＊小金子＊的个人专页

所謂嘅手打檸檬茶，居然係港式茶餐廳檸檬茶，黃皮檸檬、錫蘭紅茶底！！失望好彩嘅係價錢唔貴，飲兩啖放棄⋯⋯包裝同服務態度良好⋯⋯上次買過西米露都正常⋯⋯下次要記得避伏…查看更多

本身無諗過寫食評所以開食咗⋯張相係少咗兩件嘅食過覺得都幾好～同事表示應該要幫佢平反下油雞要咗胸～阿姐有講盡俾唔包有～肉質都幾滑～最欣賞佢個熟成度剛剛好～熟得嚟骨位紅色不帶血！燒肉有脆皮！！係斬少咗下～所以好大件同比較韌～價錢嚟講唔算貴～如以上環地帶直情係恩物～收電子支付都幾方便間舖好細～好似無堂食？！落完單出門口等三分鐘就有～現場見都多人買最大嘅敗筆係個白飯好硬同例湯要加8蚊真係想知咩味精要咁貴～搵人寫下但總體嚟講係above average 之作！…查看更多

由於奄列早餐店已經買少見少～所以揀咗呢間食早餐～位置較窄～人流都唔少奄列蛋雖然較老～但味道不錯～無酸宿味但鮮牛肉麵則有些難吃～似係用返沙爹牛肉啲肉（當然無沙爹味）～所以又硬又有雪藏味…查看更多

可以係app提早落單～值得一試～味道比預期好！1. 最普通嘅起司蛋吐司～一打開見到係白面包有些錯愕～諗住吐司應該係烘底？？不過唔緊要啦～見佢厚身足料～中間有流心芝士醬～味道較淡～口感豐富最為驚喜如果有烘底更佳2. 椰？？多士（忘記咩名了）～類似咖椰多～不過係極light版～所以味道一般～但烘得剛剛好～如果加返一倍料會好好多（加價也ok啦）3. 奶蓋青茶～茶底很濃～奶蓋厚實～味道相當一般（好似之前雪戀系列好飲啲？！）下午茶/到店購買套餐連飲品會有折～應該更抵…查看更多

好彩加咗$40有得揀下啲正常啲嘅刺身⋯⋯唔係真係餓住走韓燒：通風一般，身上帶味走就預咗㗎啦，但啲牛肉嘅色唔係黑就係橙紅⋯⋯啲fd仲問係咪攞嚟開爐用嘅下欄肉蝦就大隻但啲肉係霉嘅～多春魚正常～元貝都係不太新鮮豬肉同雞翼就正常～感覺好似學生時期食漢x苑咁～有圖有真相～大家自己評價啦刺身：甜蝦、帶子同馬刀貝唔錯～但叫到第三round就差咗了～無晒味其他：唔好坐、漏單（得幾五六張枱咋）、同隔離枱黐得近可讚嘅地方包括有即炸嘅天婦羅（味道就唔好計啦）、可以openrice訂座、有低糖嘅CC但呢啲真係值二百幾三百蚊位咩？想像唔到點解佢仲生存到⋯⋯…查看更多

咁啱經過試下新舖～環境：開放式座位，無正式門口果啲，位置都幾開揚，人來人往，我就唔多like嘞。座位：正常，少少迫，不過當晚就唔多人（半個場），所以無問題。不過見窗口高腳櫈啲人好似高度唔啱，彎著腰食得辛苦。味道：有胡椒湯底咁特別梗係要試下，可惜係⋯⋯伏（少少咁啦）一來食唔到胡椒味，二來居然有大量西芹碎！不如改名做西芹湯底對於唔食西芹嘅人（譬如我）見到碗野真係面青，挑咗十分鐘牛根同魷魚味道正常，有送菜有加分，但豬大腸睇相都知無味。鮑魚都唔錯，獨立叫兩隻有送菜，叫做食好啲價錢：合理，係商場舖都算係咁，加五蚊又有特飲…查看更多

最近黑糖大熱～令不少人迷上～當然包括本人啦（哈哈，肥上加肥）本身諗住去超級城天仁試佢個黑糖～不過無貨～大家可以去火車站果間碰下運氣聽聞樓下開咗新舖～咁就落去睇下有無黑糖啦一看之下～真係跟得上潮流！有黑糖、奶蓋同波霸～選擇都豐富～不過留意返黑糖係要晏晝兩點後先有嘅～所以我揀咗芝士奶蓋紅茶隻杯相當靚～又比較高身～睇落抵飲啲（當然無裝滿，純粹無咁易瀉）芝蓋一入口咸香厚身～但⋯⋯有渣成件事錯晒⋯⋯啲渣似係芝士～應該就唔係粉～大家試完可以再研究下好在佢個茶底夠清～又唔多冰（無嗌少冰㗎）～都補返少少分店面裝修幾靚～有啲似一芳～店員姐姐會幫你插埋飲管～服務幾好啊～所以下次有機會會試下黑糖…查看更多

價錢真係可能係全宇宙最抵：12蚊5球12蚊5球12蚊5球重要嘅事要講三次🤣抵到我學生証都唔好意思攞出嚟搲平兩蚊平都不特止，仲要好味！！！必試精選系列—柚子蜜：雖然一球加四蚊，但係真係抵俾！仲有柚子肉，個人覺得好味過啲H雪糕益力多：童年回憶，諗起啜啜冰奶茶：香濃！係港式奶茶嘅味道不會失望系列—提子冧酒、咖啡、桃海鹽：天藍嘅顏色，係打卡得最好嘅顏色😙，不過奶味太重，冚咗啲海鹽味，否則可以入必試系列…查看更多

係開飯見到餐廳有五折coupon～諗住平所以就book嚟試吓～坐低嘅時候發現冇tea set～已經有啲後悔（因為經過隔離舖tea set都係四五十蚊）～不過我見好多人食都試吓啦～果然唔錯嗌咗小食拼盤好吸晴好大盤！個雞翼好好好食唔太辣，薯格夠熱，德國腸都煎得啱啱好夠juicy墨汁大蝦意大利飯唔好睇佢份量比較細～其實好飽肚～味道一流～乾濕度對我嚟講係啱啱好（所以追求正宗乾身硬口就唔啱你囉）～係兩隻大蝦煎乾身咗啲好立克latte華田latte其實兩杯都係以咖啡味為主～唔會怪又唔會太突出味～下次應該試下烏龍茶味最後飽到上心口～食唔晒!雖然當tea價錢小貴～折完都要八十幾蚊位～不過為咗佢啲雞翼係會再encore的…查看更多

之前朋友請我食過，覺得幾好味，又滑又綿，可惜過到去已經關店，今日特登再過去買，點知⋯⋯買咗兩個五層流心芝士，一個流心朱古力係cashier掛住攞錢，都冇留意佢點樣pack起⋯⋯返到嚟打開真係呆咗！佢將三個疊高咁擺咯！！！cashier姐姐係咪以為自己玩緊層層疊朱古力係最高，叫完整，中間果個芝士係「慘」，最底果個係「慘死」真係no eye see其實呢個都係鋪頭嘅招牌貨，一係改善下服務，一係改packing啦好心…查看更多

食物：海鮮、前菜、甜品同生果任攞海鮮當然係主菜既一部分啦XD～有生蠔、長腳蟹、細蝦、翡翠螺、青口～每樣都少少（因為個ＢＡＲ好細呢）～不過都ｆｉｌｌ得密架～所以實有得你食～我哋就食咗生蠔、長腳蟹、細蝦三樣啫～生蠔明顯係解凍貨啦～不過都幾肥美同有啲鮮味～無乜雪味喎～可能佢沖得耐～因為真係未見過咁乾淨o既蠔XD～長腳就好好味嘞（如果你夾到啲大隻）～少少咸有鮮味～仲幫你剪咗少少～不過其實佢有剪刀o既～要問先有的～細蝦都有一大半新鮮揀得落手o既～你預酒店蝦一半ｓｉｚｅ咁～味道鮮甜前菜沙律－吞拿魚薯仔、蘋果甘荀及自調沙律～正常味道湯－忌廉湯～伏。。。有我唔鐘意既西芹～不過我同枱話無味精～我就唔識分嘞煙三文魚、冷麵、莎樂美腸、醃青瓜呢啲都係大路野啦～煙鴨胸切得好薄好味！甜品－朱古力卷、撻仔三四款咁～正常味咯生果－西瓜、火龍、橙、菠蘿～當然正常味嘞～不過啲橙佢切得好靚～有啲後悔無食到加$80一位可飲紅白酒主菜吉列豬脆口～不過太薄啦牛扒～有牛味～不過太軔啦！！熟度只是medium well左右～所以係個肉本身o既問題雞～又幾滑同香口喎！龍脷柳～正常味忌廉火腿波～好味！不過太咸了蛋汁意粉～哇真係唔好嫌晒位～好好味！加加埋埋都成十幾款主菜俾你揀～所以記得帶個大食朋友去環境平日嚟講呢到都算旺場～而且都多情侶嚟食～可能因為個環境都幾靜下～不過九十分鐘就趕趕地啦～傾計要轉下場嘞雖然多數都係大路正常野～款式唔多～但尖咀呢個地帶呢個價錢真係抵到爛～希望佢唔好咁快加價啦XD…查看更多

兩點三入到去坐低先發現有下午茶供應，抵咁多當然等多陣啦~雖然餐廳只有六七成滿，不過都係俾店長[請]出門口等^^"有小食、主菜、飲品三款自由配搭，兩款$60, 三款$70，係貴價商場嚟講都算抵食~最後揀了----牛油雞翼：算大隻，牛油味好重仲滴緊油添，外有少少脆內都幾嫰，不過似係翻炸生牛河走青：牛肉有三塊，有啲厚度，味道比滑牛好啲咁啦^^"我覺得都係薄牛肉夾啲好味啲青檸梳打走甜：好多青檸，唔錯，飲完仲可以自已加啲水落去，健康之選另外佢亦會有一碟辣椒青檸方便自行調味，辣度都幾足㗎~值得一讚嘅係服務幾好，店舖人手好足，一叫就有人serve加水亦密，發現廚房無走青時，本來我都諗住唔出聲自已挑算啦，點知侍應見到即刻主動話幫我換！不過店內仲有位嘅時候，其實都可以通融下等啲客係入面等，橫掂出面又無人等…查看更多

最初在CWB開業時已經躍躍欲試～不過真有點遠～看到報紙廣告話有得上網預約尖咀分店～當然即刻行動啦～有得上網預約真係好方便（所以都成日揀啲tablemap的餐廳）～慳返打電話時間嘛＝］雖然係平日～但都好FULL～安排坐Ｕ型沙發～唔錯唔錯～不過食物就.......哈哈～正宗可能唔啱我哋平凡LOCAL人食餐前小食1：焗栗子蘑菇好彩侍應提一提～係無栗子ga～個菇名來的XD～味道清清淡淡～普通菇味咁餐前小食2：炸魷魚好味！熱＋外脆內嫰～仲有檸檬同沙律附送～酸酸咸咸甜甜！！餐前小食3：雞翼都好味！味道類似水牛城～不過無咁辣～醬汁應有加到蕃茄醬～頗惹味食完小食佢會同你換碟同餐具～可以話細心～不過有啲晒～因為都唔係咁污糟主菜1：Med Well肉眼我覺得最好味就係呢碟了～熟度剛剛好～Juicy又有牛味～喜歡搭黃芥末吃主菜2：海鮮PIZZASIZE差唔多係PIZZAHXX的普通批～配料有蝦魷魚青口蜆～批面是蕃茄醬～但佢個青口蜆係連殼放上去的～是要連殼吃嗎（笑）～當你吃過青口和蜆後～你會發現蝦魷魚在PIZZA面是多麽的孤單......雖然夠熱～但脆度一般～加埋硬硬的批底～我還是沒大志地回歸PIZZAHXX的懷抱吧XD主菜3：海鮮紙包魚我諗咗好耐點解佢係唔熱ga！！最多只可算是微暖～浪費了這麼嫰滑的魚肉～魚肉下面還有些意大利飯～硬硬地味道一般～香草味極濃～蓋過了其他的味道......海鮮都係青口同蜆～有檸檬汁～家人說吃到有臭蜆=口=主菜4：肉醬意粉(full)普通你我都煮到的味道主菜5：三XXX圓筒意粉(full)因為無人介紹佢～所以食咗都唔知～仲問人點解無上菜XD～佢真係捲到圓型（好似瑤柱莆果啲咁）～每捲個味都有少少唔同～內味道有啲似薯蓉～外是意粉類～大家食完自己果個就無人理了......（好以有八捲）主菜6：黑松露燴飯(full)好味！睇得出佢落咗好多黑松露嚟煮～聽侍應講是分開三層煮～真有心機～可惜我食過更平更好味的........主菜7：烤雞凱撒沙律芝士條都落得幾多～不過以主菜來說菜略嫌少咗啲～所以味道都偏咸了～烤雞肉好乾.....Side Dishes1：闊佬薯條配埋佢啲蕃茄醬真係好好味～啲醬好似MIX咗啲蕃茄蓉咁Side Dishes2：蕃茄沙律蕃茄同三色椒的醃漬物Side Dishes3：粟米球用粟米打爛MIX咗～製成一個個方型～超熱～但食落去又無乜粟米味～外脆內像薯蓉無論你講英文普通話定廣東話～都會有侍應SERVE到你～不過佢好似唔夠人手咁～好多人都個個都係急急腳～埋張單都成三個字.......專責服務我哋果個仲要係新手～要突登同我哋傾下計問下食物簡介下～見佢真係幾緊張+_+總括來講～嚐了鮮就夠了....…查看更多

呢間舖真係食咗好多年～但都係第一次幫佢寫食評～想當年～由佢９蚊碗食到依家１７蚊碗耶～食得咁多年當然係好好味王牌應該就係擔擔麵～真係食過好多間最終都係返嚟呢到～啲麵香！嫰！滑！不得了好少試其他菜～今日試排骨～炸得太老～但腌料好香～鍋貼都唔錯ga～所以話～一間舖只要有一款王牌就可以直到永遠…查看更多

因為大喜屋無位～所以就咁係附近搵咗間放題～食九點時段～坐咗一半客到雖然就咁walk-in～好彩無中招～食物質素還好刺身款式大路同算多～三文魚甜蝦帶子北寄貝劍魚腩赤貝等～鮮度ＯＫ但唔夠凍～同埋海老要自己剝殼好麻煩～杜絕海老狂串燒做得唔錯，牛肋骨好味！羊架放到凍晒先拎出嚟 牛脷第一輪都好味－又薄又嫰滑！但第二輪變得又厚又軔又嚡天婦羅都係大路質素～芝士年糕相當不錯～炸蠔有番炸跡象另外見隔離檯啲牛肉鍋同蟹粥好似都唔錯食物，包括刺身都上得好快～無揼波鐘可納入大喜屋以外的選擇…查看更多