譯，但又譯錯🙄心諗，可唔可以一位serve我地就算⋯⋯偷聽到另一枱點白酒，問搭嘴男侍應3隻白酒邊隻好，佢直接話：「2號呀，我都係飲2號」🤔🤔酒唔係咁介紹架🤗結果因為難食，然後激多蚊，所以我好快閃了。…查看更多

A8’s Cafe環境：👣👣👣👣食物：😋😋態度：😊😊😊性價比：👍👍👍德國鹹豬手：～148蚊帶子燴飯：～80蚊轉套餐：+15蚊（餐湯，牛角包仔，餐飲，轉特飲再加錢）埋單大概280蚊環境方面，木系裝修，好多有特色既（美式？）擺設，感覺舒服既。食物：餐湯好有麵粉味同比較鹹既雞湯味，有待改善。帶子燴飯⋯⋯exac7ly係鮮茄乜乜飯，d汁偷走去d飯到，相擁一段時間既口感，但味道比較淡，有幾片菇，幾點洋蔥，幾條火腿絲夾雜住咁。帶子就似烚熟，然後煎一煎（過一過油？）鹹豬手，佢皮既底層係炆煮左好耐而變稔既肥膏，外面係夾硬炸硬左既皮，炸乾左既肉，好難切，𡁻得好辛苦，同埋鹹豬手唔鹹囉。巨峰提子特飲，似糖漿加水，或者加無味既茶態度，不過不失。整體，有進步空間⋯⋯…查看更多

EXP環境：👣👣👣食物：😋😋😋態度：😊😊😊性價比：👍👍埋單550-600蚊環境方面，九龍塘溜冰場隔離，menu又藍又紅既透明膠片幾靚，不過櫈就坐得5舒服，坐鐵櫈後面放唔到袋，有個大窿，但又無籃放袋，要攬住個袋食。食物方面：野菌煙肉薄餅，佢係運動場形,皮底似法包，但切到一條條，變左食頭同尾就食一片野菇加一大塊比蕯底🤦🏻‍♀️，中間斬左件做長條形既，又係食到狼狽，目測都好多油，味道較淡。食完先記得影既咖喱豬扒飯（sorry again），佢個咖喱幾好食，只係我嫌唔夠多汁，豬扒還好，鬆軟既，d草好有草味既，蛋就一般，不過我覺得份量有d細，男士應該唔夠飽。水牛雞翼，雞翼沾粉炸完再淋一pat酸酸地，醋醋地，又稠又厚既汁，雞肉算係軟滑，所以ok既。雞扒炒烏冬，得幾片雞扒，勁油，又無乜味，食完係濟多過飽。西柚汁，佢話無加糖，但飲落又覺得唔太酸，又唔澀，幾好。態度方面，不過不失，既無大功，亦無過錯。值得一提，星期一夜晚7點半左右都要等半個鐘。…查看更多

Le Grand Pokka Cafe環境：👣👣👣食物：😋😋😋態度：😊😊性價比：👍👍7個人食埋單2163蚊（已計會員餐同9折左）（會員餐原價4xx，會員價2xx）環境方面，比一般西餐廳多左半份貴氣退餐廳，感覺同baby cafe同pokka cafe旗下既裝修大同小異。食物方面：野菌忌廉湯，好多菇，唔太差既，係有少少d菇到走出黎既酸。蒜蓉包（+10蚊2片），除左好硬，好細塊之外，就係無味。唔知乜野牛柳蕃茄意粉，不得了，d牛望落7成熟，放口入似7成熟既湯渣，又乾又柴皮，然後無乜牛味，意粉右半座山叫做有少少汁，左半座山乾硬化，意粉真係一舊黐住，難捨難離，又淡又乾又一大舊既意式粉團🤦🏻‍♀️頂級希達姆咖啡，佢比較少酸味，偏苦，然後比藍山咖啡重烘培味。藍山咖啡，微酸，整體比我既感覺係個味好淡，似落唔足咖啡粉沖，我情願揀平一倍既希達姆咖啡。態度方面，我地有唔岩在先，因為入座未齊人（2點左右），坐低又一路睇menu，一路傾計，但都唔洗催4,5次落單既，仲要一個制服同行為上睇落係比較高級既人。然後有人想申請會員卡，態度都依然係好無禮貌，好不屑。佢究竟有幾嬲我地唔即刻落單呢？🤔有會員卡個個請，佢埋單都比人歧視，比同一個人無禮相待，覺得佢好陰公豬😑…查看更多

金雞海南雞環境：👣👣食物：😋😋態度：😊性價比：👍海南雞飯連湯：52加凍飲埋單：57我唔係想食劣食架😭佢曾經好好食架😥環境方面，佢地用最先進既恆溫系統，完全唔覺有冷氣吹住。然後佢地高薪聘請蒼蠅蒼師傅係舖面全天候巡邏，以防有人走數。我偷拍到我個枱既小隊目🤗我坐既位可以直望欣賞到佢廚房後現代既裝修，採用仿暗黑後巷既設計，帶比人無限既神秘感。食物方面，佢用短短5分鐘既時間幫我（店內唯一一個客人）設計左個油飯既形象先拎出黎，一分鐘後更奉上藕斷絲連海南雞，技術超卓到最多可以4舊連埋一齊，打風都打唔甩。我唔知係咪佢地太忙，比較少時間買雞，一買要買好多，所以要醃鹹d雞，方便放耐d🤔基於呢個原因，我體諒佢d雞唔夠滑。萬事俱備，只欠例湯既情況下，佢問我係咪5要例湯（冤枉呀大人），我未答就拎返例湯比我，周到！體貼！例湯依舊係南瓜粟米中湯，無乜味精（佢好似寫無），不過不失。奶茶為之一絕，我叫凍奶茶走甜（但我識分好唔好飲既ok，我好憎佢用糖水黎蓋過本身既缺陷），佢一而再再而三話少甜，我答左3次走甜，佢話無，走甜5好飲，我話咁熱檸水。然後佢拎左杯凍奶茶走甜比我🙄又話無？然後佢杯奶茶其實完全無茶味，d奶都唔香滑咁囉，加左糖的確感覺良好d既⋯⋯態度其實睇上面已經知左一半架啦，剩返既就係係廚房做野同另一個同事講野時，暗串我杯奶茶咁囉，又話乜減肥就唔好飲奶茶啦（我幾時有話我走甜因爲怕肥姐？肥就梗架啦，洗怕？）佢曾經真係好好食，好食到會專登入九龍城，等半個鐘停車場就係為左食呢間⋯⋯不復返⋯⋯…查看更多

Charm Cafe環境：👣👣👣食物：😋😋😋態度：😊😊😊😊性價比：👍👍👍2個下午茶餐加埋180蚊左右（已加15定18蚊轉宇治抹茶奶）環境方面，係蘋果商場內既一間餐廳，地方固然比較細，6-8張四人枱咁上下，落地玻璃窗見到密集唐樓天台，有特色既。食物：Earl grey用返Twinings，即刻放心左，起碼唔係副廠出。宇治抹茶奶聲稱用日本帶返黎既宇治抹茶沖，但感覺茶味唔太夠，奶味都唔重，整體比較平凡。雞扒配卡邦尼意粉，雞扒份量唔算少，唔會好似一pat仔鵝肝咁，醃過有少少香草味，但又唔會太鹹。意粉汁濃稠，緊貼意粉，做得ok既，煙肉唔會太鹹，ok啦。漢堡配薯條，粗薯條炸到外少少脆少少軟，內裡都軟綿既。漢堡肉成個獅子頭咁，醃過，不過我覺得個味有d怪，少許唔夾，同d肉偏瘦肉feel，要𡁻耐少少。態度方面，我唔想將格離無人張枱同我個張合併，因為岩岩格離玩腳同玩鼻c，店員都無逼我，由我。埋單都有問d野食點，態度ok既。佢近窗有2塊鏡，唔知係咪打卡前執樣呢。…查看更多

甜入心環境：👣👣👣食物：😋😋😋😋態度：😊😊😊性價比：👍👍👍👍椰皇加布甸：39蚊綠豆沙：19蚊環境方面，一間小本經營式甜品舖咁，乾淨既，所以ok啦。食物：椰皇上面有布甸好似係佢地招牌貨黎，佢底層係用椰皇d水整既啫喱（大菜糕既口感），中間係佢聲稱自家製椰汁，似快達牌椰漿加水加糖咁囉；上層就係布甸嘞，布甸好香蛋味，口感比較似用絹豆腐壓蓉而整既布甸（抹茶豆腐個種口感），同邪留丸或者統一布甸既口感唔同，不過都好好食。佢既甜度係好正常既甜，對於少甜派既我黎講，偏甜但可以接受。綠豆沙，我無影到因爲我本來無諗住試友人既糖水，但試左就寫埋。好多豆，5會得沙，仲有豆衣包住，煲得岩岩好，比較少海帶，食落好濃郁既臭草加綠豆味，視乎本身對臭草接受程度啦。態度無讚無彈，正正常常其實佢仲有芋圓，不過我無肚，所以留下次食，只係呢間野比較遠離凡囂同停車場，要少少時間行過去。…查看更多

萬芳冰室環境：👣👣👣食物：😋😋😋😋態度：😊😊😊性價比：👍👍👍乾炒牛河：46蚊豉椒排骨河：46蚊凍奶茶：10蚊環境以舊式港式冰室裝修為主，收銀到放左迷你花牌仔，好得意，好靚，抬頭見到幾張黑膠唱片，窗有舊式窗花，切合餐廳主題格調。食物方面：乾炒牛河難得可以炒得乾身，唔會每條都反光，而且佢有穫氣，夠味，真係好野黎👍佢旁邊既辣醬鹹多過辣，加左落牛河到反而令牛河得辣醬味，無曬牛河味。豉椒排骨河，排骨醃過再炒，好食既，汁同河粉比例調得幾好，汁唔會過分油膩，撈埋食岩岩好。奶茶，正常茶記奶茶咁，夠味，有茶同奶味，唔淡，幾好。態度方面，依然不過不失，無乜特別。上次食過佢既自家菜，一試難忘，但炸雞鎚同星州炒米就唔太推薦，所以今次入去都有保留，好彩無失望。…查看更多

琛仔小廚環境：👣👣食物：😋😋態度：😊😊😊性價比：👍👍👍套餐：99蚊環境方面，好窄，好逼，然後平時都見夜晚有幾個人等位，我估應該唔差吧。食物：南瓜湯（😋😋）：d顏色好夠，飲落去有少少忌廉既香味，然後𡁻到條竹籤咁既野唔需要驚，那是南瓜🎃，只係老到一個點以為係竹筷子d絲又或者再嘔心d既野（我食左三，四條都忍唔住吐返出黎證實下係咪南瓜絲），飲得出南瓜唔夠多令湯好稀同時，會懷疑佢係咪揀錯南瓜。牛扒（😖）：那是鹽田藏寶圖，沿岸都係豐厚既鹽田，但𠱸好以為沿岸先有，内陸都有唔同大細既鹽田等您發掘，唔好為左一兩個小鎮無而失望。另外，牛扒好大塊，好多筋，好襟𡁻！薯蓉（😋😋😋😋）：呢個好正常，少許調味，帶出薯仔既香甜，而且佢個薯蓉充滿薯粒，好有口感，好食。沙律🥗（😋😋）：有落醋拌匀，菜唔苦。奶茶（😑）：其實好難又無奶味，又無茶味，但係又有色，我大膽假設係用一個茶包沖一升水，然後加少少奶，每半杯奶茶就溝半杯水而沖成。當然，我相信世界無咁點暗既，可能只係牛扒太鹹姐。態度，一般啦，無乜特別。…查看更多

Route 83環境：👣（本來3）食物：😋態度：😊😊😊性價比：👍👍香煎鯛魚配三色椒忌廉汁（飯/意粉/薯條）：558oz純牛肉煙肉漢堡配薯條：68凍飲：+3環境方面，店舖唔算大，二人至四人枱加埋十張左右啦，深色木系裝修配沙灘仿藤桌椅。點解扣剩一分？因為友人同我講返，一入去聞到既味，係冷氣槽吹出黎既死老鼠味🐁🐭食物方面：魚意粉：叫得三色椒，就要有好重椒味既準備，我接受到，只係汁5多，食5到忌廉味，d魚似用海鹽黑椒煎到over左咁，嚡嚡地。但我明白，煎得岩岩好係要技巧既。意粉就有少少香草，黑椒，茄醬煮到乾身咁，似我媽媽（地獄廚娘）煮既咁，好懷念☺️漢堡包🍔：薯條易講d，頭尾硬，中間冧，唔脆不過唔凍。牛肉：煎到燶，黑，入面就五成熟，除左係冰牛肉開始煎，我諗唔到點解咁。牛肉似柴皮，都係個句，煲完湯既瘦肉剁碎再煎成漢堡樣。煙肉：唔夠乾，唔脆，似鹹既五花腩片。最好食係漢堡包既包，輕輕煎脆佢，然後有d醬黐住左咁。湯？凍檸茶？唔講啦⋯⋯態度方面，不過不失，係手腳慢少少咁，然後是日餐牌無寫，侍應無提漢堡包要等20分鐘，後來自己係舖枱張紙見到，死死地氣要等咁囉。友人一路食，一路擊鼓🥁鳴冤，話下次可唔可以去返大埔中心個間食😂一路食一路吊😂我抱住餐廳自己揀，中伏唔好喊既大原則默默食完就算…查看更多

錦麗環境：👣👣👣食物：😋😋😋態度：😊😊😊性價比：👍👍雜錦牛河粉（牛丸，牛腩，生牛肉）：62法式牛油雞翼：34燒雞肉米紙卷：28椰青：36凍滴漏咖啡走煉奶：28（熱：25）環境方面，似越棧咁囉，平日夜晚8點幾都仲要排隊等位，但都會問您想唔想搭枱。食物方面，容許我列點：椰青：甜既燒雞肉米紙卷：我去七仔買個燒雞肉三文治我諗會好d，反正雞肉味一樣，其餘既，點完汁都無味，雞肉又少。法式牛油雞翼：鄉土風情我真係識條鐵，點估到法國人鍾意牛油浸d炸硬左，然後面頭加d蒜蓉既雞翼姐。不過佢入面d雞肉juicy既（應該唔係牛油吧），味道偏淡少少。雜錦牛河粉：似清湯腩加牛肉同對半既牛丸，牛腩好食既，好稔好入味，肥瘦平均，牛丸好爽口，生牛肉都ok既（因為我唔識形容）<份量比較少，岩細食既女仔>滴漏咖啡：咖啡好香，可惜應該烘焙過左龍，d咖啡乸喉，好浪費😩（最後我係熱飲，因為突然記得唔飲得凍野住）態度方面，ok既，係有一個女侍應講既聽唔明，聽左幾次都聽唔明，然後有另一個侍應幫佢講，但整體都ok。250蚊食呢d，我自己就覺得無下次了，可能其他野好食，或者齋食河粉會好d？…查看更多