brian.wang501的个人专页

呢個芒果芥末香草汁，真係冇得輸！ 適逢我朋友公司喺時代廣場附近，佢哋Team lunch食過呢一間，然後就極力推介我啦 😂佢哋話性價比好高，打卡賣相又靚，咁最近放假，一於就去試一試佢。 我哋同行有四個人，我自己就揀咗呢個主菜：慢煮三文魚扒配芒果芥末香草汁。 首先個三文魚扒已經係好大件，有圖有真相，肉質好腍，但係又唔會過分over cooked。 我最鍾意嘅就係佢個汁，酸酸甜甜，超級惹味，呢個汁真係值得加分👍👍👍性價比好高，百零蚊已經可以食到成個set lunch，好抵食環境亦都好闊落，招呼亦都唔錯！ 下次捉埋屋企人再嚟食先😄😄😄👍…查看更多

新年食得太多糕啦，係時候要食一食素菜清清腸胃😁一直booked marked 左呢一間餐廳好耐，因為見到佢哋個價錢真係好大眾化，百零蚊已經可以任食自助餐，仲要係免+1！選擇種類好多，價錢好大眾化，性價比極高👍👍👍我哋今次揀咗晚餐時段，見到環境都好闊落，六點幾就入場啦，有好多頭盤沙律區，熱盤，甜品區都有，啱晒有選擇困難症嘅我，樣樣都可以試啲😆咁多嘢食之中，自己都係最鍾意食炸嘢，佢哋又要熱燈熱住，仲保持住溫度，個煎堆真係好好食，好脆口，啲菜都好脆綠新鮮😁👍整體而言，高水準👍👍👍…查看更多

好有驚喜喎！作為餃子控，不嬲都好鍾意食呢間，佢哋最近搬咗舖頭，門面好靚，裝修好好，感覺好典雅，一如既往食物質素有保證，而家仲加咗好多新嘅菜式，錦上添花😍😍😍我哋兩個人，總共點咗以：🥟冰花煎餃🥟翡翠墨魚餃🍵開心果糊呢個冰花煎餃真係好出色！好大份，最欣賞係佢哋煎得好脆口，完全唔覺得好油膩，點埋醬汁，淡淡入口，秒速就已經清晒😆翡翠墨魚餃就係健康100%之選！ 每一粒都好大粒，個湯又好清甜，淡淡都係滋補養生😍😍😍甜品嘆埋呢個開心果糊，好出色好有驚喜，上面鋪晒開心果碎，好清新，唔會得個甜字，好味！ 新店水準依然可以keep到！ 仲要加多咗好多創新嘅元素，抵讚…查看更多

準備清假，難得係平日放假，朝頭早起身就食個靚早餐對自己好啲。揀咗屋企附近呢間大快活，好耐冇嚟啦喎，見到都有好多優惠，朝頭早都好多人。叫咗個吉列豬扒，配榨菜肉絲米粉，跟熱檸茶。 呢個套餐$34咋，真係好平！ 係我自己再加多一蚊叫呢個合桃提子包，因為唔係好想食西多士嘅關係，但係呢個提子包個味道就麻麻哋，口感都麻麻地。 不過整體嚟講其實個性價比真係幾高，幾抵嘅，仲可以儲分，仲有coupon送。唔怪得朝頭早都好多人幫襯啦。😆…查看更多

今日嚟到旺角食中菜，呢一間餐廳嘅點心燒賣都好夠正宗，最令我驚喜係佢哋個賣相好得意好可愛，我哋叫咗呢個小蜜蜂，係包包嚟嘅，啱晒小朋友食，好可愛！ 價錢又一啲都唔貴，服務態度都一流，推介俾各位…查看更多

最近馬會個app彈咗有個優惠俾我，原來都有啲現金消費券可以喺呢間餐廳度食，佢哋嘅環境都唔錯，仲有遊戲玩添，員工嘅服務態度都幾好，不過餐單嘅選擇相對嚟講就比較少，主要都係西式為主，如果加入少少中菜元素就會更加多元化👍…查看更多

次次嚟親富華都會排晒長龍，呢間茶記真係好出名，喺葵廣都有兩間，聽同事講佢哋嘅燒味飯好出色，今次晏晝揀咗佢試一試。 份量都幾好喎，我揀咗小飯，啲肉都幾多，味道都唔錯，雖然價錢相對嚟講貴咗少少，不過個質素都幾好，唔怪得成日都咁多人排隊啦🤣…查看更多

呢間餅舖，喺葵芳都屹立咗好多年，附近嘅街坊都一定識佢，最鍾意佢哋嘅人情味，每逢3.3都會有熱辣辣撻出爐，之前推介咗俾公司同事，老闆有一次萬歲，就order咗兩打，佢哋嘅服務態度真係好好，包裝得好好，蛋撻又熱辣辣，公司同事都好鍾意😍…查看更多

份量偏小，好記得以前食譚仔，啲麵同埋啲料都會好多，唔知係咪依家越嚟越出名嘅關係，個份量真係少咗好多，相對嚟講唔算好抵食雖然見到佢哋成日做好多唔同嘅優惠，但係個份量真係太少啦，所以整體嚟講就算有優惠都唔算太抵食…查看更多

成日經過，呢間嘅拉麵都係排晒長龍，入面嘅位置唔算太多，好多晏晝未夠1:00就見到啲人開始排隊，今次見到相對嚟講唔算太長龍，所以自己都幫襯咗試一試佢。但係整體感覺又未算個性價比太高，一碗叉燒拉麵，都要成差唔多90幾蚊，雖然啲叉燒係鋪晒面，不過我覺得都未算話好特別嘅湯底，所以性價比唔算太高。 …查看更多

身為附近嘅街坊，一定識呢一間涼茶，因為佢哋真係自己煲㗎，喺鋪面可以見到有佢哋後面嘅製作，今時今日喺香港，呢一種風格呢種風味真係少之又少，好識得珍惜，所以佢哋嘅質素真係好正宗，食好多炸嘢得閒試返幾度涼茶，下下火都唔錯！ …查看更多

元朗見到呢間火鍋店都幾多人排隊以及上網嘅評論都好似好正面，所以一出嚟試一試！ 火鍋湯底普通正常，配料亦都係正常冇乜太大嘅驚喜！ 但係店員嘅服務質素有待改善，如果佢哋少多啲就會比較好…查看更多

特登嚟到將軍澳食母親節自助餐，但係令人失望😖😖😖 選擇嚟講相對唔算太多，本身就係衝着麵包蟹而來，但係感覺唔算太新鮮，冇乜口感比較乾。 不過扒類方面就比較有驚喜，叫咗七成但係都唔會太乾👍…查看更多

呢間火鍋嘅選擇都好多，最鍾意嘅就係食佢嘅麻辣火鍋，充滿着麻香，而且我哋叫咗唔好太辣，職員都安排咗唔算太辣嘅俾我哋！ 所以，整體嘅體驗感覺都比較好。但係餐廳同事都有出現漏單嘅情況，希望餐廳 可以有所留意。…查看更多

特登嚟到西貢食呢一間嘅自助餐，但係比較失望！ 因為個場地其實好大，但係相對嚟講選擇比較少。 尤其是係頭盤區同埋甜品區，可以選擇嘅比較少。 熟食方面如果加設多啲扒類更加會比較好…查看更多