fififi525的個人專頁

喺隔離食完品香樓 食完飯專登去試吓個南山白汁冰先走🥭白汁芒果西米$35呢個價錢嚟講真係好大碗芒果份量夠 大大粒又甜一啖西米加埋啖啖肉芒果真係正！同埋之前一直唔知白汁原來係指雲呢拿我仲喺到諗緊白汁係咪椰汁但佢又無椰味睇完openrice啲食評先知原來係雲呢拿佢啲西米都大大粒 但夠咬口唔會話因為發到太大/煮到溶溶爛爛咁口感唔錯食過兩次有次係外賣咗返屋企夜啲先食因為佢嗰邊係無堂食位置唔想企喺到食嘅話就可以外賣返去食擺咗落冰箱一陣變咗做沙冰咁食更加透心涼！…查看更多

秋風起涷涷地就最啱一大班人去食大排檔🍁蠔餅7.5/10🦪：成塊都係炸到超級酥脆香口但我個人鍾意仲咬到餅嘅口感佢呢個完全係變成薯片咁魚香茄子煲9/10🍆：冇辦法唔俾高分呢個我至愛好夠熱同埋鹹魚鹹香味好足茄子走過油吸晒汁超好食送飯一流啫啫通菜煲8/10🥬：燒到個煲慶一慶再臨上枱前幫你炒一炒桌邊服務加10分 仲食到大大粒炒到溶化嘅蒜頭好香好惹味 差唔多無枱都有嗌火焰蜜糖牛柳粒7/10🔥🍯：有火好有色水 夠甜夠惹味 蜜糖味好重但整體偏少薯仔粒極少黃金花枝6/10🦑：無我想像中鹹蛋味咁出冇起沙嘅感覺可能蝦會好食啲仲叫咗炸饅頭 外蘇內軟點滿煉奶咁食無得頂另外佢飲品都好多元化有水果沙冰 /涼粉冰等等仲有凍朱有一大pat cream 十分開心…查看更多

裝修好靚 行歐陸風 🌷舖頭入邊嘅擺設同餐具都好精緻 其實一心諗住過嚟試吓佢個朱古力🍫畢竟係OpenRice見到有個comment話佢係朱古力界Hermès 講到咁高評價🤌🏼平時唔係好食甜嘢 但係見到佢有濃度好高嘅朱古力都會想嚟試吓😂但當日係食下午茶 去到已經三點鐘 店員話畀我哋知所有朱古力飲品都已經賣晒了有D 失望 因為精品朱古力係招牌又限量供應如果同我一樣想試朱古力嘅可能要早D嚟無晒朱古力所以飲品叫咗咖啡Ice latte 同hot latte（$45/$42）咖啡入口nutty味好香醇☕️口感好細膩厚滑 而且好欣賞佢係rock ice 上🧊咁冰會得溶得慢啲 唔會畀冰水沖淡晒浸味十分唔錯 個人嚟講幾喜歡👍🏻😋 手打意式紅羅勒醬 | 香烤慢煮雞扒 | 水牛芝士」配手製比利時窩夫（$128）🧇佢menu 寫慢煮 原來要焗20分鐘 😲需時較長 覺得menu註明埋製作時間會好啲同埋慢煮等待時間長咗 期待值又會高啲雖然即叫即焗 雞扒好大塊 👅但會expect咬落諗住可能會Juicy又入味但有啲部分肉質略嫌柴咗啲雖然紅羅勒醬香草味突出 但雞扒本身欠調味味道普通 未感受到特別的驚喜💦水牛芝士芝士铺滿晒喺雞扒上  🧀味道香口但唔太拉絲 一塊咁有D硬最大問題係個窩夫 🧇佢話係手製但係無咩特色記憶點質地淋身 唔脆口唔好食😭 黑松露｜雜菌｜忌廉｜菲達芝士｜扁意粉($128)意粉熟度啱啱好勁掛汁 松露同菇菌味道又夾又突出 雜菌份量都多成碟意粉夠熱出晒煙 擺咗陣影相都仲熱菲達芝士有完美溶化落咗醬汁Creamy得嚟忌廉味唔會搶fo簡直無得彈 ✨👍🏻唯一要講嘅可能係太細份唔夠食對我嚟講可能三啖就食晒😭太少了 整體嚟講我會話唔差✨但係舖頭嘅主打應該都係裝修同埋精品朱古力佢咖啡都唔錯 仲有抹茶嘅選擇 飲品多元且精緻✨食物我覺得只係普通cafe 質素 唔差但冇咩特別食物只係飲品嘅襯托😂如果係想打吓卡休閒地食個brunch 嘅話係個唔錯嘅選擇😁 …查看更多

50cm的韓式海鮮鍋 $380賣相睇落非常吸引 長到要兩個爐先滾得起海鮮都睇落幾多 有蜆 蝦 鮑魚 青口 蟹 魷魚 蝦仁仔仲有大量芽菜但係食落就覺得麻麻地青口同蜆煮完之後好細粒感覺似急涷嘢唔新鮮而且蜆肉入面有沙 影響口感隻蟹都感覺肉質霉唔新鮮😭老實講幾失望 我知海鮮係貴但如果係咁嘅質素嘅話會寧願叫返泡菜豬肉/牛肉鍋穩陣啲☹️魷魚同大蝦比較好新鮮啲 起碼肉質彈牙同埋湯底嘅海鮮味唔夠😔得種單一嘅韓式辣醬咸辣味同少許蒜味個湯唔正 變咗用$30加嘅麵都唔值了😔Bingo特製紫茶包飯$80呢個反而ok 麻油味夠✅份量都唔少飯捲入面嘅配料都足 調味唔差但佢芝士較多 牛肉有啲少芒果米酒一jar$ 170都有1L以上 可以2-4人share我覺得係幾抵飲 價錢都幾吸引米酒米幾濃 飲到尾都仲有芒果粒Mango smoothie $78🥭不過不失啦但呢個價錢嚟講expect佢奶味再多啲最期待嘅海鮮鍋反而唔新鮮 真係大忌❌即使其他食物飲品唔差 都扣晒分😭😭…查看更多

已經唔係第一次嚟呢間燒肉店佢哋出品嘅肉都好好食性價比好高見佢最近成日有宣傳嘅$8牛舌忍唔住又同朋友去食多次👅$8牛舌芯🐄👅呢個真係唔嗌對唔住自己吧🥹可以嗌人頭數份量 過咗嘅話會照正價計算一碟都差唔多成13塊左右 薄切牛舌芯真係好爽口彈牙同埋佢部位好靚 色澤粉嫩💦💦👅個人覺得唔需要燒到好熟燒到兩面啱啱好熟 色澤上透住粉紅嘅時候食落去就係一個完美嘅Timing！😆咬落去好彈口有牛舌獨有嘅煙靭肉汁又豐富呢個價錢咁嘅份量咁嘅質素完全係唔話得！😭🤌🏼🤌🏼上·九宮格$388✨呢個九宮格就種類都幾多元化真係牛雞豬同魚都齊晒畢竟餐單選擇都幾多 睇度眼花撩亂呢個唔使揀之餘 每款都可以試吓性價比都幾高👍🏻如果除咗牛其他肉都食嘅話可以嗌吓呢個最頂級嘅兩款肉應該係和牛三角腩同和牛五花😋呢兩款都油花好多 入口即溶三角腩嘅部位比起五花更加油香四溢我會建議燒到表面微焦啲逼出油香同時減少油膩感加埋一啖飯啪落口咁就冇得彈了！韓式護心肉👍🏻👍🏻👍🏻拍埋去和牛到都完全唔輸蝕雖然脂肪冇咁多 但勝在肉味香濃！肉質爽口甚至覺得比和牛更深得我心！❤️鮮雞爽肉🐔白鱔🐟口感又係一流好新鮮 好彈！反而手切牛頸脊同埋栗子豬比較起上嚟就冇乜印象😂和牛壽喜燒$98🐄店員會席前炙燒 幾多色水嘢😂😂和牛用火槍噴過有炙燒香氣同埋都幾大塊店員會再幫你沾上黑松露壽喜燒汁同埋蛋液再配一口飯取得個完美嘅平衡！本身和牛高質 其實壽喜燒加蛋加飯呢個組合已經冇得輸佢仲要加埋炙燒香同黑松露將成個組合再on top加多一層香氣同層次🤌🏼🤌🏼🤌🏼🤌🏼🤌🏼🤌🏼🤌🏼🤌🏼紫菜月見飯$28🍳食燒肉又點可以唔配飯？雖然見到個蟹黃海膽月見飯都幾吸引但我選擇做一個相對平實嘅紫菜月見飯希望可以一啖飯一啖肉嘅配搭食得出更多肉本身味道紫菜唔係韓式嗰隻比較油膩同帶鹽味嘅紫菜比較乾身脆口同埋帶點甜口再將濃郁嘅蛋黃拌飯食🤤喺濃稠嘅口感上面帶點紫菜嘅可口日式拌冷麵（$48）🍜🧊佢個面底係幾似袋仔麵嘅麵底但夠冰冷同彈口🧊而且有醃蘿蔔/青瓜絲/糖心蛋同埋京蔥嘅配搭雖然醬汁係酸甜口 亦都有配搭青檸襯燒肉食 幾解油膩✨但又帶點京蔥嘅辛同少少辣清爽又過癮嘅配搭！😆唔鍾意食飯嘅朋友建議可以嗌一個冷麵！🤌🏼厚切牛舌芯（$88）🐮👅我哋另外仲單點多一份厚切牛舌芯冇錯 係嗌完嗰兩碟都仲未夠喉😂所以呢一餐食嘅牛舌份量真係有差唔多成年嘅量簡直係同咗10隻牛打茄輪😂😂💦💦牛舌芯作為成條牛舌最珍貴最靚嘅一部份雖然$8薄切嗰碟都已經夠正但係始終係彌補唔到厚切帶嚟嘅✨奢華口感✨肉質爽口 牛味濃 淡淡油脂味結尾🤤個人就幾鍾意燒完加檸檬汁食🍋其實肉靚真係唔需要過多嘅調味我成餐飯幾乎冇點過其他調味料專注品嚐食物本身嘅原味😋小食牛油蜜糖日本番薯條（$48）🍠一大pat牛油喺熱辣辣嘅番薯條上面🧈睇住佢慢慢俾番薯條嘅熱力溶化番薯本身就甜再加喺上面加蜜糖🍯蜂蜜牛油嘅組合邊個抵擋得到簡直係三高之選😋（但係冇辦法真係好食😭😭😭😭整體嚟講想食物都好出色$8牛舌更加係超值之選食物質素亦都係價位之上👅真心推介…查看更多

朗豪坊開咗間韓式燒肉店裝修行黑色岩石風 鋪頭主打經過168小時低温熟成嘅豬五花肉🐖入面仲擺咗個專用嘅熟成雪櫃熟成過嘅五花肉比起一般的五花肉會更有肉味 而且肉質會更軟嫩✨仲有個石盤造型嘅烤盤成個打斜放可以sir啲燒出嚟嘅多餘油脂落去同朋友叫咗個B set $ 376有成450g嘅肉份量夠晒兩個人🤰🏻套餐仲包咗主食/泡菜/大大條杏鮑菇主食可以揀炒飯/炸醬拉麵/炸醬拉麵(辣)店員會喺你啲肉食得七七八八時再幫你上擺上石盤炒再畀你食🤌🏼餐前仲提供咗個橙畀你擺埋上盤燒店家話係想畀客人食完較油膩嘅肉類後食返個橙平衡吓😂我們叫咗款叫漢拿峰梳打嘅嘢飲漢拿峰係濟州的特色橘子🍊味道飲落清新爽口解膩另一杯就叫咗士多啤梨米酒🍓原本怕佢士多啤梨糖漿太多會好甜但米酒味都幾出 一飲係好強烈嘅酒味士多啤梨嘅甜反而中和返米酒烈飲落味道都幾平衡士多啤梨同米酒嘅組合比想像中夾而泡菜係套餐包埋嘅 份量都頗多🫶🏻覺得佢上係個烤盤而唔係啲前菜碟上係有畫龍點睛之效✨泡菜嘅酸味經高温翻炒後被中和咗 仲帶著炒過的香氣 夾住豬肉食好爽😋😋唔會太濃味搶咗肉本身嘅油香同時令到成件事昇華咗🤌🏼🤌🏼個菇就好新鮮汁水好多 但覺得杏鮑菇無咩調味個你覺得好似燒完加埋黑胡椒同鹽會再正啲而豬五花肉肥瘦相間🐖佢其實係切得相當厚但食落口一啲都韌比起平時食開嘅豬五花更軟嫩、肉味濃郁我諗個168低溫熟成真係有啲料😋啖啖肉超級滿足主食方面：套餐個麵反而啲小失望🥺石板炸醬麵嘅味道唔太似韓國傳統嘅炸醬麵麵嘅口感係幾彈 但無咗炸醬麵嘅甜口苦香調味單一有機會都係想在地化啱返香港人口味因為炸醬麵的確唔係嗰個都啱食不過我哋仲加咗$20加蛋同芝士落個麵到食落真係似平時啲即食麵😂除咗套餐包嘅麵外我哋仲叫多咗個芝士大醬湯飯🧀🍲呢個味道比較重口味同單一都係大醬味為主但勝在用料豐富 菇粒 瓜粒同牛肉 一啖食落去幾有咬口令原本軟腍腍嘅湯飯 口感多咗個層次同埋有芝士喺面係幾爽幾邪惡嘅😁甜品方面：我哋仲叫咗個限量供應嘅「濟州爺爺」甜品雖然外觀好吸睛 係濟州島石造型嘅慕絲加雪糕🍰但黑芝麻配橙嘅組合食落有啲奇怪🤨而且濟州爺爺嘅質感也不太討喜🥺雖然店家話係朱古力慕絲嘅口感似係魚膠粉落得太多 無咁細滑似啫喱嘅感覺多啲😂可能因為要維持個造型挺身啲吧但整體嚟講用餐體驗好唔錯有桌邊服務仲有韓國店員一直幫你燒可以專心傾計而且裝修都闊落 坐得舒服最緊要係個二人餐份量都幾多我覺得三個女仔食都好夠飽性價比得宜幾啱朋友聚餐😽…查看更多

講真初初喺OpenRice見到咁多好評有少少怕係咪全部都係打手🤔但今次去食完真係完全明白點解咁多人讚不絕口🤩整體而言 全部食物都比我預想中嘅更好食尤其係海鮮類嘅天婦羅好新鮮！🌊🌊🌊果然係專賣天婦羅嘅舖頭🍤🍤炸粉好出色 好薄 食落去有空氣感脆而酥！環境方面：店舖位置比較偏僻 而且環境都比較狹窄但係裝修幾用心 門口已經有好多燈箱招牌好矚目十分日系🍥店舖入邊嘅天花板掛滿晒日式燈籠🇯🇵而且牆身都有好多動漫同復古嘅海報樓上仲有日式榻榻米位置 坐得比較舒適樓下就係對住廚房嘅吧枱位置好似日式居酒屋咁🍻我哋叫咗個自選天婦羅定食定食包咗前菜/湯同埋主食可以揀飯/蕎麥麵/或者烏冬 有凍有熱我哋叫咗嘅天婦羅實在太多不能盡錄so far都冇伏但係想特別highlight幾個✨✨我覺得係印象深刻 特別好食嘅！😋松葉蟹鉗（+$28）🦀真材實料成隻鉗上 食到蟹肉一絲絲嘅 肉質鮮甜廣島蠔（$18）🦪唔知道點解佢全部嘅海鮮類都可以做到外表酥脆之餘保持到海鮮嘅鮮嫩口感仲要完全唔腥！蠔味好出！黑虎蝦（+12）🍤大大隻 肉質緊實彈牙磯燒鮑魚配帶子（$68）😋必叫！超級好食！😭❤️❤️個鮑魚尤其出色！！咬落去嗰下嚇親！好入味！肉質又彈口唔係好假嗰隻膠質爽口而係真係食得出新鮮而有嘅彈牙肉質忍唔住encore 咗 同埋好奇問吓店員係點樣處理原來係預先將鮑魚醬油漬咗兩日再炸 唔需要再點天婦羅汁同其他醬料都已經好入味 仲食到原本嘅鮮甜！帶子好大粒同AirPod一樣咁大粒😂係刺身級數 好鮮 外表炸到酥脆但入邊仲保持鮮嫩 會爆汁但係就冇咩調味覺得鮑魚比帶子更上一層樓小食類：原隻軟殼蟹天婦羅（$48）🦀都係一個大亮點🤩🤩唔會好似壽司舖嘅軟殼蟹手卷咁剩係得啲腳 或者半隻上枱嘅時候見到係成隻上 ！🤩🤯仲配咗蟹籽沙律醬畀你點住食視覺衝擊之餘又係大滿足 👍🏻啖啖肉咬落去又軟殼蟹獨有嘅香氣仲要中間有蟹膏 超級驚喜✨全部天婦羅都好超水準 酥而不硬😍唐揚魷魚鬚（$38）🐙原本expect佢係酒樓嗰隻炸魷魚鬚會係幼身嘅魷魚腳點知佢全部都係厚嘟嘟嘅嘅章魚😂但係佢呢個就有啲參差有啲食落幾彈口 但係有啲都會韌身甜品方面：炸菠蘿配雪糕🍨幾盞鬼叫咗嚟試吓初初諗住會係有冰火嘅感覺但係個人覺得個罐頭菠蘿有啲太甜冇話特別match嘅感覺但呢個配搭同口感係幾新奇😂柚子芝士蛋糕🍰但係就冇咩特別同埋冇柚子味只係芝士蛋糕上面加咗柚子皮總括而言天婦羅全部都即叫即炸同埋好新鮮先可以做到呢個水準份量都算幾大 真係幾滿意嘅一餐😋😭Armarmarmarm🤰🏻🤰🏻🤰🏻…查看更多

店舖主打日式定食✨Menu嘅選擇唔算太多除咗有牛丼豚丼等嘅選擇亦都有鍋物同咖喱定食每個定食已經包咗白飯/沙拉/潰物/麵豉湯等仲可以根據個人喜好+$升級今次就嗌咗佢招牌嘅炙燒牛肉丼🐮M size $88up招牌嘅炙燒牛肉丼有驚喜！✨炙燒味真係好足同埋肉質都好粉嫩隨餐會俾埋生雞蛋你自己倒上去🍳雞蛋加埋牛肉食落去口感滑嫩有機會會想試埋升級嘅黑毛和牛另外仲有叫咗慢煮豬軟骨🐷$72燉煮得好入味 同埋鍾意肉骨嘅比例幾好軟骨燉煮得有膠質軟糯口感肉質都唔會柴口 軟腍肉嘅佔比都多 唔會全部都係軟骨漿住晒咁但味道就無灸燒牛肉丼咁有記憶點覺得定食嘅配菜都好用心❤️店員有特登同我哋介紹返小菜枝豆🫛係用牛肉油脂炒出嚟嘅所以食入口有好重嘅牛油香氣好啱我胃口 👍🏻食得好上癮會忍唔住一口接一口感覺幾用心料理另外兩杯飲品叫咗檸檬柚子蜜梳打🍋 $38同埋荔枝西柚梳打 $38估唔到原來荔枝西柚梳打上到嚟係藍色嘅漸層！影相係幾好睇😆但係個人嚟講覺得嘢飲糖漿偏甜同埋荔枝味有啲藥水味整體嚟講我覺得喺尖沙咀地段以呢個價錢嚟講係性價比十足亦都做出超出價錢以外嘅水準不論係食物質素方面定係擺盤都好靚如果喺尖沙咀想以相宜嘅價錢食吓日本料理嘅話可以試吓👍🏻…查看更多

Chiikawa動畫入邊嘅郎拉麵本身食緊嘅就係二郎系拉麵其實之前已經喺日本食過但二朗系拉麵我覺得真係未必啱香港人口味因為成個拉麵就係菜嘅份量好多好大面又粗身叉燒厚身湯底仲要係用好油膩重口味嘅醬油豚骨俾我嘅感覺係Sell大件夾抵食而唔係sell好味😂純粹係為咗還原返動畫嘅朗拉麵店成個menu都係賣一種拉麵只不過有分唔同sizeChiikawa 迷你$115Hachiware小 $135Usagi大HK$150我叫咗chiikawa最細碗嘅因為本身都係抱住唔大嘅期望去完全係為咗Chiikawa所以先試多次今次香港kkday嘅預約整理券$38有包埋一支黑烏龍茶同樣都係樽身有Chiikawa圖案好可愛再加上拉麵本身偏油膩濃郁配返黑烏龍茶解油膩都幾match!附送嘅物品同日本基本上有角色卡牌 logo嘅貼紙 濕紙巾 同埋圍巾細節位：可以選擇加唔加蒜 呢個都係二郎係拉麵嘅特色亦都會問你要唔要多芽菜？(拉麵盔甲先生都會問嗰一句：にんにく入れますか？)（呢個位同動畫chiikawa佢哋練咗好耐去拉麵店要講嘅對白一樣 覺得好開心😭）上餐嗰陣店員會跟返你嗌嘅拉麵size俾返相應嘅角色立牌嚟你儀式感滿滿食評方面：chiikawa造型嘅鳴門卷質感好軟腍腍完全唔係想像中嗰種彈口嘅魚蛋第一次會想用入口即溶嚟形容鳴門卷會好似棉花咁會化開覺得唔好食😂😂啲芽菜似就咁淥完擺喺上面但講真真係超級多！簡直係幹你娘塞爆程度簡直成碗拉麵芽菜先係本體😂本身個人嚟講拉麵都唔喜歡醬油豚骨湯底亦都冇話特別出色 但覺得加重蒜係有加到分如果鍾意食蒜嘅話應該都會覺得唔錯蒜味比醬油味更出 感覺上比日本好食 拉麵麵底偏粗扁身份量嚟講覺得好大好飽叉燒嘅話厚身得來肉質唔柴肥瘦相間 唔會話肥膩到入唔到口本身係栗子推上次去日本有埋新出嘅栗子拉麵冇記錯係牛油口味買咗佢嘅周邊拉麵碗同埋叫咗禁酒版嘅栗子可樂但係一直都未開過嚟飲純粹珍藏用結論：講真成個拉麵店都係食個氣氛同食個可愛啦相信一定有大把好食過呢一間嘅選擇又未去到threads所講嘅勁難食 如果你係chiikawa fans可以去試一次覺得作為合作餐廳嚟講呢個質素算過得去體驗吓還原動畫場景比Chiikawa包圍住食嘢都開心嘅…查看更多

嗰日要去荃灣見到有人介紹呢間日式定食去咗試吓店舖位置唔大 環境簡約Menu可以自選冷熱菜我哋叫咗set 2 熱菜1冷菜嘅定食$89起冷盤沙律菜配百香果柚子檸檬汁🥗🍋個汁超級甜！超重百香果味！原本諗住佢個味係會新鮮解膩清新fresh點知超甜！有少少甜過頭 似糖漿嘅程度😭😭自家製溫泉蛋配花椒鰹魚汁🍳🥚就係普通溫泉蛋食唔出佢個花椒鰹魚汁有幾特別亦都冇花椒味熱盤秘製Masala雞🐔🥘見到有好多人都推薦真係幾好食香料味好出嘅咖喱 但佢味道温和唔會好辣薯仔粒配黑啤蜜糖黑椒醬🍺🥔有少少似大排檔嗰隻黑椒薯仔牛柳粒咁薯仔脆口黑椒味濃而且黑啤味真係好重本身個人嚟講好鍾意黑啤味所以覺得好正但同行者唔鍾意黑啤覺得好難食😂😂日式醬燒茄子🍆我都係茄子重度愛好者見到隔離枱枱都有叫 所以毫不猶豫揀咗😋茄子好大舊炸得香口外皮油亮 亦都吸晒個醬 好食飲品水蜜桃梳打配雪糕🍑🥤🍦佢個雪糕係曲奇味？？？好甜唔好食同埋都唔夾水蜜桃味😭😭😭唔明點解會咁配搭😭😭😭水蜜桃糖漿都係好假死甜😭❌不推薦另外嗰個冷泡茶就正正常常餐湯係味道好假嘅栗米濃湯🌽有啲失望🥺覺得日式定食襯麵豉湯多啲雖然知道佢係會定時更新餐單但就係咁啱我去呢排唔好飲😭😭發現甜嘢偏伏會話整體好普通 菜式冇乜記憶點小店有心但有改善空間…查看更多

見到threads有人介紹佢出咗多芒小丸子嘅刨冰感覺上好吸引 唔知有冇回憶中許留山嘅味道於是就去試試佢多芒小丸子牛奶刨冰 🔥 🔥🔥賣相係幾好的但係佢唔係回憶中許留山嗰隻芒果小丸子味可能因為係刨冰 芒果味冇咁濃同埋佢中間嗰啲都係牛奶雪糕食到後面啲芒果味就冇咁出整體算係幾fresh但係就係普通芒果刨冰味冇乜驚喜同埋啲小丸子大部份都偏硬 感覺未熟蜂蜜海鹽焦糖脆脆牛奶刨冰🔥🔥🔥🔥🔥呢個反而幾有驚喜睇OpenRice食評仲有啲人話佢太鹹唔好食都係本着一個試吓嘅心態去嗌點知佢嘅牛奶味都好重 同埋啲海鹽味幾match成個甜品balance都做得好好鹹甜鹹甜食到中間入邊都有啲脆脆雖然入邊都係牛奶雪糕但因為出邊嗰啲刨冰海鹽味所以有種海鹽芝士奶蓋嘅感覺而且入邊啲焦糖脆脆都呢個刨冰增加咗口感焦糖脆脆都有焦糖回甘味 唔算苦值得一試濃厚朱古力石板街 errrrr❌🍫唔好食😂😂😂好普通嘅朱古力味就係嗰隻舊式好平民餅舖嘅朱古力味去到後面直程剩返半個唔想食鹹食方面就冇甜品咁出色炸海苔魷魚🦑呢個價錢嚟講($68)算幾大份但係炸粉厚 魷魚唔算彈牙普通但係唔好食亦都冇海苔味芝士黑松露薯條🍟佢嘅芝士醬唔濃郁佢啲黑松露醬一pat pat咁擺喺薯條上好唔均勻唔可以每條薯條都點到黑松露同埋個黑松露味唔出寧願佢整個黑松露醬俾我點住食又未去到差但可能如果想叫小食嘅話可以試吓雞翼或者其他嘢 總括而言海鹽可叫 多芒小丸子都可以試吓其他味可能有伏😂其實佢環境坐得舒服又大嗌個冰同朋友傾吓偈係幾唔錯…查看更多

。新蒲崗真係有好多好食嘅小店今次食嘅手拉麵小廚我已經食咗唔止一次啦！店舖位置比較窄通常都要排一陣隊雞絲粉皮🐓🥒份量幾大但其實係粉皮居多 無咩雞絲佢個麻醬花生醬味好濃厚裹滿晒滑嘟嘟嘅粉皮食涼浸浸咁啱晒作為開胃小菜出邊排得熱用佢嚟作為第一度開胃菜實在太適合了😆招牌小籠包⭐️⭐️⭐️粒粒望落去個賣相都好飽滿每次食小籠包最擔心佢個皮太薄一夾起就穿流晒啲湯汁出嚟但佢個皮好煙韌有彈性蒸到晶瑩剔透得嚟夾超唔會穿即使啲湯水裝滿晒都唔會爆好正🤤🤤一落去小籠包簡直係爆汁直程好似飲咗成啖湯咁雲吞湯拉麵🍜雲吞肉饀紮實佢個拉麵幾唔錯係師傅喺鋪頭前面整嘅手打麵麵質好有咬勁彈牙😍價錢實惠大份好食😋…查看更多

嚟到澳門點都要食返餐葡國菜嘅🇵🇹今次嚟咗試位於氹仔嘅葡富軒Amora葡式經典馬介休球$108🐟外表酥脆香口魚肉同薯仔嘅混和得幾好口感綿密其實今次係我第一次食原來一直講嘅馬介休係咁的但係我冇話特別鍾意😛主廚特製蟹肉釀蟹蓋 $188🦀👍🏾👍🏾👍🏾呢個係冷盤嚟的蟹肉撈埋蟹膏同雞蛋配埋多士脆口啖啖肉食🥳唔錯的 份量都幾大又靚🥰但多士有啲少忍唔住叫多份餐包點埋啲蟹肉嚟食同埋佢個餐包都夠熱 牛油仲有香草好食😚葡國雞 208 🐓雞肉肉質又未去到話超級鮮嫩佢葡汁偏甜好重椰奶味薯仔粒都有焗過脆口入邊仲有配埋葡式臘腸係幾好餸飯的🤤烤乳豬配自製沙律及薯片（中份）$289🐷中份大約有四舊乳豬個皮好厚我覺得唔夠熱食落去唔脆有啲硬但個皮脂分層係好出色油脂好香 肉質軟腍但佢配嘅自家制薯片但我就還好覺得薯片都係同個皮一樣死因😭太厚唔夠脆唔夠熱但個沙律反而幾好食個汁又清新中和返乳豬嘅油膩炒豬肉配葡蜆配馬鈴薯$238 👍🏾👍🏾👍🏾我覺得呢個餐飯最好食 ✨✨✨佢有少少辣辣地好惹味又有橄欖嘅香氣味道濃而不鹹然後豬肉係用伊比利亞黑毛豬肉味好重 肉質軟腍薯仔焗得好脆 蜆肉又新鮮成碟菜嘅配搭好match就係想令人一直食😭❤️葡式海鮮燉飯（中份 ）$439 🦐🦑🐙但係海鮮全部都新鮮的 份量都好足有蝦魷魚同青口蜆等等但我覺得個飯未有完全吸收到啲海鮮嘅日月精華個調味略嫌有啲淡但都食到淡淡番紅花嘅香氣我會話唔錯但係未去到好好食不過加完檸檬汁之後又係第二個層次好食好多😛其實環境裝修都唔錯 份量合理整體會比7.5/10🤌🏼最推介嘅係嗰個炒豬肉配葡蜆伴馬鈴薯✨✨同埋個蟹蓋都幾出色 影相又靚 又大份但唔建議嗌乳豬可能下次會試吓非洲雞或者豬肋骨多啲值得一試嘅✌️…查看更多

呢間新蒲崗嘅街坊小店沙嗲牛關注組都介紹過其實除咗沙嗲牛肉麵之外佢嘅炒通粉都好出名㗎🔥今次避開咗最高峰嘅午餐時間去唔使排好耐就入到但係店舖位置比較窄座位少平時都要排一陣隊食物方面就都係一啲快餐茶餐嘅選擇除咗麵餐之外佢仲有一啲碟頭飯講返個重頭戲沙嗲牛麵🐮成個沙嗲醬嘅質地好杰撻撻真材實料用花生醬整好重花生味🥜而唔係用啲汁溝出嚟平時食得太多稀過水咁食到一個惹味出色嘅沙嗲醬覺得好開心✌️🤤同埋平時食沙嗲牛麵會轉一丁但今次冇轉到食物上咗枱其實我冇即刻食因為仲要影吓相咁但係擺咗一陣但個面底仍然係爽口彈牙冇淋到😋同埋食麵我都會鍾意試埋佢嘅辣椒油辣椒油都好出色好香口多辣椒渣🌶️麵餐仲會跟埋火腿煎蛋同埋牛油麵包可以轉做奄列嘢飲方面嗌咗凍奶茶茶底濃郁飲落去順滑🤤🤌🏼我覺得奶茶都好出色其實越普通嘅食物越要用心去做好細節雖然都係普通茶餐但睇得出一啲都唔馬虎如果大家有機會嘅話不妨去試吓好食！😋😋…查看更多

Weekend 4-course Brunch 298/pp計埋starter個炸刈包其實係五樣先啱份量完全唔少 食完係會飽住出門口🤰🏻To Begin🤤✨炸刈包簡直係成餐MVP作為澱粉竟然都有食完好開胃嘅感覺佢個milk foam係甜嘅 好似奶泡煉奶咁炸完好香脆點埋個醬唔會有油膩嘅感覺Starter 6選2Maki Taco Hokkaido Scallop +hkd 18佢嘅外皮係紫菜天婦羅但冇我想像中咁脆 有啲「益」咗咁個帶子撈咗啲辣味mayo上面仲有啲蟹籽同埋炸蒜絲但我個人覺得佢嘅賣相同好味程度不成正比佢似係擺晒所有色水嘢喺度但係冇重點 冇一個令我覺得好突出嘅味道唔難食但正常 Slow cooked egg chanterelle potato foam 🍳賣相好得上面包裹住一層薯蓉好Creamy口感綿密有奶油香好好食切開隻蛋見到啲蛋黃流出嚟好療癒蛋黃加埋薯蓉同埋菇三重奏咁食Typhoon shelter calamari 🦑但係個避風塘魷魚炸粉唔係包裹得完整同埋唔係我想像中好重蒜嘅避風塘魷魚有少少腥味冇想像中咁好食但係反而個醬我覺得有驚喜佢個辣油味係喺喉嚨度唔係會搞到你條脷痛嗰隻辣應該仲有落咗少少檸檬汁所以唔會好膩但只係靠個醬去撐起成碟嘢Main DishMisoyaki Black Cod 🐟清淡鮮味之選 魚質嫩滑佢個Sauce超好味 有周打蜆湯feel啲蜆味超出 鮮到好似喺個海度游咁 同時有洋蔥嘅香甜味下面仲鋪咗一層陳村粉成碟嘢清淡得來層次好豐富Wagyu burger 🍔 中規中矩 佢個漢堡扒係重牛味好食的唔夠飽可以嗌呢個包你飽到傻唯一唔同嘅就係佢個Sauce係kimchi mayo 但係泡菜辣味唔出冇中和到油膩感覺得點薯條食唔夾泡菜酸味SweetPistachio affogato（+$18）☕️港式奶茶底加抹茶雪糕+唔甜嘅開心果醬唔夾唔好食仲要加錢的不建議…查看更多