NikiChua的個人專頁

細細個好鍾意食車仔麵但一直都食唔番以前大排檔果隻味終於今日係永年士多搵番！最抵食就係佢地嘅套餐三豬麵 $49已經包左豬紅、豬腸、豬皮入部都滷得好入味再加埋個麻辣湯底真係好惹味！老公就叫左個全日限定套餐，都只係$53入面有蟹子丸、貢丸、墨丸、蘿蔔、雞翼尖仲包蠔油油菜同凍飲真係超抵食！！飲品我跟餐加$15要左杯白桃多多上面真係有粒粒桃肉夏天飲真係幾fresh另外小食方面order左個辣串combo同麻辣孖寶前者其實係車仔麵餸用竹籤串好我仲以為係串燒，失望左一下但佢四個餸都係皇牌野陳皮魚蛋、水魷、牛柏葉、豬腸配埋個辣醬都幾好食而孖辣孖寶就重覆左牛柏葉但個豬耳好爽如果大家有興趣我建議是但揀一款就得！…查看更多

今日專登入鴨脷洲睇洪聖爺誕場面真係好墟冚！想感受傳統文化嘅真係值得一去一場嚟到緊係要食好西呢間食記一早已經聽過佢大名煎腸粉沾上鼓油咸香同少少煎燶邊，超好食！我平時食腸粉點都要落醬呢個就咁鼓油底已經勁好味仲有咸香蝦米！加上份量好足！建議兩個人share一碟就夠！其次必食魚肉！同街邊一樣，可以配生菜/碗仔翅魚肉好嫩滑，唔腥，一樣份量好足！食得出好新鮮！價錢都唔貴，經開鴨脷洲真係必食唯一缺點就係小鋪地方淺窄想堂食可能要排一陣隊啦…查看更多

宜家食個雙餸飯，埋單都分分鐘40蚊😮‍💨如果我話俾你聽係尖沙咀鬧市，只係用$38就可以外賣正宗泰國菜，仲要水準超高，你又心唔心動？🥰越湯由正宗泰國主廚坐鎮，食材仲不惜工本選用來自日本岩手縣黑樺牛農場嘅 A5 和牛🐂介紹番$38外賣餐1️⃣特選是日串燒配黃油飯2️⃣越式扎肉湯粉3️⃣越式牛肉撈檬仲可以用優惠價加購唔同小食，唔怕唔夠飽😋我個人大推 #泰式烤雞 半隻只係賣$98！用慢火細烤嘅三油雞，油脂豐富又多汁，加埋秘製醬汁真係好值得encore ！講到泰菜又點可以唔試 #泰北冬蔭功海鮮湯 2人份量$98第一感覺係勁多料🤣酸酸辣辣加上海鮮嘅鮮味，真係好開胃！粉紅色少女心 #哈花蝦多士 $48第一次見呢個餸，係蝦多士上面加入泰國小食常見嘅粉紅脆脆同櫻花蝦，口感脆口好特別，小朋友一定鍾意食！#辣炒A5和牛碎配脆脆球 $58選用日本A5 和牛加入辣椒炒成和牛碎，再輕輕敲開印度小食 Pani Puri，將和牛碎釀入一齊食，口感好豐富，大家一定要試下另外仲有港人最愛 #泰式串燒 $28/2串，如果大家唔抗拒內臟，必點我食過最好味嘅雞腎串，外脆內嫩火候控制得非常好！…查看更多

邊諗到用快餐店一人邊爐價錢就食到午市套餐精緻小火鍋😍😍我地今次食左 #美國特選級雪花肥牛小火鍋 $49#美國特選級牛板腱小火鍋 $59每款小火鍋除左配備一大盤肉仲有精美蔬菜籃 + 紫薯麵/刀削麵 唔係講笑，真係食得好飽😍另外佢仲有6款鍋底可以任揀不得不提 #酸菜湯底 夠酸夠辣最後食勁掛汁嘅刀削麵😋真係超惹味！而 #麻辣湯底 入面已經有大量老豆腐同豬紅感覺勁抵食🤭牛肉就兩款都好新鮮睇你想食有嚼勁肉味濃d就揀牛板腱想食肉嫩爽滑d就揀雪花肥牛最後仲想講，套餐包括埋自助吧水果、前菜、甜品、滷肉飯都可以任食！飲品亦都可以以半價加購大推 #雙柚愛玉茉莉冰沙酸酸甜甜勁解膩，加上柚子肉同愛玉口感超豐富🤩另外仲有多款精緻海鮮炸物低至半價，只需$25起！記得優惠只限中午時段！📅超抵半價優惠由10月18日起至10月22日，僅限5天!!💬每間分店每日限售100套。此優惠於以下分店不適用：K11 Musea。❌此優惠於星期六、日於以下分店不適用：K11 Art Mall, Nan Fung Place及Airside店…查看更多

邊個話去九龍城一定要食泰菜！今次呢間老字號川菜聽地膽朋友講佢地已經翻兜食左幾次！一試果然冇講大話😍老闆見我地有小朋友主動推薦我地食鉗魚，因為冇幼骨但其實食起上嚟連大骨都冇咩🤣大大啖食真係好爽！因為我地一家都鍾意食辣今次淺嚐一下小辣🔥 #泡椒味烤魚結果係...冇咩料到埋單果陣老闆話如果唔夠辣其實可以後加！另外，惠顧烤魚就會送一個$28配菜我地揀左 #娃娃菜 #水魷 #金針菇配菜係連烤魚一齊煮如果你都鍾意食辣就記得揀d吸汁嘅餸啦因為晚餐時間大家都餓，所以叫左白飯唔係嘅話必揀薯粉！！食物全部都好新鮮魚質嫩滑有彈性煲煲下個湯底收左水，有d辣辣地好惹味最後我地連d汁都撈埋飯食呀🤤🤤食到咁唔上下，姐姐仲走嚟幫我地剪骨老字號就係咁有人情味同細心❤️其實佢呢度仲有好多其他菜色好似串燒同小炒下次一定要再幫襯呀😋…查看更多

想食正宗日本拉麵唔一定要搭飛機嘅日本鹿兒島人氣雞白湯麵專門店「月詠」正式登陸香港喇😍除左可以食到 #招牌雞白湯拉麵仲有香港限定拉麵 #胡麻醬燒雞腿拌麵 🍜 招牌雞白湯+日本胡麻汁調製成拌麵醬，掛麵食超好味！用上全麥麵條，麵條分明，口感柔韌！如果嫌雞白湯太單調，不妨試下 #檸檬牛油雞白湯拉麵 加入牛油同檸檬，多左一份香氣同清新，食落出奇咁夾，仲提升左雞白湯嘅層次！#擔擔雞湯拉麵 雞白湯+辣椒+芝麻醬嘅湯底，濃郁又惹味，火辣辣嘅感覺，冬天食岩哂！食唔到咁多嘅記得叫少麵，因為呢度嘅小食都相當吸引！#広島黑酢拌炸雞 平時食炸雞好膩，宜家加埋黑酢食酸酸甜甜即時可以食多幾舊#酥脆雞皮餃子 雞皮炸到脆卜卜，食落乾身又唔會太油膩#無鹿兒島月揚庵魚餅 超出名嘅月揚庵魚餅，魚餅入面仲有芝士#香港限定 #日式香酥雞胗 唔似港式雞腎咁dry，呢度嘅雞腎好飽滿，彈牙得嚟有嚼勁，配啤酒食岩哂！…查看更多

藍底金字不嬲俾人一種高貴嘅感覺連帶鋪頭入面嘅burgers 都有一種貴氣！但係價錢意外地親民🤩#英式炒蛋三文治 $48竟然出到嚟係一個漢堡包🤣炒蛋又多又嫩千奇唔好打棟食小心滑蛋！#辣到天昏地暗烤芝士三文治 $78辣就唔算好辣，不過呢度好多醬汁可以任加但真係好香口好脆！芝士可以拉絲，食完半件已經勁飽肚！順帶一提呢兩款都可以加料！推薦 #慢煮牛小扒#炸香辣雞翼 $48單骨雞翼炸到卜卜脆香口又易食小朋友最愛😋…查看更多

一直念念不忘旅行時食過嘅酸菜魚但係香港食左幾間都食唔番果種味道😮‍💨今日終於俾我搵到喇！元元酸菜魚原來已經開第2間分店佢地嘅 #招牌酸菜魚 可以自選辣度我揀左中辣，味道夠酸夠辣，真係好難得😍起骨魚肉又嫩又滑配菜仲有我最愛嘅薯粉同豆卜😚掛汁食超惹味2個大人食一窩已經好足夠我地仲另外叫左 #麻辣牛展辣度一般但勝在夠麻味道偏重，好彩我地叫左白飯送酸菜魚食😋最後要推薦埋 #烏龍水果茶 大大杯好似出面d手搖飲品咁用嚟解辣一流👍食完出番嚟發現個lunch同tea原來好抵食🤣大家識做啦！…查看更多

私心推薦銅鑼灣 #新店限定 「海老·牛乳 蝦湯拉麵套餐」🍜湯底係用北海道牛奶同60公斤甜蝦蝦頭新鮮熬製嘅招牌蝦湯，加埋鮮甜日本南瓜蓉😋每碗再配上香煎大蝦、兩塊雞叉燒，仲有超惹味嘅脆卜卜芝士脆片！每碗再跟餐送上 AMABIE #無酒精「蘋果酒」🍎我地另外叫左支士多啤梨梳打，出奇地好味又冇藥水味喎！好似我地一家三口叫兩碗拉麵，再加個 #蝦味飯糰 同 餃子就岩岩好☺️佢地嘅流心蛋又係勁香蛋味🥚開幕套餐限時供應到5月31日咋🤩呢個價真係超值…查看更多

疫情前最後一個飛嘅國家就係新加坡真係好掛住地道嘅肉骨茶😋原來觀塘碼頭附近有間小店主廚有40年星馬菜料理經驗今次兩個人叫左3個餸但已經食到好飽喇星洲炒蘿蔔糕盛惠$58，但堆到一座小山咁，份量超足，星加埋微辣菜莆炒，香口又惹味😍但都不及辣椒軟殼蟹🦀辣椒加入蕃茄底，唔會太辣但又好特別，加上醬汁令軟殼蟹冇咁乾身，食落啖啖蟹肉！最後介紹埋馬來西亞肉骨茶，呢個星期係藥材口味嘅，仲會配埋飯同油炸鬼，湯好濃郁，絕對係正宗口味👍仲有甜豉油俾你點肉食，肉已經煲到好淋，超正，再加埋油炸鬼吸哂湯汁，食落又係另一種口感！人均$150左右，就食到正宗星馬菜真係幾抵食，一定會再介紹朋友去呀！…查看更多

2022年即將過去，對自己好d，緊係要食餐勁嘅😋今次我就同屋企人去左 佐賀燒肉谷 Yakiniku Guu 呢度屬於放題式，但係豐儉由人，總共分左5個Level話明豪食我地就揀左Lv4 "極上和牛海鮮放題" 已經包括112品食物任食再加任飲Asahi生啤同清酒😍食足2個鐘！一坐低就冇店員送上精選併盤，樣樣都可以食少少金，岩哂就記低去翻桌再order推薦 #和牛三叉肉 #特上肩胛翼板肉 都係出面比較少食到嘅部位😝最值得推薦嘅當然係皇牌 #煙燻壺漬封門柳全級巨型，仲係可以任叫任食，超難得‼️呢個封門柳好重牛味，肉質軟稔但有番咁唔上下厚度，所以口感好好，一咬落去肉汁連埋醬油一齊滲出嚟🤤我未試過食咁好味嘅牛肉想食到原汁原味嘅封門柳，可以禮貌咁邀請店員幫手，唔好浪費咁靚嘅肉丫嘛🤣我地仲order左廣島蠔同原隻鮮魷魚，仲有青口、翡翠螺、帆立貝樣樣都好新鮮，真係好難得呀！講埋出面自助吧枱，有唔少熟食食物，但最吸引我嘅當然係個甜品大雪櫃喇有唔同口味嘅和菓子，出面仲有乳酪雪糕機，小朋友可以任加topping上去🍨豆腐花係黑豆做，出面少見呀！最最特別就不得不提 #朱古力香蕉棉花糖，唔好話小朋友，我呢個大朋友見到都勁興奮！總括嚟講呢個價錢唔算平，但絕對值回票價，就當好好慰勞下呢年咁努力生活嘅自己，食番餐豪氣又開心嘅放題喇😊😊佐賀燒肉谷 Yakiniku Guu 📍屯門屯盛街1號屯門市廣場一期3樓3229號舖另有旺角及荃灣分店#佐賀燒肉谷 #YakinikuGuu #燒肉 #燒肉放題 #日式燒肉 #放題…查看更多

一早聽講「流水蝦」呢個大名襯住暑假尾一於帶仔仔去試下餐廳係觀塘工廈，唔算難搵，全部卡位設計，都坐得幾舒服！一入場職員就送上海鮮船同美國prime牛肉盤不過重點緊係冰桶啦因為係食流水蝦必備嘅用品一去已經餓啦，所以快燒左d丸類燒嘅同時出面仲有一堆熟食之後就緊係開始燒流水蝦啦每枱旁邊都有魚缸，入面係滿滿嘅新鮮蝦，夾到起之後就放入冰桶裏凍暈再燒蝦嘅肉質有彈性，唔霉，好運嘅仲有幾隻係有膏同蝦子架添！漏左講，呢度採用放題形式，蔬菜﹑肉類﹑丸類﹑甜品﹑飲品全部都係任飲全食兩個半鐘，時間非常充俗講番海鮮，扇貝超甜美，配上少少海水味，蜆肉隻隻都開口，絕沒死蜆又冇沙，鮑魚燒完煙煙韌韌，配上椒鹽食超惹味！枱面除左有黑椒同鹽，仲有五香粉，嫌唔夠味出面仲有醬料吧！最後緊係唔少得食甜品，全部一件一份，最驚喜係有馬卡龍😍雪糕款式都好多，仲有比較少見嘅芋頭同榴槤味添！流水蝦 📍地址：觀塘開源道47號凱源工業大廈1樓B號舖…查看更多

如果要講絕配講到燒烤要配咩飲品絕對係啤酒🍻呢間串燒鋪係深水埗鬧市，但價錢大眾化，仲有室內冷氣房，所有串燒都係即叫即燒，配埋孜然粉，遠遠聞到陣味已經流哂口水🤤必點推薦💁‍♀燒豆卜$10 😋大大串，仲要燒到卜卜脆😆好滿足呀，食完即encore多串蒜蓉燒大生蠔 $38/2隻 😋超級多蒜蓉，燒完都好juicy，d汁都撈埋燒脆香雞皮 $12 😋超驚喜，雞皮要燒得脆係好難嘅事，呢度嘅雞皮又脆又香，必點！惹味芝士燒原條茄子 $28😋 蒜蓉就食得多，估唔到會有芝士燒，上面加埋蒜蓉，勁惹味！錫紙燒雜菇 $32😋 有齊冬菇、娃娃菜、雞脾菇、金針菇，夠哂份量又唔會燒過龍…查看更多

難得久違地同老公撐枱腳緊係要食番餐好嘅！Hibiki係一間bookmark左好耐嘅放題宜家 美國澳洲和牛燒肉放題都只係 $398/位就有成78品料理120分鐘任飲任食性格比超值呀！現場飲品任飲每位+$48仲可以任飲酒🍻梅酒、清酒、紅白酒、啤酒都有！食燒肉最驚夾，呢度唔會之餘，座位仲好舒適添 入座後就會送上燒肉同刺身拼盤試岩再落Order，宜家掃QR code落單就得，超方便！最緊要係冇漏單又冇俾少食物，讚👍刺身頭盤👉生蠔、三文魚、甜蝦、八爪魚、北寄貝、鮮帶子、油甘魚、劍魚腩等等全部都好新鮮冇雪味！而且都幾厚切架！燒肉盛盒👉美國牛肋骨、澳洲和牛胸腹、澳洲和牛肉眼、澳洲和牛西冷、米澤三元豚西冷、米澤三元豚腩片、手羽、骨付雞肉腸、大啡菇、菠蘿片嫌細細塊唔夠喉，仲有超大塊薄切西冷輕輕燒3分鐘就食得，爽呀！大家可以自行Order「月見」沾埋蛋液食又係另一番滋味又或者韓式食法加埋泡菜一齊食又得d肉嘅油脂好豐富我宜家仲回味緊呢度仲有生蠔任食係就係細隻左d不過新鮮搭救！除左天婦羅，呢度仲有好多串燒雞皮同雞腎都超好食！最後緊係唔少得甜品喇Movenpick雪糕任食之餘仲有呢支好少見嘅益力多芒果雪條唔算太甜，岩哂我！…查看更多

減肥又忍唔到口想食好西⁉️今次呢個介紹一定可以滿足大家見到我叫到成枱野食覺得冇可能唔肥？錯喇❌由有生酮飲食KOL之稱嘅Model 唐貝詩 聯乘渝味曉宇重慶老火鍋，令你打邊爐都冇邪惡感！打邊爐最緊要湯底呢度嘅湯底當然都係生酮系列喇鴛鴦鍋我地Order左養生花膠雞鍋 + 大紅重慶麻辣鍋前者並不是得個名！湯底選用三黃雞加入花膠、新鮮蟲草花、杞子等餚製😍好足料好清甜！食打邊爐前緊係要搞好個醬汁啦呢度連生酮豉油都準備好唔怕會「破酮」仲有生蒜同蔥花俾你任加Waitress姐姐教落，加埋香油可以有助解辣架！賽前仲有碗糖水俾你打打底咁就唔怕直接食辣野會傷胃啦！另一樣想介紹海帶麵食落口好爽脆，有d似食緊粉絲但入面係滿滿纖維，仲接近零卡真係點食都唔怕肥呀！其他配料都好好味架推薦：現炸豆皮，即炸即食，淥10秒即食！記得襯熱食呀，唔係會「回油」架美國 Prime 牛小排，好香肉味，脂肪分佈得好好食落口完全冇渣凍豆腐油炸鬼最後記得叫埋飲品我地就叫左生酮雜莓梳打 + 生酮雜莓汁雞尾酒🍹兩杯都酸酸甜甜咁雞尾酒都唔算太重酒味好岩打邊爐飲😆…查看更多