LingYuanXie的个人专页

今日行波鞋街遇到大雨，突然起意下川菜館，啱啱附近有間福薈川菜館！餐廳餐牌有米線套餐、拌麵、客飯套餐和小菜套餐好多選擇！朋友鐘意吃米線，佢嗌左餐廳招牌菜：酸菜生魚米線，加$3飲凍檸茶。生魚好滑，料又豐富：有芽菜、豆泡、木耳、酸菜！加埋米線，大大一份，好抵食！天氣悶熱，我就嗌左麻辣牛展拌麵，加$3飲凍奶茶。拌麵是涼拌拉麵，拌上青瓜絲、芫茜、蔥和紅油，香噴噴看著就好開胃。牛展師傅切得薄薄的，牛肉味濃郁！拌上麻辣紅油，最適合夏天食。…查看更多

好久冇去吃日料，今日經過旺角缽蘭街長板燒，就去大吃一頓。長板燒環境係我最鐘意嘅一面，清淨，優美！可以好放鬆心情。食材又新鮮，精緻！好有層次感。江戶前玉子燒，口感比較特別，似小蛋糕，綿密又鬆軟。雜錦天婦羅：炸粉唔會厚，也不會油膩，炸蝦好彈牙。都不錯。壽司有火炙平目魚背，三文魚腩壽司，赤蝦壽司。壽司嘅米飯用了赤醋，粒粒分明！赤蝦鮮甜，點上豉油介辣，正。串燒有牛舌，牛胸腹，免治雞肉棒。厚切牛舌，牛味重，口感不錯。燒海鮮嗌左燒元貝和特大虎蝦。虎蝦好大隻，蝦味濃郁，蝦頭部位還有好多蝦膏！正。大大粒元貝配上燒汁，好爽口。不知不覺都嗌左不少嘢，食得都好飽。…查看更多

今日早收工，同老公、仔仔去旺角創興廣場5樓鹿鼎記打卡。叫左小寶套餐，大人每位228元加一，小童158元加一。都好便，但需要7點半前離台。湯底4揀1我哋嗌左皮蛋莞茜豆腐湯。首先上檯係川味鹵水拼盤。鵝翼2件，辣辣哋好有咬勁；豬大腸同紅腸各2件，好爽脆；豆腐2件，好入味。跟住落嚟係用ARE code落單啲食物：有安格斯極佳級精修肥牛、安格斯牛肩胛、黑毛豬捲腩、鮮雞件、鮮脆皖魚肉、手打蝦滑、手打墨魚滑、手打鯪魚滑。然後去自助配料吧揀自己中意嘅食物，菜品好豐富，就唔一一介紹。當然打邊爐不會少左飲料吧，飲料吧有3大櫃，選擇都好多。今日食得超級飽。…查看更多

最近天氣開始轉凍，最適合打邊爐，觀塘打邊爐最正嘅地方就係淥鼎記啦！地方大，卡座多，不會擁擠，而且裝修古香古色，食嘢心情都好。價錢唔貴，$248/人，性價比高，2個小時任食任飲。湯底都好吸引人，有8大湯底，除左成日食啲酸菜，麻辣，清湯，沙爹湯底，還有特色湯底藥膳和花膠。有興趣嘅朋友可以嘗試下，我和friend都情有獨鐘沙爹湯底，所以最後嗌左沙爹鍋。等鍋上桌前，我哋還嗌左小食吃，而且小食也是任食，有炸雞，木耳，秋葵等任點。美國安格斯牛肩胛好正，肉質鮮嫩，牛肉味好足。我任是嗌左3盤，食得好滿足。120分鐘放題，我哋實在是食撐肚腩，太多的食物揀，真是抵食。…查看更多

天氣終於開始冷了，朋友介紹去一間便又靚啲火鍋店食好嘢！餐廳位於開源道豐利工業大廈上面。地方大又敞亮，食嘢嘅心情都好。晚餐是$228/位有5種湯底可以選擇，90分鐘時間食，時間好充足。而且有特級肥牛和海鮮任食。真係正到爆！如果+$99/位就有本地龍蝦食，時間還會多增加半個鐘頭。我同朋友就揀左普通餐，湯底是酸菜魚。魚片和湯底是分開上，就唔會怕魚片煮到軟晒。魚片切得好靚，睇嚟好新鮮。酸菜湯底酸酸辣辣，好啱打邊爐。第二道上緊嚟是海鮮拼盤，有蟹、鮑魚、帆立貝和花螺。海鮮樣樣都新鮮。我哋又嗌左拍青瓜和涼拌藕片做前菜。當然肥牛是必不可少的一部分，食得幾多就可以嗌幾多，加上任拿蝦，火鍋料，飲品！真係食得好飽啊！下次來要試下雞煲湯底。…查看更多

好耐冇同仔仔出去玩，聽講啟德郵輪碼頭有間親子餐廳有得食有得玩，今日帶仔仔去happy，happy！餐廳嘅環境好，空間夠大，裝修得好靚。小朋友遊樂設施都好多，有得看書，有得運動還有得可以影相，是小朋友嘅天堂。除左玩，食物都不錯。仔仔嗌左意粉嘅兒童套餐。番茄意粉，酸酸哋好開胃，仔仔好鐘意食，成份食哂。鮮蝦炒蛋，蝦好新鮮，蛋都係蝦味，味道真是不錯。最得意是鴨仔豆沙包，好吸引小朋友啲注意，唔捨得食。水果都新鮮。仔仔食得好快，因為食完還可以繼續玩遊樂設施。我就嗌左BBQ菠蘿咕嚕肉和上湯時蔬。咕嚕肉分量很足，酸酸甜甜很開胃！肉外脆內嫩，很不錯。時蔬分量都超大，完全食唔晒！🤣…查看更多

今日同老公到九龍灣宜家傢私行行，晚餐順便在日和號解決，因為店鋪不止地方大，坐得舒服，現在刺身壽司還做緊半價活動，好啱我同我老公呀！一不小心嗌左20款壽司😝。值得一讚是上菜速度好快，刺身拼盤先上檯，嗌左北寄貝、八爪魚、甘海老和帶子刺身。食物很新鮮，帶子甘甜有彈性；八爪魚爽口鮮甜。吉列炸生蠔和吉列炸蝦壽司：生蠔老公最愛，一口氣嗌左4隻，話蠔子新鮮，外層卜卜脆，好有層次感。蝦身就比較軟身，但都好食。玉子、腐皮、鰻魚、蟹柳、帆立貝壽司都係我最愛，食得停不下來。最正係親子花之戀，大大塊三文魚包住大大粒魚籽，魚籽好甜，味道正。而且連八爪魚小丸子都是半價之選，真係好抵食。…查看更多

今日同friend到深水埗西九龍中心行街，路過紅蔥頭，就去享受下午茶時光。我哋嗌左2份主食，2份小食。主食：鮮茄豬扒炒烏冬，番茄炒烏冬酸酸啲，好開胃！豬扒外焦內嫩，撈埋番茄汁，好好食。唐揚炸雞扒飯配燒汁，白米飯粒粒分明，熱騰騰，分量夠足，雞扒好大份，雞肉好嫩，淋上燒汁，好正。小食：鐵板一口牛，牛肉好厚身，肉味好濃郁，切成一塊塊，一口一啖，好方便。中間嘅薯蓉球好正，好幼滑，撒上炒蒜片，好惹味。唐揚脆脆雞中翼配薯條：今日薯條醬汁係酸忌簾，搭配薯條就唔覺得薯條鹹。雞中翼炸得外皮卜卜脆，內裡好嫩！好食。下午茶時間食得飽過頭。🤣🤣…查看更多

今日去荃灣享受了一餐意大利大餐，真係好好味呀！餐廳是暗系情調，好安靜，菜品好精緻。我哋嗌左1份小食，1份沙律，2份主餐，送1份餐前麵包籃。麵包烤得好軟熟，配上黑松露牛油醬，味道好惹味，好正。單單包包都食晒啦！番茄水牛芝士配意大利香草醬：番茄鮮甜，水牛芝士啲芝士味不重，點點酸，搭配意大利香草醬，都幾開胃。酥炸小食拼盤：魚手指、芝麻雞翼、魷魚圈和薯條。魚手指外皮酥脆，內裡魚香味好鮮；魷魚圈彈牙；芝麻雞翼乾身，炸得卜卜脆。鮮菇硯醬燴意大利麵：意大利麵爽口彈牙，配上新鮮番茄，鮮甜啲硯肉，味道酸酸甜甜，十分美味。烤美國極佳級肩胛牛扒配黑椒汁：牛扒好厚身，肥瘦均勻，分量好足，牛肉味濃郁，搭配黑椒汁更香。今日食得好滿足…查看更多

今日難得去新蒲崗做事，午餐直接在五坊街解決。店鋪比較難揾，但味道實在不錯。我哋嗌左2份餐：煎慢煮西冷配薯條及沙律：牛扒嗌左7成熟，分量好大，切落去還有絲絲血絲，牛肉嫩滑，牛味濃郁，配上牛肉汁，非常好吃。薯條熱辣辣，炸得金黃香脆，分量都不少。另一份嗌軟殼蟹蟹肉拌飯：軟殼蟹炸得卜卜脆，滑蛋包住飯，啖啖飯都能食到滑蛋，撒些胡椒粉，都十分美味。甜品嗌左2份，提拉米蘇窩夫：窩夫好香脆，蛋糕分量很足，帶上滿滿咖啡苦味，味道很特別。烤焗棉花糖伴朱古力：棉花糖大大塊，烤得金黃金黃，撒上朱古力醬，好甜好邪惡。…查看更多

今日去樂富新店鋪十三少吃辣餐，2人餐$338有前菜、主食、小食。前菜嗌左涼拌土豆絲，土豆絲好爽脆，酸酸辣辣好開胃。主食十三少酸菜魚，真係大大碗，魚用鱸魚，好嫩好滑好新鮮。配料種類都多，有杏鮑菇、秀珍菇、萵筍、蘿蔔片、酸菜。最重要有撒大把芝麻，啖啖魚肉配上芝麻，好好吃。而且湯底唔算辣，湯都可以飲。小食川式口水雞，雞肉浸透辣椒油，辣椒油上又是滿滿一層芝麻，雞肉嫩滑又麻，慫飯好正。套餐+$28有甜品食：紅糖糍粑，四川甜品，內裡熱辣辣，煙煙韌韌，外層香脆，裹著黃豆粉，味道不錯。…查看更多

好久冇食泰國菜，今日午餐約朋友在尖沙咀Cambo聚餐。我哋嗌左兩份主食一份小食。泰式鴨肉湯粉：湯底好特別，味道好濃郁，泰式風味，竟然食到牛肉湯味道。湯底不油膩，鴨肉分量足，不會柴，都算嫩。配菜是通菜和鴨血，河粉分量特別多，彈牙又爽口。泰式鮮雞肉乾炒河：雞肉好嫩滑，量都不少。炒河乾身不油膩，聞落去香噴噴，好惹味。味道啱啱好，不會鹹。泰式沙爹串燒：串燒有3種肉，雞肉、豬肉、牛肉。每款各2串，共6串，百兩蚊左右，價格不貴，串燒師傅手藝好，肉烤得有小小焦香味但又保持到啖啖都有肉汁，配上自製泰式沙爹醬，更加惹味。…查看更多

今日去旺角the charcoal room hk食晚餐。前菜有6款Koreancuisine:有泡菜、醃蘿蔔、棠菜仔等，泡菜最正，不止有蝶裝，還有一壺可以續食。我最鐘意嘅味噌茄子，醬料小小辣，茄子切厚身，配上辣味，好開胃，好好食。正餐係用Koreanbbq，有壽喜燒和牛西冷，和牛切得好薄，放到燒烤架上，好快就熟。同雞蛋，飯糰一起食，好正。和牛牛肋骨，好嫩滑，醃得入味。我用唐生菜夾住牛肋肉，泡菜，蒜，烤肉醬和芝士粟米一起吃，好香好美味。濟州活鰻魚，鰻魚厚身，烤都需要點時間，但好爽口。最後烤黑豬梅肉，梅肉好大塊，而且已經醃製好，一烤香味撲鼻，食起味道都冇得輸。和牛三文治，呢份好邪惡。和牛切得好厚身，裹在薄薄啲麵包中，真係啖啖都是肉。Koreanfood味道就係正。…查看更多

今日同friend去葵芳廣場行街。順便去百味川食辣嘢！百味川店鋪雖小，但有好多選擇：有招牌套餐、自選米線和小食飲品揀。價格經濟又實惠。我嗌左自選米線，自加4樣餸，麻辣中辣，套餐+3元有凍奶茶飲。好久冇食過辣得咁爽啲米線，味道真係好正。朋友都是自選米線，4樣餸，但佢要沙爹中辣。沙爹味好香，好惹味，辣度又唔會辣，好啱朋友口味。小食嗌左川香白肉和川辣鳳爪。鳳爪好彈牙，配上麻辣醬，同泰式鳳爪味道又唔同。辣度會比較辣。白肉切好薄身，配上麻辣醬，一口一啖，好爽口。…查看更多

德寶商場地下開左一間燒肉店！屬於半自助類型，可以自己烤和牛。沙律、麵豉湯、白飯和各種醬料任添！麵豉湯比足料，有蘿蔔粒和豆腐粒，味道都不錯。我哋嗌左美國安格斯牛小排，牛小排先在廚房煎至大概3成熟在上檯，比我們已經慢慢烤熟，真係好食又好玩。牛小排肉身好厚身，牛肉嫩滑，牛味濃郁，值得嘗試。而且牛小排成塊好大份，好抵食。三重芝士和牛漢堡套餐，和牛好厚身，口感鬆軟多汁。流汁芝士和芝士片包住和牛，好邪惡😱，每一啖都好滿足。跟餐+3元有兩隻炸雞翼，外皮炸得脆卜卜，內裡嫩滑，加上小小辣！雞翼都滿分。😍…查看更多