eva_leong22的个人专页

同閨蜜喺中環行到攰，發現士丹頓街呢間韓式簡約風嘅Cafe🏠入到去簡直以為自己去咗首爾聖水洞～門口放左紅色皮面梳化加上北歐小擺設，每個角落都係打卡位！最正係窗邊高腳凳位，望住中上環嘅斜路大街，睇住人行同車流，真係chill到唔捨得走～🍽️ Girls Dinner $168呢個set真係靚到唔捨得食！太陽蛋煎到完美流心，三文魚煙熏味恰到好處，最驚喜係佢哋嘅「醜土豆」- 外表唔靚但烤到外脆內軟上面灑海鹽再加有少少蜜糖嘅香氣～牛油果蓉調味清淡健康，配合酸種多士同烤蘑菇，成個配搭清新得嚟夠飽肚。番茄仔大大粒清甜多汁，雖然份量睇落精緻，但食完成個set都真係好飽！☕ BUTTER CREAM COLD BREW $60奶油冷萃超驚喜！面層嘅海鹽奶油打發得綿密，飲落先嘗到淡淡鹹香，上面灑滿咗肉桂粉👨‍🍳然後係冷萃咖啡嘅堅果風味，最後回甘清爽。奶油慢慢融化融入咖啡，每啖都有唔同層次～🍌BANANA BREAD LATTE $60香蕉拿鐵創意滿分！杯上面放咗表面烘烤過嘅焦糖香蕉，奶蓋係用香蕉蓉同雲呢拿打成，甜度自然唔假滑，飲落真係有香蕉奶嘅香甜味道。成杯飲品好似食緊甜品咁幸福～係幾特別嘅一款咖啡環境舒適，食物同咖啡都有心思，雖然價錢中上但絕對值得。見到隔離枱嘅韓國情侶叫咗甜品，睇落都好吸引，下次一定要試！…查看更多

今晚同朋友入石門食雞煲，呢間野係比我朋友大力推薦，佢都食左幾次😗七點未到已經全場爆滿，好彩有訂位！🐔 招牌麻辣雞煲（半隻）$178聽隔離台講BB辣係最好食，即刻同款叫左！一上枱香氣攻鼻！雞件大大件好入味，啖啖肉真係好爽！醬汁濃稠帶微麻，辣度溫柔唔嗆喉。雞肉嫩滑唔柴，連雞皮都索盡秘製醬汁，食到最後加湯打邊爐，個湯底即刻升級成麻辣火鍋湯🦆 台灣麻辣鴨血 $68全場MVP！真心係我食過咁多間最好食嘅麻辣鴨血～厚度切得啱啱好，質地滑溜到似食緊超嫩豆腐，但係又保持到彈牙口感。最厲害係個入味程度，每啖都充滿椒麻香，完全冇腥味，連平時唔食內臟嘅朋友都搶住encore！🥩 頂級安格斯牛小排 $198油脂花紋靚到發光，輕輕一淥就食得！牛味濃郁得嚟帶淡淡奶香，點少少蒜蓉醋更加提升鮮味～🍘 爆芝紫菜響鈴 $49邪惡度爆燈！新鮮炸起嘅響鈴卷包住紫菜同流心芝士，浸完湯外軟內脆，一咬開芝士漿湧出，超滿足！🥬 萵筍片 $36加咗份萵筍片打邊爐，切得薄薄哋，淥一陣就食得。口感爽脆清甜，索咗麻辣湯之後更加好味，又唔會太油膩，同濃味嘅雞煲幾夾～🍜 幼身紅薯粉 $32同一般粗身唔同，呢度用幼身版本，更加掛湯！淥兩分鐘就食得，嗦一聲吸盡麻辣湯精華，煙韌有咬口，我一個人就KO咗成碗～🍐藍蝶雪梨茶 $38 夢幻藍色好啱打卡，雪梨潤肺又清熱。不過藍碟飲完係有滑腸功效，朋友飲完出到門口就要去廁所了🍹玫瑰柚子茶 $38 玫瑰花香襯托柚子清甜，解辣一流，兩杯都大大杯夠冰凍，打邊爐飲真係透心涼！最後埋單每人三百零蚊，飽到捧住個肚走。為咗個神級麻辣鴨血，我已經約定班同事下星期再encore！…查看更多

今日做完野完喺尖沙咀搵食，行到赫德道呢間邊，平時食開另一間老字號既雲吞麵，見到佢比起我平時食嗰間平一半，真係要試試係咩貨式😌🍜 雙拼粉麵 $46揀咗招牌虎蝦雲吞拼新鮮騸牯牛肉，竹昇麵底。一上枱就知掂，個湯底清得嚟帶金黃色，飲落有濃郁大地魚香，完全唔係味精湯🍲虎蝦雲吞每粒都脹卜卜，咬開見到入面有三隻蝦，好彈牙，食左兩粒已經好飽肚；騸牯牛肉切得薄身，汆得剛好粉嫩，牛味濃得嚟帶啖啖油脂香。幼麵索晒湯汁又夠爽身，我連湯都飲清先肯放碗！🥬 蠔油芥蘭 $20芥蘭揀咗最嫩嘅部分，焯水時間啱啱好，保持翠綠爽脆。蠔油正常發揮，量好多叫做幾抵食。🌶️ 自家辣椒油枱頭呢樽辣椒油先係重點！聞到好香蝦米味，辣度啱啱好，落少少已經幫碗麵加晒分。臨走見隔離枱個師奶買樽返屋企，原來$50有交易🍘 酸甜炸雲吞 $33即叫即炸！雲吞皮薄到透光，炸到金黃鬆化，咬落「咔嚓」聲。其實同雙拼麵入面嗰隻雲吞係一樣，只不過係炸嘅版本，點埋酸甜汁開胃得嚟解膩一流。下次要同朋友share，因為真係好大粒🥄隔臨走見到外賣不斷，原來呢度嘅生雲吞、竹昇麵同辣椒油都可以單買，呢個價錢喺尖沙咀，真係抵到爛！…查看更多

今日吾係咁肚餓想飲野當下午茶，去咗呢間好似幾健康既牛油果先生，下午4點工作日都有好多人企喺度等外賣！等左10分鐘終於有🤤🥑 牛油果羽衣甘藍奇亞籽燕麥 $55一打開膠杯嚇親！佢將成半個新鮮牛油果打左入去，仲要係熟到剛好嘅翠綠色。配上煙韌燕麥珠，軟綿得嚟帶咬口，奇亞籽泡發得啱啱好，撈埋羽衣甘藍碎，口感超豐富，飲到一半已經好飽肚！冰沙超解暑！🧀 牛油果明治鮮奶絕配芝士奶蓋 $52呢杯絕對係驚喜之作！頂層係鹹香芝士奶蓋，綿密到似食緊空氣感濃芝士🫨中層係牛油果明治鮮奶，底層居然係新鮮牛油果肉打成的蓉🫧飲落先嚐到奶蓋的微鹹，跟住係牛油果奶的醇厚，最後咬到細碎果肉，層次分明得嚟又融合得巧妙！🥛 牛油果混奶 $52朋友最近吾飲得冰，揀左呢杯難得吾係冰沙既手搖，牛油果嘅青澀同牛奶嘅甜潤平衡得剛剛好，杯底仲有少量牛油果粒增加口感。朋友飲咗一啖即刻眼仔發光話似飲緊液態牛油果布甸咁，入面仲有燕麥粒爆爆珠，推！臨走見到櫃枱又開始排長龍，呢個質素我應該會成日黎，又想試下佢個榴槤味產品，已經搵定聽日再嚟嘅理由～…查看更多

想食新疆菜，朋友推薦我去佐敦搵食，佢話呢間係真正嘅新疆風🤤鋪頭喺德寶城商業中心2樓，周邊貼曬宣傳poster都算幾易搵，入到去已經坐滿晒人，一入門就聞到炭烤香同孜然味，頭頂掛住新疆特色燈，五光十色好有feeeel🔥 羊肉串 $22/串即叫即炭烤！鐵籤串住半肥瘦羊肩肉，肥膏部分烤到透明脆邊，瘦肉嫩到滴肉汁🐑 撒滿粗粒孜然粉同辣椒麵，香料味濃到衝鼻但完全唔騷🍽️🥟 烤包子 $20即烤爆汁警報！金黃色酥皮脹卜卜，表面灑滿芝麻，一咬開熱氣噴出～內餡係洋蔥孜然羊肉粒，肉汁浸到包底微濕潤，羊油香同麵粉焦香瘋狂交融💥 外皮似牛角包鬆化帶脆，記得趁熱食否則會漏汁！🍜 丁丁炒麵 $68想試好耐，終於食到！原來丁丁炒麵係將手拉麵條切成粒狀再同青紅椒、羊肉末、番茄爆炒，口感似意大利飯同中式炒麵混合體～麵粒煙韌有嚼勁，吸盡酸酸甜甜嘅番茄芡汁，用匙羹舀嚟食超治癒，一個人KO半碟唔停口！真係好香建議必食！🍺 新疆奶啤 $15本身以為係係啤酒，點知店員話係乳酸氣泡飲料！第一次飲～銀白色罐仔凍到起霜，倒出嚟似稀身乳酪🥛 入口先嚐到奶甜味，之後衝出細密氣泡伴微微麥香，解辣效果一流，原來維族人真係會用嚟送烤羊肉，果然係神級配搭～臨走時問左句店員會吾會將來update餐單，佢話之後會有我中意食既新疆炒米粉，我諗之後再想encore！！…查看更多

同事話公司附近開咗間好食又抵食嘅冒菜，今日lunch又想食少少辣嘢，再跟住佢一齊去試吓💗入到去見到唔少人排隊，不過等咗5分鐘就可以落單了，唔使幾耐就拎到返Office食📈冒菜C餐（任選5款配菜）$55一直猶豫緊叫藤椒湯定麻辣湯，最尾叫左冒菜麻辣湯小辣✨男同事太肚餓叫咗8餸啲餸多到裝吾曬，我吾係太肚餓就叫咗五個餸（風琴豆腐、蓮藕片、雞中翼、鮮蝦雲吞同豬大腸）同埋蕃薯粉👩‍🍳一打開見佢放左好多蒜，啲餸好足料，每樣材料有3件以上，食落其實都唔係好辣，但好香好香，下次可以挑戰中辣💁🏻‍♀️自己最中意係豬大腸，真係滷得好入味，風琴豆腐吸晒啲湯汁食冒菜必點👀泡椒魚皮 $28呢個真係超平超平！平時出面嘅川菜餐廳到$40以上。呢個比起我個冒菜小辣更辣🌶️魚皮入晒味比起藤椒魚皮更加惹味，份量足夠同同事share一齊食桃膠燉雪燕 $22食完冒菜覺我要潤下喉，再喺公司落去買啲野杯同甜品翻去，呢個又係好足料！要搖一搖先至可以飲得晒所有料，桃膠好滑又大塊～雪燕唔會得幾片，加埋紅棗飲落去成件事好養生🙂自選甜品 $28本身諗住揀豆腐凍但係賣晒😶‍🌫️最後揀左店長推薦既燒仙草配黑糖汁再加芋圓！咁樣都係$28🥹仙草冇講錯真係好滑，黑糖唔算特別太甜，啱晒唔係食得好甜既我，重點係芋圓真係好好食！真係軟軟糯糯吾會硬又難消化，係我食過咁多間最好食嘅其中一間💙…查看更多

最近睇蔡瀾啲書，成日都提起九龍城間中菜，今日收工特登過去試真啲！夜晚七點半已經坐滿晒人，好在等咗10分鐘就有位～ ✨ 老火例湯(細煲）$108一坐低阿姐就推介是日例湯——青紅蘿蔔粟米豬骨湯！細煲足夠4碗，湯渣裝到半滿，撈起仲見到成舊豬骨🐟！飲落超濃郁，冇味精好甜好夠火喉，啖啖都有豬骨香 🔥 招牌炒豬雜 $118必點嘅鎮店之寶！豬肝、豬腰、粉腸爆炒得鑊氣沖天，仲落咗大量薑蔥同秘製醬油。豬腰切花刀好爽脆冇異味，連我平時最唔鍾意食嘅豬潤都可以炒得好有鑊氣，最驚喜係粉腸洗得超乾淨，咬落甘香帶微焦邊👏🏻 🍖 山楂醬排骨 $95睇落似普通生炒骨，一食先知係心思作！排骨炸到外脆內鬆化，掛滿琥珀色嘅山楂醬，酸甜平衡得啱啱好，我覺得山楂醬調味係好食過菠蘿咕嚕肉，解膩效果滿分，同行怕肥嘅閨蜜都偷食咗三件😂 🥬 蒜蓉油麥菜 $72特登叫碟菜睇下會唔會都係咁有水準，上到枱油麥菜翠綠到發光，蒜蓉爆到金黃色又唔燶，菜葉索晒油香夠曬香 🐖 豬油撈飯(細桶）$60懷舊殺手鐧！細桶其實夠3-4人分，上枱時熱飯冒煙，自己撈埋豬油+甜豉油，睇住啲豬油慢慢溶化... 飯粒油潤到閃令令✨ 忍唔住扒咗兩碗，同行朋友未食過豬油撈飯食完之後都大讚 🍳香煎蓮藕餅 $108厚度超有誠意！每塊都係手打蓮藕粒混半肥瘦豬肉再加鯪魚肉一齊打，煎到兩面金黃微脆，咬落「喀嚓」一聲，蓮藕爽脆入面仲有豬油香。呢個價錢有6大件係真心抵 …查看更多

係銅鑼灣買完野，一個人想食打邊爐放題，近近地揀左呢間新開「馬祖」火鍋放題，入到去原來係人氣食店都好多人排緊隊食！我揀左$148既Prime Grade牛肩胛拼無激素豬肉片套餐🍽️QR code落單完野飲就開餐！🥩Prime Grade牛肩胛拼無激素豬肉片雪花紋靚到似藝術品！淥10秒變粉嫩色，入口即化仲帶濃郁牛油香🐮無激素豬肉片薄切透光但唔會一夾就散，肥瘦比例完美！淥熟後捲成玫瑰狀，口感爽滑冇豬臊味～🍲 台灣藥膳麻油雞湯十幾個湯底入面揀左麻油雞湯，一上枱就聞到濃濃麻油香！湯底滾起時藥材味慢慢釋出，枸杞、紅棗清晰可見🐔飲啖湯成個身即刻暖笠笠～又健康又好飲😉藥膳味同麻油平衡得剛好，唔會苦澀，忍唔住飲咗兩碗！火鍋配料任食，即炸響鈴浸入麻油湯三秒立即軟化，吸滿湯汁精華。豆腐芝心丸一咬開就有流心芝士湧出，食嘅時候超燙口要小心！手打牛丸彈牙有嚼勁，隱約帶有陳皮香氣。驚喜見到羽衣甘藍，這種較少見的火鍋菜耐煮不爛，吸收湯汁後帶點微甘很解膩。菇類選擇多金針菇、香菇放滿碗，索汁能力超強！最後落單叫呢個台灣手工陽春麵！撈埋麻油雞湯💥 索盡藥膳精華，食到唔捨得放筷～台式飲品原來都係任飲，試左兩款🥤柑桔檸檬烏龍茶😀清新柑桔香撞烏龍茶底，打邊爐邊飲解膩一流🧊另外果杯幾驚喜，係朱古力雪香奶茶，上面佈滿脆脆，朱古力味超濃！奶茶同朱古力夾得岩岩好，吾會過甜最後要食翻個甜品，Mövenpick係任食！瘋狂encore特濃咖啡味！咖啡味濃到似食緊冰凍Espresso☕️裡面仲有咖啡豆碎增加口感，食完成個火鍋燥熱感即刻消失～狂隊3杯先肯收手…查看更多

朋友新屋入伙，搬完屋見佢屋企就樓下有間糖水鋪就試試佢✨鋪頭唔大但一半座位都係一家大細同後生仔女，睇嚟係街坊生意多，個個都熟口熟面咁同老闆傾偈。🍑 桃膠蛋白杏仁茶 $38熱辣辣上台，杏仁味香濃得嚟唔刺鼻，飲落順滑冇渣。桃膠份量十足，煮到透明Q彈，仲有大大塊雪白蛋白浮面。甜度調得啱啱好，暖笠笠飲完成個人都舒服晒，好適合最近轉涼嘅天氣！🥭 楊枝金露 $34傳統糖水但做得有心機！芒果肉香甜唔酸，果肉都吾少，西柚肉粒粒爆汁，仲有超多西米同柚子絲。椰汁底濃稠度適中，唔會稀得像水，凍食清新解渴～🥚 雙拼雞蛋仔（海苔肉鬆＋黑糖麻糬）$35創新配搭！雞蛋仔即叫即製，外層脆卜卜，咬開軟熟有蛋香。一邊灑滿鹹香海苔粉同絲絲肉鬆，鹹甜交織好過癮；另一邊就藏住煙韌黑糖麻糬，拉絲效果十足，黑糖味濃郁唔死甜。一底有齊兩種口味，滿足晒貪心嘅我！見到隔離枱嘅公公婆婆食緊麻薯小丸子紅豆沙超吸引，我朋友已經將呢間鋪頭bookmark左話要成日黎！…查看更多

今日去中環Central 88做嘢，好想食燒味就直接入咗呢間茶記。門面光猛乾淨，仲有個透明玻璃掛滿油亮燒鵝，未入門口已經流口水！🍜 燒鵝叉燒雙拼瀨粉 $73燒鵝咬落有淡淡陳皮甘香，完全中和咗油膩感。鵝肉醃得入味，連胸位都唔嚡口，蜜汁叉燒半肥瘦靚位，燶邊帶蜜香，肉質鬆化唔黏牙，瀨粉驚喜地爽滑唔易斷，而且份量都唔少！平時食開瀨粉都唔飽，呢間就啱啱好🐔 雞腳冬瓜湯跟餐例湯絕不馬虎！真材實料見到成隻雞腳同大塊冬瓜，煲到湯色奶白。雞腳膠質豐富，飲完成個口都黏黏的，冬天飲又保暖又安胃🍋 陳皮檸檬茶 （套餐+$9）原片陳皮沉底，本來以為唔夾，但係陳皮原來配檸檬係幾甜下，而且帶回甘。檸檬用匙羹篤爛後，陳皮香氣同檸檬酸味完美融合。飲完喉嚨好舒服，絕對值得加錢試！埋單$82有齊燒味雙拼、真材實料老火湯同特色飲品，喺中環金融中心區來講性價比幾高！…查看更多

今日行過西九龍中心，上到8樓發現呢度真係隱世食街，行行下有陣蝦湯香味飄出嚟，忍唔住order咗幾樣日本野🇯🇵🍤 日の赤海老沾麵 $76個沾麵湯底真係不得了！用咗大量蝦殼蝦頭熬製，濃稠得嚟充滿蝦膏嘅甘香。湯汁夠熱，拎埋位嗰時啲湯汁已經係個石鍋入邊沸騰緊，將冰涼嘅麵條浸落去，每條都掛到湯。麵質偏粗身，咬落煙韌有彈性，兩大塊慢煮叉燒有炙燒嘅味道都幾有驚喜，再加半隻溏心蛋同大量筍條沾蝦湯食，份量真係岩岩好🫧食到最後將紫菜浸入剩餘嘅沾麵湯，超滿足！🍡 黑松露小丸子 $34即叫即炸！一上枱就聞到好香黑松露味。外皮炸到金黃脆身，咬開裡面係軟糯既口感，同喺大阪食既一模一樣，每粒上面都有大量黑松露，好似食緊魚子醬放題咁，鹹香之中帶點清新，作為小食真係一流！雖然鋪頭位置有啲難搵，但為咗碗濃厚蝦湯沾麵同香口小丸子，絕對值得專程過嚟試下。下次想試埋佢哋嘅招牌蛋包飯～…查看更多

同好耐冇見嘅朋友食飯，嚟到瓊華中心打邊爐，晚市$338放題包埋海鮮拼盤同手切牛肉圈，仲有紅酒白酒任飲，都抵食✨🐮 潮汕牛肉盛宴一坐低就送上霸氣手切牛肉圈，圍住個鍋擺到滿滿當當，有匙柄、吊龍、雪花牛，牛胸油等唔同部位。呢個位置佢都會教你要淥幾耐🥢我同朋友最鍾意食雪花牛，牛肉色澤靚，油脂分布均勻，輕輕一淥就食到濃濃牛味。 QR code落單可以無限encore手切牛同豚肉，仲有即切脆肉鯇，魚肉爽脆鮮甜，淥十零秒就食得。🦐 海鮮拼盤放題跟嘅海鮮拼盤有齊沙白、鮑魚、生蠔同大蝦，全部新鮮乾淨。沙白吐沙徹底，鮑魚彈牙，生蠔超大隻但冇得瘋狂encore，朋友最鍾意食蝦，瘋狂讚呢度嘅蝦超級甜🌿 罕見蔬菜出面自助區竟然有冰菜同水蓮呢啲冷門蔬菜！水蓮口感清脆帶獨特清香，我第一次食就已經愛上咗，完全無視咗其他蔬菜🤣冰菜就卜卜脆，打邊爐真係第一次見。仲有即包手工小雲吞，牛肉餡香濃細嫩，細細粒一口一個，我哋encore咗三次！🍷 手作飲品任飲除咗紅酒白酒任斟，竟然有熱洛神花茶同枸杞桂圓茶。紅棗枸杞桂圓茶足料到不得了，又養顏啱晒女仔飲～朋友仲試咗佢哋嘅洛神花茶酸甜開胃，打邊爐飲一流！而且竟然有「生」可樂飲，出面賣到$15以上一枝，呢度竟然可以任飲🌟🌽 邪惡熱食小菜忍唔住試咗幾款熱食，椒鹽粟米鹹香惹味，南乳炸雞翼外脆內嫩，鹹蛋黃魚皮卜卜脆～仲有爽脆魚皮同豉椒炒蜆，未打邊爐已經食咗半飽！最後食返條童年回憶雙棍雪條解膩！成晚不停食肉飲酒，我地都捧住個肚走。$338有咁多選擇，仲要見到啲師傅喺入邊即刻切牛肉，坐得又幾舒服，會再encore！…查看更多

今日放lunch近近地，嚟到公司附近食下拉麵，呢間木系裝修幾和風，位置不多，入去已經剩返吾多位，坐低見到隔離枱碗拉麵湯底色水唔錯，即刻跟風叫咗碗香辣醬油拉麵特盛！🍜 香辣醬油拉麵特盛 $116真心要讚個湯底！揀咗小辣，飲第一啖已經想比like～辣度溫柔，但醬油同豚骨湯嘅融合做得好好，飲完成個口都係餘韻，完全唔口渴。幼直麵煮得啱啱好，咬落彈牙又掛湯。我特別鍾意撈埋京蔥一齊食，嗰種辛甜同辣湯真係天作之合～配料夠晒足料！叉燒雖然薄切但足足有五大片，半肥瘦入口即化；糖心蛋流心效果完美，醃得入味，菠菜同筍絲吸盡湯汁，仲有塊大紫菜，我留到最後啲湯又啱啱好可以浸淋嚟食，索晒啲湯真係超滿足！🥟 炸雞皮餃子 $32外皮用雞皮炸到金黃脆口，咬落卜卜脆，放咗10幾分鐘仲係脆。點少少醋食更加醒胃，雖然4件唔算多，但味道值得一試。我一個普通女仔叫咗特盛拉麵加埋餃子先至覺得飽，呢個質素我下次一定會再encore！…查看更多

同friend喺旺角睇完戲，求其躝入砵蘭街想食辣野，發現呢間幾枱客枱面嘅餸菜份量都好大吓，完全啱晒我同個friend兩個超肚餓嘅狀態！🍲 自選五餸香鍋（香辣小辣）我哋揀咗肥牛、五花腩片、脆毛肚、萵筍同鮮腐竹，最好食係肥牛！啲肉完全鞋好嫩口！五花腩咬落去油脂同麻辣味一齊爆出嚟。脆毛肚每塊都切到啱啱好，鮮腐竹亦都係必叫，海綿咁索晒的湯汁，最後叫咗萵筍片好似令到個香鍋健康啲，爽脆入味！平時食開譚仔三小叫小辣其實都好夠～🐟 麻辣魚皮 魚皮撈得勻循，伴紅蘿蔔絲同埋香葉，成件事好似冇咁邪惡，每塊都黐滿芝麻同辣汁，入口先係脆，跟住辣味慢慢滲出，送飯一流！🍋 金桔檸檬茶 杯野凍冰冰，飲落酸甜適中，仲見到幾嚿金桔肉沉喺杯底。最正係夠大杯，檸檬片夠多，飲完成個口即刻降溫，對付麻辣最啱晒🍍 百香果檸檬茶 熱帶果味爆棚，每啖都飲到百香果籽，咬落卜卜聲。甜度調得剛剛好，唔會死甜，食食吓香鍋可以解辣…查看更多

今日專登走到中環，就為咗食朋友介紹既呢間韓式豆腐鍋🎍門口睇落低調幾似首爾聖水cafe🇰🇷入面坐得幾舒服，走嗰時仲見到有韓國人食緊～枱面有冰水壺，倒出嚟仲有冰粒❄️ 1秒穿越韓國！旁邊仲有提供飯焦糖同牙線，中意食飯焦糖既我見到真係超開心🍽️好快店員就送咗前菜過尼，有雜菜粉絲，麻油香爆燈！泡菜同小魚乾，最估唔到係有辣年糕🌶️重點係佢個味同韓國街邊食嘅一模一樣😀🦞 海鮮嫩豆腐鍋配泥蚶拌飯 $198石鍋滾住上枱！豆腐嫩到似豆花一夾就散，海鮮有大蝦、蜆同蟹腳！餐廳比左生蛋我，放落鍋入面撈開更濃滑～好快就上左我好想食既泥蚶拌飯，泥蚶超多！目測超過30隻肥美泥蚶🐚 每啖都食到3-4隻爆汁泥蚶，鮮甜新鮮，包埋紫菜食好正，$198有呢個份量真心好抵！🐂牛肉豆腐鍋配醬油蝦4隻 $198醬油蝦控必點！醬油蝦超大隻！蝦頭爆膏、蝦肉爽甜似刺身，醃得鹹甜剛好～呢個價錢平時喺首爾只可以啱啱食到四隻醬油蝦，今次仲要配埋豆腐鍋真係好抵！！牛肉豆腐湯底濃郁唔死鹹，肉份量足，肥瘦適中，喺個煲咁耐都都完全唔韌，湯頭加滑luuu嘅豆腐放入去啱啱蒸起嘅飯入面食，吸盡辣湯精華，超推！…查看更多