JellyBread的个人专页

趁住打風應該冇咁多人即刻快閃怪獸大廈嘅ice bean 試佢嘅-86度咖啡，好彩仲有。$68一杯，有分原味同開心果味，今次試咗原味，老闆娘叫我下次先再嚟試開心果味。 不嬲都鍾意飲dirty，-86度 dirty 係好有層次感，好creamy，D咖啡好滑。正呀😙 老闆對品質要求高，唔夠凍寧願唔賣住。…查看更多

超級好食的韓國人氣湯飯 ! 開幕初期已經有人推薦我去食，我都好想去，但係長期都多人好難平日返工時間去排隊同約人食飯。今日去完大館見冇乜人排咗大概20分鐘就有位都唔算等太耐同埋上菜都快。食咗砂鍋奶油韓式牛肉，入面啲牛肉 juicy 粉絲索曬啲湯味又唔漏，好好味! 有機會要再去! 餃子牛骨湯都好味! 唔怪之佢長期咁多人啦。 限時70分鐘有足夠時間食飯嘅。 佢嗰啲配菜都幾好有生魷魚😋p.s. 返到屋企真係好口渴睇嚟佢都落咗唔少味精😅…查看更多

黎到The Ice Cream & Cookie 打卡。星加坡公司嚟嘅。試食佢嘅泰式奶茶麻薯同開心果都ok但我最後揀咗菠蘿石榴雪芭配黑芝麻薯合桃燕麥曲奇三文治。我以為冇咁甜但係其實個雪芭都幾甜，冇想象清新，黑芝麻麻薯都幾好燕麥合桃曲奇餅有合桃味唔錯。 但係啲雪糕會令到啲曲奇淋曬。食完飯食真係會好飽😅 行緊嘅時候聽到隔離有個鬼佬見到我話looks yummy。 可能因為個刻真係覺得好飽都食唔落所以都冇特別反應。 下次想試其他雪糕。…查看更多

見到人介紹好高質嘅fusion 餐廳嚟慶祝生日， 試完啲嘢食真係唔錯，好食。會再返嚟，同埋啲服務真係好好，生日仲幫你拍埋 Polaroid 同画張生日卡。慶祝生日真係一個好地方。- Truffle sesame doughnut 呢個appetizer好似中式嘅煎堆- Spider roll soft shell crab 正常軟殼蟹壽司味- Maki taco spiced dice salmon 炸咗嘅紫菜做出面嘅taco 得意- Wagyu beef char siu 呢個真係好好食- Whole smoked pigeon 唔係乳鴿嘅西式煮法，嫩- Misoyaki black cod 下面墊陳村粉- Ginger rice bomb dumplings 入面有粒糯米小丸子出面係薑汁， 一啖入口會爆汁- Moutai tiramisu 有啲酒味幾好食…查看更多

喺社交平台上面見到有養生成份嘅咖啡，今天放假特別來大角咀試一下，當然要試下佢嘅陳皮拿鐵啦。 店主用竹籃同青花瓷杯裝latte 好靚。拿鐵上面有切碎咗嘅陳皮，初初入口陳皮味唔係好重，飲到底嘅時候陳皮味就非常之出喇，同咖啡味都幾夾。 跟住叫咗蟹柳炒蛋捲餅卷餅有少許燶味但係都幾滑，係份量比較細。之後再叫咗個火龍果燕麥粥，要焗一陣先有得食。個玻璃杯非常之靚好適合打卡。 份量屬於偏少，如果想飽肚嘅話，作下午茶就啱啱好。…查看更多

一早聽聞啲小菜要留定，好彩有留左燒鵝叉燒同埋吊雞好好食。不過坐得就比較逼近嘈少少。黑松露玻璃燒鵝 - 冇蘇味，好好食吊燒沙薑鹽焗新鮮雞 - 有雞味，皮夠脆唔肥伊比利亞叉燒王 - 好入味，正蜜汁燒脆鱔 - 都唔錯懷舊蝦多士 - 攞來點蟹椒鹽雙菇 - 幾大碟，下次夠野食可以唔洗叫阿拉斯加蟹兩食 - 花雕雞油蒸活膏甲羅燒 ，正蟹真係太好食有花雕嘅香味甲羅燒點多士…查看更多

聽講要book 2 年先食到嘅私房菜，2025年都已經冇得book!!! 有幸涉到位。每道菜真係好好食，老闆出來講解，同真係好飽，飽到上心口呀😁好有心機煮既餐廳芥末麻香花膠 - 煮左三日既花膠冰鎮南非鮑魚 - 好淋既鮑魚，唔記得左佢話煮左幾耐，仲有鮑魚汁on the side 鮮青檸口水雞 - 用咗秘制青檸汁既雞，唔辣哈蜜瓜爵士湯 - 每人一盅，原盅燉等16小時，有瘦肉金華火腿雞腳蜜瓜螺肉賽螃蟹粉法飽 - 用24隻蟹起咗肉同膏做蟹粉(有五種蟹)，加陳醋食好好食，配上蒜蓉包(有原味、一面搽左、兩面都搽左蒜蓉)鮮頭刀咕嚕肉 - 用原隻菠蘿加第一刀豬肉，批走多餘脂肪嘅咕嚕肉味菜蟶子煎米 - 用蘇格蘭嘅聖子果個煎米粉真係好好食，唔漏上湯有機菜遠 - 瑤柱上湯菜心嘅根部都要批左，好嫩老陳皮紅豆沙 - 用左40年老陳皮煲…查看更多

諗唔到食乜嘢，經過漢堡包醒起佢有個出名龍蝦包。原來而家已經冇做龍蝦包宜家喺做軟殼蟹漢堡包。買左個安格斯牛堡同黑松露薯條，真係唔錯。鐘意佢 toppings 個D可以分開叫，因為我唔中意芝士個D toppings …查看更多

剛剛開幕買一送一時試左牛丸河粉。但個牛丸真係超級羶! 食唔落。一直都冇再去。今晚想食火鍋，見佢都唔貴，買左生料黎試。所有野都ok，餃同粉都好食，就係牛丸真係非常羶! 全部牛丸唔想食。一開始唔記得影相。。。…查看更多

人地都去飲酒的時候我去飲珍珠茶。由於店內有好多人，結果要坐外面的sofa坐了很久才有位置…今次試了奶蓋茉莉蜜桃綠茶加珍珠。茶味是非常香的，真係用靚茶。不過就係太香變左跟奶蓋搶味。我覺得上次的奶蓋油切烏龍最夾奶蓋。…查看更多

試左奶蓋油切烏龍加珠。服務好好，取drink時好細心解釋奶蓋要點飲，先飲上層、下層同mix埋飲。flamingo水泡其實我係係韓國觀光局已經有得免費羅，所以只係幫朋友買 $15 each。加珠其他地方都係3蚊，呢度要5蚊，on top of  三十幾蚊drink，雖然佢都幾好飲，但我可以有其他選擇at this price，happy hour 先再黎。…查看更多

瑤柱蘿蔔絲煨飯 - 覺得無蘿蔔會好食d蒜子上湯浸時蔬 - 個湯底ok架蓮子棗皇糕6件 - 呢隻糕出名，足料夠棗味半隻川椒炸子雞 - 炸得幾好，肉嫩，不過d川椒葉好淋杏汁荷包雞湯 (一隻) - 呢個湯真係貴，加一後當分到12碗都110一碗，不過佢又真係幾好飲。有好純既杏汁同牛奶，個雞肚釀了雪耳同金華火腿少量鮮烚馬友仔飯 - 條魚以呢個價錢真係做得唔好…d肉不夠嫩頭抽煎封大蝦 - 一隻蝦成百三蚊幾貴。佢都煎得幾好味既。蝦頭都好多肉鹵水掌翼拼鵝片(鵝腸) - 鵝腸幾爽。鵝肉都多汁，很入味清心丸綠豆爽 - 覺得清心丸不及九龍城合x糖水好，有點似jelly粒…查看更多

難得有朋自遠方來！朋友要求吃齊，馬上請教其他朋友，推薦了功德林。遠望維滿港景色很雅致。兩個人差不多關門才來，服務員推介了二人晚餐。好，二話不說就order了。先來兩盅虫草湯。再來兩個小食素鵝跟火腿，素鵝沒有了本應有的香脆，但凍火腿味道入味可口。咕嚕肉非常有驚喜，跟豬肉一樣，有口感又酸甜度適中！吃完又吃。三絲面不算太突出，還可以。最後甜品椰汁紅豆，正常，沒有太驚喜。基本上因為是最後一台，服務速度很快，但因 11pm 有pest control時間，只得提早離去，坐不了太久。感覺價錢上是有點少貴，因為吃的不多。…查看更多

久違了的食評！雖然吃了很多好東西，但太懶一直沒有更新開飯啦。這次來到新落成的地方吃同事介紹好吃的南亭。之前看過舊鋪的食評還怕service 不好呢。上來後發現店員服務真的非常不錯。執 table, refill tea好frequent。Menu 上的如果沒有特別說明是兩串，剛好這晚同行有兩位友人，店員話可以幫我地將個order adjust變三串收1.5份錢。這個idea非常好方便啊！參考之前的食評及自己想吃的就order 了：白菌、雞賢、芝士雞翼、牛舌、白鱔、sweet potato、蘆筍卷豬肉、燒三文魚飯團。先說table上的醬料，一坐下來店員就給了大大 spoon有點像豆辯 & bbq sauce 的非常惹味 (went well with the carrot and cucumber sticks on the table)...還有sea salt被安排坐的位子有點像小房間一樣的間隔，有 privacy 而且實木 wood furniture也很得意。menu 拍得很黑 oops非常迅速的食物一件一件的來。每次一有食物上，店員會幫我地分開擺落隻碟度，好貼心。本來對白菌有很高期望，但貌似只有表面上涂了一層汁的味道。sweet potato有驚喜，很甜。雞賢雖然細細粒但燒得剛剛好，不會(火農)，而且很入味。牛舌最 impressive。食串燒必叫(真係好少會難食)。這間的出品雖然少少貴三十六蚊一串，2.5片，但勝在 juicy，不會太艱。白鱔也非常彈牙！雖然鱔對身體唔係幾好，不過久唔久一次都ok。最麻麻係芝士雞翼 & 蘆筍卷豬肉 - 早知只叫純雞翼，雖然前者唔係唔好食，但d芝士味replace左雞翼的味道。後者我以為自己叫了燒大蔥，唔見到有豬肉亦食唔出，只有蘆筍味最後到燒飯團，每塊有一大片紙菜跟埋，唔會好似一杯屋要再加錢。燒得很脆，好好食啊。呢度既服務真係好好，除左訂位個度會再 confirm，refill 茶真係勤力度我唔好意思。食完d簽又會幫手執落筒，如果唔覺佢有 interrupt 到既話，我覺得服務周到。至於食物方面，多選擇好似係一杯屋，但燒出黎既水準係呢度好d，無咁「得過燒左啦」咁既感覺，味道自然d。:應該會翻桌的D…查看更多

呵呵，身為第一批 VIP 客，答應要為這間店寫一篇食評。在附近行街行到九點半，黎這棟搵地方吃晚飯。見到這裡九樓貼著試業中的 label，還有什麼紙藝主題餐廳。因本人係手工藝愛好者，所以亦很好奇會是一間什麼樣的新餐廳。一上去就已經被這間 restaurant 的裝潢深深吸引了！！！！！ 主打是京滬菜式。天哪，這裡的牆、檯、椅子、紙杯、杯托、窗簾、燈、等等全都是用上紙皮做的！非常精緻喔！！！門口過有可以買回家的紙精品：帽子、note pad、clock、還有Eiffel Tower、比薩斜搭等等。Every decor are made of paper！連 Exit 都有用紙做的蟬係上面。裡面還有一個 corner 有月亮的紙燈罩與貓頭鷹互相輝映。因十點是關門時間，好彩負責人說可以招呼我地。Menu 上有飯與麵套餐，還有小食。原來這裡跟地鐵的西龍飯團是同一個集團喔。紫米瓶裝飲料是瓶上，有機豆漿則是從西龍的瓶裝，再倒出黎的。我亦很好奇要如何保養紙皮做的傢俱呢，負責人說會塗蠟上去作保護層喔。因為是試業，人流很少，所以亦可以很肆無忌憚的周圍影相與坐得幾舒服，一想到中環 lunch time 多人的時候如果黎這裡就很難拍照了。因為實在太欣賞它的裝飾了，所以食物的注意力就減少了。餐前小吃我地要了海哲拌青瓜 $48，拍黃瓜 $28，古法燻魚 $48，肉鬆凍豆腐皮蛋 $32。 海哲配上幼青瓜絲，不會油膩。 拍黃瓜帶點麻辣，很爽。 燻魚，多肉少骨，比出面可以以呢個價錢食到的份量多 d 呢。 豆腐皮蛋，豆腐是用一 pack pack 好的，但皮蛋晶瑩通透 quality 不錯。我同事們要了， steam 芋頭饅頭 $15、酸辣湯 $18、旦旦麵 $29、香煎豬扒紅米飯 $48、靈芝菇五殼拉麵 $45、我則要了五香雞翼菜飯 $45。落單的小姐把靈芝菇拉麵落錯了變成靈芝菇紫米素炒飯 $45，但無問題，既然煮好了，我地姑且試試。這個炒飯做得很美味，乾身又健康！同事說她的豬扒也很好味，因為夠淋。而我的雞翼也不錯很香脆，只是有點點炸過頭了所以有點乾左少少。但我覺得飯餐很可愛喔，因為是用紙盤的，上\面有四個孔放上像小膠杯的碗子。我地開玩笑說有點失望碗與碟不是用紙做的呢！=P 這個 size 的餐對女士 ok，但對男士可能會細左少少呢。至於套餐的飲品我要了珍珠奶茶，奶味夠，泡亦夠，只是珍珠應該是雪得太硬了，有點像 chewing 波子棋呢....Overall，service 很好，第一日試業，有一、兩次漏單都可以接受，希望這間店的水準可以 keep 到落去，因為我已經覺得佢似我既飯堂啦 LOL。P.S. 這間店的價錢比同一棟樓的 Night Market 定得 reasonable 多了，相信能吸引很多像我一樣的客人喔。…查看更多