畢小姐的个人专页

不嬲都知道元朗多野食呢一晚慶祝紀念日食左 sushi misumi 充滿驚喜成晚由日本師傅Aikiyoshi Nakayama主理總共有21道菜 用料非常新鮮 壽司和茶都用鹿兒島溫泉水99準備每一道菜式都用心烹調 十分有水準———真心好難得 我覺得每一款都好好食如果真係要揀最深刻磯煮鮑魚同慢煮八爪魚真係食過返尋味食過咁多鮑魚 覺得今次真心最好食軟而不淋 將鮑魚干醬完全入味而且有咬口而慢煮八爪魚🐙煮之前會先按摩一個鐘再用秘製醬汁慢煮 十分彈牙 好美味仲有師傅所揀既深海魚壽司🍣每一件都比到我幸福既感覺而且處理手法很恰當 都食得出佢既鮮味———雖然有21道菜 我覺得份量啱啱好唔會好似出邊飽到食唔落 唔會辛苦最緊要係每一款都味道極佳 質素高價錢亦性價比高 平時食occasion食都可以而且日本師傅越洋招待 彷彿自己好似去咗日本咁…查看更多

喺屋企就黎悶到發癲所以忍唔住落屋企樓下食野見到呢間 記得好似旺角都有分店又見到有任食 想盡興下 就揀左佢一入到去個裝修 係充滿韓風街頭既感覺會覺得自己真係「出左街」而唔係就咁「落街」咁hea仲要呢個時勢 都唔少人 令我有d信心我揀左弘大燒肉放題$ 238先黎頭盤和牛一份 裡面有A4黑毛和牛肩胛同埋A4黑毛和牛三角腩仲有任食所有Order紙食物好多選擇！每位一杯無酒精飲品佢無論熱食同埋肉類都好多選擇勁鍾意佢個芝士燒 可以無限添加可以用來yam腸仔，午餐肉，肉類都可以超香口超正！肉類食材方面都好新鮮極力推薦佢個和牛下腹腩同五花腩兩個人舒舒服服食咗五百幾蚊都開心既…查看更多

而家都係港島返工所以都約朋友喺銅鑼灣比較方便嘅地方再睇下有咩食四個女仔傾心事飲下野就搵到呢間 環境幾舒服 又好坐叫左四杯酒 佢地有中國fusion 既cocktail佢係綠茶加gin，好過癮！食物方面有羽衣甘藍沙津 橙味沙津汁幾清新松露油薯條同nachos 送酒兩個都幾好食仲有南瓜帶子意大利飯 入邊有粒粒鹹蛋黃好好食 好驚喜四個人都係二百幾有酒有野食好抵仲有live band 聽，都係大家聽開嘅英文歌不過如果喇叭細聲少少會better …查看更多

本身想食附近嘅煲仔飯但係見到條長龍排到下年所以周圍行下睇下有咩野好食跟住嚟到呢個巷仔 男友諗起有荃灣嘅朋友講過話會特登入嚟大埔食呢間既拉麵我同男朋友見唔使等位就入去試吓當日都全店滿座 只能夠講我哋好好彩唔使等我哋叫咗兩個拉麵同埋兩個小食拉麵有直面同曲面 我見OpenRice多人揀曲面我哋兩個都揀咗曲面個拉麵黎先 簡直令人失望個豬骨湯底味道好普通 我個人覺得唔夠熱叉燒同豬軟骨都好硬好難食 麵都無乜特別 明明碗面勁細碗我都食唔晒不過！粒溏心蛋好好食！之後到海鮮大阪燒 我覺得呢個係全場最好食大阪燒質地好軟熟 剛剛好海鮮都OK 蝦是彈牙的大阪燒汁和沙律醬份量恰到好處加上木魚 好好食 清晒最後到個玉子燒 等左45分鐘 (佢有預先同我地講)夠熱 蛋味不夠香 芝士有拉絲食落正常ok 但係冇驚喜…查看更多

朋友過來接我收工近近地去了這間樂天經典新裝修 環境有點西式 員工服務好好 好有禮貌三個女仔叫了四個餸 一個湯 再加兩個甜品金銀蛋浸時蔬女仔不嬲都鍾意食呢個菜皮蛋同鹹蛋軟硬適中 不會太咸菠菜都新鮮爽口黃金蝦球上枱時熱辣辣 蝦十分彈牙咸蛋黃炸到好香脆 食慾大增菜香鐵板豆腐好好食 外脆內滑既豆腐加上菜心肉碎既特製醬汁我地揀左微辣 十分香口底層仲有雞蛋 非常好送飯招牌扣肉包幾乎每一枱都有叫味道可以 扣肉如果再嫩一點會更好雞湯極濃 10分足料 啖啖肉三色桂花斑斕糕好抵食！六大件都係$38將椰子、桂花、斑斕集結一齊味道清涼可口椰子西米露湯圓極喜歡個湯水底，超椰香湯圓略嫌厚皮，餡係芝麻，還ok埋單時三個人600幾蚊每個人頭200蚊到 都還可以偏少少貴不過環境係好舒適 啲服務都好好幾個小資女上嚟傾心事都OK…查看更多

話說好味glo之前住過大陸一排成日都會食好好味嘅湘菜返到嚟香港，成日都搵唔返呢個味道有次落樓下百佳買野，經過呢間野就忍唔住同彭仔即刻衝左入去試一試佢首先嗌左我最愛嘅手撕包菜唔好以為睇佢得菜+辣椒咁寡其實呢味菜十分濃味 廚師加入香醋、粒粒肥豬肉、包菜、辣椒呢幾款材料都係10分配 香濃惹味，最緊要廚師炒很夠鑊氣 足以令我食3碗白飯 (因為大陸白飯任裝lol)第二道我嘅最愛 農家小炒肉廚師將所有材料嘅特質散發出黎尖椒、豬肉、蒜頭 勝在原汁原味 突出乾脆俐落的肉香和辣椒香充滿了濃濃的鄉土味兩個人嗌兩個餸 再加1人1碗東北大米飯足以勾起我喺大陸食嘅豐富美味問一問先知，原來大廚真係湖南人唔怪得可以完全做到果種風味！鍾意食湘菜嘅朋友，一定要黎試吓！…查看更多

今日同彭仔行街經過呢間燒肉牛藏睇裝橫好有日本風味好想入去試吓 我睇一睇menu 原來有lunch set有得燒肉 而且價錢10分相宜首先帶咗一個石鍋鰻魚飯上枱時吱吱渣渣嘅聲 令人好興奮鰻魚10分肥美 而且燒得剛剛好配上鮮甜既鰻魚燒汁 加熱辣辣嘅飯分量足夠兩個人食 滿足！另外在嗌左一個五花腩只需60幾蚊，不過都有一條既分量燒嘅時候發出陣陣油香 食落啖啖肉加上佢預備嘅醬汁 十分配飯！呢一個晏晝真係10分抵食都唔洗200蚊就可以食到燒肉平時得閑經過尖沙咀真係可以試一試…查看更多

而家周街都係韓燒同屋企人就食開呢間東大門環境蠻有韓風的 有d似弘大附近既燒肉店位置算闊落 燒得好舒服部電視仲keep 住播k pop食物選擇方面都足夠有紙tick tick tick之外 仲有自助區for熟食、甜品同刺身不過送左一碟海鮮盤 大眼雞好好食肉方面全部都比一般韓燒新鮮我覺得最推薦既係五花腩、牛肋骨同泰式豬頸線五花腩肥瘦均勻 燒完不會太乾太油一咬落去脆脆的 之後就一啖啖肉汁唔使點汁都已經好好味牛肋骨並無用梳打粉刻意令肉質變嫩燒完果下肉色光澤 肉質鮮美有咬勁泰式豬頸肉餣得非常入味 100分正宗泰式口味 十分醒胃另外，我地都有額外加韓式小食同燒酒米酒媽咪揀左街頭炒年糕同柚子單骨雞翼都十分唔錯今晚真係十分滿足十分飽…查看更多

今次同彭仔經黃大仙見裝修幾靚 就食下呢間新開既上海廳睇落好似係上海婆婆d frd見到餐牌 d價錢都幾抵食我同彭2個人嗌小籠包、雞絲粉皮、黃金四季豆、炒飯小籠包一定係上海菜必嗌既皮薄而彈牙 肉算嫩滑 肉汁多返d會更上一層樓雞絲粉皮 好多我最愛既麻醬吖 ！粉皮小厚身，算彈牙頗滑 雞絲同出邊上海鋪差不多 口感不俗麻醬既花生味道好正 如果再滑d就正黃金四季豆 粒粒蛋黃好咬口四季豆亦好爽趣炒飯唔記得叫咩名 小小辣幾有鍋氣！一粒粒煙煙韌韌！好食！咁樣嘅價錢，食到咁多野十分好！如果開多幾間分店就好啦下次會再嚟過！…查看更多

我超級鐘意食芋圓但香港實在太少地方有得食今次呢間係慕名而來叫了黑糖芋圓冰多芋圓走仙草但送到埋黎 只見到珍珠多左 芋圓都係咁多食第一啖 覺得芋圓太淋 不Q彈d冰亦好鞋口 亦唔係台北正宗好綿好細果種黑糖汁亦好小 有d失望 不過唔算難食既見天口熱 食返杯涼涼都ok…查看更多

今日同好耐無見best friend Lego 出黎想搵個靜靜地既地方傾下心事2個人嗌左carbonara, Parma pizza 一杯earl grey latte同 espresso 呢度既咖啡不嬲都有特色又好飲今次既earl grey latte亦不錯 淡淡既earl grey 加上香滑既咖啡我驚我飲完今晚訓唔着😂之後個carbonara 係我每次必嗌佢唔似出邊成碟白汁意粉就話自己係carbonara濃郁既醬汁加上粒粒煙肉 痴住意粉上每一啖都好滿足好creamy Parma pizza 超大片Parma ham仲有芝士同rocket Pizza 底係芝士 咬落好香脆味道好夾 不會太咸…查看更多

今日同彭仔拍拖一周年黎左呢間聞名不如見面既喜來稀肉聞到隔離已經好香好肚餓好想食我地2個嗌左壹頭牛拼盤套餐加多份五花腩 泡菜湯全程都係彭仔負責燒 我細心欣賞佢既雄姿佢提供左超級多配料生菜、洋蔥、泡菜 仲有幾款汁料我最愛佢既泡菜 係我係香港食過夠辣、辣得好過癮，夠爽脆爐旁仲有芝士蕃茄蛋卷 全部有得refill 真係又大方又細心我最鐘意就係用生菜泡菜夾住肉果種鮮味加上小小辣椒 直達喉嚨壹頭牛 裡面有喜來稀肉、牛五花特級牛頸、牛肋骨肉、烤調味牛排骨 另有兩杯飲品我最愛喜來稀肉同牛五花喜嘅賣相十分精緻將幾片薄牛肉砌成一朵玫瑰花肉質亦十分可口彈牙，牛肉味十分濃郁牛五花係牛既五花肉，脂肪較多 口感軟滑，加上生菜可減少油膩嘅感覺五花肉 十分新鮮肥瘦剛好 燒出黎外層脆脆 咬落卡卡聲食落好鬆化 配生菜好match喜真係十分細心，位子旁邊都會有個風扇比有冷氣都燒到出汗既客人(e.g.彭)有涼快既安慰 讚!#好味glo 真係未試過食每舊肉都係好味 完美無一舊係鞋or有肉渣 又唔會乾又多肉汁汁期待下次試壹頭豬…查看更多

我唔鐘意睇韓劇但我係好熱愛韓國菜今次試下大名鼎鼎既goobne chicken 同彭仔兩個人 都幾肚餓嗌左一個香脆芝士炸雞 芝士炒年糕鯊魚之淚 同 藍橙沙冰香脆芝士炸雞 一上枱已經聞到好香芝士粉味一咬落去個皮 果然卜卜脆 啖啖肉味道仲有少少蒜香味 好match不過炸雞可以多返小小肉汁就perfect芝士炒年糕 我最愛的泡菜一上枱熱辣辣 芝士溶係年糕、公仔面、餐肉之間真係食到我個心都溶埋入去之後隻蛋就比彭仔成隻啪左到飲品 個鯊魚之淚好有gimmick 真係成隻鯊魚figure 係杯野飲好得意 而且可以揀含酒精or無酒精#好味glo 9點後無咁多人，唔洗排長龍好想試下佢個烤雞！…查看更多

星期日 又訓到黃朝百晏同彭仔近近地食返樓下既泰菜食得好開心 比之前進步左喎我嗌左黃咖喱豬頸肉飯 椰皇沙冰 椰奶雞湯彭嗌左泰式燒脾飯 菠蘿沙冰 冬瓜湯嗌多個飛天通菜share椰奶直迫泰國 好味過我上個月係曼谷飲果種酸辣再加上香葉、椰汁既完美組合每一種落既份量都恰到好處 值得翻兜黃咖喱豬頸肉飯 肉質鮮美 好足料 仲有薯仔 加左好多椰汁 令個汁好香好滑 送飯真係一流個燒脾飯隻雞都燒得好好 咬落去仲有雞汁ga 加上餐廳特製醬汁 我偷左好多彭仔既黎食沙冰不嬲都係我地係呢間必嗌既飲落都不會太甜 啖啖新鮮果汁 必須要試！#好味glo 2點後午餐都會送飲品連湯捱到肚餓就可以享受呢個benefit la …查看更多

星期六，一起身就好想食四川麻辣去左屋企附近都幾出名(彭仔話)既川粵叫了酸辣粉、酸辣土豆絲、麻辣牛𨫀酸辣粉叫了小辣 黎到尤如一碗普通公仔面不夠酸不夠辣 味道尚可並不是我想像中的「酸辣粉」我亦無意再黎試中辣酸辣土豆絲 叫了中辣 有驚喜呢度價錢比出邊便宜之外 還加了蒜頭調味條條爽脆有力 而且很入味 夠辣食到停唔到我不過可以再酸多一點點麻辣牛𨫀 又係叫了中辣除左油之外 其實無咩味可以skip#好味glo 睇佢酸辣土豆絲咁好食而其他咁一般，我決定下次係夜晚黎試下d小菜，應該好夠鑊氣…查看更多