你shy大嫂的个人专页

第三次同朋友食呢間餐廳，啲嘢依然咁好食，保持到水準今日同朋友玩完攀石，其中一個未食過four x four，就帶佢食下今次都係揀2人餐（佢個2人餐份量都好多，唔太大食嘅其實都夠3個人食），再加個炸魷魚圈同甜品落單前，餐廳個姐姐好有禮貌咁話俾我哋知今日個menu冇左芥末八爪魚轉左青口配法包，我梗係冇所謂，上次食過芥末八爪魚，係幾特別同埋都好食，不過如果唔食得辣或者唔鍾意陣味嘅朋友就未必食到，咁啱今日個兩個朋友都唔食得辣基本上今餐除咗個魷魚圈同杯cocktails 唔係好啱口味之外，所有野都好好食要提嘅係個甜品好食得黎都大份，想試嘅朋友就唔好嗌太多野食以免浪費食物仲有不得不讚佢哋嘅服務態度真係幾好，我想加水，廚房個哥哥有留意到，都提返同事幫我哋加水…查看更多

好耐之前睇ig介紹見幾吸引，一直諗住去到今日真係落住雨都過去食啦同朋友分別叫咗個手撕雞酸辣湯同招牌麥芽啤酒滷鴨片配金銀蛋芫茜湯（加豬扒）碗野黎到果陣開心左幾秒因為真係大碗同埋啲肉都大塊，係幾抵，去某間連鎖啲料份量都冇佢咁多但飲左第一啖湯之後，我對佢完全失望飲左啖酸辣湯，差啲以為自己去咗台南酸辣湯變甜辣湯（死甜）啲米線冇味，鴨片冇乜味，豬扒大塊但死甜最尾我哋食完拿拿林去左附近7仔同ok買茶飲我唔敢講人哋有冇落味精，靜係知食完好頸渴俾錢果陣，個阿姐手套都唔除，戴住個黑色有油嘅手套找錢俾我…查看更多

一入餐廳已經估老闆係韓國人，但佢廣東話講得好好，又唔多似我哋叫左三樣嘢，兩個湯飯同雞蛋卷，諗住食飯可以配雞蛋卷，點知佢最先上嘅居然係雞蛋卷，到我哋食完，兩個湯飯都未黎🙈，其間見面老闆急急腳行左出去，買咗袋豆腐返黎(哈哈哈）我地都覺得雞蛋卷比起其他韓國餐廳係偏貴，但係同佢價錢一樣，係好食豆腐海鮮湯好正，去過好多韓國餐廳啲海鮮湯入面隻蝦通常都係霉霉地，但呢間隻蝦好結實，真係好驚喜人蔘雞湯上黎果陣已經聞到陣人蔘味（我個鼻比較靈敏），朋友就撈起果陣先聞到，唯一美中不足係老闆好熱情地同隔離枱傾計，完全忽略咗我哋，個人蔘雞湯冇跟飯一齊上，但問返佢，佢都即刻裝俾我哋一餐飯我哋知道咗老闆鄉下係釜山，大家族唔鍾意整容唔接受整容，係濟洲買地個地權係永久…查看更多

行完山同朋友求祈搵左間入去食但冇諗過食左間咁求祈我落order果陣話要latte 個男職員送上黎果陣同我講flat white雖然我知latte同flat white分別唔大但佢同我講係flat white, 我第一反應梗係話佢知我叫latte於是佢攞返廚房同個女咖啡師講個客要latte個女咖啡師即刻發晒脾氣大大聲話flat white即係latte，哈，打從心底笑左出黎一樣嘅話，你menu就唔好寫兩個名啦反正你都話一樣，寫兩個名冇物意思朋友叫左pancakes我叫bagel朋友話個pancakes真係麻麻而我個bagel就梗係正啦硬到可以掟死狗…查看更多

自從上次食完間漢堡俾同事鬧爆之後佢再三推薦我去食呢間啱啱黎石門返工果陣佢帶我黎食過嘅餐廳事實呢間餐廳高質好多但對於果陣日日要學嘢，消耗好多能量嘅我黎講（大食就大食啦）份量係爭啲今次叫咗個all day沙律菜都ok新鮮（強調：冇生銹）蛋夠滑 唔會炒到好老唔多中意食加工豬肉製品嘅我，雞肉腸就啱啱好重點係杯咖啡係真係好飲打開蓋都有咖啡香靜係杯咖啡都值一半分加埋個竹炭麵包就啱啱好為咗答謝佢再三推薦我決定下次同佢黎食…查看更多

第二次食呢間餐廳，就係因為佢係黃店如果唔講黃唔黃，連第二次都唔會有因為食物水準真係唔掂第一次果陣，叫左個夏威夷烤雞漢堡（厚切番茄，罐頭菠蘿、雞扒、菜）塊雞扒韌到咬唔到，係真係咬唔到...仲要冇物味同埋個薯條好乾我都想惜食，但真係食唔到好啦，可能雞扒唔靚啦所以第二次我食巨人漢堡有煙肉有蛋有芝士都應該唔會太差亦都唔叫薯條，試沙律塊牛肉漢堡好厚，係好過雞扒個包ok好食，但係整得好燶仲有個沙律！！啲菜生晒銹有煮開嘢食嘅人就會知如果啲菜新鮮，係唔會生銹（邊邊發黃）仲有杯咖啡，落order係要即磨但我完全唔覺得呢杯係即磨第一，佢杯邊仲殘流左啲望落好似係三合一嘅粉末第二，奶多過啡，真係唔掂最後，我都有諗過唔寫呢篇食評但係我更加希望間舖頭會睇到然後作出改善如果兄弟爬山各自努力希望你哋可以好好努力吓支持係可以但唔係盲目…查看更多

上次講到難得馬小姐話要出街仲搵埋餐廳俾我揀我又點會放過佢啊呢間餐廳係馬小姐嘅名單入面好啦 晚餐就你啦 阿來係香港食飯等位好正常等左大半個鐘 終於有得坐低啦（係出面等位千祈唔好企背向馬路右手邊個鐵閘出入口附近 會俾野咬）等位黎講其實真係唔算耐但一定唔係快不過落完柯打之後就好快有得食我地分別叫左：炒金邊粉、冬蔭功、滷豬脾、鮮蝦柚子沙律、炸蝦餅、魷魚炒金邊粉味道啱啱好曾經食過一間好甜（唔係阿來）滷豬脾亦夠入味冬蔭功真係好好飲雖然好多香茅、檸檬葉等渣但係唔會阻到我飲晒佢架蝦餅就還好 同想像中有啲唔同魷魚有驚喜唔會烤得太熟唔會韌呢幾日一直想再去食多次但日日OT冇辦法希望可以快啲再去食啦 - 念念不忘冬蔭功…查看更多

難得馬大人話想出街原本佢想食韓國菜，仲搵埋餐廳俾我揀（因為佢有選擇困難）但識佢咁耐，佢咩口味又點會唔清楚於是大膽地推薦左呢間野菜料理果然不出所料佢睇完二話不說就食呢間未去到之前，佢一直提要食茶杯蒸仲已經睇好menu要食啲咩平時有選揀困難嘅佢突然間完全冇晒困難我地分別叫左茶杯蒸、豆腐、天婦羅、菠菜、關東煮、牛蒡茶杯蒸好滑好好食牛蒡好入味個人覺得關東煮有淡左啲我地係度研究關東煮上面果啲粉係咩粉（粉末）各位好奇寶寶可以留意下個餐仲有跟埋餐湯（好飲）睇佢食得咁乾淨就知佢好滿意呢餐啦…查看更多

同事話呢間咖啡唔錯於是就黎試下22/1/2020果日係lunch，餐廳用一個餐盤擺好晒沙律、湯、主菜、甜品，都好方便磨菇湯都夠濃，仲有啲菇碎，好飲我就叫左個牛扒配炸薯（因為以為佢跟個意粉會好多，但原來唔多）叫左杯即磨咖啡，又真係唔錯果刻我已經肯定會再回頭12/2/2020今日係晚餐時段黎食可能因為肺炎，所以唔多人餐廳員工都好識做會安排客人坐開（隔幾張枱）餐湯係粟米湯都好濃，有加cream，好飲龍蝦汁帶子意大利粉好夠味件豬助骨都唔會硬，ok但我個人比較唔好豬果陣味，所以比較敏感（唔中意點解叫？對面果個豬隻愛好者）晚餐加$25多個芝士雞肉naan？係酥皮薄餅總括黎講：一個月食一次都唔過份（如果佢keep到個水準嘅話）…查看更多

真心sadlunch time 時間去食都可以俾啲咁嘅質素嘅食物上第一份豬扒切開見紅紅地豬扒炸完可以外面金黃但入面唔熟即係佢用大火炸但最奇怪係佢一啲有紅一啲好白（全熟）即係唔係同一舊豬扒？換過份之後另一份都不知所謂到極點一塊啱啱整好上黎嘅豬扒！！有冇見過一塊豬扒一上黎側邊已經係乾曬？75蚊仲要加一完全唔值呢個價朋友話做咩食到咁嘅樣呢一刻，望住舊豬扒真係冇可能笑住食到最後，碟野都未食完阿姐已經準備收我盤…查看更多

兩年前我已經黎食過之後亦同朋友黎食過好多次一致好評聽講老闆同老闆娘嘅認識都幾有故事老闆係台灣人同老闆娘結婚之後選擇左係香港定居仲開埋餐廳朋有係咁樣同我講 哈哈一路食一路聽佢講故事基本上佢餐牌上有一半嘅嘢食我都食過而最中意就係佢個手撕豬肉bagel唔會太飽同埋個沙律汁都好好味而佢嘅花茶亦唔錯好飲其實每次我都好想叫佢俾多個杯因為一人一壺會飲唔晒 哈哈最近先留意到佢嘅營業時間只去到八點原本上次想約朋友黎食但對於收六點再出黎嘅朋友黎講太趕所以最尾都放棄左唯有下次再幾啲星期六日黎…查看更多

突然想食涼皮，search 一下馬鞍山老西安有膽粗粗入到去咁啱晚市時間食涼皮又好似唔夠飽就叫左個酸湯手工扯麵我中意扯麵個口感同埋麵唔會發脹個人覺得酸湯唔錯好飲係材料有啲少第二次同朋友去食叫左秘制高湯牛肉手工扯麵係清湯，清湯味道都唔錯好濃味少少嘅朋友可以自己加辣椒油（個人覺得佢辣椒油唔辣，同埋好似有加孜然粉）牛肉可能風乾過，會柴，但有分明嘅牛肉味食過兩次覺得唔錯如果配菜多返啲會更好加$12有小菜同野飲非常開心有呢個選擇…查看更多

鴛鴦係我係石門返工lunch 首選但亦睇住佢啲菜式一成不變都少左去食今日要ot諗住去買個早餐點知見到收銀就知出事（絕對唔係偏見）我前面排兩個人，收銀用左幾分鐘先收完第一個（可能係個男人用信用卡俾錢嘅原因啦）到收我果陣（因為有download 佢個app,平時有儲開分,用左早餐兩蚊優惠）個阿姐嘟完個QR CODE，直接禁左收錢彈張飛出黎係$35當然佢亦只係收左我$33但就冇俾返張收據我，而係手寫左個number 俾我（電腦飛上面有QR CODE可以儲分）都算我走去同個老細講不如你出去收銀啦，你睇下條人龍個老細隻眼碌到大一大話：咩事啊（可能佢個樣比較惡，令我覺得佢態度唔係咁好）我態度都唔係咁好不過個客同你講都係俾意見你想你好接唔接受隨便你鴛鴦嘅早餐就仲係保持到水準…查看更多