ashleysy的個人專頁

這家「千海水產」是近期最新最火的水產放題店。屬大喜屋集團旗下，所以部分食物和大喜屋、殿、牛站相同。之前在深圳吃過類似的水產餐廳，所以想比較一下香港質素如何，很期待，兩星期前叫老公提前預約。九龍灣淘大店就在donki上面。限時2小時，5:30-7:30，每位278再加一（不同時段價錢不同）雖然餐廳很大，但座位其實很擠🥲 桌子小小的，火鍋卻很大，還有一個菜盆、一個銀色小桶放海鮮、一包紙巾、一個骨盛，桌面已沒什麼空間放食物了。我們2人座很擠，3人坐4人位最舒適，4成人也會很擠。———————————————❤️熟食方面：（其實就是大喜屋那些）蒜蓉焗蠔：漏單，再下單等了很久終於來了2隻，我吃的那隻臭了🥲燒乳鴿：不錯煎鵝肝：好吃，很厚很大件，我喜歡全熟，大喜屋的太生了榴蓮：冷的，算甜，核較大燉木瓜：沒點但既然來了就試，還不錯榴蓮炸彈：我最愛😻——————————————❤️湯底方面：藥饍雞：藥味很淡，以雞湯為主——————————————自助區：有很多種類的菜，是比一般火鍋店特別的款式（西洋菜、豆苗、紅莧菜、冰菜、皇帝菜、水蓮、紫色大白菜⋯等）各種火鍋配料：水魷魚、黑柏葉、火鍋用大生蠔、雞子、田雞⋯⋯等等前菜：麻辣魚皮、煙三文魚⋯等還有些熟食：炸物、台式滷肉飯、燴牛尾、紅豆沙⋯⋯等——————————————————❤️即撈活海鮮：美國蜆、沙白、花螺、青口、基圍蝦、大頭蝦、三點蟹、花蟹、鮑魚⋯⋯等每桌只有一個銀色小桶（放海鮮），一個小盆子（放青菜）海鮮全都很新鮮活潑：蝦亂跳、蟹掙扎、鮑魚也會動，我撈的時候有點害怕🥲海鮮可以交給職員處理（清洗和切），等大約20分鐘，再憑號碼牌取回。部分海鮮不用洗的（例如蝦）也可直接拿回去火鍋，不用等。但撈到桶子記住馬上蓋蓋子，以防蝦子跳出來，弄濕衣物和地方蟹：蟹身只有約12*6cm，比較小，吃了兩隻母的也沒蟹黃，但肉鮮甜大頭蝦：蝦味很淡但有膏基圍蝦還是草蝦？：熟後深紅色，鮮甜好吃鮑魚：約5cm長，很鮮甜，吃了很多大生蠔：熟了也算大，不腥，但腸胃差不敢多吃————————————————❤️肉類羊肉：沒羊味澳洲牛：很多肥肉美國牛肩肉：還行湯底裡的雞肉：很乾————————————————-❤️甜品紅豆沙：質地很稠，不會過甜，但沒陳皮味芝士蛋糕：還行綠色馬卡龍：味道怪怪的，非平時吃到的味道—————————————❤️飲品：有很多款式，還有梅酒清酒生啤————————————-❤️總評🌟🌟🌟環境：店面雖大，但桌子太小，火鍋太大佔空間；海鮮區及配料區地下很濕滑，要小心走，店員宜派職員拖地/加防滑地氈🌟🌟🌟🌟🌟價錢：實惠🌟🌟🌟🌟食物味道：熟食很好吃（除了焗蠔臭了），火鍋肉類待改進，海鮮合格，配料款式多，飲料種類多🌟🌟🌟服務：還行，有漏單情況，上菜慢，執台慢。反而最忙的海鮮職員態度不錯🌟🌟其他：不論多少人數，每桌只有一個菜盆子+一個海鮮小桶+一個鍋，使用時不方便，不夠人性化…查看更多

呢晚同老公放工去食但馬屋，已經幾年無食啦，因為地點唔太方便我地。平日晚上7點前去到可直入。揀左389黑毛和牛+北海道夢之大地豚。菜，得生菜、娃娃菜、羽衣甘藍、日本芽菜。另外都係一般果啲冬瓜、冬菇、蕃茄、南瓜、本菇、金菇、洋蔥之類。order左一個鰹魚昆布湯。一個蕃茄壽喜燒湯底。昆布好淡 無乜味。蕃茄壽喜燒果個係一pat未溶曬既茄汁⋯⋯好甜，甜到有d假，又食唔到壽喜燒醬油味。佢入面仲有羽衣甘藍，超級苦又硬，全部要夾走。頭果兩盤牛肉睇樣都覺得一般般，可能平時食開牛一果種😩 所以同預期有落差。食落都係一般般，無和牛味、又比較鞋。🫠反而豚肉可以，幾鮮甜，唔算滑，又唔算太鞋。之後追加左牛肉（第一次追加）第二次追加：呢碟比較好，有和牛香味第三次追加：肥到傻😡 點放入口😓 白色多過紅色。最後仲追加左一次，無影相，質素同第一二碟差唔多。截單之後，隔離入左兩個客人，佢地都係389個餐，但佢地頭2碟已經好靚⋯⋯見到真係有唔開心。總評： 加埋一每人都要428hkd，本身係會員都優惠，要儲好多好多分先有。以後寧願俾貴d食返牛一好過🫠 一來菜好少選擇，二來呢間d牛，一係無和牛味，一係好肥，一係好瘦+成條白邊，真心唔好食。我已經點好少豉油，但都成晚好口渴。無下次。…查看更多

幾年都冇食呢間buffet，最近老公發現佢有信用卡優惠，於是book咗位食平日晚市自助餐（星期一）我哋放工去到先知，原來呢間係七點開始😂😂 （因為我哋冇睇清楚），食過好多間自助餐都係6:30，於是我哋就喺大堂等咗一陣先入去影相。入到去樓底極高，燈光非常暗，好有情調。但係如果老人家就要小心行，因為用餐區要行幾級先可以去攞嘢食。呢間好均真㗎😅6:55有客人問廚房師傅是否已經開始？對方話仲有幾分鐘，即是要到7:00先至可以攞嘢食😅😅食物款式真係唔多，同幾年前一樣咁少。以前有粉絲蒸扇貝，辣酒煮花螺，好好食，可惜而家冇啦。🥲🥲但係而家多到咗凍海鮮同埋刺身。羊架（超好食、好粉嫩）、熟三文魚（合格無特別）海南雞（不錯）、叉燒（調味太甜欠層次）、燒乳鴿（好霉好霉）刺身： 赤貝、魷魚、吞拿魚、帶子、三文魚（推薦赤貝和三文魚，帶子不算大粒，而且唔係食過最鮮甜）凍蝦（合格）、翡翠青口（無味）、蟹腳（偏咸）片皮鴨（不錯、春卷皮好食）蘑菇意粉、炸魚大蜆、避風塘炒蟹蒜蓉開邊蝦：不錯的蠔皇鮑魚，好好味但芡汁好飽，必食👍🏻必食👍🏻巨大的蟹拑，好新鮮好甜。蜆偏老、靭。鮮蝦雲吞： 超好食，入面巨大化的蝦，又爽又甜又粗大（蝦身粗過我手指公），必食👍🏻 甜品款又少，味道又一般，好失望。另外，中式湯好咸。燒牛肉也不錯，鮮粉色又好有肉味。每人只包一杯飲品。4百頭真係好抵，但有部分食物味道質素有待改善。…查看更多

29/3 星期三 晚市自助餐官網優惠469一位已包加一，先要入數恆生戶口每位100。灣景廳係灣仔站同會展站之間，會展站近少少。6:30 左右到，職員安排坐近窗邊位，樓底矮，唔算好迫，但張枱勁癡立立，好嘔心。食物款式不算多，但還可以。片皮鴨💋💋💋💋鴨皮脆，醬汁好味唔死咸叉燒💋💋好乾好瘦咖哩蟹💋唔辣，又無咖哩味，蟹蓋乜都無得空殼🥲魚湯白菜💋💋💋正常蒸比目魚💋💋💋滑，但唔夠豉油海鮮酥皮盒💋💋一般，食唔出係咩海鮮燒牛肉💋💋一般，唔太乾，但又無咩太牛味每人每次可取3隻生蠔💋💋💋💋好甜唔鯹，算肥，我最鐘意圖中呢種淺啡色奶白色，佢random出，之後有另一種偏灰、有黑邊的，我覺得無咁好食。薑醋💋💋💋💋豬腳夠軟，夠入味，醋再酸少少就好扇貝粉絲💋💋💋好油，粉絲無味唔彈牙，（唔夠蒜唔夠豉油），但粒元貝肉好肥好甜好大粒😍 後尾我決定整走粉絲來食。羊架💋💋太熟釀蟹蓋💋💋無蟹肉，一般芝士💋💋💋 幾好龍蝦拑💋💋💋不錯，餐廳有手套提供蟹腳💋💋💋💋不算大隻，但好好肉，甜，唔死咸青口💋好淡，口感我覺得好難食，即吐出甜蝦、三文魚刺身💋💋💋💋不錯👍🏻新鮮每人半邊凍龍蝦💋💋💋比其他酒店細隻，但肉質好似真係無咁老沙拉菜💋💋💋💋菜幾新鮮海底椰雪梨花膠瘦肉燉湯💋💋💋💋💋超好飲，飲左2-3碗凍蜆💋💋💋飽滿但無味菠蘿💋💋💋💋甜，但我唔鐘意有皮😭煎鴨肝💋💋💋💋鴨肝好味😋 （7點後供應）多士都仲脆，配意大利黑醋醬，甜甜酸酸燕窩奶凍💋💋💋💋幾好，唔太甜葡撻💋💋💋💋蛋幾好，酥皮脆即整心太軟💋💋💋💋流心、唔太甜，好溫暖服務💋💋💋💋職員都好有禮貌，收碟職員好快手（即使我地坐既位比較偏遠）整體：以2023年來說，平日晚市469一位算好平，當然唔係樣樣味道都好食，但係算對得住價錢，可以再食。必食推介：生蠔、凍蟹腳、蒸扇貝（走粉絲）、燉湯、煎鴨肝、心太軟、甜蝦、三文魚刺身…查看更多

星期日2點左右去到，叫左個蝦天婦羅定食108、一個野菜天婦羅定食88。前菜：秋葵+鴻喜菇，平時我唔食秋葵，但呢個有我最鍾意既菇，竟然我入到口，我接受到。野菜天婦羅丼： 好多種蔬菜：舞茸、蘆筍、蓮藕、南瓜、茄子。我老公食左第一啖，已經話炸得好好食。另外，仲跟左咖喱鹽、芥末鹽、香草鹽。茄子好淡無咩味，點咖喱鹽真係好正蝦天婦羅丼： 3隻蝦，好大隻！ 好好味！ 又鮮甜又有蝦味。（唔係平時厚粉扮大隻，係真係好大隻蝦）另外仲有野菜丼既菜（除左無果條粗大蘆筍）湯：豆腐滑滑、好味。回頭度：100%我見隔籬枱個男人叫咗天婦羅蕎麥麵餐，原來又有飯又有蕎麥麵，好多料，好似先158，仲抵食，等我下次試先。…查看更多

星期日，見竟然無人排隊，就入去試呢間（其實想試好耐）一入到去，燈光昏黃好正！裝修好正！忍唔住影左好多相。（原來棵樹會轉主題，之前係紅葉，依家係白色櫻花樹）order左98hkd紅酒燉牛肉蛋包飯、72hkd卡邦尼意粉，再+28hkd 有沙律同飲品。侍應會問駛唔駛影相先，我影完，佢會幫你切開蛋，變成蛋包飯。紅酒汁燉牛肉蛋包飯💖💖💖💖💖蛋： 半熟，好滑好好味紅酒汁：食唔到酒味，甜甜地，好岩女仔飯： 茄汁味，飯多汁，有蔬菜粒牛肉： 好入味！好似食緊豚角煮咁。其他：有幾條沙拉菜伴碟 我覺得份量算多。💖💖💖💖日式卡邦尼意粉上面有鰹魚碎，開頭以為唔夾，但食落又幾夾。有菇、有煙肉、芝士粉，同出面食嘅味道差不多，份量不少。跟餐沙律（落單時職員無講係咩沙律，我地以為係生菜果類。我地兩個都跟餐，黎左一個薯仔，一個四季豆，似乎款式係隨機）💖💖薯仔沙拉： 作為頭盤，太清淡，唔夠酸💖 四季豆：好青，唔好食😩似乎兩款都唔太岩我地食😆💖💖💖💖上面有巧克力粉果杯係泡沫咖啡，好飲，唔甜。💖💖 牛奶榛子咖啡，偏甜，無咩咖啡味整體好滿意！好開心，好似去左轉日本咁！兩人價錢24x，好飽，值！…查看更多

星期日一點半～兩點都好多人，等左好耐位，35分鐘終於到我地。😭😭正值秋天，當然叫返個期間限定既拖羅餐！hkd158，有3色吞拿魚+指定飲品+麵豉湯+指定甜品+前菜。其實上年疫情期間，都有試過丼丼屋既拖羅，老公話超正！話好食過出面所謂專食魚生既日本餐廳，甚至可以話好食過日本😭😭 今次好期待！因為上次太好食，我好擔心食唔返當時既水準。結果：今次一次過滿足曬吞拿魚fans，因為有曬3種味道！ 先試最淺色果塊，一啲都唔鯹。再試深紅色，好有魚味，配上一粒粒嘅芝麻，一個字：香！ 好嘢梗係留返最後先食，寶石紋嘅大拖羅😍 真係超好食！ 只係有一舊有dd筋。真係感動到有d想喊，竟然呢個價錢喺香港都食到咁高水準😨而我就叫咗炙燒刺身丼88。 三文魚外面燒過，入面仍然生的，入口即溶🥰帶子鮮甜，燒過有少少香味，不過同生食分別不大。個蝦真係不得了！ 入口唔會有滑潺潺嘅感覺（可能因為燒過），無半點鯹味，只有鮮甜味+蝦味！ 最後，講吓個飯。飯粒飽滿，有口感，而且係我哋最鍾意既白醋飯，（因為近年好流行用赤醋，但我哋好憎😭😂） 我覺得可以再酸多少少，就更加完美。飯量好多，食晒啲餸淨晒啲飯😢🥺 下次都係加返碟芝麻雞翼送飯，費事浪費咁靚嘅飯。我覺得丼丼屋真係好犀利，點解全部魚生/刺身都可以同日本一樣咁新鮮！？ 因為我地去日本旅行都未必餐餐都食到新鮮魚生，日本食過有啲可以好差。😞兩人埋單270連加一，其實一啲都唔貴，以咁嘅水準🥰🥰🥰分數10/10…查看更多

提早幾個星期book 呢間餐廳。7點到，無乜人，老公話：「超！都無人！早知唔book，照walk in ⋯⋯覺得有d伏。」環境真心令，好適合打卡。有個意大利中年型男職員服務，另有一香港女職員+外藉女職員。叫左一個set dinner $298（湯+主菜+甜品+飲品一杯），再散叫一個pizza $158是日 set dinner 係蜆肉忌廉湯+牛扒落左好多酒，酸酸地，有薯仔，好多蜆肉，仲跟一條脆既麵包條（有d咸）蜆應該有10隻？好味鮮甜無沙！瑪格麗塔pizza，好大份，比平時既pizza厚，味道不錯。5成熟牛扒，黎到變6-7成，外層有微焦香味，入面仲仍然好juicy，好有肉味，厚薄適中。伴碟菜亦好食，好鍾意翠肉瓜，好爽。炸包好油，但好香，share食剛好。...7:30左右，客人陸續到達，全店full了，原來真係有booking既，仲以為餐廳專登hold起d枱。tiramisu 外型同酒店果種唔同，而且呢個好「堅挺」，平時果d，cream好多所以好軟。呢個好有咖啡味+酒味。好好食。飲品，原本想試咖啡（個個都話正），但怕訓唔著，所以只好飲綠茶，有d花味，好唔好飲就見人見智。整體： 地點方便，環境令，兩人食$505 有d貴，但間唔中食下好正。下次想試佢杯意大利咖啡、risotto、gelato。…查看更多

好遲先book，既然排到waiting list ，所以就去左。12:20到達，裝修好令，有個水池，上年食有外藉人士現場鋼琴演奏+唱英文歌。食左幾款沙律，跟住食左凍海鮮、熱食。凍海鮮（最近周圍都無長腳蟹供應）青口：無咩特別蝦：很鮮甜彈牙，似係游水蝦蜆：鮮甜飽滿彈牙，大部分都脹卜卜，我狂食，點泰式辣汁好惹味麵包蟹：睇落好似一般，但其實挖開黎食會見有好多橙色膏，只係圖片影唔到。我食左好多！好邪惡😈 所以要食返多d菜平衡下。煙三文魚： 正常白身魚：無咩味三文魚：不錯吞拿魚： 好新鮮，唔鯹燒牛扒：不錯豬： 不錯中式蒜蓉蔬菜： 幾好食仲有其他無影相，蒸魚： 不錯炸魚： 炸粉好好食😋雞肉串燒： 同超市買果種好似，好juicy菠蘿（生果區）：好食😋仲有其他我無試，例如海南雞飯、燒味。朱古力蛋糕： 超好食，朱古力好靚，狂食！提拉米蘇：帝苑最出名！ 好有酒味，咖啡味都有，但可以再多少少，然後我靈機一觸，去咖啡機沖咖啡，加落tiramisu食，果然好食😂我地去問經理有無芒果拿破崙，佢話夜晚先有😂 因為上次食過好好食。整體而言： 食物選擇真心少，但樣樣味道都不錯，海鮮新鮮，如果可以有返長腳蟹就好完美😋 如果麵包蟹同長腳蟹，我比較鍾意食長腳蟹😭因為唔駛怕膽固醇過高，可以狂食。 環境、服務都幾好，lunch價錢（折後）也不錯。真心推薦比唔挑食+鍾意食甜品同海鮮既人💖…查看更多

會員訂座有85折。我哋七點去到，好少人。限時90分鐘，今晚試278極上和牛放題，再加88蟹腳放題，另外兩位會送1份海鮮拼盤（有鮑魚、蝦、蠔、青口、元貝、魷魚）。 一人一鍋，所以可以每人試一款湯底😁個鍋滾起有啲慢，趁等嘅時候去攞啲菜，但係啲菜好唔新鮮，又乾又有淺啡色，最嚴重係小棠菜，而娃娃菜比較好。一盒盒既沙律菜都係有啡色嘅問題🥲自助區嘢食唔多，除咗一般火鍋放題常見嘅蔬菜之外，仲有芝士腸、丸類、飯、烏冬、少許甜品、乳酪、汽水、咖啡、茶包等。不過我哋諗住專攻食肉類同埋蟹腳，所以冇乜攞到。好快已經上齊晒肉類，有牛舌、和牛、加拿大豚肉、雞肉，肉類睇落好靚仔、然後蟹腳都好大隻不過我哋唔食牛舌，所以我哋唔知好唔好食🥲今晚我哋是麻辣湯底、昆布湯底。麻辣湯底唔夠辣，而昆布湯底清清地，同和牛好夾，可以食到佢本身嘅味道，推介❗️❗️豉油好鹹🥲所以我冇乜用到。❗️首先食咗海鮮拼盤，海蝦正常，蠔一般、青口幾un，魷魚正常，元貝唔小心煮得太耐，裙邊食唔到，粒白色肉ok，鮑魚好大隻超好味超鮮甜😍😍😍😍😍😍😍好想再食😩可惜我點左豉油有啲鹹，如果唔點就完美。❗️和牛算有牛味，有啲瘦，唔算入口即溶，但又唔算un。❗️豬肉同牛肉口感差唔多。❗️ 雞冇乜特別。❗️跟住我食蟹腳，唔知點解好乾，好鹹，但有蟹味。❗️⚠️❗️上菜速度超快，同店員講要追加乜嘢之後，1-2分鐘已經到😨😱係我食過上菜速度最快嘅火鍋放題。開頭食之前仲擔心90分鐘放題會唔會取巧，上菜好慢，食唔到好多。然之後食完第一轉再叫和牛（下圖），相比第一轉，呢轉牛味非常濃！😍😍😍😍😍亦都冇咁瘦。❗️蟹腳亦冇第一轉咁乾同埋咸🥰😍😍😍😍在第三～四轉和牛，成大條白邊（脂肪），所以要睇好唔好彩⋯⋯😅❗️迷你馬卡龍幾好食。總結： 原本諗住食238，但係諗諗吓比多$40有和牛，好抵😍。所有肉類都超級薄，幾秒鐘就食得。而且88蟹腳亦都超回本。日式超市一份蟹腳都要159😏😏😏另外，有送海鮮拼盤超正！服務好，上菜又快。如果蟹腳唔好咁鹹就好，菜唔新鮮既問題亦都要改善。但整體係很滿意嘅！會再黎。…查看更多

呢晚同老公同朋友去咗呢間餐廳食。其實我哋都食過幾次，次次都係食冬陰功湯粉。今次朋友話想試吓生蝦刺身、炒金邊粉，咁呢兩樣我哋之前冇叫過，就試吓啦。然後仲嗌左串燒、芒果糯米飯、生菜包、冬陰功湯（呢幾樣之前都食過，所以冇影相）生蝦刺身超級辣，辣到我鼻水眼水都流埋，（平時譚仔我食五少辣），但係好食嘅，個汁酸酸甜甜好開胃。有七隻我食咗兩隻。然之後個炒金邊粉，（無影相），俾咗三隻蝦，全部都係嚴重地霉，我即刻吐出嚟。到第二朝，我哋三個都有肚屙。我仲要咁岩返早，真係好狼狽，我考慮緊打電話投訴。今次真係唔掂！ …查看更多

上個月睇左youtuber介紹，我當晚即刻book。期待左好耐，終於可以食啦。😨點知我一去到酒店門口，有個牌話要經商場2樓入。🥺晚buffet係6pm開始，不過我要等埋老公放工趕過黎先入。😏未夠7點老公終於到，入邊已經幾多食客。我地坐近open kitchen，好油煙🥲🥲介紹返出面拎既野食先。💖💖💖💖💖刺身三文魚：超好食，好新鮮，食落好似有雲呢拿味咁。💖💖💖💖北寄貝：鮮甜💖💖💖💖蟹腳：有部分輕飄飄，好瘦，但有部分好正常+鮮甜，仲有部分偏咸。💖💖💖生蠔： 不是即開，味道一般然後以下熱食就係手機落單，幾分鐘就黎到。💖💖💖💖脆皮乳豬我覺得好食，皮好脆。但我老公話一般😒💖💖💖 燒大蝦幾有蝦味，略嫌乾左少少，熟左少少。💖💖💖💖💖牛油菠菜帶子回本位❗️超好食，好juicy！煎到岩岩好，入面仲係彈牙。但最好唔好食牛油汁，食得多會膩，貝殼下面有少少薯蓉都好味架。不過又係唔好食咁多，會食唔到其他野。💖💖💖牛尾因為其實我只鍾意食海鮮，紅肉我一般，所以唔識講好唔好食。食肉獸老公話幾好食。💖💖💖💖牛肉眼（叫左五成熟）本身好食，但個汁好似唔太配合。💖💖💖💖💖西京燒好好食😍沒半點鯹味。我再encore左。💖💖💖印度雞配薄荷我又係唔識講好唔好食😂老公話ok💖💖💖檸檬雞一般，有少少唔熟💖💖💖辣蕃茄青口不錯，但細隻，比較鍾意食紐西蘭的大大隻青口。💖💖💖💖焦糖蛋好味，焦糖面好脆，蛋唔會太甜。💖💖💖💖芒果布丁好味，唔甜，有d酸酸地。總評： 食物好好，熱食一落單，過幾分鐘就黎到。睇住+聽到廚師團隊一直嗌「2個帶子、1個蝦，1個青口⋯⋯」真係鄧佢地辛苦，要逐碟逐碟煮、再裝飾、再趁熱送到客人手上，好少酒店buffet做到即叫即煮，非常有誠意。職員收碟時都好有禮貌，服務都好好。油煙實在太大！我地都食得好辛苦。老公食左好少野（60分鐘左右）就話埋單走，我呆左。不過我都想再去食，因為仲有凍櫃野食未試到。人均4百幾有咁既質素，真心不錯。…查看更多

平日夜晚，放左工去呢家係food court入面既炑八。其實佢係獨立一個餐廳，唔係food court 形式咁坐。其實呢間餐廳本身都有人食燒肉，抽風系統做得好，本身都冇乜油煙，可惜對面嗰間鐵板燒實在太油煙，吹晒過嚟😓😓😓我真係好怕油煙味，所以影響咗印象。💋前菜，好好食，最鐘意大豆芽，有麻油味。💋流心蛋牛肉飯58汁好好味，牛都好入味，好抵食。💋牛肋骨煲82老公超鍾意食，佢成日食（其他分店），有好多舊牛肋骨。不過我一般，我嫌佢有點攝牙。💋甜辣炸雞（半份）+柚子茶（1杯）+薯條68我開頭以為睇錯價錢🙀 炸雞68？仲配咁多野？原來真係無睇錯！ 驚訝了！不過只甜不辣，係完全無辣味，泡菜都辣過佢，但都好味，似蜜糖果種感覺。炸雞唔脆，無骨。薯條好熱，似係岩岩炸好，粗身，佢好淋身唔脆，好有薯仔味，好天然，唔似m記好硬膠好假果種。我本身好鍾意食呢種淋既薯條，所以我忍不住係咁食係咁食。最後太飽，食唔曬，我打包左部分牛肉飯+炸雞。走時8:00開始多人，要等位。一直都好多人叫外賣自取。總評： 埋單200左右，超抵食。唯一係對面鐵板燒油煙味太勁我唔得😭😭😭然後我發現左商場做緊活動，係餐廳消費滿100蚊以上有餐廳現金券（念川居），有50蚊，🙀好抵！…查看更多

星期二晚同朋友去左呢間nara thai cuisine。未夠6點到，攞左2位飛，一直等等到7:10先入到🥲🥲😭😭😭一坐低，就有冬陰功蝦片食。然後我地嗌左幾樣嘢食，可惜芒果糯米飯同埋泰式炒通菜都賣晒😢😢二人枱，好迫，左右兩邊都有人坐。冷氣好凍。等左一陣，嘢食終於到。💋咖喱軟殻蟹188 有2大隻炸軟殼蟹，炸到好油，唔夠乾身，應該係冇較大火迫返啲油出嚟，好在蟹都算幾大隻，幾多肉；咖喱唔辣，唔係水流流汁狀，而係好濃好似蛋咁，又係油到一個點。（請留意左下角深啡色油）💋印度薄餅28本來諗住用嚟配咖喱，但真心超難食，味道益益地，又油，又硬，我同朋友每人食咗一舊就放棄左。💋芒果沙冰48似係影相用，唔夠味，唔夠甜。💋龍眼冰 38朋友飲，佢話ok💋菠蘿海鮮炒飯118咖喱+薑黃粉味重，好惹味，有d海鮮，除咗上面嗰隻大蝦，入面仲有小蝦，小青口，提子乾，腰果。菠蘿好甜，我挖晒啲肉嚟食。好好食，好抵食。（我發明左另一個食法，就係咖喱汁蛋撈埋食，好正，不過好肥好邪惡。）大蝦肉碎粉絲88朋友唔食得辣，我問waitress可摸耳少辣，佢話幫我個辣汁分開上。其實我食到譚仔3小辣都覺得太辣🥲 仲要後勁好凌厲。 我覺得可以放少啲辣椒，放多少少糖。粉絲勁多，菜得2片。我朋友完全成碟粉絲無食，淨食蝦。我一個人好努力都食唔曬。服務方面，想加單/要個匙羹，舉手舉好耐都無人發現到我地。總評： 等位太耐，冷氣太凍，炸野太油，沙汁唔夠甜，樣樣野都賣曬，服務一般。全部野都有好大改善空間。建議淨叫個菠蘿炒飯😂…查看更多

朋友介紹下，book左呢間酒店內嘅西餐。星期日lunch 其實係12:00-3:00不過我太眼瞓，1點先去到😹一去到，已經被傳統英式裝修吸引，簡約而奢華，深啡色系，配上昏黃燈光。呢度算係隱世，所以唔多人，靜靜地，幾舒服。不過好似無景觀（因在地庫）當日天氣涼涼地，杯水暖既，服務好貼心。正當我地想一支箭咁去攞野食，男服務員就咁啱出現，並問我哋想揀邊樣。頭盤有risotto， pasta，pizza揀，開頭老公話揀pizza，但男服務員好好，提醒我地唔駛揀pizza啦，出面任你攞。而main dish 有魚、雞、羊、素食揀。我揀左春雞，老公揀羊扒。咁落完單我地就去自助區攞野食。雖然款式唔多，但擺盤好吸引，全西式，好有外國風。朋友話麵包好正，但我地太飽了，無試到（亦無影相）凍海鮮有小龍蝦、青口、螺、蝦、長腳蟹、龍蝦拑。熱食有pizza、龍蝦湯⋯⋯等💋蜜瓜好食，好甜💋幾款唔同款ham，幾好食💋蕃茄水牛芝士，正常💋火箭菜，正常💋南瓜湯，正常💋長腳蟹好多汁，有點咸，但好食既💋龍蝦拑算大隻，好實淨，食起上黎有啲困難，算有鮮味彈牙💋煙三文魚，好味💋即開生蠔，我平時唔食既，因為怕腥。但呢個老公試左話唔鯹，我試左果然鮮，有少少海水味，唔算飽滿creamy，而是偏爽口。但6隻有2隻有蠔殼碎。💋pizza (無影相）薄批，夠熱夠脆，同係出面意大利餐廳食到一樣水準，絕對唔會因為任食而降低質素。食左一個鐘，期待已久既熱食終於到！💋蕃茄海鮮意大利飯，超好食，又好夠熱💋意大利雲吞伴野菌汁， 入面有好多肉。點解個汁可以咁好食架！？我即時飛左去意大利咁🤯唔夠喉，好想再食😭😭😭😭😭💋羊扒，擺盤好靚，半熟，生熟程度啱啱好。春雞，好入味，幾好食。甜品區，我攞野既時候，有幾個女人話「嘩！點解今日咁多款既！？乜都有！痴左線！」💋tiramisu ，偏甜，cream太多，咖啡太少，只浸到少少蛋糕，而且無酒味。隔離帝苑好食d。💋朱古力蛋糕，幾好。💋蛋tart? 正常。仲有haagen Dazs 雪糕任食（雲呢拿、士多啤梨，比利時朱古力）❗️❗️另外，2:30 會收起自助區大部分野食。最後每人包一杯野飲。總評： 食物質素很好，人客不多。建議12點到達，否則有d趕。服務很好，很殷勤很親切。回本位：生蠔，長腳蟹，煙三文魚，ham，芝士，熱食主菜頭盤（意大利雲吞）…查看更多