momochu_bear のプロフィール

每次去太安樓通常食海南雞同牛雜。早2晚想試想試其他野，見有成10個人排車仔面就試吓。可惜，非常失望，係我食過最難食嘅車仔麵。湯底：淡，好似豉油水咁豬腸：不過不失，偏淋蘿蔔：失敗，唔入味，有澀味九菜餃：唔香，一般致命傷係米線：浸咗15分鐘，無淋，個質地係唔正常嘅爽，好似食緊水尤咁，感覺似用膠袋做咁。食咗2啖成碗掉，唔敢食唔明點解咁多好評，又咁出名。2年無來，太安樓亦有好多小店執呢，多咗好多夾公仔店。吸引力大減…さらに見る

外賣半隻手撕雞，份量少到嚇死人。見佢只係用個夾夾咗一吓，入合。咁就半隻，呃人呃得離譜。之前買過係用發泡膠包好晒放雪櫃，今次係即買即包，真係好過份。呢間野大家自己唸清楚…さらに見る

晚上打算買包，店內一名外籍店員負責整包同落單，前面有2個客人，排隊時問家人吃什麼。排到我時剛好22:00，外籍員工問我買乜，一名四眼香港女人，行去收銀機話話唔賣啦！叫我走。問佢點解唔賣，就話收工，唔賣啦！佢嘅態度就算話賣都唔想再幫襯。係咪因為加盟店關係，店員或店主可以為所欲為，不理品牌聲譽，以後唔止彩虹地鐵呢間唔幫襯，連Subway 都唔會幫襯。不知所謂subway 如果唔正視處理有問題嘅店舖和店員，生意只會越來越差…さらに見る

之前一直有幫襯，但食物質素同服務態度越來越差。早上8:00食早餐，坐了5分鐘都無人執枱，見有幾枱人舉手示意落單和執枱，有個呀嬋好大聲話等陣啦，已聽到食客已經議論紛紛，話等咗好耐之類。終於有人來，我話執枱落單，狂躁嬋第一句就話要搭枱，我話無問題，問有無膠版分隔(呢個應該亦係政府要求吧)。狂躁嬋話有，隨即用手拎枱邊痴咗双面膠紙果塊，當然拎唔起，但再講要搭枱，我亦重覆無問題但要膠版分隔。狂躁嬋即時跳制大聲話都話有囉。呢個早餐，未食已經飽。當然即刻離開，附近咁多茶記，大把選擇。如果大家鍾意俾人鬧就歡迎幫襯…さらに見る

食過幾次，味道無乜特別，一般茶記質素。今日如常叫咗早餐，等咗15分鐘，無餐到又無單到，追問係咪漏單，個呀姐非常不耐煩，就話無漏，再等多5分鐘，但依然無單同食物。 之後個同一個呀姐仲走來話你地幾多位，我地話2個，佢就話兩個就坐單邊啦! 但當其時仲有其他吉位。 如果人多，4人卡位2人坐單邊都好合理，但周圍仲有位就過來喝人坐單邊，直頭係趕客。 一大早，唔使食早餐，受氣都飽，起身即走。呢間野開咗唔係好耐，開業頭2星期，服務都唔差，估唔到咁快現型。 觀塘咁多餐廳選擇，呢間紅茶咁做生意遲早88。…さらに見る

埋單後，還有10分鐘交枱，有個呀姐走來拎走半碟生菜話你地都食唔切㗎啦! 回收食物，20:30交枱，20:00拎單過來叫埋單，唔緊要，但一埋咗單就算未夠鍾都趕你走，隔5分鐘就來話你要交枱，真係short嘅，食過其他任食都未試過咁嘅情況，埋單每位164，係平嘅，但寧願俾多幾十去第二度食囉，真係貼錢買難受…さらに見る

下午14:30與同事到此食lunch, 叫了3個飯 1個意粉, 10分鐘後意粉到了, 但3個飯還未到, 等了20分鐘問女待應是否漏單, 再等多十幾分鐘3個飯還不見影蹤, 再追另一位男待應, 才發現漏咗單. 前後等了大半個鍾. 男待應話而家即刻做. 最嬲既係老闆行過來講咗一句極不負責任嘅說話, 佢話" 做唔切既啦, 我接咗100個下午茶" 咁即係點, 關我咩事, 如果做唔切點解唔一早講, 點解仲幫我地寫單, 點解仲要招呼我地坐低. 白白等咗大半個鍾一句唔好意思都冇, 仲得到咁既對待. 以後都唔會再來. 食物方面意粉比較"林", 味道一般, 偏咸.價錢亦唔平, 下午茶餐都要30-40蚊一個.最後我地冇再等, 埋單(意粉)走人, 埋單時聽到收銀叫唔好做果3個飯, 最好笑係聽到回應係未開始做. 好慶幸我地冇再等落去.點解會有D咁既員工, 咁既老闆, 咁既餐廳.差差差 X 100000000000000000000000000…さらに見る

一行6人打算去清真牛肉館開飯, 點知飯就食唔到換來一肚氣.大約晚上9:45左右到達, 已過了繁忙時間, 店內有兩張8人枱 (如坐滿8人都好迫), 一張有3位客人, 另一張冇人坐, 入到去店員見我地6個人安排我地坐已有3位人客既枱, 我地話唔夠坐wor, 店員竟然話張枱可以坐9個人, 你咁講坐10個人都得啦!!不過坐低咗隻手唔好郁law, 都唔知仲點夾餸law. 我地話可否坐冇人果張枱, 店員堅持要我地坐迫D, 跟住有兩個人入來, 店員竟然安排佢兩個坐冇人果張枱. 都唔知咩心態.....最後我地冇食到就走咗!!! 就算有幾出名有幾好食都冇用. 如此服務態度, 令人唔想再光顧!!!!!!…さらに見る

叫咗下午茶大婆牛肉麵, 湯底淡而無味, 牛筋好硬而且冇味, 牛肉夠林但冇牛肉味. 食一次都嫌多 . 下午茶時段價錢亦貴：細牛肉麵 + 酸菜連外賣盒盛惠 $39.如此價錢如此味道, 唔會再食!!!!!…さらに見る