豬脷的个人专页

餐廳係PMQ上一條街，地點好易搵最緊要坐位唔迫，坐得好舒服！餐廳仲好細心，坐低就提供口罩袋同紙巾（疫情下相當緊要，每次都好珍惜出街食飯的機會）有Lunch set叫，中環嚟講價錢相當合理我叫咗咖哩吉烈豬扒飯豬扒好香口，入面仲好juicy如果咖哩汁多番啲，就仲正！墨汁意粉配蟹肉龍蝦汁上枱時仲出哂煙～ 好掛汁，要encore!薯條配wasabi 醬，又熱又脆卜卜，成碟KO無難度Staff好nice，會主動加水見menu 好似有酒飲，如果夜市開番，要再試🍸…查看更多

今日去試新野，之前未黎過呢間餐廳。去到見店面乾淨企理，坐低個陣未算好多人，但無幾耐已經坐無虛席。蔬菜籃自己拎，放係凍櫃到，感覺新鮮飲品任飲，仲有自助雪糕。飲品都好有誠意，飲番幾罐可樂同鴻福堂都可以回本坐低咗，STAFF會問雞煲要咩辣，有分大、中、小、微，同唔辣。我同朋友都唔係好食得辣，所以揀咗微。雞煲辣度正啱我地心水，仲有好重香料味，又有少少麻，醬汁濃郁，十分惹味。食到咁上下，可以自己拎湯底加。餐廳提議加兩吋高的湯底。配料任食，剔紙仔。跟據枱人數，有分半份或者一份，咁樣非常之好，可以試好多款，試啱咗先再加單，又唔會浪費食物。食物上得快，同埋呢度無漏單！我好怕任食個D餐廳，呢ROUND漏單，咁我下ROUND唯有再叫，但唔知幾時，佢會一次過又黎哂，好恐怖！呢度就無呢Ｄ情況。好多款都好味，其中幾款特別鐘意，叫咗唔止一次！響聆，真係自家製！食落脆口，浸湯一流！海中蝦，好新鮮，肉質爽口，完全無痴殼芥末魚丸，入面好流心，正豬肺，平時好少打邊爐見到，好特別，而且吸咗Ｄ湯汁，好好味食埋乳酪雪糕，大滿足！…查看更多

今日天氣涼咗啲，好想食啲熱喇喇的野，同朋友決定食一人一鍋。之前去過尖沙咀個間，第一次㴝銅鑼灣呢邊，好似坐得闊落啲。侍應笑容滿臉，好親切原來叫8鍋有因由依家8+1鍋，一共有9款揀。每一款都寫明乜餸每款套餐都一樣價錢。套餐除咗個鍋，可以揀飯或者粉絲，仲有紅茶或綠茶，或者加錢揀其他野飲奶蓋當旺，連邊爐都有Menu 有教「混醬」的完美比例我都有跟足試下好快就有野飲，加錢叫唔柑桔檸檬梳打，打邊爐好想飲有氣野，感覺好爽友人叫咗招牌臭臭鍋，可以揀辣度，揀咗少辣我揀咗藥膳羊肉鍋湯底有少少藥材味，就咁飲唔會太咸，或者太味精，又唔會口渴，好好味。好多配料，其中蓮藕出奇好味，好脆又吸咗湯味。另外，我都鐘意羊肉、金菇、腐竹同貢丸。其他都好味粉絲吸哂湯汁都好好味！食完好滿足！埋單一人一百，有得食有得飲，仲要個鍋係好味！CP值好高！可以encore!…查看更多

前排睇咗套印度戲，對印度的野食都好有興趣，今晚決定食印度菜。上到餐廳，感覺同平時的「典型」印度餐廳好唔同。地方裝修好靚，有印度特式的飯壺做掛飾，靚得㴝又好特別。枱與枱之間算隔得開，坐得好舒服。個晚有幾枱都係印度人食睇餐牌先知係環球連鎖，印度最多地方有。香港好似得呢間（我諗，好似係）原本睇緊個英文menu, 後來個staff俾本中文menu我地，插圖好有印度特色，同埋中文易明好多正當我地苦惱緊食咩，staff好有禮貌問我地洗唔洗推薦！so sweet! 我一心諗住食炸圓脆餅！（因為套戲主角係好鐘意食，我都想知幾好味！）食個陣要加薄荷水同羅望子醬，加幾多隨意。外皮脆脆，幾好味！焗磨菇，中間夾咗芝士，口感好好。忍唔住連續食咗勁多舊奶酪蕃茄馬薩拉 Paneer Tikka Lababdar， 配Garlic Naan(質地有少少似包，我個人鐘意呢隻多過脆餅）個馬薩拉叫咗少辣，味道好有層次，又有香料味，好好送餅。下次想試正常辣。飲品叫咗mango lassi 同拉茶。拉茶有驚喜！好滑，茶味濃，又有香料味！值得推薦！佢地有hi tea Menu，好多選擇，可以試好多款！…查看更多

同朋友都想食片皮鴨，就揀咗羲和雅苑，因為我地兩個都未食過。Staff好有禮貌，我地坐低咗一陣，有另一枱「窗口」枱客走，佢主動問我地想唔想轉sea view 枱。我地當然轉，對住海景，食飯都開心啲蝦乾冰草：冰草唔係好多地方有，所以我見親多數都會叫。呢度的冰草好爽脆，仲配咗梅子汁（應該係），好清新，食完胃口大開。張氏獅子頭Menu 寫咗係公司其中一個執行董事祖母的私家配方。個獅子頭細細，唔會食到好漏，肉質鬆軟，配埋白飯食，一流山藥燕窩羹山藥切到細細粒，飲個陣食到脆口脆口，加埋燕窩，兩款質地好㚒金沙鮮魷魚咸蛋黃包住炸魷魚，表面香脆，入面魷魚好淋，但又唔係「拿」到無哂質地個隻，食到停唔到口！重頭戲：片皮鴨（半隻）呢到有好多配料，其中爆炸糖、藍莓醬，都係特色！隻鴨熱騰騰，師父會係我地面前「片」，個三碟鴨係唔同部位，放枱個陣有熱水「坐」住，等啲鴨保持夠熱。staff會講解，仲建議食法第一碟，建議用爆炸糖同藍莓醬，食落口感好特別！傳統配法新式配法鴨皮好脆，肥瘦適中！糖水當然唔少得！叫咗蛋白杏仁露，杏仁味好香，又唔會太甜。…查看更多

今日去開新蒲崗，幾過見到呢間午餐幾抵食，所以試下呢間。午餐，可以A項同B項各選一款，仲包一杯飲品A項揀咗鮮蝦雲吞麵，加錢要咗擔擔湯底（+$8）。雲吞皮太厚太多，擔擔湯底好勁花生味，但有啲gel口B項揀咗小楊生煎，有驚喜！上碟非常熱，直頭係辣口，應該即叫即整，咬落去入面勁多湯汁。豬肉含飽滿。個包底脆脆，上面就軟軟，好味！…查看更多

與中學同學食個便飯，荃灣夠哂就腳，所以約咗係8咪半的商場食飯。地鐵行過去5至10分鐘，沿途在瓦遮頭同冷氣，行的時候唔會辛苦。我地一行人7枱，book咗枱，我地其中兩個早到咗，餐廳話唔夠半數無得入去；到我地夠人，但又未有枱，最終等咗十幾廿分鐘。滷水併盤（大）主要得豆干，但豆干好實，唔太入味。牛肚同雞翼得好少。三杯雞：上碟時候好熱，好惹味，蒜頭都好林煎蠔餅：完全唔似台式，好似廣式煎蛋。蠔雖然唔多，但每隻都算飽滿酥炸杏菇：鬆脆香口，不錯燒仙草芋圓：燒仙草、芋圓、紅豆，綠豆。食落QQ的，又唔算太甜。份量好多，我地叫咗兩碗share都夠食我地仲有叫薑母鴨（唔記得影相），個湯幾好味，仲有另一碗湯可以加，鴨肉都好味。入座的時候話90分鐘，但我地坐到就收舖（坐咗兩個幾鐘）都無趕我地走。我地有商場會員卡，有9折，埋單每個人一百蚊，食得好飽，仲算坐得舒服。依家好多茶餐廳都收緊成百蚊，呢間CP值算高。…查看更多

近排見到有新餐廳開，主打「冷血動物」即係有蛇、蜥蜴等。聽聞會不定時更換動物種類，我去個日就有兩款蛇、一款青蛙同一款蜥蜴。我見佢地都好精靈，行㴝行去，望望下都覺得佢地幾得意可以影相，唔可以用閃燈。可以睇，無得掂。可能餐廳仲算係新開，就算12點半都唔係太多人，可以揀位坐。餐廳有提供set menu（158+10%）。由於太肚餓，揀咗燒春雞配飯。（+50）Soup of the day粟米湯，食到有粟米蓉，但個湯飲落都好「水」，如果再濃啲粟米會更好春雞好嫩，仲有肉汁，不過啲肉仲有少少粉紅配上十六穀飯（就真係就咁一堆飯），無裝飾都無配菜甜品brownie , 反而有驚喜，好香朱古力味，唔太甜，軟硬適中Set lunch 158+春雞50, 再加一, 埋單要230無叫野飲，如果唔係要成三百幾。總體而言，食物普通，CP值極低。係中環lunch set, 二百蚊樓下有好多選擇，好味過呢間餐廳都有大把。無可否認，動物呢個賣點係幾特別，但食物質素都相當緊要。或者下次再㴝，會淨係飲杯咖啡…查看更多

近期見到好多南豐紗廠的廣告，趁放假都㴝行下。由於於未食lunch, 打算搵間可食正餐的餐廳，但選擇唔算太多，好多餐廳都以輕食為主。所以揀咗呢間餐廳，叫做有意粉食。間餐係自己搵位，去cashier 落單，再有人送餐。叫咗黑松露意粉($98), 另外加咗$48套餐（有湯同塊包）湯先來，室溫，唔算太熱。主菜份量少得可憐，食完仍然有餓的感覺。但意粉質地幾好，軟硬適中，味道係唔錯，黑椒味好勁由於只係得張單，我食飯途中，只要有野出，都比侍應問我張單係咩number, 最少問咗五次，就算唔問，都行過㴝望下我張單（我放在係枱面）。我都明白，可能仲係試業中，但夾個數字碼，已經會順暢好多。最奇怪的一件事，就係我叫咗檸檬茶，佢放低咗杯檸檬同水色的野飲，我專登再確認，呢杯真係檸檬茶？侍應話係，我勁疑惑，但既然侍應確認，我也無話可說。我飲咗一啖之後，同一位侍應過來，問我係咪要檸檬茶，我話係，然後再放低杯真·檸檬茶，收番我飲咗一啖的檸水。我有同佢講，我飲咗一啖，但唔知佢點處理杯野。另外，佢地無茶匙或者棒「篤」檸檬，最終俾咗支湯匙我…查看更多

近排朋友講起，原來廣源邨的街市翻新咗，入面有好多特色的小店，所以放假專登㴝試下。我估主力附近的居民，外賣為主，店前有五、六個位左右。今次㨂咗試叉燒手拉腸粉，同平時酒樓食開的唔同，佢的賣相係皺皮，但食落都好滑，入面有叉燒粒。另外，再叫咗炒河加粥的套餐，炒河完全無餸，味道都算正常，較為推薦手拉腸粉。…查看更多

已經食過好多次，不過都係weekend。唔知係咪星期一的關係，餐廳相對冷清，七點幾去到，唔洗排隊，可以直入。每次都覺得侍應好利害，每次講餐牌的number, 佢地都可以講番食物全名我每次主食都叫蕃茄蟹肉檬粉，暫時食咗幾次，水準都能夠保持。蕃茄湯底，有幾舊新鮮蕃茄，唔會有太大陣的茄糕味。另外有蟹肉碎、蟹肉丸同扎肉（今次有碟菜絲另上）今次另外叫咗燒蝦柚子沙津好多柚子，上面仲有乾蒜同青瓜絲，好香好開胃，但燒蝦有少少乾…查看更多

是日同朋友慶生，朋友想食中菜，所以揀咗黃埔間名館。坐位唔算太迫，侍應都好有禮貌。是日燉湯，份量比想像中大，兩個人都夠飲。味道好味，應該無味精。飲品：菊花蜜酸酸地已，好開胃。但每飲一啖，都會食到菊花，我要拎番出㴝，影響整體口感。不過，朋友連花渣都食落肚咕嚕肉：炸醬唔會太厚，味道酸酸甜甜，好味！糯米釀雞翼：雞翼炸得好脆，好香口，同入面軟淋淋的糯米形成好大對比，食落又好夾粉皮：正常，無乜驚喜蓮藕餅：推薦！比例剛剛好，好好味黑金流沙包：個涵好流心，味道正常好味蜂蜜柚子蝦球：好脆，上面的柚子醬好開胃整體所有食物都好味，其中蓮藕餅同雞翼釀糯米最有驚喜！太飽，所以無叫黃金泡飯！下次要試！PS. 要收100蚊切餅費，所以我地無係餐廳切…查看更多

之前夜晚經過都大排長龍，今日中午12點經過，唔洗排隊，即刻入去試下店面唔係太大，預咗坐得迫叫咗秘製豬扒飯（肉燥汁）$58加滷水蛋 $7加汽水 $5總數：$66即叫即炸，豬扒厚切，肉質唔會太硬或太淋，味道一流飯係勁多，連好大食的我，都食唔哂（有機會食,要少飯）滷水蛋稍為太咸埋單個陣，我尾數係六蚊，其中一蚊，我比咗五個兩毫，另外五蚊係兩個兩蚊，一個一蚊以下為真實對白店員：我地唔收毫子我：你地無貼紙出㴝話唔收店員：（望咗兩眼周圍）係喎，依家無貼，之前有貼。我無意拉番啲毫子，店員竟然直接拎起我隻手，放番毫子俾我店員：可能你第一次㴝，我地之前真係有貼紙，話唔收毫子我無再出聲，但成肚氣。心諗，原來第一次㴝都有錯！…查看更多

行完山，終點係大澳雖然趕住走，但難得去到大澳，點都要排隊買㴝食天氣麻麻，遊客未算太多，排隊都唔算長，我前面有五個人排緊個陣炸緊，已經有陣陣香味！炸完的冬甩。另一位工作人員會將冬甩放入砂糖到，砂糖沾滿整個冬甩。冬甩到手時，熱烘烘。食落口，因為即炸即食，除咗夠熱，表面脆脆，另外仲好有蛋香！味道一試難忘！不過，始終因爲炸過，食落有少少油，但係可以接受！…查看更多

呢間餐廳，位於黃大仙豪宅屋苑商場地下，但絕對不能睇少，食物質素高！侍應相當有禮貌，會主動提議坐卡位。叫晚市套餐，會送一碗例湯（唔記得影），有湯渣凍拉茶（少甜），叫餐要另加15蚊入口相當幼滑，面頭的泡係因為真係有拉所造成，茶同奶的比例好啱我心水咖啡厚切豬排飯，加2蚊轉椰漿飯椰漿飯：椰漿味好夠，值得轉！豬扒：即叫即炸，㴝到個陣熱烘烘，表面好脆口，豬扒厚到絕不嬉場，唔似好似出面餐廳一樣，紙咁薄。食落每一啖都好滿足！咖哩汁：有香料味，但唔算太辣，入面有一舊薯仔友人叫咗海南街飯叫脾要加錢，但我地好lucky, 咁啱有脾廢都要講，舊雞好有雞味，而且唔係死咸隻！雞油飯都好香，油的程度恰到好處二人埋單合計150蚊，CP值相當高！好味又飽足！絕對係encore 之選！…查看更多